起诉书（伊某某诈骗案）(公开版)

شىنجاڭ ئۇيغۇر ئاپتونوم رايونى

شايار ناھىيىلىك خەلق تەپتىش مەھكىمىسىنىڭ

ئەيىبنامىسى

                        شايار ت ج ئە (2020)    -نۇمۇرلۇق

جاۋابكار ئى XX، ئەر، ئۇيغۇر، XX19-يىلى XX-ئاينىڭ XX-كۈنى تۇغۇلغان، كىملىك نومۇرى : 0034XXXXXX65292419، باشلانغۇچ مەكتەپ مەدەنىيەت سەۋىيەسىگە ئىگە، تىجارەتچى، شايار ناھىيە بازىرى XX يۇلى XX ئولتۇراق رايۇنى 5-بىنا 1-ئىشىك 501-نومۇرلۇق ئۆيدە ئولتۇرۇشلۇق، ئىلگىرى جازالانمىغان. ئوغرىلىق جىنايىتى گۇمانى بىلەن 2019-يىلى 4-ئاينىڭ 19-كۈنى شايار ناھىيەلىك ج خ ئىدارىسى تەرىپىدىن جىنايى ئىشلار بۇيىچە توختىتىپ قۇيۇلۇپ، 2019-يىلى 5-ئاينىڭ 25-كۈنى مەھكىمىمىزنىڭ تەستىقى بىلەن قولغا ئېلىنغان، ھازىر شايار ناھىيەلىك قاماقخاندا قاماقلىق. 

شايار ناھىيىلىك جامائەت خەۋپسىزلىكى ئىدارىسى جاۋابكار ئىXXنىڭ جىنايەت دېلوسىنى تەھقىقلەشنى ئاخىرلاشتۇرۇپ، 2019-يىلى 7-ئاينىڭ 25-كۈنى [2019] 209-نومۇرلۇق ئەيىبلەش پىكىرنامىسى ئارقىلىق مەھكىمىمىزنىڭ تەكشۈرۈپ ئەيىبلىشىگە يوللىغان. مەھكىمىمىز دېلونى تاپشۇرۇپ ئالغاندىن كېيىن قانۇن بۇيىچە جاۋابكارغا ئاقلىغۇچىغا ھاۋالە قىلىش ھوقۇقىنى ئۇقتۇردۇق. جاۋابكارنى قانۇن بويىچە سوراق قىلدۇق. مەزكۇر دېلونى 2019-يىلى 9–ئاينىڭ 9–كۈنى، 2019-يىلى 11–ئاينىڭ 25–كۈنى ئىككى قېتىم ج خ ئىدارىسىنىڭ تۇلۇقلاپ تەھقىقلىشى ئۈچۈن قايتۇرۇپ، دېلو بېجىرىش سۈرۈكى ئۈچ قېتىم ئۇزارتىلدى.

قانۇن بۇيىچە تەكشۈرۈپ ئېنىقلىشىمىزچە : 

جاۋابكار ئىXX 2016-يىلى 8-ئايدىن 2018-يىلى 2-ئايغىچە بولغان مەزگىلىدە، مۇناسىۋەتلىك ئۇرۇنلارنىڭ تەستىقىنى ئالماي تۇرۇپ، « يۈتكەنلەرنى تاپايلى» پىدائىيلار ئەترىتىنىڭ باشقۇرغۇچىسى بۇلۇشتەك ئەۋزەللىكىدىن پايدىلىنىپ، جەمئىيەتتىكى كېسلى ئېغىر ئىقتىسادى قىيىنچىلىقى تۈپەيلى داۋالىنىش شارائىتىغا ئىرىشەلمىگەن توقسۇ ناھىيىسىدە تۇرۇشلۇق ئۈمۈدجان، ئاق قان كېسىلىگە گىرىپتار بولغان 4 ياشلىق قىزبالا، كۇچا ناھىيىسىدە تۇرۇشلۇق ئېغىر كېسەل ئايال، بېشى قاتتىق ئاغرىيدىغان ئايال، شايار ناھىيىسىدە تۇرۇشلۇق ئابدۇقادىر ئابلىتىپ (گۈھەرەم ھاشىمنىڭ ئوغلى)، ئازى سەمەت، ئۈچ چاقلىق موتسىكىلىتتىن يىقىلىپ كىتىپ زەخمىلەنگەن بالا (خەلچەم ئەھەتنىڭ بالسى) ، لاي ئىتىش ماشىنىسى قۇلىنى قىسىۋېلىپ زەخمىلەندۈرگەن 7 ياشلىق بالا (ئەمەر ئەخمەتنىڭ بالىسى، گۈلباغ ساقچىخانىنىڭ ياردەمچى ساقچىسى)، رەناگۈل ياسىن (ياسىن تۇرسۇننىڭ قىزى)، ئاقسۇدا تۇرۇشلۇق قايناۋاتقان قازانغا چۈشۈپ كەتكەن بالا (ئايكۆل بازىرىدا تۇرۇشلۇق)، قايناۋاتقان سۇغا چۈشۈپ كىتىپ زەخمىلەنگەن تېخى يېشىغا تەگمىگەن بالا، تۇرپانلىق قاتناش ھادىسىسىگە ئۇچرىغان بالا، ساراڭ بۇلۇپ قېلىپ ئۆزىگە ئوت قۇيىۋالغان ئادەم، خوتەن شەھىرىدە تۇرۇشلۇق قان راكى بۇلۇپ قالغان قىزبالا، قەشقەر ۋىلايىتىدە تۇرۇشلۇق قايناقسۇغا چۈشۈپ كەتكەن 2 ياشلىق بالا، 4 ياشلىق كۈيۈپ زەخمىلەنگەن بالا، كورلا شەھىرىدە تۇرۇشلۇق كېسەل ئايال، ئۈرۈمچىدە تۇرۇشلۇق ئوقۇغۇچى قاتارلىق ئېغر كېسەل كىشىلەر ياكى ئۇلارنىڭ ئۇرۇق-تۇققانلىرى بىلەن ئالاقىلىشىپ، ئۆزىنىڭ ئۈندىدارى ئارقىلىق ئۇلارنىڭ نامىدا « ئېغىر كېسەلگە ياردەم قىلايلى » دىگەن مەزمۇندا مۇراجەتنامە چىقىرىپ، يۇقارقى مۇراجەتنامىنى « يۈتكەنلەرنى تاپايلى » ئەترىتىنىڭ پىدائىيلىرى ئارقىلىق دوستلار چەمبىرىكىدە كەڭ كۆلەمدە تارقىتىپ، جەمئىيەتتىن 400000 يۈەن ئىئانە توپلاپ، توپلانغان پۇل سوممىسىنى كېسەل كىشىگە ئەينەن مەلۇم قىلىپ تۇلۇق يەتكۈزۈپ بەرمەي، يۇقارقى پۇلدىن 190200 يۈەننى كېسەللەرگە يەتكۈزۈپ بىرىپ، 209800 يۈەننى ئۆزى ئىگىلىۋالغان.

يۇقارقى پاكىتنى ماددى ئىسپات، يازما ئىسپات، گۇۋاھچىنىڭ گۇۋاھلىقى، زىيانلانغۇچىنىڭ بايانى، جاۋابكارنىڭ ئىقرارى ۋە ئېنىقلاش، تەكشۈرۈش خاتىرىسى قاتارلىق دەلىل-ئىسپاتلار ئىسپاتلايدۇ . 

مەھكىمىمىز مۇنداق قارايدۇ : جاۋابكار ئىXX قانۇنسىز ئىگىلىۋېلىش مەقسىتىدە، جەمئىيەتتىن كېسەللەرگە يىغىلغان ئىئانە سوممىسىنى كېسەل كىشىگە ئېنىق بىلدۈرمەي، ھەققى ئەھۋالنى يۇشۇرۇپ، كېسەل كىشىلەرنىڭ  ناھايىتى زور مىقداردىكى مال-مۈلىكىنى ئۆزىنىڭ قىلىۋالغان قىلمىشىدىن ئالدامچىلىق جىنايىتى شەكىللىنىدۇ. پۇقىرالارنىڭ مال-مۈلۈككە ئىگىدارچىلىق قىلىش ھۇقۇقىنىڭ دەخلى تەرۇزغا ئۇچىرىماسلىقىنى قانۇن كاپالىتىگە ئىگە قىلىش ئۈچۈن، جاۋابكار ئى XXغا « جۇڭخۇا خەلق جۇمھۇرىيىتى جىنايى ئىشلار قانۇنى » نىڭ 266-ماددا، 67-ماددا 3-تارمىقىدىكى بەلگىلىمە بۇيىچە جىنايى جازا بىرىشكە تىگىشلىك. شۇڭا، «جۇڭخۇا خەلق جۇمھۇرىيىتى جىنايى ئىشلار دەۋا قانۇنى» نىڭ 176-ماددىسىغا ئاساسەن مەھكىمىڭىزلارغا ئەيىبلىدۇق، قانۇن بۇيىچە ھۆكۈم قىلىشىڭلارنى سورايمىز.

ھۆرمەت بىلەن 

شايار ناھىيىلىك خەلق سوت مەھكىمىسىگە 

تەپتىش : مۇكەرەم ئالاۋۇدۇن

       گۈلنار ئەمەر

2020-يىلى 2-ئاينىڭ 11-كۈنى

قۇشۇمچە: 1) 8 نۇسخا ئەيىبنامە، دەلىل-ئىسپاتلار مۇندەرىجىسى، جازا ئۆلچەش تەكلىپى، ئالماشتۇرۇپ قاماش گۇۋاھنامىسى، تەھىقىقلەش دېلو ئارخىبى (بىر توپلام، جەمئىى 347بەت)  بىرگە يوللاندى. 

 2)  جاۋابكار شايار ناھىيەلىك قاماقخانىدا قاماقتا.