شىڭگىل اۋداندىق حالىق پروكۋراتۋراسىنىڭ
ايىپتاماسى
ش پ 1- ءبولىم ايىپتاۋ (2020)15–ءنومىرلى
جاۋاپكەر د** ك** ۇلى، 1987-جىلى **-ايدىڭ **-كۇنى تۋىلعان، ازاماتتىق كۋالىك ٴنومىرى: **********65432519، ۇلتى مۇڭعىل، ورتالاۋ مەكتەپ ماعلۇماتىنا يە، كاسىبى ديحان، نوپوس تۇرعان جەرى: شىڭگىل اۋدانى ** اۋىلدىعى ** قىستاعى **- ءنومىرلى اۋلا، قازىرگى وتىرعان ورنى: شىڭگىل اۋدانى ** اۋىلدىعى ** قىستاعى. 2007-جىلى 4-ايدىڭ 24-كۇنى ۇرلىق قىلمسىن وتكىزگەندىكەن بۋىرىلتوعاي اۋداندىق حالىق سوت مەكەمەسى جاعىنان 1 جىل 6 اي مەرزىمدى قاماق جازاسىنا ۇكىم ەتىلىپ، 2008-جىلى 7-ايدىڭ 24-كۇنى جازا مەرزىمى تولىپ بوساتىلعان، 2015-جىلى 1-ايدىڭ 26-كۇنى توناۋشىلىق قىلمسىن وتكىزگەندىكتەن التاي قالالىق حالىق سوت مەكەمەسى جاعىنان 4 جىلدىق مەرزىمدى قاماق جازاسى بەرىلىپ، 2018-جىلى 1-ايدىڭ 10-كۇنى جازا مەرزىمى تولىپ بوساتىلعان. جاۋاپكەر د** ك** ۇلى 2020-جىلى 1-ايدىڭ 8-كۇنى باسقىنشلىق قىلمىسى مەن قاتەرلى تاسىلمەن قاتىناس كولىگىن ايداۋ قىلمىس كۇمانىمەن شىڭگىل اۋداندىق قوعام حاۋپسىزدىك مەكەمەسى جاعىنان قىلمىستى ىستەرمەن توقتاتىلعان، 2020-جىلى 1-ايدىڭ 21-كۇنى مەكەمەمىزدىڭ بەكىتۋىمەن قولعا الىنعان، قازىر شىڭگىل اۋداندىق قاماقحانادا قاماقتا.
شىڭگىل اۋداندىق قوعام حاۋپسىزدىك مەكەمەسى بۇل دەلونىڭ بارلاۋىن اقىرلاستىرىپ، جاۋاپكەردىڭ ارەكەتىنەن باسقىنشلىق قىلمىسى جانە قاتەرلى تاسىلمەن قاتىناس كولىگىن ايداۋ قىلمىسى پورمالانادى دەپ 2020-جىلى 3-ايدىڭ 22-كۇنى مەكەمەمىزدىڭ تەكسەرىپ ايىپتاۋىنا ۇسىنعان. مەكەمەمىز دەلونى قابىلداپ العان سوڭ 2020-جىلى 3-ايدىڭ 23-كۇنى جاۋاپكەرگە اقتاۋشىعا مىندەتتەۋ ۇقىق بورىشىن ۇقتىرىپ، 2020-جىلى 3-ايدىڭ 25-كۇنى زياندالۋشىعا ارىز-شاعىم جوقشىسىنا مىندەتتەۋ بورىشىن ۇقتىرىپ، زاڭ بويىنشا جاۋاپكەردەن تەرگەۋ ەستەلىگىن الىپ، زياندالۋشىنىڭ پىكىرىن تىڭداپ، دەلونىڭ جالپى ماتەريالدارىنا تەكسەرۋ الىپ باردى.
مەكەمەمىز 2020-جىلى 5-ايدىڭ 6-كۇنى ءبىرىنشى رەت دەلونى تولىقتاپ بارلاۋعا قايتاردى، رازۆەت تاراۋلارى 2020-جىلى 6-ايدىڭ 5-كۇنى تولىقتاپ بارلاۋىن اقىرلاستىرىپ تەكسەرىپ ايىپتاۋعا ۇسىندى. مەكەمەمىز 2020-جىلى 4-ايدىڭ 22- كۇنى جانە 2020-جىلى 7-ايدىڭ 6-كۇنى دەلونىڭ تەكسەرىپ ايىپتاۋ ۋاقىتىن ەكى رەت ۇزارتتى.
مەكەمەمىزدىڭ تەكسەرىپ انىقتاۋىندا: 2020-جىلى 1-ايدىڭ 6-كۇنى 21 ساعات 20 مينۋت مولشەرىندە، جاۋاپكەر د** ك** ۇلى اراق ىشكەننەن كەيىن شىڭگىل اۋدانى ** قالاشىعى ** شاعىن رايونى **-بينا **-كورپىس **-ۇيدە تۇراتىن بۇرىن وزىمەن ءبىر قىستاقتا وتىرعان، ءبىر نەشە كۇن اعدالا قالاشعىندا بىرگە شىرعاناق تەرگەن ب** د** قىزىنىڭ ۇيىنە بارىپ، ءوزىنىڭ ازاماتتىق كۋالىگىن الىپ شىعىپ ەسىكتىڭ توپسا تۇسىنداعى جاپسارعا ازاماتتىق كۋالگىن جۇگىرتىپ ىرعاپ اشىپ كىرگەن. سول كەزدە ەسىكتىڭ اشىلعان داۋىسىنان ويانىپ جاتىن ۇيدەن ەسىككە قاراي بارعان ب**د**جاتىن ۇيىنە يتەرىپ كىرگىزىپ، ب** ۇستىندەگى كيىمىن سىپرىپ جالاڭاشتاپ، ودان ٴوزىنىڭ بارلىق كيىمىن شەشىپ تاستاپ، زياندالۋشىنىڭ ۇرىپ تىرنالاپ قارسىلىق كورسەتۋىنە قاراماستان، تۇنشىقتىرىپ باسۋ، ۇرۋ ارەكەتىن قولدانىپ زورلىقتى تۇردە جىنىس مۇشەسىن زياندالۋشىنىڭ جىنىس مۇشەسىنە كىرگىزۋ ارەكەتىن الىپ بارعانىمەن دەنەسىنەن شاۋقات شىعۋ احۋالى بولماعان. ب** ”جۇرەك اۋرۋىم بار، ءدارى ىشەمىن“- دەگەن سوزدەرىمەن د** الداپ، تىرجالاڭاش كۇيى اس ۇيگە شىعىپ، ودان تازالىق بولمەسىنە كىرىپ ەسىگىن ءىلىپ العان. سول كەزدە د** ەسكتى تەۋىپ ”ولتىرەمىن“- دەپ ايعايلاعاندا، زياندالۋشى شوشىپ، كىر جۋعىش ىشىنەن قارا كوك ءتۇستى قالىڭ سىم، اق سارى ءتۇستى مايكىنى كيىپ 21 ساعات 36 مينۋت مولشەرىندە جالاڭاياق قالپى تازالىق بولمەنىڭ تەرەزەسىنەن سىرتقا ورمەلەپ شىعىپ، ەكىنشى قاباتتاردىڭ سىرتىنا ورناتىلعان تابيعي گاز قۇبىرىنا اياعىن تىرەپ جابىسىپ 20 مينۋتتىڭ ۇستىندە باسقالاردان قۇتقارۋ سۇراپ توسىپ تۇرۋ ارقىلى، باسقالار جاعىنان بايقالىپ، دەلو مالىمدەلىپ قۇتقارۋ ارەكەتىن الىپ بارۋمەن بىرگە، ۇستالۋدان قورقىپ تەرەزەدەن ارتقى اۋلاعا سەكىرىپ قاشقان جاۋاپكەر د** ك** ۇلىن ساقشى بولىمشەسىنىڭ ساقشىلارى ارقىلى قولعا تۇسىرىلگەن.
جوعارداعى ٴىس فاكىتتەردى تۇراقتاندىراتىن دالەل-سىپاتتار تومەندەگىدەي:
1. زاتتىق ىسپات:①جاۋاپكەردىڭ دەلو تۋدىرۋدا ەسىكتى اشىپ كىرۋگە ىستەتكەن ازاماتتىق كۋالىگى؛ ②دەلو تۋىلعان مايداندا قالتىرعان قارا ءتۇستى OPPO ماركالى قول تەلەفونى؛③ماڭدايىندا LOVE دەگەن اعىلشىن ارپى بار سۇر شاپكى؛④دەلو تۋىلعان ناق مايداننان الىنعان اق الا جاسىل رەڭدى كورپە كىرلىگى؛⑤كۇلگىن رەڭدى ايەلدەر شاش قىسقىشى؛⑥دەلو تۋىلعان كەزدە زياندالۋشى كيىپ جۇرگەن الا مايكى؛⑦گۇلدى قارا رەڭدى جەيدە؛ 2. جازباشا ىسپات: جاۋاپكەردىڭ، زياندالۋشىنىڭ نوپوس انىقتاماسى، ساراپتاۋشىلاردىڭ ساراپتاۋ تولىمدىلىعى تۋرالى انىقتاماسى، جاۋاپكەردى ناق مايداننان ۇستاۋ تۋرالى انىقتاما، جاۋاپكەردىڭ بۇرىن سوتتى بولۋ ۇكىمى، تۇرمەدەن بوساتىلۋ انىقتاماسى؛ 3. كۋاشىلەردىڭ كۋالىك ءسوزى:ك** ٴس** ب** قىزى، ش** م** ۇلى، ا** ا** ۇلى، ق** ق** ۇلى، ج** ر** ۇلى، ق*8 ا*8 ۇلى قاتارلىلاردىڭ كۋالىك ءسوزى ؛4. زياندالۋشىنىڭ بايانى؛ 5.جاۋاپكەردىڭ مويىنداماسى مەن اقتالۋى؛ 6. ساراپتاۋ پىكىرى: ايماقتىق قوعام حاۋىپسىزدىك مەكەمەسى زاتتىق ىسپات ساراپتاۋ ورتالىعىنىڭ (2020)3- ءنومىرلى DNA ساراپتاماسىنىڭ 4 – مازمۇنى: ”ساراپتاۋعا ۇسىنىلعان (2020-3-18-2) كورپە كىرلىگىنە جۇعىپ قالعان داقتان جاۋاپكەر مەن زياندالۋشىنىڭ DNA ۇلگىسى بايقالدى “ دەگەن ساراپتاماسى؛ 7. ناق مايداندى تەكسەرۋ، تانىتۋ، رازۆەت سىناعىن جاساۋ ماتەريالدارى: ناق مايداندى تەكسەرۋ ەستەلىگى، جاۋاپكەر مەن زياندالۋشىنىڭ بەتتەرىنە ، دەنەلەرىنە تۇسكەن جاراقات راسىمدەرى ، تازالىق ءۇيدىڭ شاعىلعان ەسىك ءراسىمى؛ ناق مايداندا قالعان شاپكىنى تانىتۋ ەستەلىگى، ءراسىمى؛ دەلو تۋىلعان ءۇي ەسىگىنىڭ ازاماتتىق كۋالىك سياقتى كارتوشكامەن يتەرىپ اشۋعا بولاتىندىعى تۋرالى جاسالعان رازۆەت سىناعى ەستەلىگى جانە ءراسىمى؛ 8. ەستۋ ، كورۋ ماتەريالدارى: جاۋاپكەردىڭ زياندالۋشىنىڭ ۇيىنە كىرگەن كەزدەگى بارلاۋ اپارات ەكىرانى؛ زياندالۋشىنىڭ تەرەزەدەن قاشىپ شىققانداعى بارلاۋ اپارات ەكىرانى؛ ساقشى بولىمشەسىنىڭ كادىرلارى زياندالۋشىدان جاعىدايدى ۇعىسۋ بارىسىندا الىنعان كەسكىن كورنىستەرى؛ جاۋاپكەردى ناق مايداننان ۇستاۋ بارىسىندا الىنعان زاڭ اتقارۋ كەسكىن اپارات ەستەلىگى قاتارلىلار.
مەكەمەمىز بىلاي دەپ قارايدى: جاۋاپكەردىڭ ايەلدەردىڭ ەركىنە قايشى تۇردە زورلىقتى ارەكەت قولدانىپ، جىنىستىق بايلانىس جاساۋ ارەكەتىنەن 《جۇڭعۋا حالىق رەسپۋبىليكاسى قىلمىستى ىستەرزاڭى》نىڭ 236-تارماق 1-ابزاتىس بەلگىلەمەسىندەگى ايەلدەرگە باسقىنشىلىق جاساۋ قىلمىسى پورمالانادى؛ جاۋاپكەردىڭ قاسا- قانا قىلمىس وتكىزىپ مەرىزىمدى قاماق جازاسىنا كەسىلىپ، تۇرمەدەن جازا مەرىزىمىن وتەپ شىققان سوڭ 5 جىل ىشىندە جانەدە قاسا-قانا قىلمىس وتكىزۋ ارەكەتىنەن 《جۇڭعۋا حالىق رەسپۋبىليكاسى قىلمىستى ىستەرزاڭى》نىڭ 65- تارماعىنداعى قايتالاي قىلمىس وتكىزۋ قىلمىسى پورمالانادى، دەلونىڭ نەگىزگى پاكىتى ايقىن، دالەل- ىسپاتى تولىق. جاۋاپكەر ”دەلو تۋدىرعان كەزدە ماسپىن ، قانداي ارەكەت الىپ بارعانىمدى بىلمەيمىن “-دەۋى قىلمىسىنان جالتارعان ەسەپتەلىپ، اۋىر جازالانۋعا ءتيىستى. سوندىقتان 《جۇڭعۋا حالىق رەسپۋبىليكاسى قىلمىستى ىستەرارىز- شاعىم زاڭى》نىڭ 176-تارماق بەلگىلەمەسىنە جاۋاپكەر د**ك** ۇلىن باسقىنشىلىق قىلمىسىن تۇراقتاندىرىپ، زاڭ بويىنشا جازا بەرۋلەرىڭىزگە الەۋمەتتىك تۇرعىدان ايىپتايمىز.
قۇرمەتپەن : شىڭگىل اۋداندىق حالىق سوت مەكەمەسىنە
ايىپتاۋشى پروكۋرور: نۇرمان
2020- جىلى 7- ايدىڭ 20- كۇنى
قوسىمشا :
1. جاۋاپكەر د**ك** ۇلى قازىر شىڭگىل اۋداندىق قاماقحانادا قاماقتا.
2. رازۆەت دەلو ماتەريالى 6 تۇپتەم بەت.
3. شىڭگىل اۋداندىق حالىق پروكۋراتۋراسىنىڭ ايىپتاۋى 8 پارشا .
4. دەلومەن بىرگە وتكىزگەن زاتتىق بۇيىم تىزىمدىگى ؛
5. كۋاشىلەر تىزىمدىگى ؛
قاتىستى زاڭ تارماقتارى:
«جۇڭحۋا حالىق رەسپۋبليكاسى قىلمىستى ىستەر زاڭى»نىڭ236-تارماق 1- ابزاتىسى: زورلاۋ، قورقىتۋ نەمەسە باسقا تاسىلدەرمەن ايەلدەرگە باسقىنشىلىق جاساعاندارعا 3 جىلدان جوعارى 10 جىلدان تومەن مەرىزىمدى قاماق جازاسى كەسىلەدى .
.............................
«جۇڭحۋا حالىق رەسپۋبليكاسى قىلمىستى ىستەر زاڭى» نىڭ 65- تارماق بەلگىلەمەسى: مەرىزىمدى قاماق جازاسىنان جوعارى جازاعا ۇكىم ەتىلگەن قىلمىستىلار جازا مەرىزىمى اتقارىلىپ بولعاننان نەمەسە كەشىرىم ەتىلگەننەن كەيىن 5 جىل ىشىندە تاعى مەرىزىمدى قاماق جازاسىنان جوعارى جازاعا ۇكىم ەتىلەتىن قىلمىس وتكىزسە ، قايتالاي قىلمىس وتكىزگەن بولادى ، ونى اۋىر جازالاۋ كەرەك ، بىراق اعاتتىقتان قىلمىس وتكىزۋ بۇعان كىرمەيدى .
................
«جۇڭحۋا حالىق رەسپۋبليكاسى قىلمىستى ىستەر ارىز-شاعىم زاڭى»نىڭ 176-تارماعى.
مازمۇنى: حالىق پروكۋراتۋراسى قىلمىس كۇماندىسىنىڭ قىلمىس فاكىتى تەكسەرىلىپ انىقتالىپ، دالەل-ىسپاتى شىن، تولىق بولىپ، قىلمىستىق ىستەر جاۋاپكەرشىلىگىن زاڭ بويىنشا قۋزاستىرۋ كەرەك دەپ ەسەپتەگەندە، ايپتاۋ قارارىن شىعارىپ، سوت جۇرگىزۋ قاراستىلىعى جونىندەگى بەلگىلەمە بويىنشا حالىق سوت مەكەمەسىنە الەۋمەتتىك ايىپتاۋ جۇرگىزۋى ءارى دەلو ماتەريالىن، دالەل-ىسپاتىن حالىق سوت مەكەمەسىنە جوتكەۋى كەرەك.
评论
成为第一个评论者
发表评论
评论