起诉书（艾某某交通肇事案）

شىنجاڭ ئۇيغۇر ئاپتونوم رايونى

 پىچان ناھىيىلىك خەلق تەپتىش مەھكىمىسىنىڭ

ئەيىبنامىسى

 

           پىچان تەپتىش 1- بۆلۈم ج ئى ئە چىقىش (2020) 704- نومۇرلۇق

پىچان ناھىيىلىك خەلق سوت مەھكىمىسىگە:

    جاۋابكار: ئە،XX ئەر، ئۇيغۇر، 19**- يىلى **- ئاينىڭ **- كۈنى تۇغۇلغان، كىملىك نومۇرى: 3731******65212219، پىچان ناھىيە ** يېزا ** كەنت 5- گۇرۇپپا **- نۇمۇردا ئولتۇرۇشلۇق، تولۇقسىز ئوتتۇرا مەكتەپ مەدەنىيەت سەۋىيسىگە ئىگە، دېھقان، ئىلگىرى جازالانمىغان. قاتناش ھادىسىسى سادىر قىلىش جىنايىتىگە چىتىشلىق گۇماندار دەپ قارىلىپ 2020- يىلى 09- ئاينىڭ 14- كۈنى پىچان ناھىيىلىك جامائەت خەۋىپسىزلىكى ئىدارىسى تەرىپىدىن تەكشۈرۈپ بىر تەرەپ قىلىنغىچە كېپىللىككە بېرىلگەن، 2020- يىلى 10- ئاينىڭ 06- كۈنى مەھكىمىمىز تەرىپىدىن قايتا كىپىللىككە بېرىلگەن. 

    پىچان ناھىيلىك جامائەت خەۋپسىزلىك ئىدارىسى جاۋابكار ئەXXنىڭ قاتناش ھادىسىسى سادىر قىلىش دىلوسى ئۈستىدىكى تەھقىقلەشنى ئاخىرلاشتۇرۇپ، 2020- يىلى 10- ئاينىڭ 6- كۈنى مەھكىمىمىزنىڭ تەكشۈرۈپ ئەيىپلىشىگە سۇنغان. مەھكىمىمىز دىلو ماتىرىياللىرىنى تاپشۇرۇپ ئالغاندىن كىيىن جاۋابكارنى قانۇن بويىچە سوراق قىلدۇق ھەمدە ئۇنىڭغا قانۇن بويىچە بەھرىمان بولىدىغان ھوقۇق- مەجبۇرىيەتلىرىنى ئۇقتۇردۇق. دىلونىڭ بارلىق ماتىرىياللىرىنى ئەستايىدىل تەكشۈرۈپ چىقتۇق. جاۋابكارغا جىنايىتىنى تونۇپ جازانى ئېتىراپ قىلىشنىڭ قانۇنىي ئاقىۋىتىنى چۈشەندۈردۇق، جاۋابكار مەزكۇر دېلوغا ئادەتتىكى تەرتىپىنى تەدبىقلاپ سوت ئېچىشقا قوشۇلدى.

    مەھكىمىمىز قانۇن بويىچە تەكشۈرۈش ئارقىلىق جاۋابكارنىڭ تۆۋەندىكىدەك جىنايى پاكىتىنى ئېنىقلاپ چىقتى:

    2020- يىلى 06- ئاينىڭ 28- كۈنى سائەت 23 دىن 50 مىنۇتلار ئۆتكەندە، جاۋابكار ئەXX ھاراق ئىچىپ مەست ھالەتتە، پىراۋىسىز ھالدا،         新K**348 نۇمۇرلۇق (باشقا ماتۇرلۇق قاتناش ۋاستىسىنىڭ نۇمۇر تاختىسىنى يۆتكەپ ئىشلەتكەن)، «زۇڭشىن» ماركىلىق، ئىككى چاقلىق موتسىكىلىتنى ھەيدەپ، كەينىگە دXXنى ئولتۇرغۇزۇپ، شەرىقتىن- غەرىپكە قاراپ يول ئىگىلەپ يول يۈرۈپ، پىچان ناھىيە ** بازىرى ** كەنت 7-گۇرۇپپا يول بۆلىكىگە كەلگەندە، غەربتىن- شەرىققە قاراپ ماڭغان، ئاXX ھەيدىگەن 新电K**230 نۇمۇرلۇق، «باما» ماركىلىق ئىككى چاقلىق توكسىكىلىت بىلەن سۇقۇلغان، نەتىجىدە ئاXX قازالاپ، دXX بىلەن جاۋابكار ئەXX يارلىنىپ، قاتناش ۋاستىلىرى زىيانغا ئۇچراشتەك چوڭ قاتناش ھادىسىسى سادىر قىلغان. جاۋابكار ئەXX ھادىسىدە پۈتۈن مەسئولىيەتنى ئۈستىگە ئالىدۇ، توكسىكىلىت ھەيدىگۈچى ئاXX بىلەن موتسىكىلىتنىڭ كەينىدە ئولتۇرغۇچى دXXنىڭ ھادىسىدە مەسئولىيىتى يوق.

     يۇقارقى جىنايى پاكىتنى ئىسپاتلايدىغان دەلىل- ئىسپاتلاردىن:

1. مۇناسىۋەتلىك يازما ئىسپاتلار؛ 2. گۇۋاھچىنىڭ گۇۋاھلىق سۆزلىرى؛ 3. جاۋابكارنىڭ ئىقرارى ۋە ئاقلىنىشى؛ 4. باھالاش يەكۈنى؛ 5. نەق مەيدان خاتىرە- سۈرەتلىرى؛ 6. ئۈن- سىن پلاستىنكىسى  قاتارلىقلار بار.

    يۇقارقى دەلىل- ئىسپاتلارنىڭ توپلىنىشى قانۇنلۇق، مەزمۇنى ئەمەلىيەتكە ئۇيغۇن، ئەيىبنامىدە بېكىتىلگەن پاكىتنى تولۇق ئىسپاتلاپ بېرەلەيدۇ. جاۋابكار ئەXXنىڭ ئەيىبلەنگەن جىنايەت پاكىتى ۋە دەلىل-ئىسپاتلارغا باشقىچە پىكرى يوق، ھەم ئۆزلۈكىدىن جىنايىتىنى تونۇپ جازانى قوبۇل قىلىدۇ.

مەھكىمىزنىڭ قارىشىچە، جاۋابكار ئەXXنىڭ ماتورلۇق قاتناش ۋاستىلىرىنى ھەيدەپ يول يۈرۈش جەريانىدا بىخەتەرلىككە دىققەت قىلماي، بىر ئادەمنىڭ ئۆلىشىدەك چوڭ قاتناش ھادىسىسى سادىر قىلغان قىلمىشى « جۇڭخۇا خەلق جۇمھۇرىيىتى جىنايى ئىشلار قانۇنى » نىڭ 133- ماددىسىنىڭ بەلگىلىمىسىگە خىلاپ بۇلۇپ، قىلمىشىدىن قاتناش ھادىسىسى سادىر قىلىش جىنايىتى شەكىللىنىدۇ. دېلونىڭ پاكىتى ئېنىق، دەلىل- ئىسپاتلىرى راست ۋە تولۇق، جاۋابكارنىڭ جىنايى جاۋابكارلىقىنى قانۇن بويىچە سۈرۈشتۈرۈشكە تىگىشلىك. جاۋابكار ئەXX جىنايىتىنى تونۇپ جازانى قوبۇل قىلىدۇ، جىنايىتىنى ئەينەن ئىقرار قىلىدۇ، « جۇڭخۇا خەلق جۇمھۇرىيىتى جىنايى ئىشلار دەۋا قانۇنى » نىڭ 15- ماددىسى، « جۇڭخۇا خەلق جۇمھۇرىيىتى جىنايى ئىشلار قانۇنى » نىڭ 67- ماددىسىنىڭ 3- تارماقلىرىنىڭ بەلگىلىمىسى بويىچە كەڭچىلىك بىلەن، يېنىك بىر تەرەپ قىلىشقا بولىدۇ، مەھكىمىمىز جاۋابكار ئەXXغا 2 يىلدىن 3 يىلغىچە مۇددەتلىك قاماق جازاسى بېرىش تەكلىپىنى بېرىپ، « جۇڭخۇا خەلق جۇمھۇرىيىتى جىنايى ئىشلار دەۋا قانۇنى » نىڭ 176- ماددىسىنىڭ بەلگىلىمىسى بويىچە مەھكىمىڭىزلەرگە ئەيىبلىدۇق، قانۇن بويىچە جىنايى جازا ھۆكۈم قىلغايسىزلەر .

ھۆرمەت بىلەن :

مۇئاۋىن باش تەپتىش: ئابلىتىپ ئىسھاق

2020-يىلى 10-ئاينىڭ 28-كۈنى

ئىزاھات :

1.​ جاۋاپكار ئەXX ھازىر ئائىلىسىدە كېپىللىكتە، تىلىفۇن نومۇرى: 18116967423.

2. دېلو ماتىرىيالى جامائەت خەۋىپسىزلىك ئىدارىسى دېلو ئارخىپى 2 توپلام، تەپتىش مەھكىمىسى دېلو ئارخىپى 1 توپلام، ئەيىبنامە 10 نۇسخا، ئۈن- سىن پىلاستىنكىسى 1 دانە، جىنايى ئىشلار قوشۇمچە ھەق- تەلەپ ئەرىزنامىسى 6 پارچە دېلو بىلەن بىرگە يوللاندى .