起诉书（自然人犯罪认罪认罚）（金某某）(公开版)

شينجياڭ ۇيعۇر اۆتونوميالى رايونى شىڭگىل  اۋداندىق

حالىق پروكۋراتۋراسىنىڭ ايىپتاۋى

                                      ش پ (1-ٴبولىم )ايىپتاۋ  (2020) 13-ٴنومىرلى 

   جاۋاپكەر ج** ش** ۇلى، 1968-جىلى **-ايدىڭ **-كۇنى تۋىلعان، ازاماتتىق كۋالىك ٴنومىرى 65432519**********، ۇلتى قازاق، باستاۋىش ماعلۇماتىنا يە، كاسىبى ديحان، نوپوس تۇرعان جەرى: شىڭگىل اۋدانى **قالاشىعى ** قىستاعى، قازىرگى تۇراعى:شىڭگىل اۋدانى ** قالاشىعى ** قىستاعى **-اۋلا، بۇرىن زاڭدىق جازاعا تارتىلماعان. 2020-جىلى 5-ايدىڭ 21-كۇنى مەملەكەت ٴتۇيىندى قورعاۋعا العان باعالى، تۇقىمى قۇرىپ بارا جاتقان جابايى حايۋاناتتاردى زاڭسىز تۇردە اۋلاۋ قىلمىس كۇمانىمەن التاي تاۋ ورمان قوعام حاۋىپسىزدىگى بولىمشە مەكەمەسى جاعىنان سوتتاعانعا دەيىن كەپىلگە بەرىلگەن.  

التاي تاۋ ورمان قوعام حاۋىپسىزدىگى بولىمشە مەكەمەسى بۇل دەلونىڭ بارلاۋىن اقىرلاستىرىپ، 2020-جىلى 6-ايدىڭ 4-كۇنى جاۋاپكەر ج** ش** ۇلىن مەملەكەت ٴتۇيىندى قورعاۋعا العان باعالى، تۇقىمى قۇرىپ بارا جاتقان جابايى حايۋاناتتاردى زاڭسىز تۇردە اۋلاۋ قىلمىس كۇمانىمەن مەكەمەمىزدىڭ تەكسەرىپ ايىپتاپ ٴبىر-ٴجايلى ەتۋىنە ۇسىنىس ەتكەن، مەكەمەمىز دەلونى تاپسىرىپ الىپ 2020-جىلى 6-ايدىڭ 4-كۇنى جاۋاپكەرگە اقتاۋشىعا تاپسىرۋعا ۇقىقتى ەكەندىگىن جانە قىلمىسىن تانىپ جازاعا مويىنسال بولۋ زاڭدىق زاردابىن ۇقتىرىپ، زاڭ بويىنشا جاۋاپكەردەن تەرگەۋ الىپ، كەزەكشى ادۆاكاتتىڭ پىكىرىن تىڭداپ، بارلىق دەلو ماتەريالدارىن تەكسەردىك.

    زاڭ بويىنشا تەكسەرىپ انىقتاۋىمىزدا: 

2014 -جىلى 6-ايدىڭ 18-كۇنى تاڭەرتەڭگى  ساعات 06 مولشەرىندە، جاۋاپكەر ج** ش** ۇلى شىڭگىل اۋدانى ** قالاشىعى ** قستاعىنداعى ۇيىنەن موتوسيەكلىن مىنىپ الىپ، بۇرىندا كورىپ جۇرگەن شىڭگىل اۋدانى ** وي تاۋىنىڭ شىعىس بوكتەرى جاماتى تاۋدىڭ تەرىسكەي بەتىنىڭ ورتان بەلىندەگى جارتاستىڭ قۋىسىنا ورنالاسقان بۇركىتىڭ ۇياسىنا كەلىپ، بۇركىت ۇياسىنىڭ شىعىس جاعىنداعى ۇشقات تۇبىلعى اعاشتان قۇرىق جاساپ ۇياعا قۇرىق سالىپ ءبىر بالاپان بۇركىتتى اۋلاپ الىپ موتوسيەكلىمەن ۇيىنە قايتىپ كەلگەن، جاۋاپكەر ج** ش** ۇلى اۋلاپ العان بۇركىتتى التى جىل مولشەرىندە ۇيىندە ۇستاپ باققان، 2020-جىلى 4-ايدىڭ 30-كۇنى التاي تاۋ ورمان قوعام حاۋىپسىزدىگى بولىمشە مەكەمەسى شىڭگىل تاۋ ورمان ساقشى ۇلكەن اتىرەتى بۇل بۇركىتتى ج** ش** ۇلىنىڭ قولىنان ۇستاپ قالىپ وسى جىلى 5-ايدىڭ 21-كۇنى تابيعاتحا قويا بەرىلگەن.                                                                                                                                                                                                                                                                             

شينجياڭ ۇيعۇر اۆتونوميالى رايونى ورمان قوعام حاۋىپسىزدىگى مەكەمەسى ءادىليالىق ساراپتاۋ ورتالىعىنىڭ [2020] 120- ءنومىرلى تەكسەرىپ ساراپتاۋ پىكىرىندە: ۇستاپ قالىنعان زات 1989-جىلى جۇڭحۋا حالىق رەسپۋبليكاسى ورمان مينيسترلىگى،اۋىل شارۋاشىلىق مينيسترلىگى شىعارعان 1-ٴنومىرلى بۇيرعىندا «مەملەكەت جاعىنان تۇيىندى قورعالاتىن جابايى حايۋانات ءتىزىمدىگىندە» ءبىرىنشى دارەجەلى قورعالاتىن جابايى حايۋانات " بۇركىت (Aqula chrysaetos )" _ دەپ تۇراقتاندىرعان.

جوعارداعى قىلمىس فاكتتى تۇراقتاندىراتىن دالەل-سىپاتتار: 

1، زاتتىق سىپات: بۇركىت(قاتىستى راسىمدەرى ارقىلى كورىلەدى )؛ 2، جازباشا سىپات: تۇراقتى تۇرۋ يمپورماتسيالارى، دەلو قابىلداۋ گىراپپاسى، ۇستاپ قالىنعان زاتتىق بۇيىم تىزىمدىك گىراپاسى، قىلمس كۇماندىسىنىڭ دەلوعا الىنۋ بارىسى، حالىق ىستەر مەكەمەسىنىڭ تۇسىندىرۋ انقتاماسى؛ 3،كۋاشىلەردىڭ كۋالىك ٴسوزى: سايران تۇمارقان قىزى، قۋانىش ماۋلىتقان قىزىنىڭ كۋالىكتەرى؛ 4، جاۋاپكەرجەڭسبەك شايمۇرات ۇلىنىڭ مويىنداۋ جانە ٴوزىن اقتاۋى؛ 5، انىقتاۋ، تەكسەرۋ ماتەريالدارى: دەلوداعى تانىتۋ ەستەلىگى مەن تانىتۋ راسىمدەرى، ناق مايدان حاريتاسى قاتارلىلار.  

جوعارداعى دالەل-سىپاتتاردىڭ كەلۋ قاينارى مەن دالەل-سىپاتتاردىڭ الىنۋ ءتارتىبى زاڭدى، مازمۇنى وبيەكتيۆ شىنايى، دەلونىڭ قىلمىس فاكتىن تولىق سىپاتتاپ بەرەدى.    

مەكەمەمىز بىلاي دەپ قارايدى: جاۋاپكەر ج** ش** ۇلىنىڭ ارەكەتىنەن «جۇڭحۋا حالىق رەسپۋبليكاسى قىلمىستى ىستەر زاڭى»نىڭ 341-تارماق بەلگىلەمەسىندەگى ”مەملەكەت ٴتۇيىندى قورعاۋعا العان باعالى، تۇقىمى قۇرىپ بارا جاتقان جابايى حايۋاناتتاردى زاڭسىز تۇردە اۋلاۋ“ قىلمىسىن قالىپتاسادى، قىلمىسىن قاز-قالپىندا تاپسىرىپ، تەكسەرۋدى قابىلداعان ارەكەتى «جۇڭحۋا حالىق رەسپۋبليكاسى قىلمىستى ىستەر زاڭى»نىڭ 67-تارماق 1-ابزاتىس بەلگىلەمەسىندەگى ٴوزىن مالىمدەۋگە جاتىپ جەڭىل جازالاۋعا بولادى، «جۇڭحۋا حالىق رەسپۋبليكاسى قىلمىستى ىستەر ارىز-شاعىم زاڭى»نىڭ 15-تارماق "قىلمىسىن تانىپ جازاعا مويىنسال“ بولعانداردى كەڭشىلىكپەن ٴبىر ٴجايلى ەتۋ ٴتۇزىمىن قولدانۋ تارتىبىنە ۇيلەسەدى، دەلونىڭ قىلمىس فاكتى انىق، دالەل-سىپاتتارى شىن ٴارى تولىق، جاۋاپكەردىڭ قىلمستى ىستەر جاۋاپكەرشىلىگى زاڭ بويىنشا قۋزاستىرىلۋعا ٴتيستى. سوندىقتان «جۇڭحۋا حالىق رەسپۋبليكاسى قىلمىستى ىستەر ارىز–شاعىم زاڭى»نىڭ 176-تارماق بەلگىلەمەسىنە ساي زاڭ بويىنشا الەۋمەتتىك تۇرعىدان ايىپتايمىز.

قۇرمەتپەن:

شىڭگىل  اۋداندىق حالىق سوت مەكەمەسىنە

پروكۋرور: نۇرمان زياقان ۇلى

2020-جىلى 7-ايدىڭ 1-كۇنى

1.قوسىمشا: جاۋاپكەر ج** ش** ۇلى شىڭگىل اۋدانى ** قالاشىعى ** قىستاعى **-ءنومىرلى سەمياسىندا كەپىلدە، بايلانىس تەلوفون: 135*********.

2. رازۆەت دەلو ماتەريالى 2 تۇپتەم  84 بەت.

3، ايپتاما 8 پارشا.  

4. نۇر دەسكا ءبىرەۋ.

     قاتىستى زاڭ تارماق مازمۇنى: 

①«جۇڭحۋا حالىق رەسپوبليكاسى قىلمىستى ىستەر زاڭى» 341-تارماق.

مازمۇنى: مەملەكەت ٴتۇيىندى قورعاۋعا العان باعالى، تۇقىمى قۇرىپ بارا جاتقان جابايى حايۋاناتتاردى زاڭسىز تۇردە اۋلاعاندارعا 5 جىلدان تومەن مەرىزىمدى قاماق قولدا ىستەتۋ جازاسى كەسىلەدى، وعان قوسا ايىپ تارتتىرىلادى.   

②«جۇڭحۋا حالىق رەسپوبليكاسى قىلمىستى ىستەر زاڭى» 67-تارماق1-ابزاتىس.

مازمۇنى: قىلمىس وتكىزگەننەن كەيىن وزدىگىنەن دەلوعا الدىرىپ، قىلمسىن قاز-قالپىندا تاپسىرىپ، تەكسەرۋدى قابىلداسا ءوزىن مالىمدەگەندىك بولادى. ءوزىن مالىمدەگەن قىلمستىعا جازانى جەڭىل نەمەسە جەڭىلدەتىپ كەسۋگە بولادى. ولاردىڭ قىلمىسى جەڭىلىرەكتەرىنە جازا كەسپەۋگە بولادى.

③«جۇڭحۋا حالىق رەسپۋبليكاسى قىلمىستى ىستەر ارىز-شاعىم زاڭى» نىڭ 15-تارماعى. 

مازمۇنى: قىلمىس كۇماندىسى، جاۋاپكەر ءوز ەركىمەن قىلمىسىن قاز-قالپىندا تاپسىرىپ، ايىپتاۋ قىلمىس فاكتىن مويىنداپ، جازا بەرۋگە ريزا بولسا، زاڭ بوينشا كەڭشىلىكپەن ٴبىر ٴجايلى ەتۋ كەرەك.

④«جۇڭحۋا حالىق رەسپۋبليكاسى قىلمىستى ىستەر ارىز-شاعىم زاڭى» نىڭ 176-تارماعى.

مازمۇنى: حالىق پروكۋراتۋراسى قىلمىس وتكىزگەندىگى جونىندە كۇمان بولعانداردىڭ قىلمىس فاكتى تەكسەرىلىپ انىقتالىپ، دالەل-سىپاتتارى شىن، تولىق بولىپ، زاڭ بويىنشا قىلمىستى ىستەر جاۋاپكەرشىلىگىن قۋزاۋ كەرەك دەپ ەسەپتەگەندە، ايىپتاۋ جونىندە شەشىم جاساپ، سوت قارستىلىعى جونىندەگى بەلگىلەمەلەرگە ساي حالىق سوت مەكەمەسىنە الەۋمەتتىك ايىپتاۋعا ۇسىنادى.