起诉书（肉某某等两人运输毒品案）(公开版)

شىنجاڭ  ئۇيغۇر  ئاپتونوم  رايونى  ئۈرۈمچى  شەھىرى  

يېڭىشەھەر رايونلۇق خەلق تەپتىش مەھكىمىسىنىڭ  

ئەيىبنامىسى

 2020-ئۈ ش ي ت 1-بۆلۈم ج ئە 217-نومۇرلۇق

شىنجاڭ ئۇيغۇر ئاپتونوم رايونى ئۈرۈمچى شەھىرى يېڭىشەھەر رايونلۇق خەلق سوت مەھكىمىسىگە:

   جاۋابكار رو**،  ئايال، 1989-يىلى **ئاينىڭ **كۈنى تۇغۇلغان، ئۇيغۇر، كىملىك نومۇرى: ******6531291989، باشلانغۇچ مەكتەپ مەلۇماتلىق، نوپۇسى تۇرۇشلۇق ئورۇن: قەشقەر ** ناھىيىسى ** بازىرى ** كەنتى **نومۇر، ئۈرۈمچىدە مۇقىم تۇرۇشلۇق ئورنى يوق، ئىشسىز.

   جاۋابكار رو** 2012-يىلى 2-ئاينىڭ 10-كۈنى زەھەر توشۇش جىنايەت گۇمانى بىلەن تۇتۇلغان، بالا ئىمىتىش مەزگىلى بولغانلىقى ئۈچۈن، ئەتىسى ئۈرۈمچى شەھەرلىك ج خ ئىدارىسى تەرىپىدىن كېپىلگە بېرىلگەن، كېپىللىك بەلگىلىمىسىگە خىلاپلىق قىلىپ قېچىپ يۈرگەن، 2020-يىلى 6-ئاينىڭ 3-كۈنى ئۈرۈمچى شەھەرلىك ج خ ئىدارىسى تەرىپىدىن جىنايى ئىشلار بويىچە توختىتىتلغان، مەھكىمىمىز 2020-يىلى 7-ئاينىڭ 8-كۈنى زەھەر توشۇش جىنايىتى بويىچە قولغا ئېلىشنى تەستىقلىغان، ئەتىسى ئۈرۈمچى شەھەرلىك ج خ ئىدارىسى قولغا ئېلىشنى ئىجرا قىلغان.

   جاۋابكار رە** ، ئەر، 1974-يىلى **ئاينىڭ **كۈنى تۇغۇلغان، ئۇيغۇر، كىملىك نومۇرى: ******6531281974،باشلانغۇچ مەكتەپ مەلۇماتلىق، نوپۇسى تۇرۇشلۇق ئورۇن: قەشقەر** ناھىيىسى**بازىرى** كەنتى **گۇرۇپپا **نومۇر، ئۈرۈمچىدە مۇقىم تۇرۇشلۇق ئورنى يوق، ئىشسىز.

   جاۋابكار رە**زەھەرلىك چېكىملىك چەككەنلىكى ئۈچۈن، 2017-يىلى 6-ئاينىڭ 15-كۈنى ئۈرۈمچى شەھەرلىك ج خ ئىدارىسى سايباغ رايونلۇق شۆبىسى تەرىپىدىن مەمۇرىي جەھەتتىن ئىككى يىل 15 كۈن مەجبۇرىي زەھەرسىزلەندۈرۈش قارارى چىقىرىلغان.

   جاۋابكار رە** زەھەر توشۇش جىنايەت گۇمانى بىلەن، 2020-يىلى 6-ئاينىڭ 3-كۈنى ئۈرۈمچى شەھەرلىك ج خ ئىدارىسى تەرىپىدىن جىنايى ئىشلار بويىچە توختىتىتلغان، مەھكىمىمىز 2020-يىلى 7-ئاينىڭ 8-كۈنى زەھەر توشۇش جىنايىتى بويىچە قولغا ئېلىشنى تەستىقلىغان، ئەتىسى ئۈرۈمچى شەھەرلىك ج خ ئىدارىسى قولغا ئېلىشنى ئىجرا قىلغان.

ئۈرۈمچى شەھەرلىك ج خ ئىدارىسى يۇقۇرى يېڭى تېخنىكىلىق كەسىپلەر تەرەققىيات رايونى (يېڭىشەھەر رايونلۇق) شۆبىسى تەھقىقلەشنى ئاخىرلاشتۇرۇپ، 2020-يىلى 9-ئاينىڭ 8-كۈنى مەھكىمىمىزنىڭ تەكشۈرۈپ ئەيىبلىشىگە يوللىغان، جاۋابكار رو** بىلەن جاۋابكار رە** نىڭ زەھەر توشۇش دېلوسىنى مەھكىمىمىز قوبۇل قىلغاندىن كېيىن، »جۇڭخۇا خەلق جۇمھۇرىيىتى جىنايى ئىشلار دەۋا قانۇنى« نىڭ مۇناسىۋەتلىك بەلگىلىمىرىگە ئاساسەن، شۇ كۈنى جاۋابكارلارغا ئاقلىغۇچى ھاۋالە قىلىش ھوقۇقى بارلىقىنى ۋە جىنايىتىنى تونۇپ جازانى ئېتىراپ قىلىش كەلتۈرۈپ چىقارغان قانۇنى ئاقىۋىتنى ئۇقتۇرۇپ، جاۋابكارلارنى قانۇن بويىچە سوراق قىلدۇق، جاۋابكارلار ۋە ئادۋۇكاتنىڭ پىكىرىنى ئاڭلىدۇق، بۇ جەرياندا تولۇقلاپ تەھقىقلەشكە تېگىشلىك تەرەپلەر بولغانلىقى ئۈچۈن، 2020-يىلى 9-ئاينىڭ 30-كۈنى ئۈرۈمچى شەھەرلىك    ج خ ئىدارىسى يۇقىرى يېڭى تېخنىكىلىق كەسىپلەر تەرەققىيات رايونى (يېڭىشەھەر رايونلۇق) شۆبىسىنىڭ تولۇقلاپ تەھقىقلىشىگە قايتۇردۇق، 2020-يىلى 10-ئاينىڭ 29-كۈنى دېلونى قايتا تاپشۇرۇپ ئالدۇق. بارلىق دېلو ماتىرىياللىرىنى تەكشۈردۇق.

   جاۋابكارلار مەزكۇر دېلوغا ئاددىي تەرتىپ بويىچە قاراپ چىقىشقا قوشۇلدى.

   تەكشۈرۈپ ئېنىقلىشىمىزچە:

   جاۋابكار رە** نىڭ ئورۇنلاشتۇرۇشى بويىچە، جاۋابكار رو**  2012-يىلى 2-ئاينىڭ 16-كۈنى، قارا رەڭلىك پىلاستېردا ئورالغان 20 بولاق گۇمانلىق ئۇنسىمان ماددىنى، جىنسىي ئەزاسى ۋە چامادان ئىچىگە يوشۇرۇپ، كۈنمىڭدىن ئۈرۈمچىگە ئۇچقان **** قېتىملىق نۆۋەتچى ئايروپىلانغا ئولتۇرۇپ ئۈرۈمچى ئايروپورتىغا كەلگەندە، ج خ ساقچىلىرى تەرىپىدىن نەق مەيداندا تەكشۈرۈپ تۇتۇلغان، جاۋابكار رو** تۇتۇلغاندا بالا ئىمىتىش مەزگىلى بولغانلىقى ئۈچۈن، ئەتىسى كېپىلگە بېرىلگەن، كېپىللىك بەلگىلىمسىگە خىلاپلىق قىلىپ قېچىپ يۈرۈپ، 2020-يىلى 6-ئاينىڭ 2-كۈنى ج خ ساقچىلىرى تەرىپىدىن تۇتۇلغان.

   ئۈرۈمچى شەھەرلىك ج خ ئىدارىسى زەھەرلىك بۇيۇمنى تەكشۈرۈپ باھالاش مەركىزىنىڭ150【2013】نومۇرلۇق زەھەرلىك بۇيۇملارنى باھالاش دوكلاتىدا، جاۋابكار رو** نىڭ يېنىدىن ئاختۇرۇپ تېپىلغان قارا رەڭلىك پىلاستېردا ئورالغان 20 بولاق گۇمانلىق ئۇنسىمان ماددىنى، زەھەرلىك چېكىملىك خىروئېن، ئومۇمىي  ئېغېرلىقىنى 100 گىرام دەپ باھالىغان. 

   دېلو پاش بولغاندىن كېيىن جاۋابكار رو** ئۆز ئىختىيارلىقى بىلەن جىنايى قىلمىشىنى ئەينەن ئىقرار قىلدى، جاۋابكار رە** قىلمىشىغا ئىقرار ئەمەس.

   يۇقارقى پاكىتنى ئىسپاتلايدىغان دەلىل-ئىسپاتلار تۆۋەندىكىچە:

   1. ماددىي ئىسپات : (ج خ ئورگىنى تۇتۇپ قالغان ماددىي بۇيۇم، ھۆججەت تىزىملىكى، زەھەرلىك چىكىملىكنى ئۆتكۈزۈپ بېرىش تالونى)؛

   2. يازما ئىسپات: تۇتۇش جەريانى، ياش ئىسپاتى، نوپۇس ئۇچۇرى، دېلوغا ئائىت ئايروپىلان بېلەت، ج خ ئورگىنىنىڭ دېلوغا ئائىت ئەھۋال چۈشەندۈرۈشى، دېلوغا ئائىت سوت ھۆكۈمى، دېلوغا ئائىت دوختۇرخانىنىڭ دىئاگىنۇزى؛

   3. گۇۋاھچىلارنىڭ گۇۋاھلىقى ۋە سۆھبەت خاتىرىسى:

   4. جاۋابكارلارنىڭ ئىقرارى ۋە ئۆزىنى ئاقلىشى؛

   5. ئۈرۈمچى شەھەرلىك ج خ ئىدارىسى زەھەرلىك بۇيۇمنى تەكشۈرۈپ باھالاش مەركىزىنىڭ زەھەرلىك بۇيۇمنى ئانالىز قىلىپ تەكشۈرۈش دوكلاتى، ئۈرۈمچى شەھەرلىك ج خ ئىدارىسى جىنايى ئىشلار تېخنىكىلىق باھالاش دوكلاتى؛

   7. ئاختۇرۇش خاتىرىسى، تونۇتۇش خاتىرىسى؛

   8. دېلوغا ئائىت سۈرەتلەر.

    يۇقارقى دەلىل-ئىسپاتلارنىڭ توپلىنىشى تەرتىپى قانۇنغا ئۇيغۇن، مەزمۇنى ئوبىكىت ۋە ھەقىقىي، پاكىتنى بىكىتىشكە بولىدۇ، جاۋابكار رو** ئەيىبلەنگەن جىنايى پاكىت ۋە دەلىل-ئىسپاتلارغا قارىتا باشقىچە پىكىرى يوق، ئۆز ئىختىيارلىقى بىلەن جىنايىتىنى تونۇپ جازانى ئېتىراپ قىلىدى.

مەھكىمىمىز مۇنداق دەپ قارايدۇ: جاۋابكار رو** بىلەن جاۋابكار رە** نىڭ كۆپ مىقداردىكى زەھەرلىك چېكىملىكنى، كۈنمىڭدىن ئۈرۈمچىگە ئايروپىلان ئارقىلىق توشۇپ كەلگەن يۇقارقى قىلمىشىدىن،«جۇڭخۇا خەلق جۇمھۇرىيىتى جىنايى ئىشلار قانۇنى»نىڭ 347-ماددىسىدىكى بەلگىلىمىسىگە ئاساسەن زەھەر توشۇش جىنايىتى شەكىللىنىدۇ، دېلونىڭ پاكىتى ئېنىق دەلىل-ئىسپاتى تولۇق، جاۋابكارلارغا زەھەر توشۇش جىنايىتى بېكىتىپ قانۇن بويىچە جازا بېرىش كېرەك .

جاۋابكار رو**ئۆز ئىختىيارلىقى بىلەن جىنايىتىنى تونۇپ جازانى ئېتىراپ قىلغانلىقىنى كۆزدە تۇتۇپ، »جۇڭخۇا خەلق جۇمھۇريىتى جىنايى ئىشلار دەۋا قانۇنى« نىڭ 15-ماددىسىنى قوشۇپ تەدبىقلاش كېرەك.

جاۋابكار رو** قىلمىشىنى ئەينەن ئىقرار قىلغانلىقى ئۈچۈن، »جۇڭخۇا خەلق جۇمھۇرىيىتى جىنايى ئىشلار قانۇنى« نىڭ 67-ماددىسىنىڭ 3-تارمىقىنى قوشۇپ تەدبىقلاش كېرەك.

جاۋابكار رو** دېلو پاش بولغاندىن كېيىن جاۋابكار رە** نى پاش قىلىپ خىزمەت كۆرسەتكەنلىكى ئۈچۈن، »جۇڭخۇا خەلق جۇمھۇرىيىتى جىنايى ئىشلار قانۇنى« نىڭ 68-ماددىسىنىڭ قوشۇپ تەدبىقلاش كېرەك.

شۇنىڭ ئۈچۈن جاۋابكار رو** بىلەن جاۋابكار رە** نى »جۇڭخۇا خەلق جۇمھۇرىيىتى جىنايى ئىشلار دەۋا قانۇنى« نىڭ 176-ماددىسىدىكى بەلگىلىمىسىگە ئاساسەن مەھكىمىڭىزلارنىڭ قانۇن بويىچە جازا بېرىشىگە ئەيىبلىدۇق.

ھۆرمەت بىلەن: 

تەپتىش: ئېرپان ئەخمەت

2020–يىلى 11-ئاينىڭ 27-كۈنى

قوشۇمچە:

1.  ئۈچ توپلام ج خ دېلوسى، دېلوغا ئائىت بىر دانە يانفون بىرگە قوشۇپ يوللاندى. 

2. جاۋابكار رو**  ئۈرۈمچى شەھەرلىك 3-قاماقخانىدا، جاۋابكار رە**  ئۈرۈمچى شەھەرلىك 1-قاماقخانىدا.

3. جىنايىتىنى تونۇپ جازانى ئېتىراپ قىلىش خېتى بىر پارچە.