起诉书（艾某某容留他人吸毒案）(公开版)

ئۈرۈمچى شەھىرى تىيانشان رايونلۇق خەلق تەپتىش مەھكىمىسىنىڭ ئەيىبنامىسى

                     

                      ئۈ ت ت 2-بۆلۈم ج ئە﹝2020﹞57–نومۇرلۇق

ئۈرۈمچى شەھىرى تىيانشان رايونلۇق خەلق سوت مەھكىمىسىگە: 

جاۋابكار ئې**(باشقا ئىسمى ئا**)، ئەر، ئۇيغۇر، 1967-يىلى **-ئاينىڭ **-كۈنى شىنجاڭ ئۈرۈمچى شەھىرىدە تۇغۇلغان، كىملىك نومۇرى: ********6501051967، باشلانغۇچ مەكتەپ مەلۇماتلىق، يەككە تىجارەتچى، نوپۇسى تۇرۇشلۇق جاي ۋە دائىم ئولتۇرۇشلۇق ئادرىسى: ئۈرۈمچى شەھىرى **رايۇنى **يولى **-نۇمۇر **-بىنا **-كورپۇس **-نۇمۇر. زەھەرلىك بويۇم توشۇش قىلمىشى بىلەن، 2017-يىلى 5-ئاينىڭ 6-كۈنى ئۈرۈمچى تۆمۈر يول ج خ ئىدارىسى تەرىپىدىن مەمۇرى جەھەتتىن 500 يۈەن جەرىمانە قويۇش جازاسى بىرىلگەن، زەھەرلىك چىكىملىك چەككەنلىكى ئۈچۈن، 2020-يىلى 6-ئاينىڭ 13-كۈنى ئۈرۈمچى شەھەرلىك ج خ ئىدارىسى ئىقتىساد-تېخنىكا ئېچىۋېتىلگەن(تۇدۇڭخابا) رايونى شۆبىسى تەرىپىدىن مەمۇرى جەھەتتىن 15 كۈن توختىتىش جازاسى بېرىلگەن. بۇ قېتىم باشقىلارنىڭ زەھەر چىكىشىگە سورۇن ھازىرلاپ بېرىش جىنايىتىگە چېتىشلىق دەپ قارىلىپ، 2020-يىلى 6-ئاينىڭ 24-كۈنى ئۈرۈمچى شەھەرلىك ج خ ئىدارىسى ئىقتىساد-تېخنىكا ئېچىۋېتىلگەن(تۇدۇڭخابا) رايونى شۆبىسى تەرىپىدىن كېپىلگە بېرىلگەن.

ئۈرۈمچى شەھەرلىك ج خ ئىدارىسى ئىقتىساد-تېخنىكا ئېچىۋېتىلگەن(تۇدۇڭخابا) رايونى شۆبىسى تەھقىقلەشنى ئاخىرلاشتۇرۇپ، مەھكىمىمىزنىڭ تەكشۈرۈپ ئەيىبلىشىگە يوللىغان جاۋابكار ئې**نىڭ باشقىلارنىڭ زەھەر چېكىشىگە سورۇن ھازىرلاپ بېرىش جىنايىتىگە چېتىشلىق دېلو ماتىرىيالىنى مەھكىمىمىز 2020-يىلى 9–ئاينىڭ 18-كۈنى قوبۇل قىلىپ، قانۇندا بەلگىلەنگەن سۈرۈك ئىچىدە جاۋابكارغا ئاقلىغۇچى ھاۋالە قىلىشقا ھوقۇقلۇق ئىكەنلىگىنى ۋە جىنايىتىنى تونۇپ جازانى قوبۇل قىلىشنىڭ قانۇنى ئاقىۋىتىنى ئۇقتۇردۇق. جاۋابكارنى قانۇن بويىچە سوراق قىلىش بىلەن بىرگە، بارلىق دېلو ماتېرىياللىرىنى تەكشۈرۈپ چىقتۇق. 

قانۇن بويىچە تەكشۈرۈپ ئېنىقلىشىمىزچە:

2020-يىلى 6-ئاينىڭ 4-كۈنىدىن شۇ يىلى 6-ئاينىڭ 12-كۈنىگىچە، جاۋابكار ئې** ئۆزى ئېچىپ تىجارەت قىلىۋاتقان ئۈرۈمچى شەھىرى **رايۇنى **يولى **-نۇمۇر **كوچىسى ئولتۇراق رايۇنى ئىچىدىكى ‹**كاۋاپخانىسى›دا، ئىلگىرى كىيىن بولۇپ د**، ن**، ئا**، ئا**، ي**، م** قاتارلىق ئالتە كىشىنىڭ چىكىشى ئۈچۈن زەھەرلىك چىكىملىك نەشە ۋە چىكىدىغان سورۇن بىلەن تەمىنلەپ بەرگەن. يۇقارقى ئالتە كىشى ئىلگىرى كىيىن بولۇپ، يۇقارقى ئاشخانىنىڭ كاۋاپ تەييارلاش ئۆيىدە، جاۋابكار ئې** تەمىنلەپ بەرگەن نەشىنى مۇخۇركىغا ئارىلاشتۇرۇپ چەككەن. 

تەكشۈرۈش ئارقىلىق، د**، ن**، ئا**، ئا**، ي**، م** قاتارلىق ئالتە كىشىنىڭ 2020-يىلى 6-ئاينىڭ 4-كۈنىدىن شۇ يىلى 6-ئاينىڭ 12-كۈنىگىچە بولغان مەزگىلدە، زەھەرلىك چىكىملىك نەشە چەككەنلىكى ئېنىقلانغان ۋە قانۇن بويىچە مەمۇرى جازا بېرىلگەن.

جاۋابكار ئې** 2020-يىلى 6-ئاينىڭ 22-كۈنى **رايۇنى **يولى **كوچىسى ئولتۇراق رايۇنىدا ساقچىلار تەرىپىدىن تۇتۇلغان. 

يۇقارقى پاكىتنى بېكىتىشتىكى دەلىل–ئىسپاتلار تۆۋەندىكىچە:

1. يازما ئىسپات: جاۋابكار ئې**نىڭ سالاھىيەت ئۇچۇر ئىسپاتى، دېلوغا كىلىش(تۇتۇلۇش) جەريانى ئىسپاتى، نەق مەيدا تونۇتۇش سۆرىتى، دېلودىكى زەھەرلىك چىكىملىك چەككۈچىلەرنىڭ سالاھىيەت ئىسپاتى قاتارلىقلار؛

2. گۇۋاھچىنىڭ گۇۋاھلىق سۆزى: د** قاتارلىق يەتتە نەپەر گۇۋاھچىدىن ئېلىنغان گەپ سوراش خاتىرىسى؛

3. جاۋابكار ئې**نىڭ تەھقىقلەش سوراقلىرىدىكى ئىقرارى ۋە ئۆزىنى ئاقلىشى؛

4. تونۇتۇش خاتىرىسى؛ 

5. باشقا ئىسپات ماتىرىياللار: نەق مەيداندا تەكشۈرۈپ ئۆلچەش دوكلاتى، مەمۇرى جازا بىرىش قارارنامىسى، دېلونىڭ پاش بولۇش جەريانى توغرىسىدىكى ئىسپات قاتارلىقلار.

يۇقارقى دەلىل ئىسپاتلار قانۇنلۇق توپلانغان، مەزمۇنى ئوبىكتىپ ۋە ھەقىقى بولۇپ، شىكايەت قىلىنغان پاكىتنى تولۇق ئىسپاتلاپ بىرەلەيدۇ. جاۋابكار ئې**نىڭ شىكايەت قىلىنغان جىنايەت پاكىتى ۋە دەلىل-ئىسپاتلارغا نىسپەتەن باشقىچە پىكرى يوق، ئۆز ئىختىيارلىقى بىلەن جىنايىتىنى تونۇپ، جازانى قوبۇل قىلىدۇ.

    مەھكىمىمىزنىڭ قارىشىچە، جاۋابكار ئې** ئالتە نەپەر زەھەر چەككۈچىنىڭ زەھەرلىك چىكىملىك چىكىشى ئۈچۈن زەھەرلىك بويۇم ۋە سورۇن بىلەن تەمىنلەپ بەرگەن قانۇنسىز قىلمىشى «جۇڭخۇا خەلق جۇمھۇرىيىتى جىنايى ئىشلار قانۇنى»نىڭ 354–ماددىسىدىكى بەلگىلىمىسىگە خىلاپ. دېلونىڭ پاكىتى ئېنىق، دەلىل-ئىسپاتى تولۇق ۋە راست بولۇپ، باشقىلارنىڭ زەھەر چېكىشىگە سورۇن ھازىرلاپ بېرىش جىنايىتى بويىچە جاۋابكارنىڭ جىنايى جاۋابكارلىقىنى سۈرۈشتۈرۈش كېرەك. شۇڭا «جۇڭخۇا خەلق جۇمھۇرىيىتى جىنايى ئىشلار دەۋا قانۇنى»نىڭ 176–ماددىسىدىكى بەلگىلىمىسىگە ئاساسەن مەھكىمىڭىزلارغا ئەيىبلىدۇق، قانۇنى جازا بېرىشىڭىزلارنى سورايمىز.

    تەپتىش: پەرھات ئەركىن 

                              تەپتىش ياردەمچىسى: مەردان ئوبۇل

2020–يىلى 10–ئاينىڭ 16–كۈنى

ئەسكەرتىش:

1. جاۋابكار ئې** بىر تەرەپ قىلىنغۇچە كېپىلگە بېرىلگەن، ئالاقىلىشىش نۇمۇرى: ****1357987؛

2. مەھكىمىمىزنىڭ 8 نۇسخا ئەيىبنامىسى ۋە تەھقىقلەش دىلو ماتىرىيالى 2 توپلام بىرگە يوللاندى.

3. جىنايىتىنى تونۇپ، جازانى قوبۇل قىلىش تىلخېتىدىن بىر نۇسخا(ئەسلى نۇسخىسى)، ئاددى تەرتىپنى قوللىنىپ سوت قىلىش پىكىرنامىسى ۋە جازا ئۆلچەش تەكلىبىدىن بىر نۇسخا بىرگە يوللاندى.