起诉书（依某某危险驾驶案）_阿克苏市人民检察院

阿克苏市人民检察院　

起 诉 书

       

شىنجاڭ ئۇيغۇر ئاپتۇنۇم رايۇنى

ئاقسۇ شەھەرلىك خەلق تەپتىش مەھكىمىسىنىڭ

ئەيىبنامىسى

 

   ئا ش ت ئەيىبلەش چىقىش (2020) 427 - نومۇرلۇق

 ئاقسۇ شەھەرلىك خەلق سوت مەھكىمىسىگە: 

جاۋابكار ئىXX، ئەر، ئۇيغۇر، 48ياش، كىملىك نۇمۇرى: XXXXXX6529011972، يۇرتى ئاقسۇ شەھىرى، ئولتۇرۇشلۇق ئورنى شىنجاڭ ئاقسۇ شەھەر X بازار X-كەنىتX-گۇرۇپ X-نۇمۇر، باشلانغۇچ مەكتەپ  مەدەنىيەت سەۋىيىسىگە ئىگە، كەسپى دېھقان، ئىلگىرى جازالانمىغان. 2020-يىلى 6-ئاينىڭ 12-كۈنى خەتەرلىك شوپۇرلۇق قىلىش جىنايىتى گۇمانى بىلەن تەكشۈرۈپ بىر تەرەپ قىلىنغۇچە كېپىلگە بېرىلگەن.

ئاقسۇ شەھەرلىك ج خ ئىدارىسى مەزكۇر دىلونى تەھقىقلەشنى ئاخىرلاشتۇرۇپ، 2020– يىلى 9-ئاينىڭ 13-كۈنى  (2020) 861 -نومۇرلۇق ئەيىبلەش پىكىرنامىسى بىلەن مەھكىمىمىزنىڭ تەكشۈرۈپ ئەيىبلىشىگە يوللىدى.  مەھكىمىمىز دېلونى تاپشۇرۇپ ئېلىپ جاۋابكارغا ئاقلىنىشنى ئاقلىغۇچىغا ھاۋالە قىلىش ھوقۇقى قاتارلىق دەۋا ھوقۇقلىرىنى، جىنايىتىنى تۇنۇپ جازانى قۇبۇل قىلىشتىن كىيىنكى كەڭچىلىك قىلىش تۈزۈمىنى ئۇقتۇردۇق. جاۋابكار ۋە نۆۋەتچى ئادۋۇكاتنىڭ پىكىرنى ئاڭلىدۇق. جاۋابكار بۇ دېلونى تىز سوت قىلىش تەرتىپنى قوللىنىپ سوتلاشقا قۇشۇلدى.

قانۇن بويىچە تەكشۈرۈپ ئېنىقلىشىمىزچە: 

    2020-يىلى 6-ئاينىڭ 12-كۈنى سائەت 13:30 لەردە جاۋابكار ئىXX ئاقسۇ شەھەر X بازار X-كەنىتكە توختۇتۇپ قويغان新NXX  نۇمۇرلۇق ماشىنىنى ھەيدەپ، سائەت 17:27 لەردە ئاقسۇ شەھەر X بازار X-كەنىت X-گۇرۇپقا كەلگەندە، شۇ ئەتىراپتا چارلاش ئېلىپ بېرىۋاتقان ساقچىلار تەكشۈرۈش جەريانىدا جاۋابكار ئىXXنىڭ ھاراق ئىچكەنلىكىدىن گۇمانلىنىپ، ئىXXنىڭ قېنىنى ئېلىپ تەكشۈرگەندە 100 مىللىلىتىر قان تەركىبىدىكى ئىسپىرىت مىقدارى 235.49 مىللىگىرام  (100ml/235.49mg) بولۇپ، مەست ھالەتتە ماتورلۇق قاتناش ۋاستىسى ھەيدىگەن. 

يۇقارقى پاكىتلارنى يازما ئىسپات، جاۋابكارنىڭ ئىقرارى، ئېنىقلاش-تەكشۈرۈش خاتىرسى، باھالاش خۇلاسىسى قاتارلىق دەلىل-ئىسپاتلار ئىسپاتلايدۇ.

يۇقارقى دەلىل-ئىسپاتلارنىڭ ئېلىنىش تەرتىپى قانۇنلۇق، مەزمۇنى ئۇبىكتىپ ۋە راسىت، شىكايەت قىلغان پاكىتىنى تولۇق ئىسپاتلايدۇ. جاۋابكار ئىXX يۇقارقى قىلمىشىنى ئۆز ئىختىيارلىقى بىلەن ئەينەن تاپشۇرۇپ، مەھكىمىمىز شىكايەت قىلغان پاكىت ۋە دەلىل-ئىسپاتلارغا قارىتا باشقىچە پىكىرى يوقلىغىنى ئوتتۇرغا قويدى ھەم ئۆزلۈگىدىن جنايىتىنى تۇنۇپ جازانى قۇبۇل قىلىدىغانلىغىنى بىلدۈردى.

مەھكىمىمىز مۇنداق قارايدۇ، جاۋابكار ئىXXنىڭ ھاراق ئىچىپ مەسىت ھالەتتە ماتۇرلۇق قاتناش ۋاستىسى ھەيدىگەن قىلمىشىدىن «جۇڭخوا خەلق جۇمھۇريىتى جىنايى ئىشلار قانۇنى» نىڭ 133-ماددا 1- مەزمۇن بەلگىلىمىسىدىكى خەتەرلىك شوپۇرلۇق قىلىش جىنايىتى شەكىللىندۇ، بۇ ھەقتە دېلونىڭ پاكىتى ئۇچۇق، دەلىل-ئىسپاتى راسىت ھەم تولۇق، خەتەرلىك شوپۇرلۇق قىلىش جىنايىتى بويىچە جىنايى جاۋابكارلىقىنى سۈرۈشتۈرۈش كېرەك. جاۋابكار جىنايىتىنى تۇنۇپ قىلمىشىنى ئەينەن ئىقرار قىلغان. تۆۋە قىلىش ئىپادىسى بار. شۇڭا «جۇڭخوا خەلق جۇمھۇريىتى جىنايى ئىشلار دەۋا قانۇنى» نىڭ 15-ماددىسىنى قۇشۇپ تەدبىقلاپ 3 ئاي 20 كۈن تۇتۇپ تۇرۇپ ئەمگەككە سېلىش جازاسى بىرىش، قۇشۇمچە 7000 يۈەن ئىشتىراف قويۇش تەكلىپىنى بىرىمىز. شۇڭا «جۇڭخوا خەلق جۇمھۇريىتى جىنايى ئىشلار دەۋا قانۇنى» نىڭ 176-مادىسىدىكى بەلگىلىمىگە ئاساسەن ئەيىبلەندى.

 

تەپتىش : ھXX

مۇۋەققەت تەپتىش :مXX

2020- يىلى  9- ئاينىڭ 17-كۈنى

 

1› جاۋابكار  ئائىلىسىدە كېپىلدە؛تېلىفون نۇمۇرى: XXXX1357911

2>  8 نۇسقا ئەيىبنامە ، ئاددى تەرتىپ قوللىنىش تەكلىپنامىسى،  جىنايەتنى تۇنۇپ جازاغا قايىل بۇلۇش تىل خېتى، بىر  توپلام  تەھقىقلەش دىلوسى  بىرگە يوللاندى.