起诉书（外某某危险驾驶案）(公开版)

شىنجاڭ ئۇيغۇر ئاپتونوم رايونى

پىچان ناھىيىلىك خەلق تەپتىش مەھكىمىسىنىڭ

ئەيىپنامىسى

پىچان تەپتىش 1-بۆلۈم ج ئى ئە چىقىش (2020)162-نومۇرلۇق

پىچان ناھىيىلىك خەلق سوت مەھكىمىسىگە:

جاۋابكار:ۋ**، ئەر، ئۇيغۇر، 1986-يىلى **-ئاينىڭ **-كۈنى تۇغۇلغان، كىملىك نۇمۇرى:******** 6521221986 ، پىچان ناھىيە چىقتىم بازار** مەھەللە **گۇرۇپ 13-نۇمۇرلۇق قوروردا ئولتۇرۇشلۇق ، تولۇق ئوتتۇرا مەكتەپ مەدەنىيەت سەۋىيىسىگە ئىگە،پىچان ناھىيە** بازارلىق خەلق ھۆكۈمىتى بىرلەشمە مۇداپىئە ئەترىتىنىڭ خىزمەتچىسى ، ئىلگىرى جازالانمىغان . 2019- يىلى 2- ئاينىڭ 13- كۈنى خەۋىپلىك ھەيدەش جىنايىتىگە چىتىشلىق گۇماندار دەپ قارىلىپ، پىچان ناھىيىلىك جامائەت خەۋپسىزلىك ئىدارىسى تەرىپىدىن تەكشۈرۈپ بىر تەرەپ قىلىنغىچە كىپىللىككە بىرىلگەن، 2020- يىلى 2- ئاينىڭ 12- كۈنى مەھكىمىمىز تەرىپىدىن قايتا كىپىللىككە بېرىلگەن.

پىچان ناھىيلىك جامائەت خەۋپسىزلىك ئىدارىسى جاۋابكار ۋ**نىڭ خەۋىپلىك ھەيدەش دىلوسى ئۈستىدىكى تەھقىقلەشنى ئاخىرلاشتۇرۇپ، 2020- يىلى 2- ئاينىڭ 12-كۈنى مەھكىمىمىزنىڭ تەكشۈرۈپ ئەيىپلىشىگە سۇنغان. مەھكىمىمىز دىلو ماتىرىياللىرىنى تاپشۇرۇپ ئالغاندىن كىيىن جاۋابكارنى قانۇن بويىچە سوراق قىلدۇق ھەمدە ئۇنىڭغا قانۇن بويىچە بەھرىمەن بولىدىغان ھوقوق- مەجبورىيەتلىرىنى،جىنايىتىنى تونۇپ جازانى قوبۇل قىلىشنىڭ قانۇنى ئاقىۋىتى قاتارلىقلارنى ئۇقتۇردۇق. دىلونىڭ بارلىق ماتىرىياللىرىنى ئەستايىدىل تەكشۈرۈپ چىقتۇق، دېلو ئەھۋالى ئالاھىدە بولغانلىقى ئۈچۈن ، تەكشۈرۈپ ئەيىبلەش سۈرۈكىنى 15كۈن ئۇزارتتۇق.

مەھكىمىمىز قانۇن بويىچە تەكشۈرۈش ئارقىلىق جاۋابكارنىڭ تۆۋەندىكىدەك جىنايى پاكىتىنى ئېنىقلاپ چىقتى:

2018- يىلى 12- ئاينىڭ 4- كۈنى سائەت 23:25 لار ئۆتكەندە،جاۋابكار ۋ** ھاراق ئىچىپ مەست ھالەتتە، رەسمىيەتسىز «**» ماركىلىق، يېنىك تىپتىكى يۈك ماشىنىسىنى ھەيدەپ مېڭىپ، پىچان ناھىيە چىقتىم بازار ** مەھەللە ****-نومۇرلۇق دېلو مەلۇم قىلىش نۇقتىسى ئالدى يول بۆلىكىگە كەلگەندە ، يولنىڭ سول تەرىپىدىكى كەنت كومىتىتى ئۆيى بىلەن سوقۇلغان، نەتىجىدە ھادىسىدە جاۋابكار ۋ** ئۆزى يارىلىنىپ، قاتناش ۋاستىسى ۋە كەنتنىڭ ئۆيى زىيانغا ئۇچراشتەك ئادەتتىكى قاتناش ھادىسىسىنى سادىر قىلغان.

شىنجاڭ «خىڭ جىڭ» ئەدلىيىلىك باھالاش مەركىزىنىڭ (2018) 437-نۇمۇرلۇق قاندىكى ئىسپىرىت مىقدارىنى تەكشۈرۈش دوكلاتنامىسىنىڭ خۇلاسە قىسمىدا« جاۋاپكار ۋ**دىن ئېلىنغان قاندىكى ئىسپىرىت مىقدارى mg/100ml158.4» دەپ خۇلاسە چىقىرىلغان.

يۇقارقى پاكىتلارنى ئىسپاتلايدىغان دەلىل-ئىسپاتلاردىن:

1. مۇناسىۋەتلىك يازما ئىسپاتلار؛ 2.جاۋاپكارنىڭ ئىقرارى ۋە ئاقلىنىشى؛ 3. باھالاش يەكۈنى؛ 4. نەق مەيدان تەكشۈرۈش خاتىرە ،خەرىيتە ۋە سۈرەتلىرى قاتارلىقلار بار.

يۇقارقى دەلىل-ئىسپاتلارنىڭ توپلىنىشى قانۇنلۇق، مەزمۇنى ئەمەلىيەتكە ئۇيغۇن، ئەيىبنامىدە بېكىتىلگەن پاكىتنى تولۇق ئىسپاتلاپ بېرەلەيدۇ. جاۋابكار ۋ**نىڭ ئەيىبلەنگەن جىنايەت پاكىتى ۋە دەلىل-ئىسپاتلارغا باشقىچە پىكرى يوق، ھەم ئۆزلۈكىدىن جىنايىتىنى تونۇپ جازانى قوبۇل قىلىدۇ.

مەھكىمىمىزنىڭ قارىشىچە، جاۋاپكار ۋ**نىڭ دۆلەتنىڭ قاتناش-تىرانسىپورتنى باشقۇرۇشقا دائىر قانۇن-نىزاملىرىغا خىلاپلىق قىلىپ، ھاراق ئىچىپ، مەست ھالەتتە ماتورلۇق قاتناش ۋاستىسىنى ھەيدەپ يول يۈرگەن قىلمىشى«جۇڭخۇا خەلق جۇمھۇرىيىتى جىنايى ئىشلار قانۇنى»نىڭ 133-ماددىسىنىڭ بىر مەزمۇنىنىڭ بەلگىلىمىسىگە خىلاپ بولۇپ، قىلمىشىدىن خەۋىپلىك ھەيدەش جىنايىتى شەكىللىنىدۇ. دېلونىڭ پاكىتى ئېنىق، دەلىل- ئىسپاتلىرى راست ۋە تولۇق، جاۋابكارنىڭ جىنايى جاۋابكارلىقىنى قانۇن بويىچە سۈرۈشتۈرۈشكە تىگىشلىك. خەۋپلىك ھەيدەش جىنايىتىگە قانۇندا بەلگىلەنگەن جازا بولسا تۇتۇپ تۇرۇپ ئەمگەككە سېلىش قوشۇمچە شىتىراپ قويۇش.

جاۋاپكار ۋ** جىنايىتىنى تونۇپ جازانى قوبۇل قىلىدۇ، جىنايىتىنى ئەينەن ئىقرار قىلىدۇ،«جۇڭخۇا خەلق جۇمھۇرىيىتى جىنايى ئىشلار دەۋا قانۇنى»نىڭ 15-ماددىسى، «جۇڭخۇا خەلق جۇمھۇرىيىتى جىنايى ئىشلار قانۇنى»نىڭ 67-ماددىسىنىڭ 3-تارماقلىرىنىڭ بەلگىلىمىسى بويىچە كەڭچىلىك بىلەن ، يېنىك بىر تەرەپ قىلىشقا بولىدۇ، مەھكىمىمىز جاۋاپكار ۋ**غا 3 ئايلىق تۇتۇپ تۇرۇپ ئەمگەككە سېلىش جازاسى بېرىپ قوشۇمچە شىتىراپ قويۇش ھەمدە جىنايى جازاسىنى كېچىكتۈرۈپ ئىجرا قىلىش جازا تەكلىپىنى بېرىدۇ.

جاۋاپكار ۋ**نىڭ خەۋپلىك ھەيدەش جىنايىتى دېلوسىنى «جۇڭخۇا خەلق جۇمھۇرىيىتى جىنايى ئىشلار دەۋا قانۇنى»نىڭ 176-ماددىسىنىڭ بەلگىلىمىسى بويىچە مەھكىمىڭىزلەرگە ئەيىبلىدۇق، قانۇن بويىچە جىنايى جازا ھۆكۈم قىلغايسىزلەر .

ھۆرمەت بىلەن

تەپتىش: ئاسىمجان ئالىم

2020- يىلى3- ئاينىڭ27- كۈنى

ئىزاھات:

1. جاۋاپكار ۋ** ھازىر ئائىلىسىدە كىپىللىكتە،تېلىفۇن نومۇرى:.

2. ج خ دىلو ئارخىپى 2 توپلام، تەپتىش دىلو ئارخىپى 1 توپلام، ئەيىپنامە 10 نۇسخا دېلو بىلەن بىرگە يوللاندى.

3. «جىنايىتىنى تونۇپ جازانى قوبۇل قىلىش تۆۋىنامىسى» بىر پارچە،دېلو بىلەن بىرگە يوللاندى.