起诉书（卡某某诈骗案)

شىنجاڭ ئۇيغۇر ئاپتونوم رايونى 

كۇچا ناھيىلىك خەلق تەپتىش مەھكىمىسىنىڭ

ئەيىبنامىسى

ك ت جىنايى ئىشلار 1-بۆلۈم ئەيىبلەش چىقىش  〔2020〕778 - نومۇرلۇق 

كۇچا ناھىيلىك خەلق سوت مەھكىمىسىگە : 

1. جاۋابكار قx، ئەر، ئۇيغۇر،19**- يىلى0*-ئاينىڭ **-كۈنى تۇغۇلغان ، كىملىك نۇمۇرى: ********** 65010319. كەسپى: ئاشپەز، تۇلۇقسىز ئوتتۇرا مەكتەپ مەدەنىيەت سەۋىيسىگە ئىگە، يۇرتى: شىنجاڭ ئۈرۈمچى شەھىرى، نۇپۇسى تۇرۇشلۇق جاي: ئۈرۈمچى شەھەر ** رايۇن ** يولى **-نۇمۇر **-بىنا **-ئىشىك **-نۇمۇر، ھازىرقى ئولتۇرقى: كۇچا شەھەر ** يېزا ** كەنىت **-گوروپ **-نۇمۇر. 2016-يىلى 12-ئاينىڭ 15-كۈنى ئۈرۈمچى شەھرى تىيانشان رايۇنلۇق خەلق سوت مەھكىمىسى تەرپىدىن ئوغۇرلۇق جىنايىتى بىلەن بەش ئايلىق تۇتۇپ تۇرۇپ ئەمگەككە سېلىش جازاسى بىرىلگەن.

ئالدامچىلىق جىنايىتىگە چېتىشلىق بولغانلىقى ئۈچۈن 2020-يىلى 4-ئاينىڭ 30-كۈنى كۇچا ناھىيىلىك ج خ ئىدارىسى تەرىپىدىن تەكشۈرۈپ بىر تەرەپ قىلىنغىچە ئائىلىسىگە كاپالەتچىگە بېرىلگەن ، 2020-يىلى 7-ئاينىڭ 15-كۈنى مەھكىمىمىز تەرىپىدىن بىر تەرەپ قىلىنغىچە ئائىلىسىگە كاپالەتچىگە بېرىلگەن ، ھازىر ئائىلىسىدە .

2. جاۋابكار زx، ئايال، ئۇيغۇر، 22 ياش، مۇقىم كەسپى يوق، توي قىلىپ ئاجىراشقان، ئىلگىرى جازالانمغان، سىياسى مۇناسىۋىتى يوق، تۇلۇقسىز ئوتتۇرا مەكتەپ مەدەنىيەت سەۋىيسىگە ئىگە، يۇرتى: شىنجاڭ كۇچا شەھىرى، نۇپۇسى تۇرۇشلۇق جاي ۋە ھازىرقى ئولتۇرقى: كۇچا شەھەر ** يېزا ** كەنىت **-گوروپ **-نۇمۇر، كىملىك نۇمۇرى: 65292319**********. 

ئالدامچىلىق جىنايىتىگە چېتىشلىق بولغانلىقى ئۈچۈن 2020-يىلى 5-ئاينىڭ 4-كۈنى كۇچا ناھىيىلىك ج خ ئىدارىسى تەرىپىدىن تەكشۈرۈپ بىر تەرەپ قىلىنغىچە ئائىلىسىگە كاپالەتچىگە بېرىلگەن ، 2020-يىلى 7-ئاينىڭ 15-كۈنى مەھكىمىمىز تەرىپىدىن بىر تەرەپ قىلىنغىچە ئائىلىسىگە كاپالەتچىگە بېرىلگەن ، ھازىر ئائىلىسىدە .

3. جاۋابكار گx، ئايال، ئۇيغۇر، 21 ياش، مۇقىم كەسپى يوق، توي قىلغان، ئىلگىرى جازالانمغان، سىياسى مۇناسىۋىتى يوق، تۇلۇقسىز ئوتتۇرا مەكتەپ مەدەنىيەت سەۋىيسىگە ئىگە، يۇرتى: شىنجاڭ كۇچا شەھىرى، نۇپۇسى تۇرۇشلۇق جاي: باي ناھىيە ** يېزىسى ** مەھەللە **-گوروپ **-نۇمۇر، ھازىرقى ئولتۇرقى: كۇچا شەھەر ** يېزىسى ** كەنىت **-نۇمۇر، كىملىك نۇمۇرى: ********* 65292319

ئالدامچىلىق جىنايىتىگە چېتىشلىق بولغانلىقى ئۈچۈن 2020-يىلى 5-ئاينىڭ 4-كۈنى كۇچا ناھىيىلىك ج خ ئىدارىسى تەرىپىدىن تەكشۈرۈپ بىر تەرەپ قىلىنغىچە ئائىلىسىگە كاپالەتچىگە بېرىلگەن ، 2020-يىلى 7-ئاينىڭ 15-كۈنى مەھكىمىمىز تەرىپىدىن بىر تەرەپ قىلىنغىچە ئائىلىسىگە كاپالەتچىگە بېرىلگەن ، ھازىر ئائىلىسىدە .

مەھكىمىمىز كۇچا ناھىيىلىك جامائەت خەۋپىسىزلىك ئىدارىسى 〔2020〕289 -نومۇرلۇق ئەيىبلەش پىكىرنامىسى بىلەن يوللىغان جاۋابكار قx، زx، گxلەرنىڭ ئالدامچىلىق جىنايى دېلوسىنى2020-يىلى07-ئاينىڭ15–كۈنى تاپشۇرۇپ ئېلىپ «جۇڭخۇا خەلق جۇمھۇريىتى جىنايى ئىشلار دەۋا قانۇنى» نىڭ بەلگىلىمسى بويىچە جاۋابكارلارغا ئاقلىغۇچى ھاۋالە قىلىشقا ھوقۇقلۇق ئىكەنلىكىنى ۋە جىنايىتىنى تۇنۇپ جازانى قۇبۇل قىلىشنىڭ كېلىپ چىقىدىغان قانۇنى ئاقىۋىتىنى ئۇقتۇردۇق،دەۋاگەرلەرگە دەۋا ۋاكالەتچىسىگە ھاۋالە قىلىشقا ھوقۇقلۇق ئىكەنلىكىنى ئۇقتۇردۇق، جاۋابكارنى قانۇن بويىچە سوراق قىلدۇق،جاۋابكار ۋە دىجورنى ئادۇۋكاتلارنىڭ پىكرىنى ئالدۇق،2020-يىلى8-ئاينىڭ15-كۈنى دىلو بىجىرىش سۈرىكىنى ئۇزارتتۇق،دېلودىكى بارلىق دەلىل- ئىسپاتلارنى تەكشۈرۈش كۆردۈق، جاۋابكارلار مەزكۇر دىلونى ئاددى تەرتىپ بىلەن سوت قىلىشقا  قۇشۇلدى، يۇقارقى تەكشۈرۈشلەردىن كېيىن جىنايى پاكىتىنى تۆۋەندىكىچە ئېنىقلاپ چىقتۇق :

1. 2020-يىلى 2-ئاينىڭ 3-كۈنى ئxدىن جاۋابكار قxغا تىلفۇن قىلىپ، ئۇنىڭغا پx(ئايرىم دىلودا بىر تەرەپ قىلىنغان) ئارقىلىق قەرىز بېجىرگەنلىكىنىڭ راست-يالغانلىقىنى سورىغاندا، قx ئۇنىڭغا:ھەقىقەتەن پxنىڭ قەرىز بېجىرىپ بىرەلەيدىغانلىقىنى دىگەن. ئىككىسى خوشلۇشۇپ تىلفۇننى قۇيۋەتكەندىن كىيىن، قx بىر ئۆيدە تۇرۋاتقان جاۋابكار زx، گxلەرگە: «مەنمۇ ئەxنى قۇيۇپ باقسام قانداق بۇلا، مەن ئۇنىڭغا تىلفۇن قىلىپ ئالداپ باقاي» دىگەندە،زx بىلەن گx ئۇنىڭغا:« خەققە قۇيۇلۇپ كەتكەن ئادەم سىزگە قۇيۇلامۇ» دىگەن، قx ئۇلارغا: «ئاۋال تىلفۇن قىلىپ باقاي» دەپ، شۇ ۋاقىتتىلا ئxنگە تىلفۇن قايتۇرۇپ: « مەن باياتىن سىزگە يالغان گەپ قىلىپ قويغان ئىدىم، پاx دەيكۈەن بېجىرەلمەيدۇ، سىز پxقا ئالدىنىپ كىتىپسىز،سىزنى ئالداپ پۇلىڭىزنى ئېلۋاپتۇ، سىزدىن باشقا يەنە نۇرغۇن ئادەمگە دەيكۈەن(قەرىز پۇل) بېجىرىپ بىرىمەن دەپ پۇلىنى ئالداپ ئېلۋالغان، مىنىڭ ۋۇجۇ داسانىڭ 11-قەۋىتىدىكى قەرىز بېجىردىغان يەردە ئىشلەيدىغان ئاx ئىسىملىك بىر جىڭلى تۇنۇشۇم بار، شۇ تۇنۇشۇم سىزگە ئىشەنچىلىك دەيكۈەن(قەرىز پۇل) بېجىرىپ بىرەلەيدۇ، مەن سىزگە تىلفۇن نۇمۇرىنى دەپ بىرەي، تىلفۇن قىلىپ ئۆزى بىلەن ئالاقىلىشىڭ» دەپ، گxنىڭ 1769168**** تىلفۇن نۇمۇرىنى ئەخمەتجانغا دەپ بىرىپ تىلفۇننى قۇيۋەتكەن. ئارىدىن ئۇزۇن ئۆتمەي ئxن گxنىڭ ****1769168 نۇمۇرىغا تىلفۇن قىلغاندا، تىلفۇننى قx ئۆزى ئالغان،شۇنىڭ بىلەن ئەx قxغا: «سىز قxنىڭ ئاغىنىسى ئx بۇلامسىز، قx سىزنى دەيكۈەن(قەرىز پۇل) بېجىرەلەيدۇ دەپ ماڭا تۇنۇشتۇرغان، سىزنىڭ تىلفۇن نۇمۇرىڭىزنى قx ماڭا دەپ بەرگەن ئىدى، ئۈندىدارىڭزنى قوشسام مىنى قوشمىدىڭىز» دىگەندە، قx بۇرۇننى ئىتىۋېلىپ ئاۋازىنى ئۆگەرتىپ تۇرۇپ، ئxنگە:«مەن دەيكۈەن(قەرىز پۇل) بېجىرىپ بىرەلەيمەن، سىزگە قانچە پۇل ئەتىراپىدا بېجىرىپ بەرسەم بۇلتى، مەن بۇنىڭدىن بۇرۇنمۇ دەيكۈەن(قەرىز پۇل) بېجىرىپ باققان، ئىشەنچىلىك بېجىرەلەيمەن، مەن سىلنىڭ ئۈندىدارلىرنى جالاي، ئۈندىداردا پاراڭلىشايلى» دەپ تىلفۇننى قۇيۋېتىپ، قx ئۆزىنىڭ ئۈندىدارىغا ئxنىڭ تىلفۇن نۇمۇرنى بېسىپ ئۈندىدارنى قوشۇۋالغان.شۇنىڭ بىلەن قx، ئەxنگە: «كىملىكىڭىزنىڭ ئالدى كەينى رەسىمىنى، بانكا كارتىسىنىڭ رەسىمىنى ئەۋەتىپ بىرىڭ، سىزنىڭ ئىناۋەت دەرىجىڭىز قانچىلىك، سىزگە قانچىلىك دەيكۈەن(قەرىز پۇل) چۈشۈدۈ تەكشۈرۈپ باقاي » دىگەندە، ئەx ماقۇل بۇلۇپ كىملىك، بانكا كارتىسىنى رەسىمگە تارتىپ ئەۋەتىپ بەرگەن. ئارقىدىن قx ئۆزىنىڭ تىلفۇنىدا ئەxننىڭ جىفۇباۋر (چىقىمدان)نى ئېچىش ئۈچۈن، ئەxنگە :«سىز ھازىرلا تىلفۇنغا جىفۇباۋ(چىقىمدان) چۈشۈرۈڭ، جىفۇباۋ(چىقىمدان) ئىشلەتمىسىڭىز قەرىز بېجىرگىلى بولمايدۇ» دىگەندە، ئەx ماقۇل بۇلۇپ، تىلفۇنىغا جىفۇباۋ(چىقىمدان) چۈشۈرگەن. قx ئەxنگە: «ھازىر سىزنىڭ تىلفۇنىڭىزغا بىر تال ئۇچۇر كىلىدۇ، شۇ ئۇچۇرنى مىنىڭ ئۈندىدارىمغا دەرھال ئەۋەتىپ بىرىڭ» دىگەندە، ئەxدىن ماقۇل بۇلۇپ تىلفۇنىغا كەلگەن بىر (دەلىللەش كودى) ئۇچۇرنى رەسىمگە تارتىپ قxنىڭ ئۈندىدارىغا ئەۋەتىپ بەرگەن. شۇنىڭ بىلەن قx ئۆزىنىڭ تىلفۇنىدا ئەxننىڭ جىفۇباۋ(چىقىمدان)نى ئېچىۋېلىپ، ئازراق ۋاقىت ئۆتكەندە، قx ئەxنىڭ ئۈندىدارىغا 300 مىڭ يۈەننىڭ سانى بار بىر رەسىمنى ئەۋەتىپ، ئەxنگە: «سىزگە مۇشتاق پۇل چۈشۈدىكەن، سىزنىڭ ئىناۋىتىڭىز ياخشىكەن، بۇ پۇل 24 سائەت ئىچىدە سىزنىڭ بانكا كارتىڭىزغا چۈشۈدۈ، شۇڭا رەسمىيەت ھەققى ئۈچۈن سىلە ماڭا ئاۋال پۇل ئېتىپ بەرسىلە» دىگەندە، ئەxدىن قەرىز بېجىردىغانغا ماقۇل بۇلۇپ، قxنىڭ تەلەپ قىلغىنى بۇيىچە قxنىڭ ئۈندىدارىغا 3000 يۈەن پۇلنى يۆتكەپ بەرگەن. بۇ پۇلدىن 1500يۈەننى گxكە ئۆيگە تۇرمۇش لازىمەتلىكلىرى ئەكىرىشكە بىرىپ،قالغان 1500يۈەن پۇلنى تىلفۇندا ئۇيۇنچۇق ئويناپ ئۇتتۇرۋەتكەن. ئارىدىن ئۈچ~تۆت كۈن ئۆتكەندە، قx گxنىڭ**** 1769168 تىلفۇن نۇمۇرىدا ئەxنگە تىلفۇن قىلىپ،ئۇنىڭغا: «پۇلىڭىز شىركەتكە چۈشۈپ بۇلۇپتۇ، سىز يەنە شىركەتكە پۇل تۆلىمىسىڭىز پۇلنى كارتىڭىزغا ئۇرۇپ بەرمەيدىكەن، سىز خاتىرجەم بۇلۇڭ، قەتئىي ئىشەنچىلىك، ئەگەر ماڭا ئىشەنمىسىڭىز شىركەتتىكى خەنزۇ يولداش سىزگە تىلفۇن قىلسۇن » دەپ تىلفۇننى قۇيۋىتىپ، ئەxنى ئىشەندۈرۈش ئۈچۈن، قx زxغا: «سەن ئەxغا تىلفۇن قىلىپ، دۆلەت تىلدا سىزنىڭ ئەxمۇ دەپ سوراپ، كىملىك نۇمۇرىنى، بانكا كارتىسى نۇمۇرىنى ئوقۇپ بىرىپ توغرىمۇ دەپ سوراپ بەرگىن، مەن ئەxغا تىلفۇن قىلىپ شىركەتتىكىلەر سىزگە تىلفۇن قىلىپ ئۇچىرىڭىزنى سورايدۇ دەپ قويدۇم» دىگەن، شۇنىڭ بىلەن زx ماقۇل بۇلۇپ ئۆزىنىڭ *****1819907 نۇمۇرىدا ئەxنگە تىلفۇن قىلىپ، قxنىڭ دىگىنى بۇيىچە دۆلەت تىلدا ئەxدىن ئۇچۇرلىرىنى سوراپ، تىلفۇننى قۇيىۋەتكەن. شۇنىڭ بىلەن ئەx قxنىڭ گىپىگە ئىشىنىپ، قxىڭ ۋېيشىنىمغا 4000 يۈەن پۇلنى يۆتكەپ بەرگەن.بۇ 4000يۈەن پۇلنى تىلفۇندا ئۇيۇنچۇق ئويناپ ئۇتتۇرۋەتكەن. ئارىدىن ئۈچ~تۆت كۈن ئۆتكەندە بىر كۈنى، قx يەنە ئەxننى ئالداپ پۇل ئېلىش ئۈچۈن، گxنىڭ**** 1769168 نۇمۇرىدا ئەxنگە تىلفۇن قىلىپ، ئۇنىڭغا:«سىلنىڭ بانكا ئىناۋىتىڭىز بەك تۆۋەنكە، جىفۇباۋ(چىقىمدان)غا باغلىغان بانكا كارتىڭىزغا 5000 يۈەن سېلىپلا چىقىرۋالسىلا»دىگەندە، ئەx ماقۇل بۇلۇپ بانكا كارتىسىغا 5000 يۈەن سالغان،شۇنىڭ بىلەن قx ئۈزىنىڭ تىلفۇنىدا ئەxنىڭ جىفۇباۋ(چىقىمدان)نى ئېچىپ، بۇ 5000 يۈەن پۇلنى بىۋاستە كارتامغا چۈشۈرۋالسام تەكشۈرۈپ ئۇقۇپ قالدۇ، شۇڭا بېلىق ئېتىپ ئوينايدىغان ئۇيۇنغا قاچىلاپ، شۇنىڭدىن جىفۇباۋ(چىقىمدان)غا چۈشۈرۋالاي» دەپ، بۇ 5000 يۈەن پۇلنىڭ ھەممىسىنى ئاۋالا ئۇيۇنغا قاچىلاپ، ئاندىن ئۆزىنىڭ جىفۇباۋ(چىقىمدان)غا چۈشۈرۋالغان.ئاندىن بۇ پۇلدىن 1000يۈەننى گxكە بىرىپ ئۈيگە تۇرمۇش لازىمەتلىلىرى ئەكىرگەن.قالغان 4000يۈەن پۇلنى تىلفۇندا ئۇيۇنچۇق ئويناپ ئۇتتۇرۋەتكەن. ئارىدىن بىرەر ھەپتىدەك ئۆتكەندىن كىيىن، قx ئەxنگە:«سىزنىڭ پۇلىڭىز شىركەتكە چۈشۈپ بوپتىكەن، قەرىز ئالدىغان يەنە بىر ئادەم تۇنۇشتۇرسىڭىز سىزنىڭ پۇلىڭىز ئىتتىك چۈشىدۇ» دىگەندە، ئەxدىن ئۇنىڭغا: «بۇ چۈشىدىغان پۇلمۇ، چۈشمەيدىغان پۇلمۇ، پۇل چۈشمەيدىغان بولسا راست گەپ قىلسىلا» دىگەندىن كىيىن، ئەxنى ئىشەندۈرۈش ئۈچۈن، قx يەنە زxغا: «سەن ئەخxغا تىلفۇن قىلىپ، دۆلەت تىلدا مەن شىركەتنىڭ جىڭلىسى، پۇلۇڭ شىركەتكە چۈشۈپ بولدى، قەرىز ئالدىغان يەنە بىر ئادەم تاپساڭ، سىنىڭ پۇلۇڭنى بانكا كارتاڭغا ئىتتىك ئۇرۇپ بىرىمىز» دىگىن دىگەندە، زx ماقۇل بۇلۇپ، ئۆزىنىڭ 1819907**** نۇمۇردا ئەxنگە تىلفۇن قىلىپ، يۇقارقى گەپلەرنى دۆلەت تىلدا ئەxنگە دىگەن. شۇنىڭ بىلەن ئەx ئىشىنىپ قxغا تىلفۇن قايتۇرۇپ، ئۆزىنىڭ نەۋرە ئاكىسى ئاxنى تۇنۇشتۇرغان.شۇنىڭ بىلەن قx، ئاxنىڭ ئۈندىدارىنى قاچىلاپ، ئەxغا دىگەنگە ئوخشاش ئاxنىڭ بانكا كارتىسى بىلەن كىملىكنى رەسىم تارتىپ ۋە جىفۇباۋ(چىقىمدان)نىڭ يەنجىڭمانى ئەۋەتىپ بەرسىلەر دىگەندە، ئاx ئۆزىنىڭ كىملىكىنىڭ رەسىمى، بانكا كارتىسىنىڭ رەسىمىنى ھەم جىفۇباۋ(چىقىمدان) يەنجىڭما(دەلىللەش كودى) نۇمۇرنى قxغا ئەۋەتىپ بەرگەن، قx ئۆزىنىڭ تىلفۇندا ئاxنىڭ جىفۇباۋ(چىقىمدان)نى ئېچىپ، پۇل سوممىسى چىقىدىغان يەرنى رەسىمگە تارتىپ، ئالxنىڭ ۋېيشىنىغا:« 200 مىڭ يۈەن دەيكۈەن چۈشىدىكەن، بۇنىڭغا رەسمىيەت ھەققى ئۈچۈن 2500 يۈەن پۇل ئەۋەتىسىڭىز پۇل كەچكىچە كارتىڭىزغا چۈشىدۇ، سىز ماڭا ئىشەنمىسىڭىز شىركەتتىكى يولداش سىزگە تىلفۇن قىلسۇن» دىگەن. شۇنىڭ بىلەن زx ئۆزىنىڭ**** 1819907 نۇمۇرىدا ئاxغا تىلفۇن قىلىپ، دۆلەت تىلدا ئاxغا كىملىك نۇمۇرىنى، بانكا كارتىسىنىڭ نۇمۇرىنى ئوقۇپ بىرىپ سورىغان. شۇنىڭ بىلەن ئاx بۇنىڭغا ئىشنىپ، ئەxنگە 1000يۈەن ئەۋەتىپ بەرگەن، ئەxن يېنىدىن 1000يۈەن چىقىرىپ ئاx ئەۋەتكەن 1000يۈەننى قۇشۇپ، جەمىئىي 2000يۈەن پۇلنى ئاxغا ھىساپ ئۈزىنىڭ ئۈندىدارى ئارقىلىق قxنىڭ ئۈندىدارىغا يۆتكەپ بەرگەن. جاۋابكارلار بۇ پۇلنى بىرلىكتە خەجلەپ تۈگەتكەن.ئارىدىن بىر قانچە كۈن ئۆتكەندە، قx، گxكە:«سىلە ئەخمەتجانغا تىلفۇن قىلىپ، مەن دەيكۈەن(قەرىز پۇل) بېجىردىغان شىركەتتە ئىشلەيمەن، ئاxنىڭ خىزمەتدېشى، بىز بۇرۇندىن دەيكۈەن بېجىرىپ پۇل چۈشۈرۈپ كىلۋاتقان، بىزگە ئىشەنسىلە بۇلدۇ، بىز پۇلنى چۈشۈرالايمىز، سىز ئاxقا بەرگەن رەسمىيەت ھەققىنى ئاx بىزگە تاپشۇرماي ئۆزى خەجلەپ كىتىپتۇ، سىز رەسمىيەت ھەققىنى بىزگە بەرمىسىڭىز بىز پۇلنى سىزنىڭ كارتىڭىزغا ئۇرۇپ بىرەلمەيمىز، ئەگەر رەسمىيەت ھەققىنى تۆلىمىسىڭىز چۈشكەن دەيكۈەن پۇلىڭىز قايتىپ كىتىدۇ، شۇنىڭ ئۈچۈن پۇلنى تۆلىۋاتقان بولسىڭىز دەڭ» دىگەندە، گx ماقۇل بۇلۇپ،قxنىڭ ئۆگۈتۈپ قويغىنى بۇيىچە زxنىڭ تىلفۇن نۇمۇرىدا ئەxغا تىلفۇن قىلىپ يۇقارقى گەپلەرنى دىگەن، ئەxن گxكە ئاۋال سىز مىنى ئۈندىدارغا قۇشۇڭە دىگەن، شۇنىڭ بىلەن قx ئۆزىنىڭ يەنە بىر ئۈندىدارنىڭ باش سۆرىتىگە دەيكۈەن(قەرىز پۇل) بېجىرىمىز دىگەن ئېلان سۆرىتىنى چىقىرىپ، جىنسىغا ئايال دەپ يىزىپ ئۆزگەرتىپ، بۇ ئۈندىدارغا ئەxىڭ ئۈندىدارىنى قوشقاندا، ئەx ئۇ ئۈندىدارغا:«پۇل راسىت چۈشەمدۇ، ئاxقا ئىشەنمەيدىغان بۇلۇپ قالدىم،مەن بار پۇلنىڭ ھەممىنى ئاxقا ئېتىپ بىرىپ بولدۇم، مەندە ھازىر پۇل يوق» دەپ خەت يازغان،ئارقىدىن زx ئۆزىنىڭ تىلفۇنىدا ئەxغا دۆلەت تىلدا «سىزنىڭ پۇلىڭىز شىركەتكە چۈشۈپ بولدى، سىز پۇلنى ئىشلىتەمسىز، ئىشلەتمەمسىز» دەپ قىسقا ئۇچۇر يازغان، ئارقىدىن گx ئەxنىڭ ئۈندىدارىغا: «ئاۋۇ يولداش سىلنىڭ يازغان خەتلىرىنى چۈشەنمەپتۇ، شۇڭا ئۆزەڭ گەپ قىل دەپ سىلنى يۇيۋەتتى، سىلە پۇلنى چۈشۈرەملا، چۈشەرمەملا، ئەگەر ماڭا بەك ئىشەنمىسلە كىملىكىمنى ئەۋەتىپ بىرەي ،ئەگەر دىگەن پۇلنى تاپشۇرمىسىلا بىز سىلنى قارا تىزىملىككە كىرگۈزۈپ قۇيمىز، شۇڭا پۇلنى ۋاقتىدا تاپشۇرۋاتسىلا» دىگەن، ئەx گxكە:«مەن ئاxقا بەرگەن پۇلنى قانداق قىلمىز» دىگەندە، گx، قxنىڭ ئۆگۈتۈپ قويغىنى بۇيىچە ئەخxنگە:«شىركەتتىن ئاxقا چىققان ئۈنۈم مائاشنى تۇتۇپ قېلىپ، سىزنىڭ دەيكۈەن(قەرىز پۇل) پۇلىڭىزغا قۇشۇپ كارتىڭىزغا ئۇرۇپ بىرىمىز» دىگەن، شۇنىڭ بىلەن ئەx مەندە بارى مۇشۇكەن دەپ 500 يۈەن پۇلنى يۆتكەپ بەرگەن.جاۋابكارلار بۇ پۇلنى بىرلىكتە خەجلەپ تۈگەتكەن. دىلو پاش بولغاندىن كىيىن زىيان ئەسلىگە كەلمىگەن.

2. 2020-يىلى 1-ئاينىڭ 14-كۈنلىرى، تx ** شەھىرىدىكى ئاشلىق ماي ئىشلەپ چىقىرىش زاۋۇتلىرى بىلەن ھەمكارلىق ئورنۇتۇپ، يىمەكلىك سۇ ماي سېتۋېلىش ئۈچۈن، -** شەھىرىدىن ** شەھىرىگە كىلىپ، تاكسىغا ئولتۇرۇپ يېڭى تەرەققىيات رايۇنىدىكى زاۋۇتقا كىتۋېتىپ، تاكسى ماشىنا گ** مىھمانخانىسىنىڭ ئالدىغا كەلگەندە، جاۋابكار قx بۇ تاكسى ماشىنىنى توسقاندا، تاكسى شوپۇرى ماشىننى توختۇتۇپ قxنى چىقىرۋالغان. يولدا مېڭىش جەريانىدا قx تxنىڭ يىمەكلىك سۇ ماي سېتۋېلىش ئۈچۈن كۇچاغا كەلگەنلىكىنى بىلىپ، تxنى ئالداپ پۇلنى ئېلۋېلىش مەقسىتىدە، تxغا «مىنىڭ ئاكامنىڭ سوخودا سۇ ماي ئىشلەپ چىقىردىغان زاۋۇتى بار، ھازىر ۋاكالەتچى قۇبۇل قىلۋاتقان، ئەگەردە ۋاكالەتچى بۇلاي دىسىڭىز %15 بۇيىچە پۇل تاپشۇرسىڭىز مال سېلىپ بىرىمىز» دىگەن ھەم قx تxغا ئۆزىنىڭ ئالاقىلىشىش نۇمۇرىنى قالدۇرۇپ قويۇپ تاكسىدىن چۈشۈپ قالغان. 2020-يىلى 1-ئاينىڭ 17-كۈنى تx ئا**دىكى سودا ئىشلىرىنى تۈگۈتۈپ **غا كەلگەندە، قxغا تىلفۇن قىلىپ، ئىككىسى كۇچا شەھەر پاساجىرلار بېكىتىنىڭ ئالدىدا يۈز-تۇرانە كۆرۈشكەن، تx قxنىڭ تۇنۇشتۇرغىنى بۇيىچە «ئاx باي ئىدىقۇت ئالاھىدە مايلىرى» نىڭ ت**كى سېتىش ۋاكالەتچىلىكىنى ۋە 2 توننا سۇ ماي سېتۋېلىش ئۈچۈن، قxغا 5000 يۈەن نەق پۇل زاكالەت پۇلى بەرگەن، قx پۇلنى تاپشۇرۇپ ئالغاندىن كىيىن تxغا ھۆججەت يىزىپ بەرگەن.شۇنىڭ بىلەن قx تۈمۈر سالامنى ئالداپ ئېلۋالغان پۇلنى خەجلەپ تۈگەتكەن، دىلو پاش بولغاندىن كىيىن زىيان ئەسلىگە كەلمىگەن.

3. 2020-يىلى 2-ئاينىڭ 25-كۈنى يx ماشىنا سېتۋېلىش ئۈچۈن، ئۆزىنىڭ دوستلار چەمبىرىكىگە «مەن ماشىنا ئالماقچى ئىدىم، ماشىنا ساتىدىغانلار بولسا مىنى قۇشىۋالساڭلا، بۇ ئۇچۇرنى ئۈندىدارىمدىكى دوسىتلىرىم ئۆز-ئارا تارقىتىپ چەمبىرىكىڭلارغا چىقىرىپ قويساڭلا» دىگەن ئۇچۇر بىلەن ئۆزىنىڭ ئۈندىدار ئىككىلىك كودنى چىقارغاندىن كىيىن، جاۋابكار قx بۇ ئۇچۇرنى باشقىلارنىڭ دوستلار چەمبىرىكىدە كۆرۈپ، ياxنى ئالداپ پۇلنى ئېلۋېلىش مەقسىتىدە ئۇنىڭ ئۈندىدارنى قوشقان ھەم باشقىلارنىڭ دوستلار چەمبىرىكىدىكى 2014-يىلنىڭ داجۇڭ CC ماركىلىق ماشىننىڭ سۆرىتىنى ئۆزىنىڭ يانفۇنىغا چۈشۈرۈپ، بۇ سۆرەتلەرنى يxغا ئەۋەتىپ، ماشىننىڭ باھاسىنى 97 مىڭ يۈەن دىگەن، يx ماشىننىڭ سۆرىتىنى كۆرۈپ بۇ ماشىنىغا قىزىقىپ، قxغا ئەزان بېرىڭلا دىگەندە، قx ياxغا:«مىنىڭ ئايالىم تۇغماقچى ئىدى، ھازىر ماڭا جىددى 25 مىڭ يۈەن لازىم بۇلۇپ قالدى، بۇ ماشىننى سىزگە 80 مىڭ يۈەنگە بىرەي» دىگەن، ئىككىسى باھا تالاشقاندىن كىيىن ،ماشىننىڭ باھاسىنى 65 مىڭ يۈەنگە كىلىشىپ، يx قxنىڭ تەلەپ قىلغىنى بۇيىچە، ئۈندىدار ئارقىلىق ماشىنىغا ئالدىن 3000 يۈەن زاكالەت پۇلى بەرگەن، قx پۇلنى تاپشۇرۇپ ئالغاندىن كىيىن خەجلەپ تۈگەتكەن، دىلو پاش بولغاندىن كىيىن زىيان ئەسلىگە كەلمىگەن.

4. 2020-يىلى 3-ئاينىڭ 17-كۈنى ئاx، ئاx ۋە ئاx قاتارلىقلار بىرگە تاماق يەپ ئولتۇرۇش جەريانىدا، قەرىز بېجىرىپ تىجارەت قىلىشنى مەسلىھەتلەشكەندە، ئاx ئۆزىنىڭ قەرىز بېجىرەلەيدىغان تۇنۇشىنىڭ بارلىقىنى دەپ، جاۋابكار قx بىلەن ئۈندىدار ئارقىلىق كۆرۈشۈپ، ئۆزلىرىنىڭ قەرىز بېجىرمەكچى بولغانلىقىنى دىگەندە، قx ئاxكە ئۆزىنىڭ قەرىز بېجىردىغان شىركەتتە ئىشلەيدىغان ئاغىنىسى ئارقىلىق قەرىز بېجىرىپ بىرەلەيدىغانلىقىنى دىگەن ھەم قەرىز بېجىرمەكچى بولغانلارنىڭ كىملىك، بانكا كارتىسىنى رەسىمگە تارتىپ ئەۋەتىپ بىرىشنى تەلەپ قىلغان، شۇنىڭ بىلەن ئاx قxنىڭ تەلەپ قىلغىنى بۇيىچە ئۆزىنىڭ ۋە ئاx، ئاxلارنىڭ كىملىك، بانكا كارتىسىنى رەسىمگە تارتىپ قxنىڭ ئۈندىدارىغا ئەۋەتىپ بەرگەن. ئارىدىن بەش مىنۇتلارچە ئۆتكەندە، قx ئاxكە:«سىلەرنىڭ ئۇچۇرۇڭلارنى تەكشۈرۈپ بولدۇم، سىلگە 38 مىڭ يۈەن، ئاxغا 17800 يۈەن، ئاxقا 20 مىڭ يۈەن قەرىز چۈشىدىكەن، قەرىز بېجىرىش ئۈچۈن 839 يۈەن رەسمىيەت ھەققى تاپشۇرسىلەر» دىگەن، ئاx، ئاx، ئاx قاتارلىقلار ئۆز-ئارا مەسلىھەتلەشكەندىن كىيىن، رەسمىيەت ھەققىنى ئاx بىرىپ تۇردىغان بۇلۇپ، 839 يۈەننى ئاxنىڭ ئۈندىدارىغا يۆتكەپ بەرگەن، ئاx پۇلنى تاپشۇرۇپ ئېلىپ، قxنىڭ ئۈندىدارىغا يۆتكەپ بەرگەن. ئارىدىن 10 كۈن ئۆتكەندە قx ئاx بىلەن ئۈندىدار ئارقىلىق كۆرۈشۈپ، «سىلەر بېجىرگەن قەرىز پۇل شىركەتنىڭ ھىسابىغا چۈشۈپ بولۇپتىكەن، تاپشۇرغان رەسمىيەت ھەققى ئاز بۇلۇپ قاپتۇ، يەنە 220 يۈەن تاپشۇرساڭلا بۇلدىكەن» دىگەندە، ئاx ئۆزىنىڭ يېنىدا 70 يۈەنلا بارلىقىنى دەپ، قxنىڭ ئۈندىدارىغا 70 يۈەن ئېتىپ بەرگەن، قx ئاx، ئاxلەردىن ئىلگىرى-كىيىن بۇلۇپ جەمئىي 909 يۈەن ئالداپ ئېلۋېلىپ پۇلنى خەجلەپ تۈگەتكەن. دىلو پاش بولغاندىن كىيىن 600 يۈەن زىيان ئەسلىگە كەلگەن. 

يۇقارقى پاكىتنى يازما ئىسپات،زىيانلانغۇچىنىڭ بايانى ،گۇۋاھچىنىڭ گۇۋاھلىقى،جاۋابكارنىڭ ئىقرارى ۋە ئۆزىنى ئاقلىشى  قاتارلىق دەلىل-ئىسپاتلار ئىسپاتلايدۇ .

دىمەك،جاۋابكار قx، زx، گxلەرنىڭ يۇقارقى قىلمشىدىن ئالدامچىلىق جىنايىتى شەكىللىنىدۇ، دېلونىڭ پاكىتى ئوچۇق، دەلىل-ئىسپاتى راست ۋە تولۇق بولۇپ بېكىتىشكە بولىدۇ، جاۋاپكارنىڭ بېكىتىلگەن جىنايەت پاكىتى ۋە دەلىل-ئىسپاتلارغا قارتا پىكرى يوق ، ئۆزلىكىدىن جىنايتىنى تۇنۇپ جازانى قۇبۇل قىلىدۇ .

مەھكىمىمىز جامائەت ۋە شەخىسلەرنىڭ مال-مۈلۈك ھوقۇقىنىڭ دەخلىسىزلىكىنى قانۇن بويىچە كاپالەتكە ئىگە قىلىش ئۈچۈن،جاۋابكار قx، زx، گxلەرگە «جۇڭخۇا خەلق جۇمھۇريىتى جىنايى ئىشلار قانۇنى» نىڭ 266- ماددا2-تارماق،25-ماددا،67-ماددا3-تارماق بەلگىلمىسى بويىچە جىنايەت بېكىتىپ جازا ئۆلچەپ«جۇڭخۇا خەلق جۇمھۇريىتى جىنايى ئىشلار دەۋا قانۇنى» نىڭ176-ماددىسىدىكى بەلگىلىمە بويىچە مەھكىمىڭىزلەرگە ئەيىبلىدۇق.

ھۆرمەت بىلەن :

تەپتىش : ياسىن رۇزى

2020-يىلى 8-ئاينىڭ 30-كۈنى

قوشۇمچە :       1) جاۋابكار قx، زx، گxلەر كىپىلدە .   

               2) ئىككى توپلام تەھقىقلەش دېلو ماتېرىيالى،22 نۇسخا ئەيىبنامە،جازا ئۆلچەش تەكلىپنامىسى ،ئاددى تەرتىپ قوللىنىش تەكلىپنامىسى، جىنايىنى تۇنۇپ جازانى قۇبۇل قىلىش ئىتراپنامىسى بىرگە يوللاندى.