起诉书（自然人犯罪认罪认罚）（巴某某等人涉嫌故意伤害致人死亡案）(公开版)

باركول قازاق اۆتونوميالى اۋداندىق حالىق پروكۋراتۋرا مەكەمەسىنىڭ

 ايىپتاۋى

ب پ ق (2020)51 - ءنومىرلى

جاۋاپكەر - ە x، ەر، قازاق، **** - جىلى ** - ايدىڭ ** - كۇنى تۋىلعان، ازاماتتىق كۋالىك ءنومىرى: 2416**********6522، تولىقسىز ورتا مەكتەپ مادەنيەت ساۋياسىنا يە، قۇمىل قالاسى ** مەكتەپتىڭ تولىق ورتا ** - جىلدىق وقۋشىسى، نوپوس قاراستىلىق ورنى شينجياڭ ۇيعۇر اۆتونوميالى رايونى قۇمىل قالاسى باركول قازاق اۆتونوميالى اۋدانى ** اۋىلى ** قىستاعى ** - گرۋپپا ** - اۋلا، تۇراعى باركول اۋدانى ** اۋىلى ** قىستاعى، 2020 - جىلى 3 - ايدىڭ 23 - كۇنى قاساقانا زاقىمداۋ قىلمىسىن وتكىزدى دەگەن كۇمانمەن باركول اۋداندىق قوعام حاۋىپسىزدىك مەكەمەسى جاعىنان تۇراعى باقىلاۋعا الىنىپ، 2020 - جىلى 4 - ايدىڭ 9 - كۇنى مەكەمەمىزدىڭ تەكسەرىپ بەكىتۋىمەن باركول اۋداندىق قوعام حاۋىپسىزدىك مەكەمەسى جاعىنان زاڭ بويىنشا قولعا الۋعا اتقارىلعان.

جاۋاپكەر - ب x، ەر، قازاق، **** - جىلى ** - ايدىڭ ** - كۇنى تۋىلعان، ازاماتتىق كۋالىك ءنومىرى: 291X**********6522، تولىق ورتا مەكتەپ مادەنيەت ساۋياسىنا يە، باينعۇلين وبىلىسى كورلا قالاسى ** مەكتەپتىڭ وقۋشىسى، نوپوس قاراستىلىق ورنى شينجياڭ ۇيعۇر اۆتونوميالى رايونى 13 - دەۆيزيا باركول قازاق اۆتونوميالى اۋدانى ** رايونى ** مال فەرماسى ** - ليان ** - اۋلا، تۇراعى باركول اۋدانى ** اۋىلى ** قىستاعى، 2020 - جىلى 3 - ايدىڭ 23 - كۇنى قاساقانا زاقىمداۋ قىلمىسىن وتكىزدى دەگەن كۇمانمەن باركول اۋداندىق قوعام حاۋىپسىزدىك مەكەمەسى جاعىنان تۇراعى باقىلاۋعا الىنىپ، 2020 - جىلى 4 - ايدىڭ  9 - كۇنى مەكەمەمىزدىڭ تەكسەرىپ بەكىتۋىمەن باركول اۋداندىق قوعام حاۋىپسىزدىك مەكەمەسى جاعىنان زاڭ بويىنشا قولعا الۋعا اتقارىلعان.

باركول اۋداندىق قوعام حاۋىپسىزدىك مەكەمەسى جاۋاپكەر ە x پەن ب x نىڭ وتكىزگەن قاساقانا زاقىمداۋ دەلوسىن 2020 - جىلى 6 - ايدىڭ 9 - كۇنى بارلاپ تەكسەرۋدى اقىرلاستىرىپ، مەكەمەمىزدىڭ تەكسەرىپ ايىپتاۋىنا شاعىم بەرگەن. مەكەمەمىز دەلونى قابىلداعاننان كەيىن، 2020 - جىلى 6 - ايدىڭ 10 - كۇنى زاڭ بويىنشا جاۋاپكەرلەرگە اقتاۋشى مىندەتتەپ الۋعا ۇقىقتى ەكەنىن جانە قىلمىسىن، جازاسىن مويىنداۋدا كەلىپ شىعاتىن زاڭدىق ناتيجەنىڭ مۇمكىندىگىن ۇقتىرىپ، ءارى زيانكەستىككە ۇشىراۋشى جاققا ارىز - شاعىم جوقتاۋشىسىن مىندەتتەپ الۋعا ۇقىقتى ەكەنىن ۇقتىرىپ، زاڭ بويىنشا جاۋاپكەرلەردى سۇراققا تارتىپ، جاۋاپكەرلەر مەن ولاردىڭ ادوۆكاتتارىنىڭ جانە زيانكەستىككە ۇشىراۋشى جاقتىڭ پىكىرىن تىڭداپ، دەلونىڭ بارلىق ماتەريالىن تەكسەرىپ اقىرلاستىردىق. اقتاۋشى ادوۆكاتتىڭ كۋا بولۋىندا، جاۋاپكەرلەر قىلمىسىن، جازاسىن مويىنداۋ قورتىندىسىنا قول قويدى ءارى دالەل - ىسپات جاريالاۋ الىپ بارىلدى، جاۋاپكەرلەر بۇل دەلونى ادەتتەگى تارتىپپەن قاراۋعا قوسىلدى. 

مەكەمەمىزدىڭ تەكسەرىپ انىقتاۋىندا: 

2020 - جىلى 3 - ايدىڭ 21 - كۇنى تاڭعى ساعات 1:30 مولشەرىندە جاۋاپكەر ە x پەن ب x ەكەۋى باركول اۋدانى ** اۋىلى ** قىستاعىنداعى ب x نىڭ ۇيىندە اڭگىمەلەسىپ وتىرعاندا، زيانكەستىككە ۇشىراۋشى س x ب y پەن بىرگە ماس كۇيدە، قولدارىنا جارتى قۇتى اشتى اراقتى الىپ، ب x تىڭ ۇيىنە كىرىپ، ە x جانە ب x پەن بىرگە اراق ىشەدى. تاڭعى ساعات 4:30 مولشەرىندە، زيانكەستىككە ۇشىراۋشى س x ە x تى ياناتتاپ، ونىمەن سوزگە كەلىسىپ قالىپ، ب y س x تى ۇيىنە اپارىپ تاستاماقشى بولىپ، س x تى سۇيەپ سىرتقا ەرتىپ شىعادى. ىلە - شالا، جاۋاپكەر ە x پەن ب x تە سىرتقا شىعىپ، دارەتكە وتىرۋ بارىسىندا، س x ە x تى كورىپ، ە x تى جالعاستى ياناتتايدى، وسى كەزدە جاۋاپكەر ە x پەن ب x ەكەۋى س x تىڭ جانىنا بارىپ، جاۋاپكەر ە x س x تى جۇدىرىقپەن ءبىر ۇرادى، س x ە x تى تاعى دا ياناتتايدى، سونىمەن جاۋاپكەر ب x س x تىڭ كەۋدەسىنە قاراي جۇدىرىقپەن ءبىر ۇرىپ، جانە وكپە تۇسىنا قاراي جۇدىرىقپەن ءبىر ۇرادى، ودان جاۋاپكەر ە x س x تىڭ بەت بولىمىنە قاراي ءبىر ۇرعاندا، س x بەتىن باسىپ ەڭكەيىپ قالادى، وسى كەزدە، جاۋاپكەر ب x س x تىڭ جامباسىنا قاراي ءبىر تەپكەندە، س x ماي جولدىڭ ۇستىنە جىعىلىپ تۇسەدى، جالعاستى جاۋاپكەر ە x س x تىڭ قارا قۇسىنا قاراي تەۋىپ، اياعىمەن س x تىڭ كەۋدەسىن مىجىپ ءوتىپ، بىرنەشە رەت تەپكىلەيدى، جاۋاپكەر ب x تە س x تى بىرنەشە رەت تەپكىلەيدى، وسى كەزدە، قاستارىندا تۇرعان ب y س x تى اراشالاپ ورنىنان تۇرعىزىپ، س x تى سۇيەپ ۇيىنە الىپ كەتەدى. سودان سوڭ، جاۋاپكەر ە x پەن ب x ەكەۋى ب x تىڭ ۇيىنە بارىپ جالعاستى اراق ىشەدى، ارتىنان ىلە - شالا، ب y مەن س x ەكەۋى ارت - ارتىنان ب x تىڭ ۇيىنە قايتا بارىپ، ب x تەرمەن بىرگە جالعاستى اراق ىشەدى. تاڭعى ساعات 5:30 مولشەرىندە، ب x، ە x، ب y ۇشەۋى س x تى ەرتىپ، ۇيىنە جەتكىزگەن سوڭ، ب x پەن س x ەكەۋى سوزگە كەلىسىپ، جاۋاپكەر ب x س x تىڭ بەتىنە قاراي ءبىر ۇرعاندا، س x جەرگە جىعىلىپ تۇسەدى، سوڭىنان س x تىڭ ايەلى مەن ب x، ە x قاتارلىلار س x تى ورنىنان سۇيەپ تۇرعىزىپ، توسەككە اپارىپ جاتقىزىپ تاستاپ، ە x، ب x، ب y ۇشەۋى س x تىڭ ۇيىنەن كەتىپ قالادى. تاڭەرتەڭگى ساعات 9 مولشەرىندە، س x تىڭ سەمياسىنداعىلار س x تىڭ الدە قاشان ولگەنىن بايقاعان. ساراپتاۋ نەگىزىندە، س x باس بولىمنەن اۋىر دارەجەدە قان شىعۋدان ولگەن.  

جاۋاپكەر ە x مەن ب x دەلو تۋىلعان سوڭ، ءوز ەركىمەن قىلمىستى ارەكەتتەرىن قاز - قالپىندا مويىنداپ تاپسىرعان. 

جوعارداعى فاكىتكە نەگىز ەتىلگەن دالەل - ىسپاتتار:

1. جازبا ىسپات، 2. كۋاشىنىڭ ايعاق ءسوزى، 3. جاۋاپكەردىڭ مويىنداۋى، 4. ساراپتاۋ پىكىرى. 5. ناق مايداندى تەكسەرۋ ەستەلىگى.  

جوعارداعى دالەل - ىسپاتتاردىڭ الىنۋ ءتارتىبى زاڭدى، مازمۇن وبيەكتيۆى شىنايى بولىپ، ايىپتالعان فاكىتتى تۇراقتاندىرۋعا بولادى، جاۋاپكەر ە x مەن ب x ايىپتالعان قىلمىس فاكىتى مەن دالەل - ىسپاتقا بوتەن پىكىرى جوق ءارى ءوز ەركىمەن قىلمىسىن، جازاسىن مويىنداعان. 

مەكەمەمىز بىلاي دەپ قارايدى: جاۋاپكەر ە x مەن ب x قاساقانا زيانكەستىككە ۇشىراۋشىنى بىرلەسىپ ۇرىپ - سوعىپ، زيانكەستىككە ۇشىراۋشىنى زاقىمداپ، ونىڭ ءولۋىن كەلتىرىپ شىعارعان، ونىڭ بۇل ارەكەتى «جۇڭحۋا حالىق رەسپۋبليكاسى قىلمىستى ىستەر زاڭى» نىڭ 234 - تارماعىنىڭ 2 - ابزاتىسىنداعى بەلگىلەمەگە تولادى، قىلمىس فاكىتى انىق، دالەل - ىسپاتى شىن ءارى تولىق بولىپ، قاساقانا زاقىمداۋ قىلمىسى بويىنشا زاڭدىق جاۋاپكەرلىكتەرىن قۋزاستىرۋ ءتيىس. جاۋاپكەر ە x مەن ب x قىلمىسىن - جازاسىن مويىنداعان، بۇعان «جۇڭحۋا حالىق رەسپۋبليكاسى قىلمىستى سىتەر ارىز - شاعىم زاڭى»نىڭ 15 - تارماعىنداعى بەلگىلەمە بويىنشا كەڭشىلىكپەن ءبىرجايلى ەتۋگە بولادى. زاڭدىق جاقتان جازا ولشەۋدە جاۋاپكەر ە x مەن ب x وزدەرىن مالىمدەگەن، بۇعان ەلىمىز قىلمىستى سىتەر زاڭنىڭ 67 - تارماق 1 - ابزاتىسىنداعى بەلگىلەمەنى قولدانىپ، جەڭىل نەمەسە جەڭىلدەتىپ جازا بەرۋگە بولادى. «جۇڭحۋا حالىق رەسپۋبليكاسى قىلمىستى ىستەر ارىز - شاعىم زاڭى» نىڭ 176 - تارماعىنىڭ 1 - ابزاتىسىنداعى بەلگىلەمەگە ساي الەۆمەتتىك ايىپتاۋ جۇرگىزدىك، زاڭ بويىنشا جازا بەرۋدى ءۇمىت ەتەمىز.

قۇرمەتپەن:

باركول قازاق اۆتونوميالى اۋداندىق حالىق سوت مەكەمەسىنە

پروكۋرور: سارا شايماردان قىزى

2020 - جىلى 7 - ايدىڭ 8 - كۇنى

قوسىمشا:

          1. جاۋاپكەر ە x مەن ب x قازىر باركول اۋداندىق قاماقحانادا قاماۋدا. 

           2. ايىپتاۋ، دالەل - ىسپات ماتەريالىنان 4 توپتام.

3. «قىلمىسىن، جازاسىن مويىنداۋ قورتىندىسى»نان 2 نۇسقا؛ قىلمىسىن، 

جازاسىن مويىنداعانداردى كەڭشىلىكپەن ءبىرجايلى ەتۋ ءتۇزىمىن ۇقتىرۋ 

قاعازىنان 2 نۇسقا؛ دالەل - ىسپاتتى جاريالاۋ تىزىمدىگىنەن 2 نۇسقا.