نىڭزەھەرلىكبۇيۇمئېلاپسېتىشدىلوسىنىڭئەيىبنامىسىxئا

شىنجاڭ ئۇيغۇر ئاپتونۇم رايۇنى

ئۈرۈمچى شەھەر  شىمگو  رايۇنلۇق  خەلق  تەپتىش مەھكىمىسىنىڭ

ئەيىبنامىسى

ئۈ، ش، ت ،1-بۆلۈم ئەيىبلەش[2020]62– نومۇرلۇق 

ئۈرۈمچى شەھەر شىمگو رايۇنلۇق خەلق سوت مەھكىمىسىگە : 

جاۋابكار ئاx، ئەر، ئۇيغۇر، ****–يىلى **–ئاينىڭ **–كۈنى ئۈرۈمچىدە تۇغۇلغان، كىملىك نومۇرى:x071********650102، تولۇق ئوتتۇرا مەكتەب مەلۇماتلىق، مۇقىم خىزمەت ئورنى يوق، تۇرۇشلۇق ئورنى: شەھىرىمىزنىڭ شىمگو رايونى لىيۇداۋان يولى شەرقى **-كوچا **-نومۇر **-بىنا **-كورپۇس **-نومۇردا. 2019-يىلى 12-ئاينىڭ 4-كۈنى زەھەرلىك بۇيۇم ئېلىپ سېتىش قىلمىشىغا چېتىلىپ ئۈرۈمچى شەھەرلىك ج خ ئىدارىسى شىمگو رايۇنلۇق شۆبىسى تەرىپىدىن جىنايى ئىشلار بۇيىچە توختىتىپ قويۇلغان، 1-ئاينىڭ 7-كۈنى مەھكىمىمىز قولغا ئېلىشنى تەستىقلىغان، 1-ئاينىڭ 8-كۈنى ئۈرۈمچى شەھەرلىك ج خ ئىدارىسى شىمگو رايۇنلۇق شۆبىسى قولغا ئېلىشنى ئىجرا قىلغان.

ئۈرۈمچى شەھەرلىك ج خ ئىدارىسى شىمگو رايۇنلۇق شۆبىسى تەھقىقلەشنى ئاياقلاشتۇرۇپ 2020–يىلى 3–ئاينىڭ 8–كۈنى جاۋابكار ئاx نىڭ زەھەرلىك بۇيۇم ئېلىپ-سېتىش دىلوسىنى مەھكىمىمىزنىڭ تەكشۈرۈپ ئەيىبلىشىگە ئۆتكۈزۈپ بەرگەن، مەھكىمىمىز دىلونى قوبۇل قىلغاندىن كېيىن شۇ كۈنى جاۋابكارغا ئاقلىغۇچىغا ھاۋالە قىلىش ھوقوقى بارلىقىنى ئۇقتۇردۇق، جاۋابكارنى قانۇن بويىچە سوراق قىلىپ، بارلىق دىلو ماتىرىيالىنى تەكشۈرۈپ چىقتۇق.  

قانۇن بويىچە تەكشۈرۈپ ئېنىقلىشىمىزچە :

2019-يىلى 12-ئاينىڭ 3-كۈنى كەچ سائەت 20:20 لەر ئەتراپىدا، جاۋابكار ئاx شەھرىمىزنىڭ شىمگو رايۇنى لىيۇداۋان دوختۇرخانىسىنىڭ ئالدىدا ئا x كە 1 بولاق 0.51 گىرام ناتاشانى 100 يۈەنگە ساتقان نەق مەيداندا ج خ خادىملىرى تەرىپىدىن تۇتۇلغان، ج خ خادىملىرى قانۇن بۇيىچە جىنايەت گۇماندارى ئاx نىڭ يېنىنى ۋە ماشىنىسىنى قانۇنلۇن ئاختۇرۇش ئارقىلىق 17 گىرام ناتاشا ئاختۇرۇپ تېپىلغان بۇلۇپ، زەھەرلىك بۇيۇمنىڭ ئومومىي ئېغىرلىقى 9.53 گىرام بۇلۇپ، ئۈرۈمچى شەھەرلىك زەھەرلىك بويۇملارنى ئانالىز قىلىش مەركىزى زەھەرلىك بۇيۇملارنى باھالاشنامىسى زەھەرلىك بۇيۇمنىڭ زەھەر تەركىبى تەكشۈرۈپ چىقىرىلمىغان.

يۇقارقى پاكىت تۆۋەندىكى دەلىل–ئىسپاتلار ئارقىلىق ئىسپاتلىنىدۇ:

1. ماددىي ئىسپات. زەھەرلىك بۇيۇم ئېلىپ سېتىش جەريانى ئىشلەتكەن يانفون.

2. يازمىچە ئىسپات. جاۋابكارنىڭ سالاھىيەت ئىسپاتى، تۇتۇش جەريانى، ئاختۇرۇش خاتىرسى، ج خ ئورگىنىنىڭ زەھەرلىك بۇيۇمنى تۇتۇپ قېلىش ئۆتكۈزۈپ بېرىش تالۇنى، دىلوغا مۇناسىۋەتلىك دەللىل-ئىسپاتنى تۇتۇپ قېلىش، ئۆتكۈزۈپ بېرىش تالونى، ئەۋرىشكە ئېلىش خاتىرسى، ئېغىرلق ئۆلچەش خاتىرسى، ئايرىپ ئېلىش خاتىرسى ۋە مۇناسىۋەتلىك رەسىم قاتارلىقلار.

3. گۇۋاھچى ئا x نىڭ گۇۋاھلىق سۆزى.

4. جاۋابكار ئاx نىڭ ئىقرارى ۋە ئۆزىنى ئاقلاش سۆزى.

5. ئۈرۈمچى شەھەرلىك زەھەرلىك بۇيۇمنى تەكشۈرۈش مەركىزىنىڭ زەھەرلىك بۇيۇمنى ئانالىز قىلىش تەكشۈرۈش دوكلاتى. 

يۇقارقى دەلىل-ئىسپاتلارنىڭ توپلىنىش تەرتىپى قانۇنغا ئۇيغۇن، مەزمۇنى ئوبېكىتىپ ئەمەلى، پاكىتنى بېكتىشكە يىتەرلىك. جاۋابكار ئايدىمىن ئابدۇراخمان بېكىتىكەن جىنايى پاكىت ۋە ئىسپاتلارغا باشقا پىكرى يوق، شۇنداقلا جىنايىتىنى تونۇپ جازانى ئېتىراپ قىلغان.

مەھكىمىمىزنىڭ قارىشىچە: جاۋابكار ئاx دۆلىتىمىزنىڭ زەھەرلىك بۇيۇم باشقۇرۇش تۈزۈمىگە خىلاپلىق قىلىپ زەھەرلىك بۇيۇم ئېلىپ-ساتقان قىلمىشى «جۇڭخۇا خەلق جۇمھۇرىيىتى جىنايى ئىشلار قانۇن» نىڭ 347–ماددىسىنىڭ 1-تارمىقى، 4–تارمىقىدىكى زەھەرلىك بۇيۇم ئېلىپ-سېتىش جىنايىتىنى شەكىللەندۈرگەن، جىنايى پاكىتى ئېنىق، دەلىل – ئىسپاتى تولۇق، زەھەرلىك بۇيۇم ئېلىپ-سېتىش جىنايىتى بويىچە جىنايى جاۋابكارلىقىنى سۈرۈشتۇرۇش كېرەك. جاۋابكار ئاx تۇتۇلغاندىن كىيىن ئۆزىنىڭ زەھەرلىك بۇيۇم ئېلىپ سېتىش جىنايىتىنى ئەينەن ئىقرار قىلغان، شۇڭا « جۇڭخۇا خەلق جۇمھۇرىيىتى جىنايى ئىشلار قانۇن » نىڭ 67-ماددىسى 3-تارمىقىنى تەدبىقلاش كېرەك. جاۋابكار ئاx زەھەرلىك بۇيۇم ئېلىپ سېتىش مەقسىتىدە يېشىل رەڭلىك گۇمانلىق بۇيۇم (ناتاشا) ساتقان نەق مەيداندا ج خ خادىملىرى تەرىپىدىن تۇتۇلۇپ، زەھەرلىك بۇيۇمنىڭ تەركىبىي چىقمىغان، ئەمەلگە ئاشمىغان جىنايەت بۇيۇم، «جۇڭخۇا خەلق جۇمھۇرىيىتى جىنايى ئىشلار قانۇن» نىڭ 23-ماددىسىنى تەدبىقلاش كېرەك. جاۋابكار ئاx ئۆزىنىڭ جىنايى قىلمىشىنى ئەينەن ئىقرار قىلغان، بېكىتىلگەن جىنايى پاكىتنى ئېتىراپ قىلىپ جىنايى جازانى قوبۇل قىلغان، شۇنداقلا جىنايىتىنى تونۇپ جازانى ئېتىراپ قىلىش كېپىللىك خېتىگە قول قويغان، «جۇڭخۇا خەلق جۇمھۇرىيىتى جىنايى ئىشلار دەۋا قانۇن»نىڭ 15– ماددىسىنى تەدبىقلاش كىرەك. شۇڭا جاۋابكار ئاx نىڭ زەھەرلىك بۇيۇم ئېلىپ-سېتىش جىنايىتىگە مۇددەتلىك 7 ئايلىق قاماق جازاسى بېرىپ، قوشۇمچە 1000 يۈەن شىتراف قويۇشنى تەكلىپ بېرىمىز. «جۇڭخۇا خەلق جۇمھۇرىيىتى جىنايى ئىشلار دەۋا قانۇن»نىڭ 176–ماددىسىدىكى بەلگىلىمىسىگە ئاساسەن مەھكىمىڭىزلارنىڭ قانۇن بويىچە جازالىشىڭىزلارغا  ئەيىبلىدۇق.

ھۆرمەت بىلەن:

ئۈرۈمچى شەھەر شىمگو رايونلۇق خەلق تەپتىش مەھكىمسى

تەپتىش : مىھرىگۈل مىجىت

                                 سۈبى ھۈسەن

2020–يىلى 6–ئاينىڭ 10–كۈنى

ئىلاۋە :

1. جاۋابكار ئاx ھازىر شەھەرلىك 1-قاماقخانىدا قاماقتا.

2. جىنايىتىنى تونۇپ جازانى ئېتىراپ قىلىش كېپىللىك خېتى 1 پارچە.

3. ئاددىي تەرتىپ بويىچە سوت ئېچىش تەكلىپنامىسى.

4. دىلو دىلو ماتىريالى ئۈچ توپلام  ئەيىبلاشنامە.

5. دىلوغا مۇناسىۋەتلىك ماددى ئىسپات بىر دانە يانفون يوللاندى.