起诉书（古某某涉嫌诈骗案）(公开版)_乌什县人民检察院

乌什县人民检察院　

起 诉 书

乌什检一部刑诉〔2020〕XX号　

  شىنجاڭ ئۇيغۇر ئاپتونۇم رايونى

ئۇچتۇرپان ناھىيەلىك خەلق تەپتىش مەھكىمسىنىڭ                                       ئەيىبنامىسى 

ئۇ ن ت جىنايى ئىشلار 1-بۆلۈم ئەيىپلەش (2020)XX–نومۇرلۇق 

ئۇچتۇرپان ناھىيەلىك خەلق سوت مەھكىمسىگە:

جاۋابكار گXX، ئايال، ئۇيغۇر، XX-يىلى XX-ئاينىڭ XX-كۈنى تۇغۇلغان، كىملىك نومۇرى XXXX، كاپالەتچىگە بېرىلىشتىن ئىلگىرى XX ناھىيە XX بازىرى XX كەنىت XX-مەھەللە XX-نومۇرلۇق  ئۆيدە ئولتۇرۇشلۇق، باشلانغۇچ مەكتەپ مەدەنىيەت سەۋىيسىگە ئىگە، دېھقان، ئىلگىرى جازالانمىغان. 2019-يىلى 10-ئاينىڭ 27-كۈنى ئۇچتۇرپان ناھىيەلىك جامائەت خەۋپسىزلىك ئىدارىسى تەرىپىدىن ئالدامچىلىق جىنايىتىگە چېتىشلىق دەپ قارىلىپ تەكشۈرۈپ بىر تەرەپ قىلىنغۇچە كاپالەتچىگە بېرىلگەن.

ئۇچتۇرپان ناھىيەلىك جامائەت خەۋىپسىزلىك ئىدارىسى جاۋابكار گXXنىڭ ئالدامچىلىق جىنايەت دېلوسىنى تەكشۈرۈپ تەھىققلەشنى ئاخىرلاشتۇرۇپ، 2020-يىلى 10-ئاينىڭ 14-كۈنى مەھكىمىمىزنىڭ تەكشۈرۈپ ئەيىپلىشىگە يوللىغان. مەھكىمىمىز دېلونى تاپشۇرۇپ ئېلىپ جاۋابكارغا ئاقلىنىشنى ئاقلىغۇچىغا ھاۋالە قىلىش ھوقوقى قاتارلىق دەۋا ھوقۇقلىرىنى يەتكۈزدى، جاۋابكار قانۇن بويىچە سوراق قىلىندى ۋە پىكىرى ئاڭلاپ ئۈتۈلدى. 

مەھكىمىمىز تەكشۈرۈپ بېكىتكەن پاكىت

جاۋابكار گXX 2019-يىلى XX-ئاينىڭ ئوتتۇرلىرى XX يېزا ئىگىلىك بىرىنچى دىۋىزىيە قاتناش بېكىتىنىڭ ئەتراپىدىكى XX ئولتۇراق رايونىدىكى ئىجارە ئالغان ئۆيىدە ئۆزىنىڭ «XX»ئىسىملىك ئۈندىداردا باشقىلارنى ئالداپ پۇل تېپىش مەقسىتىدە، « XX ئوچۇر توپى» دېگەن ئۈندىدار توپىغا «كونا نوڭيىسى بېكەتنىڭ قارشى تەرىپىدىكى XX ئولتۇراق رايونىدىكى 65 كۇۋادىرات مېتىرلىق ئۆي ئىجارە بېرىلىدۇ، يىللىق ئىجارە پۇلىسى 7000 يۈەن»دېگەن ساختا ئوچۇرنى تارقاتقان ھەمدە 2019-يىلى XX-ئاينىڭ XX-كۈنى ئۈندىدار ئارقىلىق زىيانلانغۇچى ئاXX بىلەن پاراڭلىشىپ «كونا نوڭيىسى بېكەتنىڭ قارشى تەرىپىدىكى XX ئولتۇراق رايونىدىكى 65 كۇۋادىرات مېتىرلىق ئۆينى ئىجارە بېرىدىغانلىقىنى، بىريىللىق ئىجارە ھەققى 7000 يۈەن بولۇپ، XX -يىللىق خوجىلىق باشقۇرۇش پۇلى ۋە ئىسىنىش پۇلىنى تۆلەپ بولغانلىقىنى» ئېيتىپ ئاXXنى ئۆزىگە ئىشەندۈرۈپ ئۆينى زىيانلانغۇچى ئاXXگە ئىجارە بېرىدىغانغا، ئاXX 4000 يۈەن زاكالەت پۇلىنى ئالدىن تۆلەيدىغانغا كېلىشىپ، زىيانلانغۇچى ئا XX 2019-يىلى XX-ئاينىڭ XX-كۈنى XX نومۇرلۇق ئۈندىدار ئارقىلىق جاۋابكار گXXنىڭ «XX » ناملىق  ئۈندىدارىغا 2000 يۈەندىن ئىككى قېتىم، جەمئى 4000 يۈەننى ئەۋەتىپ بەرگەن، جاۋابكار گXX   4000يۈەن پۇلنى ئالداپ ئېلىۋالغاندىن كېيىن ئەتىسى زىيانلانغۇچى ئاXXنى ئۈندىدارىدىن يۇيىۋېتىپ ئالداپ ئېلىۋالغان پۇلنى خەجلەپ تۈگەتكەن. دېلو پاش بولغاندىن كېيىن زىيان تولۇق ئەسلىگە كەلگەن.

يۇقارقى پاكىتلار يازما ئىسپات، زىيانكەشلىككە ئۇچرىغۇچىنىڭ بايانى،  جاۋابكارنىڭ ئىقرارى، ئۈندىدار سۆزلىشىش خاتىرىسى قاتارلىق دەلىل-ئىسپاتلارغا ئاساسەن بېكىتىلدى.

يۇقارقى دەلىل-ئىسپاتلارنىڭ ئېلىنىش تەرتىپى قانۇنلۇق، مەزمۇنى ئۇبىكتىپ ۋە راسىت، شىكايەت قىلغان پاكىتىنى تولۇق ئىسپاتلايدۇ. جاۋابكار گXX يۇقارقى قىلمىشىنى ئۆز ئىختىيارلىق بىلەن ئەينەن تاپشۇرۇپ، مەھكىمىمىز شىكايەت قىلغان پاكىت ۋە دەلىل-ئىسپاتلارغا قارىتا باشقىچە پىكىرى يوقلىغىنى ئوتتۇرغا قويدى ھەمدە ئۆزلۈگىدىن جنايىتىنى تۇنۇپ جازانى قۇبۇل قىلىدىغانلىغىنى بىلدۈردى.

مەھكىمىمىز مۇنداق قارايدۇ، جاۋابكار گ XXنىڭ يالغاندىن پاكىت ئويدۇرۇپ باشقىلارنى ئۆزىگە ئىشەندۈرۈش ئارقىلىق ئۇلارنىڭ كۆپ مىقداردىكى مال-مۈلىكىنى ئالداپ ئېلىۋالغان قىلمىشىدىن ئالدامچىلىق جىنايىتى شەكىللىندۇ. بۇ ھەقتە دېلونىڭ پاكىتى ئۇچۇق، دەلىل-ئىسپاتى راسىت ھەم تولۇق، «جۇڭخوا خەلق جۇمھۇريىتى جىنايى ئىشلار قانۇنى» نىڭ 266-ماددىسىدىكى ئالدامچىلىق جىنايىتى بويىچە جىنايى جاۋابكارلىقىنى سۈرۈشتۈرۈش كېرەك. جاۋابكارغا قىلمىشىنى تولۇق تۇنۇپ ئەينەن ئىقرار قىلغانلىغى، جەمئىيەتكە كەلتۈرگەن ئىجتىمائى تەسىرى ۋە خەۋىپى قاتارلىق تەرەپلەرگە ئاساسەن جازا بىرىش كېرەك. شۇڭا «جۇڭخوا خەلق جۇمھۇريىتى جىنايى ئىشلار دەۋا قانۇنى» نىڭ 176-مادىسىدىكى بەلگىلىمىسىگە ئاساسەن ئەيىبلەندى.

تەپتىش: ئايشەمگۈل ئابدۇسەمەت

پۈتۈكچى: ئامانگۈل تۇرسۇن

2020-يىلى 10-ئاينىڭ 23-كۈنى

ئىزاھات: (1) 12 نۇسخا ئەيىبنامە، بىر توپلام تەھىققلەش دېلوسى سوتقا يوللاندى.

                         (2) جاۋابكار ھازىر ئائىلىسىدە كېپىلدە، ئالاقىلىشىش تېلىفون نومۇرى: XXXX

                        (3) جىنايىتىنى تونۇش، جازانى قوبۇل قىلىش تىلخەتنامىسىدىن بىر نۇسخا يوللاندى.