玉某某危险驾驶案

 شىنجاڭ ئۇيغۇر ئاپتونۇم رايونى

ئاقسۇ شەھەرلىك خەلق تەپتىش مەھكىمىسىنىڭ

ئەيىبنامىسى

  

                      ئاقسۇ ش ت ئەيىبلەش چىقىش (2020) 124 -نۇمۇرلۇق

       ئاقسۇ شەھەرلىك خەلق سوت مەھكىمىسىگە : 

     جاۋاپكار  يXX ، ئەر، ئۇيغۇر، 55ياش،كىملىك نومۇرى :XX652901 ،باشلانغۇچ مەكتەپ مەدەنىيەت سەۋىيىسىگە ئىگە ، دېھقان، يۇرتى  ئاقسۇ شەھىرى ، ئاقسۇ شەھىرى   X بازار X-كەنىتX-گورۇپX-نۇمۇردائولتۇرۇشلۇق،ئىلگىرى جازالانمىغان.خەتەرلىك شوپۇرلۇق قىلىش جىنايىتى گۇمانى بىلەن  2019-يىلى 9-ئاينىڭ 17-كۈنى  ئاقسۇ شەھەرلىك ج خ ئىدارىسى تەرىپىدىن تەكشۈرۈپ بىر تەرەپ قىلىنغىچە كېپىلگە بېرىلگەن.

  ئاقسۇ شەھەرلىك ج خ ئىدارىسى مەزكۇر دىلونى تەھقىقلەشنى ئاخىرلاشتۇرۇپ،2019-يىلى12-ئاينىڭ 9-كۈنى(2019) 1445-نومۇرلۇق ئەيىپلەش پىكىرنامىسى ئارقىلىق مەھكىمىمىزنىڭ تەكشۈرۈپ ئەيىپلىشىگە يوللىدى،مەھكىمىمىز دىلونى تەكشۈرۈپ جاۋابكاردىن قانۇن بويىچە سۇئال سورىدى ھەم ئاقلىنىش ھوقۇقىنىڭ بارلىقى ئۇقتۇرۇپ قويۇلدى  

قانۇن بويىچە تەكشۈرۈپ ئېنىقلىشىمىزچە :

    2019-يىلى 9-ئاينىڭ 11-كۈنى سائەت 16:30ئەتراپىدا جاۋاپكار يXX ھاراق ئىچكەندىن كېيىن تاماكا ئالغىلى بېرىش ئۈچۈن 9-ئاينىڭ 12-كۈنى سائەت 2:40ئەتراپىدا ئاقسۇ شەھەر X يېزا ماي قاچىلاش پونكىتىنىڭ يېنىغا توختىتىپ قويغان نۇمۇر تاختىسى يوق ئىككى چاقلىق موتوسىكىلىتنى پىراۋىسىز ھالەتتە ھەيدەپ  X پوچتىخانىنىڭ ئالدىغا كەلگەندە شۇ ئەتراپتىكى چارلاش   ساقچىلىرى  تەكشۈرۈش جەريانىدا ئۇنىڭ ھاراق ئىچىپ  ماشىنا ھەيدىگەنلىكىنى بايقاپ   قاتناش باشقۇرۇش چوڭ ئەترىتىگە تاپشۇرۇپ بەرگەن.تەكشۈرۈش ئارقىلىق  جاۋاپكار يXXنىڭ100مىللىلىتىر قان تەركىبىدىكى ئىسپىرىت مىقتارى 199.36مىللىگىرام بۇلۇپ مەست ھالەتتە ئاپتوموبىل ھەيدىگەن. 

يۇقارقى پاكىتنى يازما ئىسپات،جاۋابكارنىڭ ئىقرارى،باھالاش پىكرى، ئېنىقلاش–تەكشۈرۈش خاتىرىسى قاتارلىق دەلىل-ئىسپاتلار ئىسپاتلايدۇ . 

مەھكىمىمىز جاۋاپكار يXXنىڭ يۇقارقى قىلمىشى «جۇڭخۇا خەلق جۇمھۇريىتى جىنايى ئىشلار قانۇنى» نىڭ 133-ماددا 1-مەزمۇن بەلگىلىمىسىگە خىلاپ، جىنايەت پاكىتى ئېنىق، دەلىل –ئىسپاتى تولۇق ،خەتەرلىك شوپۇرلۇق قىلىش جىنايىتى بىلەن جىنايى جازا بېرىشكە تېگىشلىك،جاۋاپكار يXXجىنايىتىنى تونۇپ جازاسىغا قايىل ،قىلمىشى «جۇڭخۇا خەلق جۇمھۇريىتى جىنايى ئىشلار قانۇنى»نىڭ 15-ماددا بەلگىلىمىسىگە ئۇيغۇن ،شۇڭا جاۋاپكار يXXغا 4ئايلىق تۇتۇپ تۇرۇپ ئەمگەككە سېلىش، قوشۇمچە 8000يۈەن شىتراف قويۇش جازاسى بېرىشكە ھۆكۈم قىلىشىڭىزلارغا تەكلىپ بېرىپ ،« جۇڭخۇا خەلق جۇمھۇرىيىتى جىنايى ئىشلار دەۋا قانۇنى»نىڭ 176-ماددا بەلگىلىمىسىگە ئاساسەن قانۇن بويىچە مەھكىمىڭىزلارغا ئەيىبلىدۇق .

تەپتىش : ئاXX

                     تەپتىش :جXX

                 2020-يىلى 3-ئاينىڭ  18-كۈنى

ئىزاھات : 

‹1جاۋابكار  يXX كېپىلگە بېرىلگەن ،ھازىر ئائىلىسىدە ،تېلفۇن نۇمۇرى :XX137 

2› 8 نۇسخا ئەيىبنامە،جىنايىتىنى تونۇپ جازاسىغا قايىل بۇلۇش تىلخېتى  ۋە بىر توپلام ج خ دىلو ماتىريالى بىرگە ئەۋەتىلدى .