起诉书（拜XX诈骗案）(公开版)

شىنجاڭ ئۇيغۇر ئاپتونۇم رايونى 

ئاقسۇ شەھەرلىك خەلق تەپتىش مەھكىمىسىنىڭ 

ئەيىبنامىسى

ئا ش ت ئەيىبلەش چىقىش (2020)    637-نۇمۇرلۇق

ئاقسۇ شەھەرلىك خەلق سوت مەھكىمىسىگە:

    جاۋابكار ب XX  ، ئەر، ئۇيغۇر، 27 ياش،  كىملىك نۇمىرى: 6531211992XXXXXXXXنۇپۇسى تۇرۇشلۇق ئورۇن شىنجاڭ قەشقەر شەھەرXX يېزلىق ساقچىخانا، ھازىرقى تۇرۇشلۇق ئادىرسى شىنجاڭ قەشقەر شەھەر XX يېزا XX كەنىت XX گۇرۇپ XXنۇمۇر ، كەسپى تىجارەتچى، ئوتتۇرا تېخنىكوم مەدەنىيەت سەۋىيسىگە ئىگە، ئىلگىرى جازالانمىغان . 2020-يىلى 01-ئاينىڭ 13-كۈنى ئالدامچلىق جىنايەت گۇمانى بىلەن جىنايى ئىشلار بۇيىچە توختۇتۇپ قۇيۇلۇپ، مەھكىمىمىزنىڭ تەستىقلىشى بىلەن شۇ يىلى 3-ئاينىڭ 11-كۈنى قولغا ئېلىنغان. 

ئاقسۇ شەھەرلىك ج خ ئىدارىسى مەزكۇر دېلونى تەھقىقلەشنى ئاخىرلاشتۇرۇپ، 2020-يىلى 5-ئاينىڭ 15-كۈنى (2020) 495-نۇمۇرلۇق ئەيىبلەش پىكىرنامىسى ئارقىلىق مەھكىمىمىزنىڭ تەكشۈرۈپ ئەيىبلىشىگە يوللىدى. مەھكىمىمىز دېلونى تەكشۈرۈپ، جاۋابكاردىن قانۇن بويىچە سۇئال سورىدى ھەم ئاقلىنىش ھوقوقى بارلىقى ئۇقتۇرۇپ قويۇلدى. دېلو بىجىرگۈچىلەر يۇقارقى خىزمەتلەرنى تاماملاپ مەزكۈر دېلونى تەكشۈرۈشنى ئاخىرلاشتۇردى.

قانۇن بويىچە تەكشۈرۈپ ئېنىقلىشىمىزچە: 1-قېتىم: جاۋابكار ب XX 2019-يىلى 11-ئاينىڭ 22- كۈندىن 28-كۈنىگىچە بولغان جەريانلاردا باشقىلارنى ئالداپ پۇل تېپىش مەقسىتدە، XX ناھىيەXX بازىرى XX كەنىت XX مەھەللىدە ئولتۇرشلۇق م XX غا « مىنىڭ بانىكىدا 600 مىڭ يۈەن پۇلۇم بار ، بۇ پۇلنىڭ 37 مىڭ يۈەن ئۈسىمنى تۈلىۋەتسەم 600 مىڭ يۈەن پۇلنى ئالغىلى بۇلاتتى، سىز ماڭا 37 مىڭ يۈەن بەرسىڭىز بانكا ئۈسىمنى تۈلىگەندىن كىيىن 600 مىڭ يۈەن پۇلدىن سىز پايدىلانسىڭىز » دەپ ئالداپ م XX نىڭ جەمئى 21300 يۈەن پۇلنى ئالداپ ئېلىۋېلىپ خەجلەپ تۈگەتكەن. 

2قېتىم : جاۋابكار ب XX 2020-يىلى 01-ئاينىڭ 04-كۈندىن 2020-يىلى 01-ئاينىڭ 11-كۈنىگىچە بولغان جەريانلاردا باشقىلارنى ئالداپ پۇل تېپىپ ئۆزىنىڭ قەرزىنى قايتۇرۇش مەقسىتدە، XX شەھىرىدە ئولتۇرۇشلۇق زىيانلانغۇچى ئۇXX نى « مەن قەشقەردە ئىشلەيمەن ، مەن بانكدىن 7 يىللىق 1 مىليۇن يۈەننى تىجارەت قىلىش ئۈچۈن ئالغان، تىجارەت قىلالمىغانلىقىم ئۈچۈن 100مىڭ يۈەندەك پۇلنى خەجىلىۋەتتىم ، ھازىر مەنىدە 900 مىڭ يۈەن پۇل بار ، مەن بانكدىن قەرىز ئالغان 1 ملىيۇن يۈەن پۇلنىڭ بىر يىللىق ئۈسىمى 50 مىڭ يۈەن، سىز ماڭا 50 مىڭ يۈەن بەرسىڭىز مەن بانىكىغا تۈلىسەم 900 مىڭ يۈەن پۇلنى ئالالايمەن، سىز بۇ 900 مىڭ يۈەن پۇلنىڭ ھەر يىللىق ئۈسىمنى تۈلەپ 6 يىل ئىشلەتسىڭىز بۇلىدۇ » دەپ ئۇ XX نىڭ 50 مىڭ يۈەن پۇلنى ئالداپ ئېلىۋېلىپ قەرىز قايتۇرۇشقا ئىشلەتكەن. دېلو پاش بولغاندا 3000 يۈەن ئەسلىگە كەلگەن. 

  ئومۇملاشتۇرغاندا، جاۋابكار ب XX  ئىككى نەپەر زىيانلانغۇنچىدىن  71300 يۈەن پۇلنى ئالداپ ئېلىۋالغان. دېلو پاش بولغاندا زىيانلانغۇچى ئۇXX  نىڭ 3000 يۈەن زىينى ئەسلىگە كەلگەن. دېلودىكى 68300 يۈەن زىيان ئەسلىگە كەلمىگەن. 

 يۇقارقى پاكىتلارنى يازما ئىسپات، جاۋابكارنىڭ ئىقرارى، زىيانلانغۇچىلارنىڭ بايانى، گۇۋاھچىلارنىڭ گۇۋاھلىقى، ئېنىقلاش-تەكشۈرۈش خاتىرىسى قاتارلىق دەلىل-ئىسپاتلار ئىسپاتلايدۇ.

مەھكىمىمىز جاۋابكار ب XX نىڭ يۇقارقى قىلمىشى «جۇڭخۇا خەلق جۇمھۇرىيىتى جىنايى ئىشلار قانۇنى»نىڭ 266-ماددا بەلگىلىمىسىگە خىلاپ، جىنايەت پاكىتى ئېنىق، دەلىل-ئىسپاتى تۇلۇق،جاۋابكار جىنايىتىنى تۇنۇپ جازاغا قايىل بولدى، بۇ «جۇڭخۇا خەلق جۇمھۇريىتى جىنايى ئىشلار دەۋا قانۇنى»نىڭ 15-ماددا بەلگىلىمىسىگە ئۇيغۇن، شۇڭا جاۋابكارنى ئالدامچىلىق جىنايىتى بىلەن جىنايى جاۋابكارلىقىنى سۈرۈشتۈرۈشكە تىگىشلىك دەپ قاراپ «جۇڭخۇا خەلق جۇمھۇرىيىتى جىنايى ئىشلار دەۋا قانۇنى»نىڭ 176-ماددا بەلگىلىمىسىگە ئاساسەن قانۇن بويىچە ھۆكۈم قىلىشىڭىزلار ئۈچۈن ئەيىبلىدۇق.

تەپتىش:تۇرسۇنئاي ئەخمەت

تەپتىش:ئېرپان ھامۇت

2020-يىلى 6-ئاينىڭ 3-كۈنى 

ئىزاھات: 

1.​ جاۋابكار XX  شەھەرلىك قاماقخانىدا قاماقلىق. 

2.​ 8 نۇسخا ئەيىبنامە، بىر يۈرۈش جىنايىتىنى تۇنۇپ جازاغا قايىل بۇلۇش تىل خېتى، بىر يۈرۈش ئالماشتۇرۇپ قاماش گۇۋاھنامىسى،  جازا ئۆلچەش تەكلىپنامىسى، بىر توپلام تەھقىقلەش دېلو ماتىريالى بىرگە يوللاندى.