起诉书（哈某某危险驾驶案）(公开版)

شينجياڭ ۇيعۇر اۆتونوميالى رايونى ساۋان اۋداندىق حالىق پروكۋراتۋراسىنىڭ

ايىپتاۋناماسى

ش س ح پ ايپتاۋ〔2020〕 55-ءنومىر

جاۋاپكەر **، ەر، قازاق، ****-جىلى **-ايدىڭ **-كۇنى شينجياڭ ساۋان اۋدانىندا تۋىلعان، ازاماتتىق كۋالىك ءنومىرى: 2919********654223، تولىق ورتا مەكتەپ ماعۇلماتىنا يە، نوپۇس قاراستى ورنى: شينجياڭ ساۋان اۋدانى ** قالاشىعى ** قىستاعى **-كوشە **-ءنومىر، قازىرگى تۇرعان ورنى: شينجياڭ ساۋان اۋدانى **  وتىراقتى رايونى **-ءنومىرلى بينا **-ەسىك **-ءۇي، ديقان. 2019-جىلى 5-ايدىڭ 1-كۇنى قاتىناس كولىكتى قاتەرلى جۇرگىزۋ قىلمىس كۇمانىمەن ساۋان اۋداندىق قوعام حاۋىپسىزدىك مەكەمەسى جاعىنان كەپىلگە بەرىلگەن.

بۇدان بۇرىن زاڭعا قايشى ارەكەتى: جٶق.

ساۋان اۋداندىق قوعام حاۋىپسىزدىك مەكەمەسى جاۋاپكەر **نىڭ قاتىناس كولىكتى قاتەرلى جۇرگىزۋ قىلمىس دەلوسىن بارلاۋىن اقىرلاستىرىپ، 2020-جىلى 03-ايدىڭ 20-كۇنى مەكەمەمىزدىڭ تەكسەرىپ ايىپتاۋىنا جولداعان. مەكەمەمىز دەلونى قابىلداعاننان كەيىن، 2020-جىلى 03-ايدىڭ 20-كۇنى جاۋاپكەر **نا زاڭ بويىنشا يگىلىكتەنەتىن ارىز-شاعىم ۇقىعىن، ءارى قىلمىسىن تانىپ جازاعا مويىنسال بولۋ جٶنىندەگى كەلتىرەتىن مۇمكىنشىلىگى بولعان زاڭدىق زاردابىن ۇقتىردىق، زاڭ بويىنشا جاۋاپكەردى سۇراق قىلىپ، جاۋاپكەرمەن كەزەكشى ادۋۆاكاتتىڭ پىكىرىن تىڭداپ، دەلو ماتەريالىن جالپى بەتتىك كورىپ شىعىپ، دەلونىڭ فاكىتىمەن دالەل-سپاتىن انىقتاپ شىقتىق. جاۋاپكەر ** دەلونى تەز كەسىم جاساۋ ءتارتىپپەن قاراۋعا قوسىلدى.

زاڭ بويىنشا تومەندەگىدەي قىلمىس فاكىتى انىقتالدى:

2019-جىلى 4-ايدىڭ 18-كۇنى ساعات 23 دان 48 مينوت وتكەن مولشەرىندە، جاۋاپكەر ** اراق ءىشىپ ماس بولىپ 新G****7 ءنومىرلى سىكىدا ماركالى كىشكەنە تۇرپاتتى ماشينانى ساۋان اۋدانى شاجوۋ قوناقجايىنىڭ الدىنان ايداپ شىعىپ ساۋان اۋدانى ** جولى ** كوپىرى جول بولەگىنە كەلگەندە، الدىڭعى ۇقساس باعىتتا كەتىپ بارا جاتقان جۇك كولىگىنە سوعىلىپ، دەلو تۋىلعان ورىننان ماشيناسىن ايداپ قاشىپ كەتكەن. ارتىنان ساۋان اۋدانى قوعام حاۋىپسىزدىك مەكەمەسى قاتىناس ساقشى ۇلكەن اتىرەتىنىڭ ساقشىلارى جاۋاپكەر **ن جينگۋحى قالاشىعى ارداۋان قىستاعى 10-كوشە 14-نومىردەگى ۇيىنەن ۇستاعان.

شينجياڭ جۇڭ شين ءادىليالىق ساراپتاۋ ورتالىعى ساراپتاۋ ارقىلى، جاۋاپكەر **نىڭ ءار 100 ميلليليتر قان سۇيىقتىعىندا 229 مىلليگرام ىسپەرت قۇرامى انىقتالعان.

جٶعارداعى قىلمىس فاكتىن: جازباشا سپاتتار؛ ايعاق **نىڭ كۋالىگى؛ جاۋاپكەر **نىڭ مويىنداۋى؛ شينجياڭ جۇڭ شين ءادىليالىق ساراپتاۋ ورتالىعىنىڭ ءادىليالىق ساراپتاۋ پىكىرى؛ ناق مايدان انىقتاۋ ەستەلىگى جانە راسىمى؛ دىبىس-كەسكىن ماتەريالى قاتارلى دالەل-سپاتتارمەن تۇراقتاندىرۋعا بولادى. 

جوعارداعى دالەل-سپاتتار زاڭدى تۇردە الىنعان، مازمۇنى وبيەكتيۆ شىندىق، ايىپتاعان قىلمىس فاكىتىن ابدەن تۇراقتاندىرۋعا بولادى. جاۋاپكەر ** ايىپتاعان قىلمىس فاكىتىمەن دالەل-سپاتقا قاراتا پىكىرى جٶق، ءارى ەرىكتى تۇردە قىلمىسىن تانىپ جازاعا مويىنسال بولدى.

مەكەمەمىز مىناداي دەپ قارايدى: جاۋاپكەر ** قاتىناس باسقارۋ زاڭ-ەرەجەلەرىنە قايشىلىق جاساپ، اراق ءىشىپ ماس بولىپ جولدا ماتورلى كولىك جۇرگىزگەن. جاۋاپكەر **نىڭ بۇل ارەكەتى «جۇڭحۋا حالىق رەسپۋبليكاسى قىلمىستىق ىستەر زاڭى» نىڭ  133-تارماق ءبىرى 1-تارماقشا 2-تۇرىنە قايشىلىق جاساعان. دەلونىڭ فاكىتى انىق، دالەل-سپاتى تولىق. قاتىناس كولىكتى قاتەرلى جۇرگىزۋ قىلمىسىمەن جاۋاپكەر **نىڭ قىلمستىق ستەر جاۋاپكەرشىلىگىن قۋزاستىرۋ كەرەك. جاۋاپكەر ** ەرىكتى تۇردە قىلمىسىن تانىپ جازاعا مويىنسال بولدى. سوندىقتان جاۋاپكەر **نا ءۇش اي قولدا ىستەتۋ جازاسىن، جانە قوسىمشا 8000 يۋان اقشالاي ايىپ سالۋدى ۇسىنىس ەتەمىز. <<جۇڭحۋا حالىق رەسپۋبليكاسى قىلمىستىق ىستەر ارىز-شاعىم زاڭى>> نىڭ 176-تارماق 1-تارماقشاسنىڭ بەلگىلەمەسىنە نەگىزدەلىپ مەكەمەلەرىڭىزگە ايىپتاۋعا جولدادىق، زاڭ بويىنشا جازالاۋلارىڭىزدى سۇرايمىز.

قۇرمەتپەن :

شينجياڭ ساۋان اۋداندىق حالىق سوت مەكەمەسىنە

  پروكۋرور: ساۋلەت   

            

2020-جىلى 03-ايدىڭ 26-كۇنى

بۇل بەتتە نەگىزگى مازمۇن جوق

قوسىمشا :

1) جاۋاپكەر ** قازىر قوعامدا، قازىرگى تۇرعان ورنى: ساۋان اۋدانى ** وتىراقتى رايونى **-ءنومىرلى بينا **-ەسىك **-ءۇي، حابارلاسۋ تەلەفٶن ءنومىرى: ********182؛

2) ەكى توم دەلو ارحيۆى؛

3) ءبىر پارشا << قىلمىسىن تانىپ جازاعا مويىنسال بولعاندىعى جٶنىندەگى قولحات>>؛

4) ءتورت پارشا ايىپتاۋناما.