起诉书（帕某某盗窃案)

شىنجاڭ ئۇيغۇر ئاپتونوم رايونى

ئۈرۈمچى شەھىرى سايباغ رايونلۇق خەلق تەپتىش مەھكىمىسىنىڭ

ئەيىبنامىسى

                             ئۈ ش س ت ج ئى ئە چ [2019] يىللىق :   374- نومۇرلۇق 

ئۈرۈمچى شەھىرى سايباغ رايونلۇق خەلق سوت مەھكىمىسىگە:

جاۋابكار پxx، ئەر، 1979- يىلى **- ئاينىڭ **-كۈنى تۇغۇلغان، كىملىك نومۇرى: 6541231979********،  ئۇيغۇر، تولۇقسىز ئوتتۇرا مەكتەپ مەدەنىيەت سەۋىيىسىگە ئىگە، مۇقىم خىزمەت ئورنى يوق، نوپۇسى تۇرۇشلۇق جايدىكى ئادرېسى: شىنجاڭ قورغاس ناھىيىسى ** بازىرى ** كوچا **-كوچا **-نومۇر. 2019-يىلى 4- ئاينىڭ 21-كۈنى ئوغرىلىق جىىنايى قىلمىشىغا چېتىشلىق بولغانلىقى ئۈچۈن ئۈرۈمچى شەھەرلىك ج خ ئىدارىسى سايباغ رايونلۇق شۆبىسى تەرىپىدىن جىنايى ئىشلار بويىچە توختۇتۇپ قويۇلۇپ، ئەتىسى ئائىلىسىگە كېپىلگە بېرىلگەن.

ئۈرۈمچى شەھەرلىك ج خ ئىدارىسى سايباغ رايونلۇق شۆبىسى تەھقىقلەشنى ئاخىرلاشتۇرۇپ مەھكىمىمىزنىڭ تەكشۈرۈپ ئەيىبلىشىگە يوللىغان، جاۋابكار پxxنىڭ ئوغرىلىق جىنايى دېلوسىنى 2019 - يىلى 4 – ئاينىڭ 29– كۈنى تاپشۇرۇپ ئالغاندىن كېيىن، قانوندا بەلگىلەنگەن سۈرۈك ئىچىدە جاۋابكارغا بارلىق دەۋا ھوقوق-مەجبۇرىيەتلىرىنى ئۇقتۇردۇق، ھەمدە جاۋابكاردىن قانۇن بويىچە سۇئال سوراپ، بارلىق دېلو  ماتېرىياللىرىنى تەكشۈردۇق. 

قانۇن بويىچە تەكشۈرۈپ ئېنىقلىشىمىزچە:

    جاۋابكار پxx 2016- يىلى 5- ئاينىڭ 29- كۈنى سائەت 7:00 لەر ئەتراپىدا، شېرىكى مxx (ئەيىبلىنىپ بولغان) بىلەن بىرگە شەھىرىمىزنىڭ سايباغ رايۇنى ** يولى ** دوختۇرخانىسىنىڭ جەنۇبى ئىشىكى ئەتراپىدا، يولدا كېتىۋاتقان زىيانغا ئۇچرىغۇچى چىيۇxxنىڭ دىققەتسىزلىكىدىن پايدىلىنىپ سول تەرەپ چاپان يانچۇقىدىن مxx بىر دانە 2832 يۈەن قىممىتىدىكى ئالما 6 ماركىلىق تېلفۇنىنى ئوغرىلىغان، جاۋابكار پ** ئادەمگە قاراپ بەرگەن بولۇپ، كېيىن جاۋابكارلار ئوغرىلىغان تېلىفوننى باشقىلارغا سېتىپ پۇللارنى خەجلەپ تۈگەتكەن.

   يۇقارقى پاكىت تۆۋەندىكى دەلىل-ئىسپاتلارغا ئاساسەن بېكىتىلدى:

(1) زىيانغا ئۇچرىغۇچى چىيۇxxنىڭ دېلو مەلۇم قىلىش ماتىريالى ۋە سۆھبەت خاتىرىسى؛ 

(2) يازما ئىسپات: جاۋابكارنىڭ سالاھىيەت ئىسپاتى، دېلوغا كېلىش جەريانى توغرىسىدىكى ئىسپات ؛

(3) گۇۋاچىنىڭ گۇۋاھلىقى؛

(4) جاۋابكارنىڭ ئىقرارى؛ 

(5) ئۈن- سىن ماتىريالى؛

مەھكىمىمىزنىڭ قارىشىچە: جاۋابكار پxxنىڭ دۆلەت  قانۇنىنى كۆزگە ئىلماي، قانونسىز ئىگەللىۋېلىش  مەقسىتىدە،  بىرلىشىپ يانچۇقچىلىق ۋاستىسىنى قوللىنىپ باشقىلارنىڭ پۇل-ماللىرىنى ئوغرىلاپ ئۇلارنىڭ مال-مۈلۈككە بولغان ئىگىدارلىق ھوقۇقىغا دەخلى-تەرۈز قىلغان قانۇنسىز قىلمىشىدىن ئوغرىلىق جىنايىتى شەكىللىنىدۇ. دېلونىڭ پاكىتى ئېنىق، دەلىل - ئىسپاتى تولۇق ۋە راست، جاۋابكارنىڭ جىنايى جاۋابكارلىقىنى «جۇڭخۇا خەلق جۇمھۇرىيىتى جىنايى ئىشلار قانۇنى» نىڭ 264-ماددىسىنىڭ بەلگىلىمىسىگە ئاساسەن سۈرۈشتۈرۈشكە تېگىشلىك. شۇڭا جاۋابكارنى «جۇڭخۇا خەلق جۇمھۇرىيىتى جىنايى ئىشلار دەۋا قانۇنى» نىڭ 176-ماددىسىنىڭ بەلگىلىمىسىگە ئاساسەن مەھكىمەڭلارغا ئەيىبلىدۇق. سىلەرنىڭ جاۋابكارنىڭ جىنايىتىگە قانون بويىچە جازا ھۆكۈم قىلىشىڭلارنى سورايمىز.

                           ھۆرمەت بىلەن:   

                    تەپتىش: گۈلباھار ئابدۇرشىت

               تەپتىش ياردەمچىسى: فەرۇق پەخرىدىن

               2019- يىلى 5- ئاينىڭ 8- كۈنى  

ئەسكەرتىش:

(1)  جاۋابكار ھازىر ئائىلىسىدە كېپىلدە. 

(2) تەھقىقلەش دېلوسى 2 توپلام، مەھكىمىمىزنىڭ ئەيىبناىسى، ئاددىي تەرتىپنى قوللىنىش تەكلىپى، 3 دانە سىن دېسكىسى بىرگە يوللاندى.