شينجياڭ ۇيعۇر اۆتونوميالى رايونى شىڭگىل اۋداندىق
حالىق پروكۋراتۋراسىنىڭ ايىپتاۋى
ش ا پ ق (2020)3-ٴنومىرلى
جاۋاپكەر *******، ******* تۋىلعان، ازاماتتىق كۋالىك ٴنومىرى: *******، نوپوس تۇرعان جەر: ******* شەگارا باسقارۋ ساقشى بولىمشەسى، ادىرەسى: *******-ٴۇي. جاۋاپكەر ******* 2020-جىلى 2-ايدىڭ 5-كۇنى مەملەكەت قىزمەتكەرلەرىنىڭ زاڭ بويىنشا مىندەت وتەۋىنە كەسە-كولدەنەڭ بولۋ قىلمىس كۇمانىمەن شىڭگىل اۋداندىق قوعام حاۋىپسىزدىك مەكەمەسى جاعىنان سوتتاعانعا دەيىن كەپىلگە بەرىلگەن.
شىڭگىل اۋداندىق قوعام حاۋىپسىزدىك مەكەمەسى بۇل دەلونىڭ بارلاۋىن اقىرلاستىرىپ، جاۋاپكەر ******* مەملەكەت قىزمەتكەرلەرىنىڭ زاڭ بويىنشا مىندەت وتەۋىنە كەسە-كولدەنەڭ بولۋ قىلمىسىنا شاتىلدى _ دەپ، 2020-جىلى 2-ايدىڭ 17-كۇنى مەكەمەمىزدىڭ تەكسەرىپ ايىپتاۋىنا جولداعان. مەكەمەمىز دەلونى قابىلداپ الىپ، سول كۇنى جاۋاپكەرگە اقتاۋشى الۋ ۇقىعى بار ەكەندىگىن ۇقتىرۋمەن بىرگە زياندالۋشىعا ارىز-شاعىم جوقشىسىن تابىستاۋ ۇقىعى بار ەكەندىگىن ۇقتىرىپ، زاڭ بويىنشا جاۋاپكەردەن تەرگەۋ الىپ، زياندالۋشىنىڭ پىكىرىن تىڭداپ، دەلو ماتەريالىن تەكسەرىپ انىقتادىق.
زاڭ بويىنشا تەكسەرىپ انىقتاۋىمىزدا:
جاۋاپكەر *******، 2020–جىلى 2-ايدىڭ 4-كۇنى 21 ساعات مولشەرىندە، باسقالار جاعىنان شىڭگىل قالاشىق ايداعار كولى بويى شاعىن رايونى 7-ٴبينا 5-كورپۋىس 402-ۇيدە باسقالاردىڭ دەمالىسىنا نۇقسان جەتكىزگەنىن ايتىپ، دەلو مالىمدەيدى، وسىدان كەيىن سول رايونعا قاتىستى قالاشىق ساقشى بولىمشەسى مەن حالىققا قولايلى ساقشى ىستەر فونكتى قىزمەتكەرلەرىنىڭ مىندەت اتقارۋى بارىسىندا، جاۋاپكەر*******، ******* جانە ٴۇي يەسى ******* ۇشەۋى اراق ٴىشىپ وتىرعاندا، ساقشى قىزمەتكەرلەرى ولارعا: "سەندەر اراق ٴىشىپ باسقالاردىڭ تىنىشتىعىن الدىڭدار، قازىر مەملەكەتىمىز بويىنشا جاڭا تيىپتەگى ايدارشا ٴتارىزدى ۆيروستىڭ تارالۋىنىڭ الدىن الىپ جاتقان مەزگىل، باسقالاردىڭ ۇيىنە بارىپ، باسقا اداممەن كەزىگۋگە تيىم سالىنعان، ساقشى بولىمشەگە بارىپ تىزىمگە الىناسىڭدار" _ دەگەن. جاۋاپكەر ******* ساقشىلاردىڭ قىزمەتىنە سايكەسپەي توسەكتىڭ ۇستىنە وتىرىپ الادى ٴارى "ايعايلاسام نە قىلاسىڭدار" _ دەپ قارسىلاسۋمەن قويماي، كومەكشى ساقشى ******* كەۋدەسىنە ٴبىر جۇدىرىق ۇرادى، وسىدان كەيىن مىندەت اتقارۋشى ساقشىلار جاۋاپكەر ******* زورلىقتى تۇردە ساقشى بولىمشەسىنە الىپ بارعان.
جوعارداعى قىلمىس فاكتتەرىن تۇراقتاندىراتىن دالەل-سىپاتتار:
1-جازباشا سىپاتتار: تۇراقتى تۇرۋ يمفورماتسيالارى، ساقشىلىق سالاۋات انىقتامالارى، قابىلدانعان دالەل-سىپاتتاعى قولفوندا بايلانىس جاساۋ ەستەلىگىنىڭ قيما بەتى، قالاشىق ساقشى بولىمشەسىنىڭ احۋالعا ٴتۇسىنىك بەرۋى؛ 2-كۋاشىلەردىڭ كۋالىك ٴسوزى؛ 3-زياندالۋشىنىڭ بايانى؛ 4-جاۋاپكەر ******* ەكى رەتكى تەرگەۋدەگى مويىنداۋ جانە ٴوزىن اقتاۋى؛ 5-ساراپتاۋ پىكىرى؛ 6- ناق مايدان تەكسەرۋ ەستەلىگى، ناق مايدان قاريتاسى جانە زياندالۋشىنىڭ جاراقات راسىمدەرى؛ 7- زاڭ قىزمەتكەرلەرىنىڭ زاڭ اتقارۋ بارىسىنداعى الىپ بارعان كورىنىس اپپارات كەسكىنى قاتارلىلار.
مەكەمەمىز بىلاي دەپ قارايدى: جاۋاپكەر *******"جاڭا تيىپتەگى ايدارشا ٴتارىزدى ۆيروستان ساقتانىپ تىزگىندەۋ" قىزمەتى بارىسىندا، ٴتۇن مەزگىلىندە باسقا سەمياعا بارىپ اراق ٴىشىپ، باسقالاردىڭ تىنىشتىعىنا نۇقسان جەتكىزىپ، زاڭ قىزمەتكەرلەرىنىڭ قىزمەت وتەۋىنە كەسە-كولدەنەڭ بولۋ، ساقشى قىزمەتكەرلەرىنە قول جۇمساۋ ارەكەتىن الىپ بارعان. جاۋاپكەردىڭ ارەكەتى «جۇڭحۋا حالىق رەسپۋبليكاسى قىلمستىق ىستەر زاڭى»نىڭ 277-تارماق 1-ابزاتىس بەلگىلەمەسىنە قايشى، دەلونىڭ قىلمىس فاكتى انىق، دالەل–سىپاتتارى شىن جانە تولىق، مەملەكەت قىزمەتكەرلەرىنىڭ زاڭ بويىنشا مىندەت وتەۋىنە كەسە-كولدەنەڭ بولۋ قىلمىسى بويىنشا قىلمىستى ىستەر جاۋاپكەرشىلگى قۇزاستىرىلۋعا ءتيىستى. جاۋاپكەر ******* زاڭداعى بەلگىلەمەگە ساي قىلمىسىن تانىپ جازاعا مويىنسال. سوندىقتان، جاۋاپكەر مەكەمەمىز جاعىنان بەلگىلەنگەن جازا ولشەۋ ۇسىنىسىنا ٴارى تەز قاراۋ ٴتارتىبىن قولدانۋعا قوسىلعاندىقتان «جۇڭحۋا حالىق رەسپۋبليكاسى قىلمىستى ىستەر ارىز-شاعىم زاڭى»نىڭ 222-تارماق بەلگىلەمەسى بويىنشا تەز قاراۋ ٴتارتىبىن قولدانۋدى ۇسىنىس ەتتىك، دەلونىڭ قىلمىس فاكتى ايقىن، دالەل-سىپاتتارى شىن جانە تولىق بولىپ، «جۇڭحۋا حالىق رەسپۋبليكاسى قىلمىستى ىستەر ارىز-شاعىم زاڭى»نىڭ 176-تارماق بەلگىلەمەسىنە ساي الەۋمەتتىك ايىپتادىق، زاڭ بويىنشا جازا بەرۋلەرىڭىزدى سۇرايمىز.
شىڭگىل اۋداندىق حالىق سوت مەكەمەسىنە
پروكۋرور: توقتاۋباي ٴجامساپ ۇلى
2020-جىلى 2-ايدىڭ 18-كۇنى
قوسىمشا:
1. جاۋاپكەر **************.
2. رازۆەت دەلو ماتەريالى 2 تۇپتەم 134 بەت.
3. شىڭگىل اۋداندىق حالىق پروكۋراتۋراسىنىڭ ايىپتاۋى 8 پارشا.
4. كۋاشىلەر تىزىمدىگى ٴبىر نۇسقا.
5. زاڭ اتقارۋشى قىزمەتكەرلەردىڭ زاڭ اتقارۋعا قاتىستى كورىنىس پىلاستينكاسى ٴبىر دانا.
6. قىلمىسىن تانىپ جازاعا مويىنسال بولعاندىعى جونىندەگى قولحات پەن قىلمىسىن تانىپ جازاعا مويىنسال بولعاندارعا كەڭشىلىك ٴتۇزىمىن قولدانۋ جونىندەگى ۇقتىرۋى.
قاتىستى زاڭ تارماقتارى:
«جۇڭحۋا حالىق رەسپۋبليكاسى قىلمىستى ىستەر زاڭى»نىڭ 277-تارق 1-ابزاتىسى.
مازمۇنى: مەملەكەت قىزمەتكەرلەرىنىڭ زاڭ بويىنشا مىندەت وتەۋىنە زورلاۋ، قورقىتۋ جولدارىمەن كەسە-كولدەنەڭ بولعاندارعا 3 جىلدان تومەن مەرزىمدى قاماق جازاسى، قولدا ىستەتۋ جازاسى، باقىلاۋعا الۋ جازاسى كەسىلەدى نەمەسە ايىپ تارتتىرىلادى.
«جوڭحۋا حالىق رەسپۋبليكاسى قىلمىستى ىستەر زاڭى»نىڭ 67-تارماق 3-ابزاتىسى:
مازمۇنى: جاۋاپكەردە ٴوزىن مالىمدەۋ ارەكەتى بولماعانىمەن الايدا، قىلمىسىن تولىق مويىنداپ قاز-قالپىندا تاپسىرسا جەڭىل جازالاۋعا بولادى.
«جۇڭحۋا حالىق رەسپۋبليكاسى قىلمىستى ىستەر ارىز-شاعىم زاڭى»نىڭ 222-تارماعى.
مازمۇنى: نەگىزگى ساتى حالىق سوت مەكەمەلەرىنىڭ قاراماعىنداعى ٴۇش جىلدان تومەن قاماق جازاسىنان تومەن ۇكىم ەتىلەتىن دەلولاردىڭ فاكتى ايقىن، دالەل-سىپاتى تولىق بولسا، جاۋاپكەر قىلمىسىن تانىپ جازاعا مويىنسال بولسا ٴارى تەز ٴتارتىپتى قولدانۋعا قوسىلسا تەز ٴتارتىپتى قولدانۋعا بولادى ..........
«جۇڭحۋا حالىق رەسپۋبليكاسى قىلمىستى ىستەر ارىز-شاعىم زاڭى»نىڭ 176-تارماعى.
مازمۇنى: حالىق پروكۋراتۋراسى جاۋاپكەردىڭ قىلمىس فاكتى تەكسەرىلىپ انىقتالىپ، دالەل-سىپاتى شىن، تولىق بولىپ، قىلمىستىق ىستەر جاۋاپكەرشىلىگىن زاڭ بويىنشا قۋزاستىرۋ كەرەك دەپ ەسەپتەگەندە، ايىپاۋ قارارىن شىعارىپ، سوت جۇرگىزۋ قاراستىلىعى جونىندەگى بەلگىلەمە بويىنشا حالىق سوت مەكەمەسىنە الەۋمەتتىك ايىپتاۋ جۇرگىزۋى ٴارى دەلو ماتەريالىن، دالەل-سىپاتىن حالىق سوت مەكەمەسىنە جوتكەۋى كەرەك.
评论
成为第一个评论者
发表评论
评论