尼某涉嫌危险驾驶案起诉书(公开版)

كەلپىن ناھىيلىك خەلق تەپتىش مەھكىمىسىنىڭ

ئەيىبنامىسى

                            ك،ت1-بۈلۈم،ج،ئە(2020)45-نۇمۇرلۇق 

   جاۋابكار نى**، ئەر، ئويغۇر، 1981-يىلى 3-ئاينىڭ 1- كۈنى تۇغۇلغان، كىملىك نۇمۇرى:****65292919810301، باشلانغۇچ مەكتەپ مەدەنىيەت سەۋىيىسىگە ئىگە، ** ناھىيە ** يېزا ** كەنت **- مەھەللىدە ئولتۇرۇشلۇق، دېھقان، ئىلگىرى جازالانمىغان، خەتەرلىك ھەيدەش جىنايىتى گۇمانى بىلەن 2020-يىلى 6-ئاينىڭ 5-كۈنى كەلپىن ناھىيىلىك ج خ ئىدارىسى تەرىپىدىن تەكشۈرۈپ بىر تەرەپ قىلىنغىچە كىپىللىككە بىرىلگەن.

   كەلپىن ناھىيىلىك ج خ ئىدارىسى جاۋابكار نى**نىڭ خەتەرلىك ھەيدەش جىنايىتىگە چېتىشلىق دىلوسىنى تەھقىقلەشنى ئاخىرلاشتۇرۇپ، 2020- يىلى 11- ئاينىڭ 29- كۈنى مەھكىمىمىزنىڭ تەكشۈرۈپ ئەيىبلىشىگە يوللىغان، مەھكىمىمىز دىلونى قۇبۇل قىلغاندىن كېيىن، قانۇن بۇيىچە جاۋابكارغا ئاقلىغۇچى ھاۋالا قىلىشقا ھۇقۇقلۇق ئىكەنلىكىنى ئۇقتۇردى، جاۋابكاردىن سۇئال سورىدى ھەمدە بارلىق دىلو ماتىرياللىرىنى تەكشۈرۈپ، دىلونىڭ پاكىت ۋە دەلىل ئىسپاتىنى ئېنىقلىدى.

   قانۇن بۇيىچە تەكشۈرۇپ ئېنىقلىشىمىزچە: جاۋابكار نى** 2020-يىلى 5-ئاينىڭ 30- كۈنى سائەت 23 لەر ئەتراپىدا،  دوستلىرى ت**، ق**لار بىلەن بىرگە ** يېزىسى ** يولىنىڭ 7 كىلومىتىرلىق يول بۆلىكى ئەتراپىدىكى سايدا بىر بوتۇلكا ئاق ھاراق ئىچكەندىن كىيىن، سائەت 1:00 لەر ئەتراپىدا پىراۋىسىز ئۆزىنىڭ نۇمۇر تاختىسى يوق سۈزۈك ماركىلىق ئايالچە ئىككى چاقلىق موتوسىكىلىتنى ھەيدەپ، ** يولىدىن ** يېزىسى ** كەنتىگە قاراپ يول يۈرۈپ ** كەنت كومتىتىنىڭ ئالدىدىكى يول بۆلىكىگە كەلگەندە، شۇ جايدا چارلاش ئېلىپ بېرىۋاتقان **يېزىلىق ساقچىخانىنىڭ ساقچىلىرى تەرىپىدىن ھاراق ئىچىپ موتوسىكىلىت ھەيدىگەنلىكى بايقىلىپ، قاتناش ساقچىلىرىغا دېلو مەلۇم قىلىش ئارقىلىق جاۋابكار نى**نى دوختۇرخانىغا ئېلىپ بېرىپ، قان ئەۋرىشكىسىنى ئېلىپ باھالاشقا ھاۋالە قىلغاندا، ھەر  100 مىللىلىتىر قان سۇيۇقلۇغىدىكى ئىسپىرىت مىقدارىنىڭ 296.25 مىللىگىرام ئىكەنلىكى ئېنىقلانغان.

يۇقارقى پاكىتنى ئىسپاتلايدىغان دەلىل ئىسپاتلاردىن:

 1. يازما ئىسپات  2. جاۋابكارنىڭ ئىقرارى 3. باھالاشنامە  4.جىنايى ئىشلار فوتۇ سۈرەت قاتارلىقلار بار.

   يۇقارقى دەلىل ئىسپاتلارنى ئېلىش تەرتىپى قانۇنلۇق، مەزمۇنى ئوبىكتىپ ھەقىقى بۇلۇپ، ئەيىبلىگەن جىنايەت پاكىتىنى ئىسپاتلايدۇ.جاۋابكار نى**نىڭ ئەيىبلىگەن جىنايەت پاكىتى ۋە دەلىل ئىسپاتلارغا قارىتا باشقىچە پىكىرى يوق ھەمدە جىنايىتىنى تۇنۇپ جازانى قۇبۇل قىلىدۇ.

   مەھكىمىمىز، جاۋابكار نى**نىڭ يول قاتناش بىخەتەرلىك قانۇنىغا خىلاپلىق قىلىپ، ھاراق ئىچىپ مەست ھالەتتە ماتۇرلۇق قاتناش ۋاستىسى ھەيدىگەن قىلمىشى «جۇڭخۇا خەلق جۇمھۇرىيىتى جىنايى ئىشلار قانۇنى» نىڭ 133- ماددا بەلگىلىمىسىگە خىلاپ، جىنايىتىنىڭ پاكىتى ئۇچۇق، دەلىل ئىسپاتى تۇلۇق ۋە راست، خەتەرلىك ھەيدەش جىنايىتى بۇيىچە جاۋابكارلىقىنى سۈرۈشتۈرۈش كېرەك. جاۋابكار جىنايىتىنى ئەينەن ئىقرار قىلىپ «جۇڭخۇا خەلق جۇمھۇرىيىتى جىنايى ئىشلار قانۇنى» نىڭ 67- ماددا 3- تارماق بەلگىلىمىسىدىكى شەرتنى ھازىرلىغان، جىنايىتىنى تۇنۇپ جازانى قۇبۇل قىلىدۇ، جاۋابكارغا 5 ئاي 15 كۈن تۇتۇپ تۇرۇپ ئەمگەككە سېلىش، قۇشۇمچە 11000 مىڭ يۇەن جەرىمانە قۇيۇش جازاسى بىرىش كېرەك دەپ قاراپ، «جۇڭخۇا خەلق جۇمھۇرىيىتى جىنايى ئىشلار دەۋا قانۇنى» نىڭ 176- ماددا بەلگىلىمىسىگە ئاساسەن مەھكىمىڭىزلارغا ئەيىبلىدۇق، قانۇن بۇيىچە ھۈكۈم قىلىشىڭىزلارنى سورايمىز.

      كەلپىن ناھىيىلىك خەلق سوت مەھكىمىسىگە:

تەپتىش:مەۋلان ئۇبۇل

2020-يىلى12-ئاينىڭ 1-كۈنى

1. قۇشۇمچە 8 پارچە ئەيىبنامە بىلەن 1 توپلام رازۋېتكا دىلوسى بىرگە يوللاندى 

جاۋابكار ھازىر ئائىلىسىدە.