ئەخمەتجانروزىنىڭئوغرىلىقدىلوسىنىڭئەيىبنامىسى

شىنجاڭ ئۇيغۇر ئاپتونۇم رايونى

ئۈرۈمچى شەھەر شىمگو رايونلۇق خەلق تەپتىش مەھكىمىسىنىڭ

ئەيىبنامىسى

ئۈ، ش، ت ،1-بۆلۈم ئەيىبلەش〔2020〕 8– نومۇرلۇق

ئۈرۈمچى شەھەر شىمگو رايونلۇق خەلق سوت مەھكىمىسىگە :

جاۋابكار ئەX، ئەر، ئۇيغۇر، ****–يىلى **–ئاينىڭ **–كۈنى ئۈرۈمچىدە تۇغۇلغان، كىملىك نۇمۇرى: 3054********650102، باشلانغۇچ مەكتەب مەلۇماتلىق، مۇقىم خىزمەت ئورنى يوق، نۇپۇس تۇرۇشلۇق ئورنى: شەھىرىمىزنىڭ تىيانشان رايونى يوڭخې جەنۇبى كوچىسى **-نومۇر، دائىم تۇرۇشلۇق ئورنى: شەھرىمىزنىڭ سايباغ رايونى خۇەن ۋېي يولى لىيۇداۋ ئولتۇراق رايونى **-بىنا **-ئىشىك **-نومۇر. 2014-يىلى 6-ئاينىڭ 10-كۈنى ئوغرىلىق جىنايىتى بىلەن ئۈرۈمچى شەھەر تىيانشان رايونلۇق خەلق سوت مەھكىمسى تەرىپىدىن ئۈچ ئايلىق تۇتۇپ تۇرۇپ ئەمگەككە سېلىش جازاسى بېرىلگەن. 2015-يىلى 11-ئاينىڭ 13-كۈنى ئوغرىلىق جىنايىتى بىلەن ئۈرۈمچى شەھەر شىمگو رايونلۇق خەلق سوت مەھكىمسى تەرىپىدىن مۇددەتلىك سەككىز ئايلىق قاماق جازاسى بېرىلگەن. 2016-يىلى 4-ئاينىڭ 7-كۈنى مۇددىتى توشۇپ قويۇپ بېرىلگەن. 2018-يىلى 3-ئاينىڭ 16-كۈنى ئوغرىلىق جىنايىتى بىلەن ئۈرۈمچى شەھەر شىمگو رايونلۇق خەلق سوت مەھكىمسى تەرىپىدىن مۇددەتلىك ئالتە ئايلىق قاماق جازاسى بېرىلگەن، 2018-يىلى 5-ئاينىڭ 27-كۈنى مۇددىتى توشۇپ قويۇپ بېرىلگەن. 2019-يىلى 11-ئاينىڭ 3-كۈنى ئوغرىلىققا چېتىلىپ ئۈرۈمچى شەھەرلىك ج خ ئىدارىسى ئاممىۋى قاتناش مىترو ئامانلىقنى قوغداش تارماق ئەترىتى تەرىپىدىن جىنايى ئىشلار بويىچە توختۇتۇپ قۇيۇلغان، 11-ئاينىڭ 15-كۈنى مەھكىمىمىز قولغا ئېلىشنى تەستىقلىغان، 11-ئاينىڭ 16-كۈنى ئۈرۈمچى شەھەرلىك ج خ ئىدارىسى ئاممىۋى قاتناش مىترو ئامانلىقنى قوغداش تارماق ئەترىتى قولغا ئېلىشنى ئىجرا قىلغان. 2020-يىلى 1-ئاينىڭ 6-كۈنى كېپىلگە بېرىلگەن.

ئۈرۈمچى شەھەرلىك ج خ ئىدارىسى ئاممىۋى قاتناش مىترو ئامانلىقنى قوغداش تارماق ئەترىتى تەھقىقلەشنى ئاياقلاشتۇرۇپ 2019– يىلى 12– ئاينىڭ 12– كۈنى جاۋابكار ئەXنىڭ ئوغرىلىق دىلوسىنى مەھكىمىمىزنىڭ تەكشۈرۈپ ئەيىبلىشىگە ئۆتكۈزۈپ بەرگەن، مەھكىمىمىز دىلونى قۇبۇل قىلغاندىن كېيىن شۇ كۈنى جاۋابكارغا ئاقلىغۇچىغا ھاۋالە قىلىش ھوقۇقى بارلىقىنى ئۇقتۇردۇق، جاۋابكارنى قانۇن بويىچە سوراق قىلىپ، بارلىق دىلو ماتىرىيالىنى تەكشۈرۈپ چىقتۇق.

قانۇن بويىچە تەكشۈرۈپ ئېنىقلىشىمىزچە :

2019-يىلى 11-ئاينىڭ 1-كۈنى جاۋابكار ئەX شەھىرىمىزنىڭ سايباغ رايونى شىنجاڭ يېزا ئىگىلىك داشۆسى بېكىتىدىن 921-يول ئاپتوبۇسىغا چىقىپ مايتاغ مېھمانخانىسى بېكىتىگە كەلگىچە زىيانغا ئۇچرىغۇچى ماXنىڭ قىزىل رەڭلىك «ۋى ۋو» x21تىپلىق يانفۇنىنى ئوغۇرلاپ، زاڭ مالنى سېتىپ پۇلنى خەجلەپ تۈگەتكەن. زاڭ مالنىڭ قىممىتى 990يۈەن. زاڭ مال سېتىۋالغۇچىدىن تۇتۇپ قېلىنىپ، ئىگىسىگە قايتۇرۇپ بېرىلگەن.

يۇقارقى پاكىت تۆۋەندىكى دەلىل – ئىسپاتلار ئارقىلىق ئىسپاتلىنىدۇ :

1. زاڭ مالنى تۇتۇپ قېلىش، قايتۇرۇپ بىرىش تالونى، جاۋابكارنىڭ سالاھىيەت ئىسپاتى، سوت مەھكىمسىنىڭ جىنايى ئىشلار ھۆكۈمنامىسى ۋە قويۇپ بىرىش گۇۋاھنامسى قاتارلىق يازما ئىسپاتلار.

2.مال باھا ئىدارىسىنىڭ باھالاشنامىسى

3. زىيانغا ئۇچرىغۇچى ماXنىڭ دىلو مەلۇم قىلىش ماتىريالى ۋە بايانى.

4. گۇۋاھچى ئاXنىڭ گۇۋاھلىق سۆزى.

5. جاۋابكار ئەXنىڭ ئىقرارى ۋە ئۆزىنى ئاقلاش سۆزى.

يۇقارقى دەلىل-ئىسپاتلارنىڭ توپلىنىش تەرتىپى قانۇنغا ئۇيغۇن، مەزمۇنى ئوبىكىتىپ ئەمەلى، پاكىتنى بېكىتىشكە يىتەرلىك. جاۋابكار ئەXنىڭ بېكىتىكەن جىنايى پاكىت ۋە ئىسپاتلارغا باشقا پىكرى يوق، شۇنداقلا جىنايىتىنى تونۇپ جازانى ئېتىراپ قىلغان.

مەھكىمىمىزنىڭ قارىشىچە: جاۋابكار ئەX قانۇنسىز ئىگەللىۋېلىش مەقسىتىدە يۇشۇرۇن ۋاستىلەرنى قوللىنىپ ئاممىۋى سورۇندا شەخسىنىڭ بىر قەدەر زور مىقداردىكى مال-مۈلكىنى ئوغرىلىغان قىلمىشى «جۇڭخۇا خەلق جۇمھۇرىيىتى جىنايى ئىشلار قانۇن» نىڭ 264– ماددىسىدا بەلگىلەنگەن ئوغرىلىق جىنايىتىنى شەكىللەندۈرگەن، جىنايى پاكىتى ئېنىق، دەلىل – ئىسپاتى تولۇق، ئوغرىلىق جىنايىتى بويىچە جىنايى جاۋابكارلىقىنى سۈرۈشتۈرۈش كېرەك. جاۋابكار تۇتۇلغاندىن كىيىن ئۆزىنىڭ ئوغرىلىق جىنايىتنى ئەينەن ئىقرار قىلغان ، شۇڭا « جۇڭخۇا خەلق جۇمھۇرىيىتى جىنايى ئىشلار قانۇن » نىڭ 67-ماددىسى 3-تارمىقىنى تەدبىقلاش كېرەك. جاۋابكار ئەX ئۆزىنىڭ جىنايى قىلمىشىنى ئەينەن ئىقرار قىلغان، بېكىتىلگەن جىنايى پاكىتنى ئېتىراپ قىلىپ جىنايى جازانى قوبۇل قىلغان، شۇنداقلا جىنايتىنى تونۇپ جازانى ئېتىراپ قىلىش كېپىللىك خېتىگە قول قويغان، «جۇڭخۇا خەلق جۇمھۇرىيىتى جىنايى ئىشلار دەۋا قانۇن» نىڭ 15– ماددىسنى تەدبىقلاش كېرەك. شۇڭا جاۋابكار ئەXنىڭ ئوغرىلىق جىنايىتىگە تۆت ئايلىق تۇتۇپ تۇرۇپ ئەمگەككە سېلىش جازاسى بېرىپ قوشۇمچە 1000يۈەن شىتراف قۇيۇشنى تەكلىپ بېرىمىز. «جۇڭخۇا خەلق جۇمھۇرىيىتى جىنايى ئىشلار دەۋا قانۇن»نىڭ 176 – ماددىسىدىكى بەلگىلىمىسىگە ئاساسەن مەھكىمىڭىزلارنىڭ قانۇن بويىچە جازالىشىڭىزلارغا ئەيىبلىدۇق.

ھۆرمەت بىلەن:

ئۈرۈمچى شەھەر شىمگو رايونلۇق خەلق تەپتىش مەھكىمسى

تەپتىش : نۇرئىلى نۇرمەمەت

مۇۋەققەت تەپتىش: ئەخمەتجان تۇردى

2020–يىلى 1–ئاينىڭ 10-كۈنى

ئىلاۋە :

1. جاۋابكار ئەX ھازىر كېپىلدە.

2. جىنايىتىنى تونۇپ جازانى ئېتىراپ قىلىش كېپىللىك خېتى 1پارچە.

3. ئاددىي تەرتىپ بويىچە سوت ئېچىش تەكلىپنامىسى.

4. دىلو ماتېرىيالى ئىككى توپلام ئەيىبلاشنامە.