ئۈرۈمچى شەھىرى تىيانشان رايونلۇق خەلق تەپتىش مەھكىمىسىنىڭ ئەيىبلىمەسلىك قارارنامىسى
ئۈ ت ت 1-بۆلۈم ج ئەيىبلىمەسلىك﹝2020﹞25–نومۇرلۇق
ئەيىبلەنمىگۈچى كا****، ئايال، ئويغۇر، 1999–يىلى *–ئاينىڭ **–كۈنى غۇلجا شەھرىدە تۇغۇلغان، كىملىك نۇمۇرى: ********6540021999، باشلانغۇچ مەكتەپ مەلۇماتلىق، مۇقىم خىزمەت ئورنى يوق، نوپۇس تۇرۇشلۇق ئورۇن ۋە ھازىرقى ئولتۇرۇشلۇق ئادىرسى: شىنجاڭ غۇلجا شەھىرى *** كوچىسى **-نۇمۇر ** ئولتىراق قوروسى **بىنا *-زال ***-نۇمۇرلۇق ئۆي. ئوغرىلىق جىنايىتىگە چېتىشلىق دەپ قارىلىپ، 2019-يىلى 10-ئاينىڭ 19-كۈنى ئۈرۈمچى شەھەرلىك ج خ ئىدارىسى تىيانشان رايۇنلۇق شۆبىسى تەرىپىدىن جىنايى ئىشلار بۇيىچە توختىتىلغان، 2019-يىلى 11-ئاينىڭ 20-كۈنى مەھكىمىمىز قولغا ئېلىشنى تەستىقلىمىغان، شۇ ئاينىڭ 21-كۈنى ئۈرۈمچى شەھەرلىك ج خ ئىدارىسى تىيانشان رايۇنلۇق شۆبىسى تەرىپىدىن بىر تەرەپ قىلىنغىچە كېپىلگە بېرىلگەن.
ئۈرۈمچى شەھەرلىك ج خ ئىدارىسى تىيانشان رايونلۇق شۆبىسى تەھقىقلەشنى ئاخىرلاشتۇرۇپ، مەھكىمىمىزنىڭ تەكشۈرۈپ ئەيىبلىشىگە يوللىغان ئەيىبلەنمىگۈچى كا****، خال****نىڭ ئوغرىلىق جىنايىتىگە چېتىشلىق دېلو ماتىرىيالىنى مەھكىمىمىز 2020-يىلى 10–ئاينىڭ 21-كۈنى قوبۇل قىلىپ، قانۇندا بەلگىلەنگەن سۈرۈك ئىچىدە ئەيىبلەنمىگۈچىگە ئاقلىغۇچىغا ھاۋالە قىلىشقا ھوقۇقلۇق ئىكەنلىگىنى ۋە جىنايىتىنى تونۇپ جازانى قوبۇل قىلىشنىڭ قانۇنى ئاقىۋىتىنى ئۇقتۇردۇق. ئەيىبلەنمىگۈچىنى قانۇن بويىچە سوراق قىلىش بىلەن بىرگە، بارلىق دېلو ماتېرىياللىرىنى تەكشۈرۈپ چىقتۇق.
قانۇن بويىچە تەكشۈرۈپ ئېنىقلىشىمىزچە:
2019-يىلى 10-ئاينىڭ 9-كۈنى چۈشتىن كېيىن سائەت 17:00 ئەتراپىدا، ئەيىبلەنمىگۈچى كا****، خال**** بىلەن بىرلىكتە شەھىرىمىزنىڭ تىيانشان رايۇنى ئىتتىپاق يولى پارلاق مىھمانخانىسىنىڭ 1006-نۇمۇرلۇق ياتىقىدا، زىيانكەشلىككە ئۇچرىغۇچى ئې****نىڭ تازلىق ئۆيىگە كىرىپ كەتكەن پۇرسىتىدىن پايدىلىنىپ ئۇنىڭ كارۋات ئۈستىگە قۇيۇپ قويغان 2640 يۈەن قىممىتىدىكى بىر دانە كۆك رەڭلىك oppo ماركىلىق R17pro تىپلىق يانفۇنىنى ئوغرىلاپ چىقىپ كەتكەن، دىلو پاش بولغاندىن كېيىن زىيانكەشلىككە ئۇچرىغۇچىنىڭ زىيىنىنى تۆلەپ بەرگەن.
يۇقارقى پاكىتنى ئىسپاتلايدىغان دەلىل-ئىسپاتلاردىن: يازما ئىسپات، زىيانكەشلىككە ئۇچرىغۇچىنىڭ دېلو مەلۇم قىلىش ماتىريالى ۋە سۆھبەت خاتىرىسى، ئەيىبلەنمىگۈچى كا****، خال****نىڭ تەھقىقلەش سوراقلىرىدىكى ئىقرارى ۋە ئۆزىنى ئاقلىشى، باھالاش پىكرى، ئۈن-سىن ماتىرىياللىرى قاتارلىقلار بار.
مەھكىمىمىزنىڭ قارىشىچە، ئەيىبلەنمىگۈچى كا****نىڭ باشقىلارنىڭ كۆپرەك سوممىدىكى مال-مۆلىكىنى ئوغرىلىۋالغان قىلمىشى «جۇڭخۇا خەلق جۇمھۇرىيىتى جىنايى ئىشلار قانۇنى»نىڭ 264–ماددىسىنىڭ بەلگىلىمىسىگە خىلاپ بولۇپ، ئوغرىلىق جىنايىتى شەكىللىنىدۇ. لىكىن دېلو ئەھۋالىدىن قارىغاندا، ئەيىبلەنمىگۈچى كا****نىڭ سادىر قىلغان جىنايى قىلمىشى بىر قەدەر يىنىك بولۇپ، ئېغىر ئاقىۋەت كەلتۈرۈپ چىقارمىغان، زىيانكەشلىككە ئۇچرىغۇچىنىڭ زىيىنىنى تۆلەپ ئەپۇ قىلىشقا ئېرىشكەن، دېلوغا كەلتۈرۈلگەندىن كىيىن قىلمىشىنى ئەينەن ئىقرار قىلىپ، ئۆزلىكىدىن جىنايىتىنى تونۇپ جازانى قوبۇل قىلغان، قىلمىشىغا پۇشايمان قىلىش ئىپادىسى بىر قەدەر ياخشى. شۇڭا «جۇڭخۇا خەلق جۇمھۇرىيىتى جىنايى ئىشلار قانۇنى»نىڭ 37-ماددىسىدىكى بەلگىلىمىسى بويىچە، كا****گە جىنايى جازا بېرىشنىڭ زۆرۈرىيىتى يوق دەپ قاراپ، «جۇڭخۇا خەلق جۇمھۇرىيىتى جىنايى ئىشلار دەۋا قانۇنى»نىڭ 15-ماددىسى ۋە 177-ماددىسىنىڭ 2-تارمىقىدىكى بەلگىلىمىسىگە ئاساسەن كا****نى ئەيىبلىمەسلىكنى قارار قىلدۇق.
ئەگەر ئەيىبلەنمىگۈچى مەزكۇر قارارغا قايىل بولمىسا، قارارنامىنى تاپشۇرۇپ ئالغان كۈندىن باشلاپ يەتتە كۈن ئىچىدە مەھكىمىمىزگە ئىلتىماس ئەرز سۇنسا بولىدۇ.
ئۈرۈمچى شەھىرى تىيانشان رايۇنلۇق خەلق تەپتىش مەھكىمىسى
2020-يىلى 11-ئاينىڭ 18-كۈنى
评论
成为第一个评论者
发表评论
评论