起诉书（艾某某交通肇事案)

شىنجاڭ ئۇيغۇر ئاپتونۇم رايونى

ئاقسۇ شەھەرلىك خەلق تەپتىش مەھكىمىسىنىڭ

ئەيىبنامىسى

                           ئاقسۇ ش ت ئەيىبلەش چىقىش (20209) 412-نۇمۇرلۇق

ئاقسۇ شەھەرلىك خەلق سوت مەھكىمىسىگە :

      جاۋابكار ئە xx، ئەر، ئۇيغۇر، 20 ياش، كىملىك نومۇرى xxxxxxxx6529011999، ئوتتۇرا تېخنىكوم مەدىنىيەت سەۋىيسىگە ئىگە، نوپۇسى تۇرۇشلۇق جاي : ئاقسۇ شەھرى، توختىتپ قۇيۇلۇشتىن ئىلگىرى ئاقسۇ شەھەر xx بازار xx كەنىت xx-گۇرۇپ xx-نۇمۇردا ئولتۇرۇشلۇق، دېھقان، ئىلگىرى جازالانمىغان . قاتناش ھادىسىسى سادىر قىلىش جىنايىتى بىلەن 2019-يىل 12-ئاينىڭ 24-كۈنى ئاقسۇ شەھەرلىك ج خ ئىدارىسى تەرىپىدىن جىنايى ئىشلار بويىچە توختىتىپ قۇيۇلۇپ، 2020-يىل 2-ئاينىڭ 2-كۈنى مەھكىمىمىز تەرىپىدىن قانۇن بويىچە قولغا ئېلىنغان .

ئاقسۇ شەھەرلىك ج خ ئىدارىسى مەزكۇر دېلونى تەھقىقلەشنى ئاخىرلاشتۇرۇپ، جاۋابكار ئە xxنى قاتناش ھادىسىسى تۇغدۇرۇش جىنايىتى بىلەن 2020ـ يىلى 3ـ ئاينىڭ 31ـ كۈنى مەھكىمىمىزنىڭ تەكشۈرۈپ ئەيىبلىشگە يوللىغان.  مەھكىمىمىز قوبۇل قىلغاندىن كېيىن، جاۋابكارغا ئاقلىغۇچىغا ھاۋالە قىلىش ھوقوقى بارلىقى، زىيانكەشلىككە ئۇچرىغۇچىنىڭ يېقىن تۇغقانلىرىنىڭ دەۋا ۋاكالەتچىسىگە ھاۋالە قىلىش ھوقوقىنىڭ بارلىقى ئۇقتۇرۇپ قۇيۇلدى ھەمدە جاۋابكارنى قانۇن بويىچە سوراق قىلىپ، ئاقلىغۇچى، زىيانكەشلىككە ئۇچرىغۇچى ۋە ئۇنىڭ دەۋا ۋاكالەتچىسىنىڭ پىكرىنى ئاڭلاپ، بارلىق دېلو ماتېرىياللىرىنى تەكشۈرۈپ ئاخىرلاشتۇردى.

قانۇن بويىچە تەكشۈرۈپ ئىنىقلىشىمىزچە : 

      2019-يىلى 12-ئاينىڭ 20-كۈنى سائەت 20دىن 20مىنۇت ئۆتكەندە جاۋابكار ئە xx نۇمۇر تاختىسى يوق 40 تىپلىق تەرەكتۇرنى ئاقسۇ شەھرى xx بازىرى xx-كەنىت يولىدا xx شەرىق يۆلىنىشىدە ھەيدەپ مېڭىپ xx بازار xx-كەنىت xx-گۇرۇپ + xx كىلومىتىرلىق يول بۆلىكىگە كەلگەندە قارشى يۆلىنىشتە ئالاقىدار ئەxx پىراۋىسىز ھاراق ئىچىپ )  قاندىكى ئىسپىرىت مىقدارى 183mg/100ml  ) ھەيدەپ كەلگەن新NS5173نۇمۇرلۇق ( ساختا نۇمۇر تاختىسى ئېسىلغان ) ئىككى چاقلىق موتوسىكىلىت (كەينىگە ئالاقىدار تۇراخان ئەمىرۇللا ئولتۇرغان) بىلەن سوقۇلۇپ كەتكەندىن كىيىن ئالاقىدار ئەxx، تۇxx نەق مەيداندا ئۆلۈپ كەتكەن. جاۋابكار ئەxxتەرەكتۇرنى ھەيدەپ نەق مەيداندىن قېچىپ كەتكەن .  قاتناش ۋاستىسى بۇزۇلغان قاتناش ھادىسىسى يۈز بەرگەن .

     ئاقسۇ شەھەرلىك ج خ ئىدارىسىنىڭ 652901120190000235- نومۇرلۇق يول قاتناش ھادىسە ئېتىراپنامىسىدە: A تەرەپ ئەxx بۇ ھادىسىنىڭ ئاساسلىق مەسئۇلىيىتىنى ئۈستىگە ئالىدۇ B ،تەرەپ ئەxx بۇ ھادىسىنىڭ قۇشۇمچە مەسئۇلىيىتىنى ئۈستىگە ئالىدۇ،  Cتەرەپ تۇxx ھادىسىنىڭ ھىچقانداق مەسئۇليىتىنى ئۈستىگە ئالمايدۇ دەپ بىكىتىلگەن.

شىنجاڭ جوڭشىن ئەدىليىلىك باھالاش ئورنىنىڭ (2019) 9575-نومۇرلۇق قان باھالاش پىكىرنامىسىدا « ئەxxنىڭ ھەر 100 مىللىلىتىر قان تەركىبىدىكى ئىسپىرىت مىقدارى 183 مىللىگىرام 183mg/100ml »دەپ بىكىتىلگەن   .

     يۇقارقى پاكىتنى يازما ئىسپات، جاۋاپكارنىڭ ئىقرارى، گۇۋاھچىنىڭ گۇۋاھلىقى، باھالاش پىكىرنامىسى، ئېنىقلاش-تەكشۈرۈش خاتىرىسى قاتارلىق دەلىل-ئىسپاتلار ئىسپاتلايدۇ.

مەھكىمىمىز جاۋابكار ئەxxىڭ ماتورلۇق قاتناش ۋاستىسىنى ھەيدەپ قاتناش ھادىسىسى پەيدا قىلغان، ھادىسىدە ئىككى ئادەمنىڭ ئۆلىشىنى پەيدا قىلغان يۇقارقى قىلىمىشى « جۇڭخۇا خەلق جۇمھۇرىيتى جىنايى ئىشلار قانۇنى »نىڭ 133- ماددا بەلگىلىمىسىگە خىلاپ، جىنايەت پاكىتى ئېنىق، دەلىل-ئىسپات تۇللۇق. قاتناش ھادىسىسى سادىر قىلىش جىنايىتى بىلەن جىنايى جاۋابكارلىقىنى سۈرۈشتۈرۈشكە تىگىشلىك. دېلو يۈز بەرگەندىن كېيىن جاۋابكار ئۆزىنىڭ جىنايىتىنى تونۇپ جىنايى جازاغا قايىل بولغان، ئۆلگۈچىلەرنىڭ ئائىلىسىدىكىلەرگە ئاكتىپلىق بىلەن تۆلەم تۆلىگەن ھەمدە زىيانكەشلىككە ئۇچرىغۇچىلارنىڭ ئائىلە تاۋابىئاتلىرىنىڭ ئەپۇ قىلىشىغا ئېرىشكەن . ئۇنىڭ بۇ قىلمىشى « جۇڭخۇا خەلق جۇمھۇرىيىتى جىنايى ئىشلار دەۋا قانۇنى « 15ـ ماددا بەلگىلىمىسىگە ئۇيغۇن. شۇڭا « جوڭخۇا خەلق جۇمھۇرىيىتى جىنايى ئىشلار دەۋا قانۇنى » نىڭ  176ـ ماددا بەلگىلىمىسىگە ئاساسەن قانۇن بويىچە ھۆكۈم قىلىشىڭىزلار ئۈچۈن ئەيىبلىدۇق. 

تەپتىش : ھxx

2020يىل 4-ئاينىڭ 26-كۈنى

ئىزاھات:

.1جاۋابكار ھازىر  قاماقخانىدا قاماقلىق.

8 .2  نۇسخا ئەيىبنامە، بىر نۇسخا جىنايىتىنى تۇنۇپ جازاغا قايىل بۇلۇش تىلخېتى، بىر نۇسخا جازا ئۆلچەش تەكلىبنامىسى،  بىر نۇسقا ئالماشتۇرۇپ قاماش گۇۋاھنامىسى، بىر توپلام تەھقىقلەش دىلو ماتىريالى بىرگە يوللاندى.