起诉书（沙某某危险驾驶案）(公开版)

شىنجاڭ ئۇيغۇر ئاپتونوم رايونى

ئىدىقۇت رايونلۇق خەلق تەپتىش مەھكىمىسىنىڭ

ئەيىبنامىسى

                                              

                                                                              ئى ر ت 1-ب (2020) 195- نومۇرلۇق

ئىدىقۇت رايونلۇق خەلق سوت مەھكىمىسىگە :

جاۋابكار س****، ئەر، ئۇيغۇر، 1997-يىلى 07-ئاينىڭ 24-كۈنى تۇغۇلغان، كىملىك نۇمىرى: 1314********652101، نۇپۇستىكى ئادرېس: شىنجاڭ تۇرپان شەھەر ** رايونلۇق ** بازار ** كەنت **-گۇرۇپپا **-نۇمۇردا ئولتۇرۇشلۇق، ئىدىقۇت رايون ** **نىڭ توختاملىق ئىشچىسى، بۇرۇن جازالانمىغان، بۇ قېتىم ماتورلۇق قاتناش ۋاستىلىرىنى خەتەرلىك ئۇسۇلدا ھەيدەش جىنايىتىگە چېتىشلىق گۇماندار دەپ قارىلىپ، ئىدىقۇت رايونلۇق جامائەت  خەۋىپسىزلىكى ئىدارىسى تەرىپىدىن 2020-يىلى 06-ئاينىڭ 18-كۈنى ئىدىقۇت رايونلۇق جامائەت  خەۋىپسىزلىكى ئىدارىسى كېپىلگە بېرىلگەن. ھازىر كېپىلدە.

  ئىدىقۇت رايونلۇق جامائەت خەۋپسىزلىكى ئىدارىسى جاۋابكار س****نىڭ ماتورلۇق قاتناش ۋاستىلىرىنى خەتەرلىك ئۇسۇلدا ھەيدەش دىلوسىنى تەھقىقلەشنى ئاخىرلاشتۇرۇپ، 2020-يىلى 10-ئاينىڭ 26-كۈنى مەھكىمىمىزنىڭ تەكشۈرۈپ ئەيىپلىشىگە سۇنغان. مەھكىمىمىز دىلونى تاپشۇرۇپ ئالغاندىن كىيىن، جاۋابكارغا ئاقلىنىشقا ھوقۇقلۇق ئىكەنلىكىنى ئۇقتۇرۇپ ۋە ئۇنى قانۇن بويىچە سوراق قىلىپ، دېلو ماتىرىياللىرىنى ئەستايىدىل تەكشۈرۈپ، جاۋابكارغا جىنايىتىنى تونۇپ، جازانى قوبۇل قىلىشنىڭ قانۇنى ئاقىۋېتىنى ئۇقتۇرۇپ، تەكشۈرۈشنى ئاخىرلاشتۇردۇق.

 مەھكىمىمىز قانۇن بويىچە تەكشۈرۈش ئارقىلىق  بېكىتكەن  جىنايى پاكىت تۆۋەندىكىچە : 

2020-يىلى 04-ئاينىڭ 12-كۈنى سائەت 20:00 لار ئەتراپىدا ئەتراپىدا، جاۋابكار س**** C1 تىپلىق شوپۇرلۇق پىراۋىسى بىلەن مەس ھالەتتە高******7 نۇمۇرلۇق ماشىنىنى ئىدىقۇت رايون  ** بازار **مەھەللە يولىنى بويلاپ جەنۇپتىن شىمالغا قاراپ مىڭىپ، ئىدىقۇت رايون  ** بازار ** مەھەللە **-گۇرۇپپىغا كەلگەندە، شۇ جايدا ۋەزىپە ئىجرا قىلىۋاتقان قاتناش ساقچىلىرى تەرىپىدىن تۇتۇلغان.

شىنجاڭ جوڭشىن ئەدىلىيەلىك باھالاش تەتقىقات مەركىزنىڭ 】2020【1830-نۇمۇرلۇق ئىسپىرىت تەركىبىنى ئانالىز قىلىش دوكلاتىدا « س**** نىڭ قان تەركىبىدىكى ئېتىل ئالكوگۇل مىقدارى ھەر يۈز مىللىلىتىر قان تەركىبىدە 183 مىللىگىرام» دەپ يەكۈن چىقىرىلغان. دېلو پاش بولغاندىن كىيىن جاۋابكار س****نىڭ جىنايتىنى تونۇش پوزىتسىيىسى ياخشى، جىنايى قىلمىشىنى ئاكتىپلىق بىلەن تاپشۇرىدۇ.

يۇقارقى جىنايى پاكىتلارنى : جاۋاپكارنىڭ ئىقرارى، گۇۋاھچىنىڭ گۇۋاھلىق سۆزى، شىنجاڭ جوڭشىن ئەدىلىيەلىك باھالاش تەتقىقات مەركىزنىڭ 】2020【1830-نۇمۇرلۇق ئىسپىرىت تەركىبىنى ئانالىز قىلىش دوكلاتى قاتارلىق دەلىل-ئىسپاتلار ئىسپاتلايدۇ.

مەھكىمىمىزنىڭ قارىشىچە : جاۋابكار س****نىڭ دۆلىتىمىز قانۇنلىرىنى كۆزگە ئىلماي، ھاراق ئىچكەندىن كىيىن، مەس ھالەتتە ماتورلۇق قاتناش ۋاستىسىنى يولدا ھەيدەپ ماڭغان قىلمىشىدىن ماتورلۇق قاتناش ۋاستىلىرىنى خەتەرلىك ئۇسۇلدا ھەيدەش جىنايىتى شەكىللىنىدۇ؛ دېلونىڭ جىنايەت پاكىتى ئېنىق، دەلىل-ئىسپاتلىرى راست ۋە تولۇق. جاۋابكارنى «جۇڭخۇا خەلق جۇمھۇرىيىتى جىنايى ئىشلار قانونى» 133-ماددىسى، 67-ماددىسىنىڭ 3-تارمىقىنىڭ بەلگىلىمىلىرى بويىچە جازالاش كېرەك. شۇڭا، جاۋابكار س****نى «جۇڭخۇا خەلق جۇمھۇرىيىتى جىنايى ئىشلار دەۋا قانۇنى» نىڭ 176- ماددىسىغا ئاساسەن مەھكىمىڭىزلەرگە ئەيىبلىدۇق، قانۇن بويىچە جىنايى جازا ھۆكۈم قىلغايسىزلەر.

ھۆرمەت بىلەن :

                                  تەپتىش : رابىگۇل تۇرسۇن

                                 2020- يىلى 11-ئاينىڭ 04-كۈنى

قوشۇمچە :

1. بۇ دېلو ئۈچ توپلام        بەت.

2. جاۋابكار س**** ھازىر كېپىلدە.

3. دېلونىڭ ئۈچ توپلام ئارخىپ ماتىرىياللىرى، ئىككى دانە دېسكا بىلەن 8 پارچە ئەيىبنامىسى  بىرگە يوللاندى.