起诉书（努某某盗窃案）

تۇرپان شەھىرى ئىدىقۇت رايونلۇق خەلق تەپتىش مەھكىمىسىنىڭ

 ئەيىبنامىسى

                                            

                                              ئى ر ت ئە چىقىش (2020)51- نومۇرلۇق

ئىدىقۇت رايونلۇق خەلق سوت مەھكىمىسىگە :

       جاۋاپكار ن، XXئايال، ئۇيغۇر،1996-يىلى **-ئاينىڭ **-كۈنى تۇغۇلغان، كىملىك نۇمۇرى:****** 6521011996**، نوپوسىدىكى ئادرىسى:  تۇرپان شەھىرى ** ناھىيە **يېزىسى ** كەنتى **-گۇرۇپپا، تۇلۇقسىز ئوتتۇرا مەكتەپ مەدەنىيەت سەۋىيىسىگە ئىگە، دېھقان، بۇرۇن جازالانمىغان، ئوغۇرلۇق جىنايىتىگە چېتىشلىق گۇماندار دەپ قارىلىپ، 2019-يىلى 10-ئاينىڭ 11-كۈنى تۇرپان شەھىرى ئىدىقۇت رايۇنلۇق جامائەت خەۋپسىزلىكى ئىدارىسى تەرىپىدىن جىنايى ئىشلار بۇيىچە توختۇتۇپ قۇيۇلۇپ، 2019-يىلى 10-ئاينىڭ 24-كۈنى مەھكىمىمىز تەرىپىدىن قولغا ئېلىش تەستىقلانغان، 2019-يىلى 10-ئاينىڭ 25-كۈنى تۇرپان شەھىرى ئىدىقۇت رايۇنلۇق جامائەت خەۋپسىزلىكى ئىدارىسى تەرىپىدىن قولغا ئېلىش ئىجرا قىلىنغان.

  ئىدىقۇت رايونلۇق جامائەت خەۋپسىزلىكى ئىدارىسى جاۋاپكار نXXنىڭ ئوغۇرلۇق دېلوسىنى تەھقىقلەشنى ئاخىرلاشتۇرۇپ، 2019-يىلى 12-ئاينىڭ 25-كۈنى مەھكىمىمىزنىڭ تەكشۈرۈپ ئەيىپلىشىگە سۇنغان. مەھكىمىمىز دېلونى تاپشۇرۇپ ئالغاندىن كىيىن، جاۋابكارغا ئاقلىنىشقا ھوقۇقلۇق ئىكەنلىكىنى ۋە جىنايىتىنى تۇنۇپ جازانى قۇبۇل قىلغانلارنى كەڭچىلىك بىلەن جازالاش تۈزۈمىنى قوللۇنۇپ كىلىپ چىقىدىغان قانۇنى ئاقىۋەتنى ئۇقتۇرۇپ ۋە ئۇنى قانون بويىچە سوراق قىلىپ، دىجۈرنى ئادۋۇكاتنىڭ پىكرىنى ئاڭلاپ، دېلو ماتىرىياللىرىنى ئەستايىدىل تەكشۈرۈپ، دېلونى تەكشۈرۈشنى ئاخىرلاشتۇردۇق، جاۋاپكار ئادەتتىكى تەرتىپنى قوللىنىپ سوت قىلىشقا قوشۇلدى.

مەھكىمىمىز قانۇن بويىچە تەكشۈرۈش ئارقىلىق بېكىتكەن جىنايى پاكىتلار تۆۋەندىكىچە : 

جاۋاپكار ن-2019،XX يىلى -9ئاينىڭ -21كۈنى سائەت 22:00لەر ئەتراپىدا، تۇرپان شەھەر ** مەھەللىسى ئولتۇراق رايونى **-بىنا **-كورپۇس**-نۇمۇرلۇق ئۆيدە ئولتۇرۇشلۇق زىيانلانغۇچى مXXنىڭ ھۇجرا ئۆيدىكى يوتقان ئىشكابىنىڭ ئىچىگە تىقىپ قويغان 2700يۇەن نەق پۇل، بىر تال قىممىتى 904.5يۈەنلىك ئېغىرلىقى 2.70گىرام كەلگەن ئالتۇن ئۈزۈك، بىر تال قىممىتى 4629.7يۈەنلىك ئېغىرلىقى 13.82 گىرام كەلگەن ئالتۇن زەنجىر قاتارلىق ئومومىي قىممىتى 8234.2يۈەنلىك مال-مۈلكىنى ئوغۇرلاپ، ئالتۇن ئۈزۈك بىلەن زەنجىرنى ئەرزان باھادا باشقىلارغا سىتىۋەتكەن، زىيانلانغۇچىنىڭ ئىقتىسادىي زىيىنى ئەسلىگە كەلمىگەن. 

يۇقارقى جىنايى پاكىتلارنى ئىسپاتلايدىغان دەلىل- ئىسپاتلاردىن :

يازما ئىسپاتلار؛ دېلو مەلۇم قىلىش خاتىرىسى؛ زىيانغا ئۇچرىغۇچىلارنىڭ بايانى؛ جاۋاپكارنىڭ ئىقرارى ۋە ئاقلىنىشى؛ گۇۋاھچىلارنىڭ گۇۋاھلىقى،  نەق مەيدان تەكشۈرۈش خاتىرسى، سۆرىتى ۋە خەرىتىسى؛ نەق مەيدان تونۇتۇش خاتىرسى ، مال باھالاش يەكۈنى، تۇنۇتۇش خاتىرىسى ۋە سۆرەتلىرى قاتارلىقلار بار.  

مەھكىمىمىزنىڭ قارىشىچە : جاۋاپكار نXXنىڭ دۆلىتىمىز قانۇنلىرىنى كۆزگە ئىلماي، قانۇنسىز ئىگەللىۋېلىش مەقسىتىدە، باشقىلارنىڭ قىممىتى كۆپرەك مال-مۈلكىنى يوشۇرۇن ئېلىۋالغان قىلمىشىدىن ئوغۇرلۇق جىنايىتى شەكىللىنىدۇ؛ دىلونىڭ جىنايەت پاكىتلىرى ئېنىق، دەلىل-ئىسپاتلىرى تولۇق ھەم راسىت. جاۋابكارنى‹‹جۇڭخۇا خەلق جۇمھۇرىيىتى جىنايى ئىشلار قانونى›› 264-ماددىسىنىڭ بەلگىلىمىسى بويىچە جازالاش كېرەك. جاۋاپكارنى جىنايىتىنى تۇنۇيدۇ، جازانى قۇبۇل قىلىدۇ، شۇڭا جاۋاپكارغا 6 ئايدىن يۇقىرى 10 ئايدىن تۆۋەن مۇددەتلىك قاماق جازاسى بېرىش، قوشۇمچە شىتراف قۇيۇش تەكلىۋى بېرىمىز. شۇڭا، جاۋابكار نXXنى ‹‹جۇڭخۇا خەلق جۇمھۇرىيىتى جىنايى ئىشلار دەۋا قانۇنى›› نىڭ 176- ماددىسىغا ئاساسەن مەھكىمىڭىزلەرگە ئەيىبلىدۇق، قانۇن بويىچە جىنايى جازا ھۆكۈم قىلغايسىزلەر.

ھۆرمەت بىلەن :

                            تەپتىش : پاتىگۈل خالىق

                        2020- يىلى 2- ئاينىڭ 9- كۈنى

قوشۇمچە:

1. جاۋابكار نXX ئىدىقۇت رايونلۇق قاماقخانىدا قاماقتا. 

2. دىلونىڭ ج خ ئارخىپى ئىككى توپلام، تەپتىش ئارخپى بىر توپلام، ئەيىبنامىسى  16 نۇسخا، 1 دانە دېسكا قاتارلىقلار بىرگە يوللاندى.