吾某某危险驾驶案起诉书(公开版)

              شىنجاڭ ئۇيغۇر ئاپتونوم رايونى

شايار ناھىيەلىك خەلق تەپتىش مەھكىمىسىنىڭ

ئەيىبنامىسى

شايار ت ج 1-بۆلۈم ئە چىقىش (2020)736-نومۇرلۇق

جاۋابكار ئو XX  ، ئەر، ئۇيغۇر، 36ياش، **19-يىلى **-ئاينىڭ **-كۈنى تۇغۇلغان، كىملىك نۇمۇرىX:055 ****652924 ، كەسپى: دېھقان، تۇلۇقسىز ئوتتۇرا مەكتەپ مەدەنىيەت سەۋيىسىگە ئېگە، شايار ناھىيە ** بازىرى ** كەنت **-گۇرۇپ **-نۇمۇردا ئولتۇرۇشلۇق، ماسسا، توي قىلغان، ئىلگىرى جازالانمىغان، 2019-يىلى 11-ئاينىڭ 27-كۈنى خەتەرلىك ئۇسۇلدا قاتناش ۋاستىسى ھەيدەش جىنايىتىگە چېتىشلىق بولغانلىغى ئۈچۈن نەرۋە ئىنىسى كې XX گە كېپىللىككە بېرىلگەن، ھازىر ئائىلىسىدە كېپىلدە.

شايار ناھىيەلىك ج خ ئىدارىسى جاۋابكار ئوXX نىڭ خەتەرلىك ئۇسۇلدا ماتۇرلۇق قاتناش ۋاستىسى ھەيدەش جىنايەت دېلوسىنى تەھقىقلەشنى ئاخىرلاشتۇرۇپ 2020-يىلى 10-ئاينىڭ2-كۈنى شايار ج خ چىقىش (2019) 512-نومۇرلۇق ئەيىبلەش پىكىرنامىسى بىلەن مەھكىمىمىزنىڭ تەكشۈرۈپ ئەيىبلىشىگە يوللىغان. مەھكىمىمىز دېلونى تاپشۇرۇپ ئالغاندىن كىيىن، جاۋابكارغا ئاقلىغۇچىغا ھاۋالە قىلىش ھوقۇقىنىڭ بارلىقىنى ۋە جىنايىتىنى تونۇپ، جازاغا قايىل بولۇشتىن كېلىپ چىقىش ئېھتىمالى بولغان قانۇني ئاقىۋەتنى ئوقتۇرۇپ، جاۋابكارنى قانۇن بويىچە سوراق قىلدۇق، جاۋابكار ۋە دىجورنى ئادۋۇكاتنىڭ پىكىرىنى ئاڭلىدۇق. جاۋابكار مەزكۇر دېلوغا قارىتا تېز كېسىم تەرتىپىنى قوللىنىپ سوتلاشقا قوشۇلدى.

قانۇن بويىچە تەكشۈرۈپ ئېنىقلىشىمىزچە:

جاۋابكار ئو XX 2019-يىلى 11-ئاينىڭ 11-كۈنى سائەت تەخمىنەن 22:00لەر ئەتىراپىدا جاۋابكار ئو XX ئاغىينىسى ئا XX بىلەن بىللە، شايار ناھىيە ** بازارلىق خەلىققە قولايلىق ساقچى پونكىتىنىڭ قارشى تەرىپىدىكى «قاراڭغۇ كېچە ئارامگاھى»دا ھاراق ئىچكەن، ئاندىن تەخمىنەن ئىككى سائەتلەردىن كېيىن، يەنى 2019-يىلى 11-ئاينىڭ 12-كۈنى سەھەر سائەت تەخمىنەن 00:10لار ئەتىراپىدا سورۇندىن تاراپ سىرىتقا چىقىپ ئاغىينىسى كې XX بىلەن كۈرۈشۈپ، ئۈچى بىللە تويبولدى بازىرى كەچلىك بازارنىڭ يېنىدىكى بىر ھاراق دۇكىنىغا كىرىپ ھاراق ئىچىپ، تەخمىنەن يېرىم سائەتلەردىن كېيىن، ساقچىلار قايتىپ كېتىشنى ئېيتقان، شۇنىڭ بىلەن ئۈچى بىللە ھاراق دۇكىنىدىن قايتىپ چىقىپ جاۋابكار ئو XX ئاغىينىسى ئاXX  قاتارلىقلار بىلەن خوشلىشىپ بولغاندىن كېيىن ** بازىرى باغۋەن كەنتتىكى ئۆيىگە قايتىپ كېتىش ئۈچۈن، ** بازارلىق كەچلىك بازىرىنىڭ يېنىغا توختىتىپ قويغان ئۆزىنىڭ نومۇر تاختىيى يوق، ئىككى چاقلىق، ئەرەنچە موتسىكىلىتىنى ئۆزى يالغۇز پىراۋىسىز،مەسىت ھەيدەپ، شايار ناھىيە يولىX331لىنىيەگە چىقىپ، شىمالدىن-جەنۇپ يۆلىنىشتە كېتىۋاتقاندا، شۇ يولدا چارلاش ۋەزىپىسى ئىجرا قىلىۋاتقان ساقچىلار تەرىپىدىن بايقىلىپ تۇتۇلغان. باھالاش ئارقىلىق جاۋابكار ئو XX نىڭ ھەر 100 مىللىلىتىر قان سۇيۇقلىقىدىكى ئىسپىرىت مىقدارى107مىللىگىرام ئىكەنلىكى ئېنىقلانغان.

 شىنجاڭ خۇاتوڭ قاتناش ھادىسىسى ماددىي ئىسپاتنى ئەدىليىلىك باھالاش ئورنىنىڭ 2019- يىلى11- ئاينىڭ14-كۈنىدىكى ئەدىليىلىك باھالاش پىكىرىدە:« ئو XX نىڭ قان ئەۋرىشكىسىدىن ئېتىل ئالكوھول تەكشۈرۈپ چىقىلدى، ئۇنىڭ مىقدارى107mg/100ml» دەپ يەكۈن چىقارغان. 

يۇقارقى پاكىتنى يازما ئىسپات، گۇۋاھچىنىڭ گۇۋاھلىقى، جاۋابكارنىڭ ئىقرارى، باھالاش يەكۈنى، ئېنىقلاش، تەكشۈرۈش خاتىرىسى، نەق مەيداندىن تارتىلغان سۆرەتلەر، ئۈن-سىن ماتىريال قاتارلىق دەلىل-ئىسپاتلار ئىسپاتلايدۇ.

يۇقارقى دەلىل-ئىسپاتلارنىڭ ئېلىنىش تەرتىپى قانۇنلۇق، مەزمۇنى ئوبىكتىپ ۋە راسىت، شىكايەت قىلىنغان پاكىتنى تولۇق بىكىتىشكە بولىدۇ. جاۋابكار شىكايەت قىلىنغان جىنايەت پاكىتى ۋە دەلىل-ئىسپاتلارغا قارتا باشقىچە پىكىردە بولمىدى ھەمدە ئۆز ئىختىيارلىقى بىلەن جىنايىتىنى تونۇپ، جازاغا قايىل بولدى.

مەھكىمىمىز مۇنداق قارايدۇ: جاۋابكار ئو XX نىڭ قاتناش باشقۇرۇش قانۇن-نىزاملىرىغا خىلاپلىق قىلىپ، مەسىت ھالەتتە موتۇرلۇق قاتناش ۋاستىسى ھەيدەپ يول يۈرگەن قىلمىشىدىن خەتەرلىك ئۇسۇلدا موتۇرلۇق قاتناش ۋاستىسى ھەيدەش جىنايىتى شەكىللىندۇ، دېلونىڭ پاكىتى ئېنىق، دەلىل-ئىسپاتى راسىت ۋە تولۇق، جاۋابكار تەھقىقلەش باسقۇچىدا جىنايىتىنى ئەينەن ئىقرار قىلىپ تاپشۇرغان، تەكشۈرۈپ ئەيىبلەش باسقۇچىدا جىنايىتىنى تۇنۇپ، جازاغا قايىل بولغان، جامائەت خەۋىپسىزلىگىنى قانۇنى كاپالەتكە ئىگە قىلىش ئۈچۈن، «جۇڭخۇا خەلق جۇمھۇرىيىتى جىنايى ئىشلار قانۇنى» نىڭ 133-ماددا 1-مەزمۇن 1-تارمىقىنىڭ (2)-تارماقچىسى، 67-ماددا 3-تارمىقىدىكى بەلگىلىمە بويىچە، جىنايى جاۋابكارلىقىنى سۈرۈشتۈرۈشكە تىگىشلىك دەپ قاراپ، «جۇڭخۇا خەلق جۇمھۇرىيىتى جىنايى ئىشلار دەۋا قانۇنى» نىڭ 15-، 176-، 222-ماددىسىدىكى بەلگىلمىسى بويىچە مەھكىمىڭىزلارغا ئەيىبلىدۇق. مەزكۇر دېلوغا تېز كېسىم تەرتىپىنى قوللىنىپ سوت قىلىش ۋە جاۋابكار ئو XX نىڭ قان تەركىبىدىكى ئىسپىرىت مىقدارى ۋە جىنايىتىنى تۇنۇش پوزىتسىيىسى قاتارلىق تەرەپلەرنى نەزەردە تۇتۇپ، جاۋابكار ئو     XX  غا 1  ئاي 15 كۈن تۇتۇپ تۇرۇپ ئەمگەككە سېلىش، قۇشۇمچە 3000 يۈەن شىتىراف قۇيۇش جازاسى بىرىش توغىرسىدا تەكلىپ بىرىمىز ھەمدە قانۇن بويىچە جىنايى جازا ھۆكۈم قىلىشىڭىزلارنى سورايمىز.

ھۆرمەت بىلەن:

شايار ناھىيىلىك خەلق سوت مەھكىمىسىگە

 2020-يىلى 10-ئاينىڭ2-كۈنى