起诉书（居某某危险驾驶案)

شينجياڭ ۇيعىر اۆتونوميالى رايونى قۇتىبي اۋداندىق حالىق پروكۋراتۋراسىنىڭ

ايىپتاۋناماسى

ق پ ق ايىپتاۋ  [2021]32-ءنومىرلى

ايىپكەر جۇ**، 1989-جىلى **-ايدىڭ **-كۇنى تۋىلعان، تۇرعىندار كۋالىك ءنومىرى: ********6523011989، قازاق، ورتا مەكتەپ مادەنيەت ساۋياسىنا يە، نوپوسى تۇرعان جەر: شيىنجياڭ قۇتۇبي اۋدانى ** قالاشىعى ** قىستاعى *-گۇرىپپا *-كوشە *-اۋلا، مالشى، قازىر سول جەردە وتىرادى.  قۇتىبي اۋداندىق قوعام حاۋىپسىزدىك مەكەمەسى اۆتوكولىكتى قاتەرلى جۇرگىزۋ قىلمىسىنان گۇماندانىپ، 2020-جىلى 10-ايدىڭ 22-كۇنى كەپىلگە بەرگەن، 2021-جىلى 2-ايدىڭ 5-كۇنى مەكەمەمىز جاعىنان كەپىلگە بەرىلگەن.

بۇل دەلونى قۇتىبي اۋداندىق قوعام حاۋىپسىزدىك مەكەمەسى بارلاۋدى اياقتاتىپ، ايىپكەر جۇ** اۆتوكولىكتى قاتەرلى جۇرگىزۋ قىلمىسىن وتكىزدى دەگەن گۇمانمەن 2021-جىلى 2-ايدىڭ 5-كۇنى مەكەمەمىزگە تەكسەرىپ ايىپتاۋعا جولداعان ەدى، مەكەمەمىز قابىلداعاننان كەيىن، سول كۇنى ايىپكەرگە اقتاۋشى ۇسىنىس ەتۋگە ۇقىقتى ەكەندىگىن جانە قىلمىسىن تانىپ، جازاعا مويىنسال بولۋدىڭ زاڭدىق ناتيجەسىن ۇقتىردى. ايىپكەردى زاڭ بويىنشا سۇراق قىلىپ، ايىپكەردىڭ جانە كەزەكشى ادۆوكاتتىڭ پىكىرىن الىپ، بارلىق دەلو ماتەريالىن تەكسەرىپ شىقتى. ايىپكەر بۇل دەلونى سوتتا تەز سوتتاۋ ءتارتىبىن قولدانىپ قاراپ شىعۋعا قوسىلدى.

زاڭ بويىنشا تەكسەرىپ انىقتاۋىمىزشا:

2020-جىلى 10-ايدىڭ 14-كۇنى ساعات 14 دەن 20 مينوت وتكەن مەزگىلدە، ايىپكەر جۇ** اراق ءىشىپ ماس بولعاننان كەيىن، ەكى دوڭگەلەكتى موتوسيكىلمەن قۇتىبي اۋدانى ارشىليدان قالاشىعىنداعى اۋدان جولى 152-لەنياسىن بويلاپ، وڭتۇستىكتەن سولتۇستىككە قاراي ءجۇرىپ، ارشىليدان قالاشىعى ەمحاناسىنىڭ الدىنا كەلگەندە، ساقشىلار تەكسەرىپ ۇستاپ العان. ساراپتاۋ ارقىلى، ايىپكەر جۇ**تىڭ 100 ميللييتر قان سۇيىقتىعىندا 229 ميلليگرام ىسپيرىت قۇرامى بار ەكەنى انىقتالعان. 

جوعارداعى قىلمىس فاكىتى جونىندەگى دالەل-سىپاتتار تومەندەگىدەي:

جازباشا ىسپات، ايعاقتاردىڭ كۋالىگى، ساراپتاۋ پىكىرى، ناق مايدان سۋرەتى، ايىپكەردىڭ مويىنداۋى جانە ءوزىن اقتاۋى، ەستۋ، كورۋ ماتەريالدارى.

جوعارداعى دالەل-ىسپاتتاردىڭ توپتالۋ ءتارتىبى زاڭعا ۇيلەسىمدى، مازمۇنى وبيەكتۆ شىنايى بولىپ، ايىپتاعان قىلمىس فاكىتىن تولىق بەكىتۋگە بولادى. ايىپكەر جۇ** ايىپتاعان قىلمىس فاكىتى جانە دالەل-ىسپاتتارعا قاراتا پىكىرى جوق بولۋمەن بىرگە ءوز ەركىمەن قىلمىسىن تانىپ، قىلمىس جازاسىن قابىلدايدى.

مەكەمەمىز بىلاي دەپ قارايدى، ايىپكەر جۇ** ەلىمىزدىڭ جول قاتىناس تاسمالدى باسقارۋ زاڭ-ەرەجەلەرىنە قايشىلىق جاساپ، اراق ءىشىپ ماس بولعاننان كەيىن شوفەرلىك كۋالىگى جوق تۇرىپ جولدا جول ءجۇرۋ كۋالىگى جوق اۆتوكولىكتى ايداۋ ارەكەتى «جۇڭحۋا حالىق رەسپۇبىليكاسى قىلمىستى ىستەر زاڭى» نىڭ 133-تارماعىنىڭ بىرىندەگى 1-تارماقشاسىنىڭ (2) مازمۇنىنداعى بەلگىلەمەگە قايشى كەلگەن، بۇل جونىندە فاكىت انىق، دالەل-ىسپات راس، تولىق بولىپ، ايىپكەردىڭ اۆتوكولىكتى قاتەرلى جۇرگىزۋ قىلمىس جاۋاپكەرلىگىن زاڭ بويىنشا قۋزاستىرۋ كەرەك. ايىپكەر جۇ** قىلمىسىن تانىپ، جازانى قابىلدايتىندىقتان، «جۇڭحۋا حالىق رەسپۇبىليكاسى قىلمىستى ىستەر ارىز-شاعىم زاڭى»نىڭ 15-تارماعىنداعى بەلگىلەمەگە سايى، كەڭشىلىكپەن ءبىر جاقتى ەتسە بولادى. سوندىقتان، «جۇڭحۋا حالىق رەسپۇبىليكاسى قىلمىستى ىستەر ارىز-شاعىم زاڭى»نىڭ 176-تارماعىنداعى بەلگىلەمەگە ساي، مەكەمەلەرىڭىزگە زاڭ بويىنشا قىلمىس جازاسىن بەرۋگە ايىپتادىق.

                        قۇرمەتپەن

قۇتىبي اۋداندىق حالىق سوت مەكەمەسىنە

                                                     پروكۋرور: نۇربولات

2021-جىلى 2-ايدىڭ 24-كۇنى

قوسىمشا:

        1.ايىپكەر جۇ** كەپىلگە بەرىلگەن، بايلانىس تەلەفونى: ****1599936؛

        2. 2 ءتۇپ دەلو ارحيۆى، 1 نۇسقا قىلمىسىن تانىپ، قىلمىس جازاسىن قابىلداۋ كەلىسىمى بىرگە جولداندى.