起诉书（哈某某盗窃）

شىنجاڭ ئۇيغۇر ئاپتونۇم رايۇنى

غۇلجا ناھىيىلىك خەلق تەپتىش مەھكىمىسىنىڭ

ئەيىبنامىسى

                       غ ن ت 1- بۆلۈم ئەيىپلەش[2020] 86-نومۇرلۇق

جاۋاپكار قا**، ئەر، قازاق، ****-يىلى**-ئاينىڭ **-كۈنى تۇغۇلغان، كەسپى: دىھقان، باشلانغۇچ مەكتەپ مەلۇماتلىق، كىملىك نومۇرى: 654128********0336، نوپۇسى ۋە دائىمىي ئولتۇرۇشلۇق ئورۇن: نىلقا ناھىيە ** يېزا ** كەنىت ** يولى**-كوچا**-نۇمۇر. 2015–يىلى8-ئاينىڭ 16-كۈنى ئوغۇرلۇق جىنايىتى ئۈچۈن غۇلجا ناھىيىلىك خەلق سوت مەھكىمىسى تەرىپىدىن مۇددەتلىك بىر يىل ئىككى ئايلىق  قاماق جازاسى بىرىلگەن بولۇپ، 2016-يىلى1-ئاينىڭ22-كۈنى جازا مۇددىتى توشۇپ قويۇپ بىرىلگەن. جاۋاپكار قا** 2018-يىلى10-ئاينىڭ16-كۈنى باشقا ئوغۇرلۇق قىلمىشى بىلەن غۇلجا ناھىيىلىك خەلق سوت مەھكىمىسى تەرىپىدىن مۇددەتلىك 2 يىللىق قاماق جازاسى بىرىلىپ، جازا مۇددىتى 2017-يىلى12-ئاينىڭ6-كۈنىدىن 2019-يىلى12-ئاينىڭ5- كۈنىگىچە قىلىپ بىكىتىلگەن. بۇ قىتىم ئىلگىرىكى چۈشۈپ قالغان ئوغۇرلۇق قىلمىشى سۈرۈشتۈرۈلۈپ، 2019-يىلى12-ئاينىڭ5-كۈنى ئوغۇرلۇق جىنايىتى گۇمانى بىلەن غۇلجا ناھىيىلىك خەلق تەپتىش مەھكىمىسى تەرىپىدىن قولغا ئېلىش تەستىقلانغان. 2019-يىلى12- ئاينىڭ5-كۈنى غۇلجا ناھىيىلىك ج خ ئىدارىسى تەرىپىدىن قولغا ئېلىش ئىجرا قىلىنغان. ھازىر غ ن قاماقخانىدا قاماقتا.

 بۇ دېلونى غۇلجا ناھىيىلىك ج خ ئىدارىسى تەھقىقلەشنى ئاخىرلاشتۇرۇپ، 2020-يىلى2-ئاينىڭ5-كۈنى مەھكىمىمىزنىڭ تەكشۈرۈپ ئەيىپلىشىگە يوللىغان. مەھكىمىمىز دېلونى تاپشۇرۇپ ئىلىپ، جاۋاپكارنى قانۇن بويىچە سوراق قىلىپ، ئۇنىڭغا ئاقلىغۇچى تەكلىپ قىلىش ھوقۇقىنىڭ بارلىقىنى ئۇقتۇردۇق، دېلودا بار بولغان جىنايى پاكىتنى تەكشۈرۈپ كۆرۈپ، دېلو تەكشۈرۈشنى ئاخىرلاشتۇردۇق.

    قانۇن بويىچە تەكشۈرۈپ ئىنىقلىشىمىزچە:

2016-يىلى9-ئاينىڭ26-كۈنى تى**(ئايرىم دېلودا بىر تەرەپ قىلىنغان)ئۆيىدىن نىلقا ناھىيە ساردۆڭ دىگەن يايلاقتا ئات بىقىۋاتقان جاۋاپكار قا**نىڭ يىنىغا چىققان. ئۇ يەردە بىر كۈن تۇرغاندىن كىيىن ئەتىسى يەنى 27-چىسلا تى** بىلەن قا** ئىككىسى ئۆزلىرىنىڭ ئاتلىرىنى يىغىپ قويغاندىن كىيىن، تى** ئۆزىنىڭ بۇرۇندىن زىدىيىتى بار بولغان ئا**نىڭ ئېتىنى ئوغۇرلاش ئۈچۈن قا** بىلەن بىرگە كىچە سائەت تەخمىنەن 12لەر ئەتراپىدا ھىدىليۈزنىڭ ئوي تەكشى دىگەن يايلىقىغا كىلىپ، ئوتلاپ يۈرگەن ئاتلارنىڭ ئارىسىدىن زىيانلانغۇچى نۇ**نىڭ 13مىڭ يۇەن قىممىتىدىكى بىر تۇياق قارا رەڭلىك بايتىلى بىلەن زىيانلانغۇچى ئا**نىڭ 10مىڭ يۇەن قىممىتىدىكى بىر تۇياق تورۇق بايتىلىنى سالما تاشلاپ تۇتقاندىن كىيىن، بۇ ئىككى تۇياق بايتالنى قا** بىلەن تى** ئىككىسى كىچىلەپ ھەيدەپ، سەھەر سائەت4لەر بىلەن قا**نىڭ ئۆيىگە كەلگەن. ئۇلار قا**نىڭ ئۆيىدە ئۇخلاپ تاڭ ئاتقاندىن كىيىن، تى**، قا** ئىككىسى يەنە بۇ ئاتلارنى ئېلىپ مىڭۋارال يايلىقىغا ھەيدەپ چىقىرۋەتكەن. كىيىن بۇ ئاتلارنى ھەيدەپ چىقىرۋەتكەن تاغدىن تاپالماي يۈتتۈرۈپ قويغان. زىيان ئەينىگە كەلمىگەن.

يۇقارقى پاكىتنى بىكىتىشتىكى دەلىل-ئىسپاتلار تۆۋەندىكىچە:

1.​ يازما ئىسپات؛

2.​ زىيانلانغۇچىنىڭ بايانى؛

3.​ گۇۋاھچىنىڭ بايانى؛

4.​ جاۋاپكارنىڭ ئىقرارى ۋە ئۆزىنى ئاقلىشى؛

   مەھكىمىمىز مۇنداق دەپ قارايدۇ:

جاۋاپكار قا** قانۇنسىز ئىگەللىۋىلىش مەقسىتىدە باشقىلار بىلەن بىرلىشىپ بىر قىتىمدا شەخىسلەرنىڭ 23مىڭ يۈەن قىممىتىدىكى ئىككى تۇياق ئېتىنى ئوغۇرلىغانلىق قىلمىشى «جۇڭخۇا خەلق جۇمھۇرىيىتى جىنايى ئىشلار قانۇنى»نىڭ 264-ماددا، 25-ماددا بەلگىلىمىسىگە خىلاپ بۇلۇپ، ئوغۇرلۇق جىنايىتىگە چىتىشلىق. جاۋاپكار ئىلگىرىمۇ ئوغۇرلۇق جىنايىتى بىلەن مۇددەتلىك قاماق جازاسى بىرىلگەن بولۇپ، جازا مۇددىتى توشۇپ بەش يىل ئىچىدە قايتا ئوغۇرلۇق قىلمىشى سادىر قىلغان. بۇ قىتىمقى ئوغۇرلۇق قىلمىشى تەكرار جىنايەت ھىساپلىنىدۇ. بۇ ھەقتە دېلونىڭ پاكىتى ئىنىق، دەلىل-ئىسپاتى تولۇق  ھەم راست. جاۋاپكار قا** ئوغۇرلۇق جىنايىتى بىلەن 2018-يىلى10-ئاينىڭ16-كۈنى مۇددەتلىك ئىككى يىللىق قاماق جازاسىغا ھۆكۈم قىلىنىپ جازاسى ئىجرا قىلىنىۋاتقان مەزگىلدە بۇ قىتىمقى جىنايىتىنىڭ چۈشۈپ قالغانلىقى سىزىلگەن، بۇ قىتىمقى جىنايىتى ئەيىپلەنگىچە ئالدىنقى ھۆكۈمدىكى جازا مۇددىتى توشقان. شۇڭا جاۋاپكار قا**كە «جۇڭخۇا خەلق جۇمھۇرىيىتى جىنايى ئىشلار قانۇنى»نىڭ 264-ماددا، 25-ماددا، 65-ماددا، 70-ماددا بەلگىلىمىسى بويىچە جازا  بىرىشىڭلارنى سوراپ، «جۇڭخۇا خەلق جۇمھۇرىيىتى جىنايى ئىشلار دەۋا قانۇنى» نىڭ 176-ماددىسىنىڭ بەلگىلىمىسىگە ئاساسەن، مەھكىمىڭىزلارغا ئەيىپلىدۇق، قانۇن بويىچە جازا بىرىشىڭلارنى سورايمىز.

ھۆرمەت بىلەن

غۇلجا ناھىيىلىك خەلق سوت مەھكىمىسىگە

تەپتىش: ئەسئەت، ئەرپات 

2020-يىلى6-ئاينىڭ29-كۈنى

ئەسكەرتىش:

1.​ جاۋاپكار قولغا ئىلىنغان،ھازىر غۇلجا ناھىيە قاماقخانىدا قاماقتا.

2.​ 2 توپلام دېلو بىلەن مۇناسىۋەتلىك ماتىرياللار كۆپەيتىلمىسى قوشۇپ يوللاندى.