ئەرشىدىنئەركىننىڭزەھەرلىكبۇيۇمئىلىپ-سىتىشدىلوسىنىڭئەيىبنامىسى

شىنجاڭ ئۇيغۇر ئاپتونۇم رايۇنى

ئۈرۈمچى شەھەر شىمگو رايونلۇق خەلق تەپتىش مەھكىمىسىنىڭ

ئەيىبنامىسى

ئۈ، ش، ت ،1-بۆلۈم ئەيىبلەش[2020] 11– نومۇرلۇق

ئۈرۈمچى شەھەر شىمگو رايونلۇق خەلق سوت مەھكىمىسىگە :

جاۋابكار ئەX، ئەر، ئۇيغۇر، ****–يىلى **–ئاينىڭ **–كۈنى ئۈرۈمچىدە تۇغۇلغان، كىملىك نۇمۇرى: 1315********650105، تولۇق ئوتتۇرا مەكتەب مەلۇماتلىق، مۇقىم خىزمەت ئورنى يوق، نوپۇس تۇرۇشلۇق ئورنى: شەھىرىمىزنىڭ شىمگو رايونى لىيۇداۋان يولى **-نومۇر **-رايون **-بىنا **-زال **-ئۆي، ھازىر تۇرۇشلۇق ئورنى نوپۇس تۇرۇشلۇق ئورنى بىلەن ئوخشاش. 2019-يىلى 10-ئاينىڭ 23-كۈنى زەھەرلىك بۇيۇم ئېلىپ-سېتىشقا چېتىلىپ ئۈرۈمچى شەھەرلىك ج خ ئىدارىسى شىمگو رايونلۇق شۆبىسى تەرىپىدىن جىنايى ئىشلار بويىچە توختۇتۇپ قۇيۇلغان، 11-ئاينىڭ 22-كۈنى مەھكىمىمىز قولغا ئېلىشنى تەستىقلىغان، 11-ئاينىڭ 23-كۈنى ئۈرۈمچى شەھەرلىك ج خ ئىدارىسى شىمگو رايونلۇق شۆبىسى قولغا ئېلىشنى ئىجرا قىلغان.

ئۈرۈمچى شەھەرلىك ج خ ئىدارىسى شىمگو رايۇنلۇق شۆبىسى تەھقىقلەشنى ئاياقلاشتۇرۇپ 2020–يىلى 1– ئاينىڭ 3–كۈنى جاۋابكار ئەXنىڭ زەھەرلىك بۇيۇم ئېلىپ-سېتىش دىلوسىنى مەھكىمىمىزنىڭ تەكشۈرۈپ ئەيىبلىشىگە ئۆتكۈزۈپ بەرگەن، مەھكىمىمىز دىلونى قوبۇل قىلغاندىن كېيىن شۇ كۈنى جاۋابكارغا ئاقلىغۇچىغا ھاۋالە قىلىش ھوقۇقى بارلىقىنى ئۇقتۇردۇق، جاۋابكارنى قانۇن بويىچە سوراق قىلىپ، بارلىق دىلو ماتىرىيالىنى تەكشۈرۈپ چىقتۇق.

قانۇن بويىچە تەكشۈرۈپ ئېنىقلىشىمىزچە :

2019-يىلى 10-ئاينىڭ 23-كۈنى كېچە سائەت 11:20لەر ئەتراپىدا، جاۋابكار ئەX شەھىرىمىزنىڭ شىمگو رايونى لىيۇداۋان يولى گۇڭيۈەن نەنخۇ ئولتۇراق رايونىنىڭ ئالدىدا ئىx كە0.21گرام تەركىبىدە زەھەرلىك بۇيۇم بولمىغان ئارلاشما ماددىنى زەھەرلىك بۇيۇم ناتاشا دەپ قاراپ ساتقان نەق مەيداندا ساقچىلار تەرىپىدىن تۇتۇلغان.

يۇقارقى پاكىت تۆۋەندىكى دەلىل – ئىسپاتلار ئارقىلىق ئىسپاتلىنىدۇ :

1. ئۈرۈمچى شەھەرلىك زەھەرلىك بۇيۇمنى تەكشۈرۈش مەركىزىنىڭ زەھەرلىك بۇيۇمنى ئانالىز قىلىش تەكشۈرۈش دوكلاتى.

2. ماددىي ئىسپاتلارنىڭ رەسىمى، ئۈندىدار پاراڭلىشىش خاتىرسىنىڭ رەسىمى .

3. جاۋابكارنىڭ سالاھىيەت ئىسپاتى، تۇتۇش جەريانى، ئاختۇرۇش خاتىرسى، ج خ ئورگىنىنىڭ زەھەرلىك بۇيۇمنى تۇتۇپ قېلىش ئۆتكۈزۈپ بېرىش تالونى ، دىلوغا مۇناسىۋەتلىك دەللىل-ئىسپاتنى تۇتۇپ قېلىش، ئۆتكۈزۈپ بېرىش تالونى ،ئەۋرىشكە ئېلىش خاتىرسى، ئېغىرلق ئۆلچەش خاتىرسى، ئايرىپ ئېلىش خاتىرسى ۋە مۇناسىۋەتلىك رەسىم قاتارلىق يازمىچە ئىسپاتلار.

4. گۇۋاھچى ئىx نىڭ گۇۋاھلىق سۆزى.

5. جاۋابكار ئەXنىڭ ئىقرارى ۋە ئۆزىنى ئاقلاش سۆزى .

يۇقارقى دەلىل-ئىسپاتلارنىڭ توپلىنىش تەرتىپى قانۇنغا ئۇيغۇن، مەزمۇنى ئوبېكىتىپ ئەمەلى، پاكىتنى بېكتىشكە يىتەرلىك. جاۋابكار ئەX بېكىتىكەن جىنايى پاكىت ۋە ئىسپاتلارغا باشقا پىكرى يوق، شۇنداقلا جىنايىتىنى تونۇپ جازانى ئېتىراپ قىلغان.

مەھكىمىمىزنىڭ قارىشىچە: جاۋابكار ئەX دۆلەت قانۇنىنى كۆزگە ئىلماي، دۆلىتىمىزنىڭ زەھەرلىك بۇيۇم باشقۇرۇش تۈزۈمىگە خىلاپلىق قىلىپ قانۇنسىز ھالدا زەھەرلىك بۇيۇم ئېلىپ-ساتقان قىلمىشى «جۇڭخۇا خەلق جۇمھۇرىيىتى جىنايى ئىشلار قانۇن» نىڭ 347 – ماددىسىنىڭ 1-تارمىقى،4 – تارمىقىدىكى زەھەرلىك بۇيۇم ئېلىپ-سېتىش جىنايىتىنى شەكىللەندۈرگەن، جىنايى پاكىتى ئېنىق، دەلىل – ئىسپاتى تولۇق، زەھەرلىك بۇيۇم ئېلىپ - سېتىش جىنايىتى بويىچە جىنايى جاۋابكارلىقىنى سۈرۈشتۇرۇش كېرەك. جاۋابكار ئەX تەركىۋىدە زەھەر يوق بۇيۇمنى زەھەرلىك بۇيۇم ناتاشا دەپ قاراپ، باشقىلارغا ساتقان، جىنايەتنىڭ ئەمەلگە ئاشمىغانلىقى بولۇپ ھېسابلىنىدۇ. شۇڭا« جۇڭخۇا خەلق جۇمھۇرىيىتى جىنايى ئىشلار قانۇن » نىڭ 23-ماددىسىنى تەدبىقلاش كېرەك. جاۋابكار تۇتۇلغاندىن كىيىن ئۆزىنىڭ زەھەرلىك بۇيۇم ئېلىپ سېتىش جىنايىتىنى ئەينەن ئىقرار قىلغان، شۇڭا « جۇڭخۇا خەلق جۇمھۇرىيىتى جىنايى ئىشلار قانۇن » نىڭ 67-ماددىسى 3-تارمىقىنى تەدبىقلاش كېرەك. جاۋابكار ئەX ئۆزىنىڭ جىنايى قىلمىشىنى ئەينەن ئىقرار قىلغان، بېكىتىلگەن جىنايى پاكىتنى ئېتىراپ قىلىپ جىنايى جازانى قوبۇل قىلغان، شۇنداقلا جىنايىتىنى تونۇپ جازانى ئېتىراپ قىلىش كېپىللىك خېتىگە قول قويغان، «جۇڭخۇا خەلق جۇمھۇرىيىتى جىنايى ئىشلار دەۋا قانۇن»نىڭ 15– ماددىسنى تەدبىقلاش كىرەك. شۇڭا جاۋابكار ئەXگە 4 ئاي 15كۈنلۈك تۇتۇپ تۇرۇپ ئەمگەككە سېلىش جازاسى بېرىپ قوشۇمچە 1000يۈەن شىتراف قويۇشنى تەكلىپ بېرىمىز. «جۇڭخۇا خەلق جۇمھۇرىيىتى جىنايى ئىشلار دەۋا قانۇن»نىڭ 176–ماددىسىدىكى بەلگىلىمىسىگە ئاساسەن مەھكىمىڭىزلارنىڭ قانۇن بويىچە جازالىشىڭىزلارغا ئەيىبلىدۇق.

ھۆرمەت بىلەن:

ئۈرۈمچى شەھەر شىمگو رايونلۇق خەلق تەپتىش مەھكىمسى

تەپتىش : نۇرئىلى نۇرمەمەت

مۇۋەققەت تەپتىش: ئەخمەتجان تۇردى

2020 –يىلى1–ئاينىڭ 20–كۈنى

ئىلاۋە :

1. جاۋابكار ئەX ھازىر 1- قاماقخانىدا.

2. جىنايىتىنى تونۇپ جازانى ئېتىراپ قىلىش كېپىللىك خېتى 1پارچە.

3. ئاددىي تەرتىپ بويىچە سوت ئېچىش تەكلىپنامىسى.

4. دىلو ماتېرىيالى ئىككى توپلام ئەيىبلاشنامە.

5.دىلوغا مۇناسىۋەتلىك ماددى ئىسپات بىر دانە يانفون يوللاندى.