起诉书（玉某某、玉某某等人抢劫案）(公开版)

شىنجاڭ ئۇيغۇر ئاپتۇنۇم رايۇنى

ئاقسۇ شەھەرلىك خەلق تەپتىش مەھكىمىسىنىڭ

ئەيىبنامىسى

                                        ئا ش ت ئەيىبلەش (2020) 328-نۇمۇرلۇق

ئاقسۇ شەھەرلىك خەلق سوت مەھكىمىسىگە:

1.جاۋابكار يۈxx، ئەر، ئۇيغۇر، 36 ياش، سالاھيەت گۇۋاھنامىسىنىڭ نومۇرى : xxxxxxxx6529011983  ، يۇرتى : xx شەھرى، توختۇتۇپ قۇيۇلۇشتىن ئىلگىرى xx شەھەر xx بازار xx- كەنىت xx- مەھەللىدە ئولتۇرۇشلۇق، باشلانغۇچ مەكتەپ مەدىنيەت سەۋىيسىگە ئىگە، ئشىلەمچى، 2016-يىل 10-ئاينىڭ 18-كۈنى ئوغۇرلۇق قىلىش جىنايىتى ئۈچۈن مۇددەتلىك 1 يىللىق قاماق جازاسى بىرىلگەن . 2019-يىل 12-ئاينىڭ 9-كۈنى بۇلاڭچىلىق جىنايەت گۇمانى بىلەن xx شەھەرلىك ج خ ئىدارىسى تەرىپىدىن جىنايى ئىشلار بويىچە توختىتىپ قۇيۇلۇپ، 2020- يىل 1- ئاينىڭ 17- كۈنى مەھكىمىمىز تەرىپىدىن قانۇن بويىچە قولغا ئېلىنغان . 

2.جاۋابكار يۈxx، ئەر، ئۇيغۇر، 29 ياش، سالاھيەت گۇۋاھنامىسىنىڭ نومۇرى : xxxxxxxx6529011990  ، يۇرتى : xx شەھرى، توختۇتۇپ قۇيۇلۇشتىن ئىلگىرى xx شەھەر xx بازار 1- كەنىت 5- مەھەللىدە ئولتۇرۇشلۇق، تۇللۇقسىز ئوتتۇرا مەكتەپ مەدىنيەت سەۋىيسىگە ئىگە، ئشىلەمچى، ئىلگىرى جازالانمىغان . 2019-يىل 12-ئاينىڭ 9-كۈنى بۇلاڭچىلىق جىنايەت گۇمانى بىلەن xx شەھەرلىك ج خ ئىدارىسى تەرىپىدىن جىنايى ئىشلار بويىچە توختىتىپ قۇيۇلۇپ، 2020- يىل 1- ئاينىڭ 17- كۈنى مەھكىمىمىز تەرىپىدىن قانۇن بويىچە قولغا ئېلىنغان . 

ئاقسۇ شەھەرلىك ج خ ئىدارىسى مەزكۇر دىلونى تەھققىلەشنى ئاخىرلاشتۇرۇپ 2020-يىلى 3-ئاينىڭ 19-كۈنى (2020) 157-نۇمۇرلۇق ئەيىبلەش پىكىرنامىسى ئارقىلىق مەھكىمىمىزنىڭ تەكشۈرۈپ ئەيىبلىشىگە يوللىدى، مەھكىمىمىز دىلونى تاپشۇرۇپ ئېلىپ، جاۋابكارغا ھوقۇق-مەجبۇريەتلىرى ئۇقتۇرۇپ قۇيۇلدى، ۋە قانۇن بويىچە سۇئال سوراپ، بارلىق دىلونى تەكشۈرۈشنى ئاخىرلاشتۇردى. 

قانۇن بويىچە تەكشۈرۈپ ئېنىقلىشىمىزچە:

   جاۋابكار  يۈxx، يۈxxلەر 2019- يىل  12- ئاينىڭ 4- كۈنى xx شەھەر جىيەنخۇاچاڭنىڭ ئايىقىدىكى بىر باقمىچىلىق فىرمىسىغا قۇرۇلۇش ئىشلىرىنى قىلغىلى بېرىپ يەر تۈزلەپ سىمىنۇت قىلغان. يەرنى تۈزلەپ سىمىنۇت قىلىپ بولغاندىن كىيىن ئىش ھۆدددىگە ئالغۇچى ئىش ھەققىنى تارقاتقان ۋە جاۋابكار يۈxx، يۈxxلەر ،زىيانلانغۇچى ئوxxنى سىمىنۇت قىلغان يەر قۇرىغاندا يەرنىڭ ئۈستىنى يېپۋىتىشكە بۇيرىغان. ئۇلار چۈشلۈك تاماقنى بىللە يەپ بولغاندىن كىيىن ئىش ئورنىغا بېرىپ يەر قۇرۇپ بولغىچە كۆڭۈل ئېچىپ ۋاقىت ئۆتكۈزۈش مەقسىتىدە 5 يۈەندىن يۇقىرىسى 50 يۈەنگىچە قەرىت ئۇيۇنى ئوينىغان . ئۇلار قەرىت ئۇيۇنىنى ئويناپ بولغاندىن كىيىن ئۇتۋالغۇچى ئوxx ئۇلارنى ھاراق-تاماقتا مىھمان قىلغان. ئۇلار تاماقنى يەپ بولغاندىن كىيىن ئىش ئورنىغا بېرىپ سىمىنۇت قىلغان يەرنىڭ ئۈستىنى ياپقان. ئۇلار ئىشىنى قىلىپ بۇلۇپ قايتىدىغان ۋاقىتتا جاۋابكار يۈxx زىيانلانغۇچى ئوxxنىڭ يېنىدىكى پۇلنى ئېلۋېلىش مەقسىتىدە « خوتۇنۇمغا بېرىدىغان پۇلنى سەن ئۇتۋالدىڭ » دەپ ئوxxنى ئۇرغان ۋە يېندىكى جاۋابكار يۈxxنى زىيانلانغۇچى ئوxxنىڭ يېنىدىن پۇلنى ئېلۋېلىشقا بۇيرىغان. جاۋابكار يۈxx زىيانلانغۇچى ئوxxنىڭ يېنىدىن 3420 يۈەن پۇلنى ئېلۋالغاندىن كىيىن جاۋابكارلار نەق مەيداندىن قېچىپ كەتكەن. دىلو پاش بولغاندىن كىيىن زىيان ئەسلىگە كەلگەن .

يۇقارقى پاكىتنى يازما ئىسپات، زىيانلانغۇچىنىڭ دىلو مەلۇماتى ۋە بايانى، جاۋابكارلارنىڭ ئىقرارى، باھالاش خۇلاسىسى، ئېنىقلاش تەكشۈرۈش خاتىرىسى قاتارلىق دەلىل-ئىسپاتلار ئىسپاتلايدۇ.

مەھكىمىمىز جاۋابكار  يۈxx، يۈxxلەرنىڭ يۇقارقى قىلىمىشى «جۇڭخۇا خەلق جۇمھۇرىيتى جىنايى ئىشلار قانۇنى» نىڭ 263-ماددا بەلگىلمىسىگە خىلاپ، جىنايەت پاكىتى ئېنىق، دەلىل-ئىسپاتى تۇللۇق، بۇلاڭچىلىق جىنايىتى بىلەن جىنايى جاۋابكارلىقىنى سۈرۈشتۈرۈشكە تىگىشلىك.  جاۋابكار يۈxx، يۈxxلەرنىڭ قىلمىشى يەنە «جۇڭخۇا خەلق جۇمھۇريىتى جىنايى ئىشلار دەۋا قانۇنى» نىڭ 15-ماددا بەلگىلىمىسىگە ئۇيغۇن، شۇڭا جاۋابكار يۈxxنى بۇلاڭچىلىق جىنايىتى بىلەن «جۇڭخۇا خەلق جۇمھۇريىتى جىنايى ئىشلار قانۇنى »نىڭ 263-ماددا، 25- ماددا، 65-ماددا، 67-ماددا 3-تارماق بەلگىلىمىسى بويىچە؛ جاۋابكار يۈxxنى بۇلاڭچىلىق جىنايىتى بىلەن «جۇڭخۇا خەلق جۇمھۇريىتى جىنايى ئىشلار قانۇنى »نىڭ 263-ماددا، 25- ماددا، 67-ماددا 3-تارماق بەلگىلىمىسى بويىچە جىنايى جاۋابكارلىقىنى سۈرۈشتۈرۈشكە تىگىشلىك دەپ قاراپ، «جوڭخۇا خەلق جۈمھۇريىتى جىنايى ئىشلار دەۋا قانۇنى» نىڭ 176-ماددا بەلگلىمىسگە ئاساسەن قانۇن بويىچە ھۆكۈم قىلىشىڭىزلار ئۈچۈن ئەيىبلىدۇق. 

تەپتىش: ھۈسەنجان موللىمىن 

2020-يىلى 8-ئاينىڭ 30-كۈنى

ئىزاھات:

1.جاۋابكار يۈxx ، يۈxxلەر قاماقخانىدا قاماقلىق . 

 2 . 8 نۇسخا ئەيىبنامە، بىر نۇسخا جىنايىتىنى تۇنۇپ جازاغا قايىل بۇلۇش تىلخېتى، بىر نۇسخا ئالماشتۇرۇپ قاماش گۇۋاھنامىسى، بىر  توپلام تەھقىقلەش دىلو ماتىريالى بىرگە يوللاندى.