肉某某涉嫌交通肇事案起诉书

ئاۋات ناھىيىلىك خەلق تەپتىش مەھكىمىسىنىڭ

ئەيىبنامىسى

ئا، ت، بىرىنجى بۆلۈم، ج، ئە (2020) 391-نۇمۇرلۇق

جاۋابكار رو XX، ئەر، ئۇيغۇر، XX19 -يىل XX-ئاينىڭ XX-كۈنى تۇغۇلغان، كىملىك نۇمۇرى: XXXXXXXX65292819، يۇرتى XX ناھىيە، نوپۇستىكى تۇرۇشلۇق ئورنى XX ناھىيە XX بازار XX كەنت XX-گۇرۇپ XX-نۇمۇر، تولۇقسىز ئوتتۇرا مەكتەپ مەدىنىيەت سەۋىيەسىگە ئىگە، دىھقان، ماسسا، ئىلگىرى جازالانمىغان، 2020-يىلى 1-ئاينىڭ 23-كۈنى ئاۋات ناھىيلىك ج خ ئىدارىسى تەرىپىدىن قاتناش ھادىسىسى جىنايىتى گۇمانى بىلەن تەكشۈرۈپ بىر تەرەپ قىلىنغىچە كىپىللىككە بىرىلگەن.

ئاۋات ناھىيىلىك ج خ ئىدارىسى جاۋاپكار رو XX نىڭ قاتناش ھادىسىسى جىنايىتىگە چېتىشلىق دېلوسىنى تەھقىقلەشنى ئاخىرلاشتۇرۇپ، 2020-يىلى 9-ئاينىڭ 16-كۈنى مەھكىمىمىزگە تەكشۈرۈپ ئەيىبلەشكە يوللىغان، مەھكىمىمىز دىلونى قۇبۇل قىلغاندىن كېيىن، قانۇن بويىچە جاۋاپكارغا ئاقلىغۇچى ھاۋالە قىلىشقا ھوقۇقلۇق ئىكەنلىگىنى ئۇقتۇردى، جاۋاپكاردىن سۇئال سورىدى ھەمدە بارلىق دېلو ماتىرياللىرىنى تەكشۈرۈپ، دېلونىڭ پاكىت ۋە دەلىل-ئىسپاتلىرىنى ئېنىقلاپ، بۇ دېلونى تەكشۈرۈشنى ئاخىرلاشتۇردى. جاۋابكارغا جىنايەت ۋە جازانى تونىغاندا كىلىپ چىقىدىغان قانۇنى ئاقىۋەت ئۇقتۇرۇلدى. 

قانۇن بۇيىچە تەكشۈرۈپ ئېنىقلىشىمىزچە:

2020-يىلى 1-ئاينىڭ 1-كۈنى سائەت 20:45 ئەتىراپىدا جاۋابكار رو XX ئۆزىنىڭ 新NAXXXX نۇمۇرلۇق ئوتتۇرا تىپتىكى يۈك ماشىنىسىنى ئاۋات ناھىيە تامتوغراق بازار تۇغ بېشى كەنت يولىدا غەرىپتىن شەرىققە يۆنىلىشىدە ھەيدەپ ئاۋات ناھىيە تامتوغراق بازار تۇغ بېشى كەنت 1-گۇرۇپ يول بۆلىكىگە كەلگەندە ئالدا ئوخشاش يۆلىنىشتە يولنىڭ قىرىدا پىيادە ماڭغان ئا XX بىلەن ئە XX نى سوقىۋەتكەن. زىيانلانغۇچى ئا XX دوختۇرخانىدا قۇتقۇزۇش ئۇنۈم بەرمەي ئۆلۈپ كەتكەن.

ئاۋات ناھىيىلىك ج خ ئىدارىسىنىڭ (2020) 003-نۇمۇرلۇق جىنايى ئىشلار پەن- تېخنىكىلىق باھالاشنامىسىدا: زىيانلانغۇچى ئا XX نىڭ ئۆلۈشتىن ئىلگىرى سىرىتقى كۈچنىڭ تەسىرىدە باش قىسىمى، كۆكرەك قىسمى ئېغىر دەرجىدە زەخمىلىنىپ ئۆلگەن دەپ بىكىتكەن.

ئاۋات ناھىيىلىك ج خ ئىدارىسى قاتناش ساقچى چوڭ ئەتىرتىنىڭ 6529282020047-نۇمۇرلۇق يول قاتناش ھادىسىسىدىكى جاۋابكارلىقنى بىكىتىشنامىسىدا: جاۋابكار رو XX «جۇڭخۇا خەلق جۇمھۇرىيتى يول قاتناش بىخەتەرلىك قانۇنى» نىڭ 22-ماددا 1-تارماق، 42-ماددا 1-تارماق بەلگىلىمىسىگە خىلاپلىق قىلغانلىقى ئۈچۈن ھادىسىدە تولۇق جاۋابكارلىقنى ئۈستىگە ئالىدۇ، زىيانلانغۇچى ئا XX ، ئە XX قاتارلىقلار ھادىسىدە جاۋابكارلىقنى ئۈستىگە ئالمايدۇ دەپ بىكىتكەن.

يۇقارقى پاكىتنى بىكىتىشتىكى دەلىل-ئىسپاتلاردىن:

1› يازما ئىسپات 2› زىيانلانغۇچىنىڭ بايانى 3›گۇۋاھچىنىڭ گۇۋاھلىقى 4›جاۋابكارنىڭ ئىقرارى 5› باھالاش پىكىرى 6›نەق مەيدان چارلاش، تەكشۈرۈش خاتىرسى 7› ئۈن- سىن ماتىريالى قاتارلىقلار بار.

مەھكىمىمىز، جاۋابكار رو XX نىڭ يول-قاتناش بىخەتەرلىك قانۇنىغا خىلاپلىق ھالدا ماتورلۇق قاتناش ۋاستىسى ھەيدەپ بىر ئادەمنىڭ ئۆلۈشىنى كەلتۈرۈپ چىقارغان قىلمىشى «جۇڭخۇا خەلق جۇمھۇريىتى جىنايى ئىشلار قانۇنى» نىڭ 133-ماددا بەلگىلىمىسىگە خىلاپ، جىنايىتىنىڭ پاكىتى ئوچۇق، دەلىل ئىسپاتى تولۇق، قاتناش ھادىسىسى جىنايتى بويىچە جاۋابكارلىقىنى سۈرۈشتۈرۈش كىرەك، جاۋابكار رو XX جىنايىتىنى تونۇپ جازانى قوبۇل قىلىدۇ، شۇڭا «جۇڭخۇا خەلق جۇمھۇريىتى جىنايى ئىشلار دەۋا قانۇنى» نىڭ 15-ماددا بەلگىلىمىسى بويىچە كەڭچىللىك قىلىش كىرەك، جاۋابكار رو XX جىنايەت سادىر قىلغاندىن كېيىن نەق مەيداندىن ئايرىلماي زىيانلانغۇچىنى دوختۇرخانىغا ئاپىرىپ قۇتقۇزۇش تەرەپدارى بولغان، ج خ ئورۇنلىرىغا قىلمىشىنى ئەينەن ئىقرار قىلغان، شۇڭا «جۇڭخۇا خەلق جۇمھۇريىتى جىنايى ئىشلار قانۇنى» نىڭ 67- ماددا 1-تارماق بەلگىلىمىسىنى قوشۇپ تەدبىقلاش كىرەك دەپ قاراپ «جۇڭخۇا خەلق جۇمھۇرىيىتى جىنايى ئىشلار دەۋا قانۇنى» نىڭ 176-ماددىسىدىكى بەلگىلىمىسىگە ئاساسەن مەھكىمىڭىزلارغا ئەيىبلىدۇق. قانۇن بۇيىچە جىنايى جازا ھۈكۈم قىلىشىڭىزلارنى سورايمىز.

ھۆرمەت بىلەن:

ئاۋات ناھىيىلىك خەلق سوت مەھكىمىسىگە

مۇئاۋىن باش تەپتىش: ماھىرە ئابلا

                    دىلشات مۇتەللىپ

2020-يىل 10-ئاينىڭ 15-كۈنى

قۇشۇمچە: 1› 8 پارچە ئەيىبنامە بىلەن بىر توپلام رازۋىتكا دېلوسى بىرگە يوللاندى.

2›جاۋاپكار رو XX ئائىلىسىدە.

3›جىنايىتىنى تونۇپ جازاغا قايىل بولۇش تىلخېتى (بىر پارچە)

4› ئۈن- سىن سوراق خاتىرسى (1 دىسكا)