起诉书（艾某某故意伤害案）

شىنجاڭ ئۇيغۇر ئاپتۇنۇم رايۇنى

 ئىدىقۇت رايۇنلۇق خەلق تەپتىش مەھكىمىسىنىڭ

  ئەيىپنامىسى

ئى ر ت ئە چىقىش (2020) 91  -نۇمۇرلۇق   

ئىدىقۇت رايۇنلۇق خەلق سوت مەھكىمىسىگە:

 جاۋاپكار ئەلxx ، ئەر، ئۇيغۇر، 20 ياش (1998- يىلى **- ئاينىڭ **- كۈنى تۇغۇلغان )كىملىك نومۇرى:1998********652101 ،تۇرپان شەھەر ئىدىقۇت رايونى **** يېزا **** كەنت **-گۇرۇپپىدا ئولتۇرۇشلۇق، تۇلۇقسىز ئوتتۇرا  مەكتەپ مەدەنىيەت سەۋىسىگە ئىگە،دېھقان ، سىياسى قىياپىتى: ئامما،ئىلگىرى جازالانمىغان،قەستەن زەخمىلەندۇرۇش(ئېغىر زەخمە)جىنايەت گۇمانى بىلەن 2020-يىلى1-ئاينىڭ 12-كۇنى ئىدىقۇت رايونلۇق ج خ ئىدارىسى  تەرىپىدىن جىنايى ئىشلار بۇيىچە توختىتىپ قويۇلغان،2020- يىلى 1- ئاينىڭ 22- كۈنى مەھكىمىمىزنىڭ قولغا ئېلىشنى تەستىقلاش قاراىغا ئاساسەن ،  ئىدىقۇت رايونلۇق جامائەت خەۋىپسىزلىگى  ئىدارىسى تەرپىدىن2020-يىلى 1- ئاينىڭ 23- كۈنى قولغا ئېلىش ئىجرا قىلىنغان .

ئىدىقۇت رايۇنلۇق جامائەت خەۋىپسىزلىكى ئىدارىسى جاۋاپكار ئەلxxانىڭ قەستەن زەخمىلەندۈرۈش دىلۇسىنى تەھقىقلەشنى ئاخىرلاشتۇرۇپ، 2020-يىلى  3-ئاينىڭ 23-كۈنى مەھكىمىمىزنىڭ تەكشۈرۈپ ئەيىپلىشىگە سۇنغان. مەھكىممىز دىلۇنى تاپشۇرۇپ ئالغاندىن كىيىن ،جاۋاپكارغا ئاقلىنىشقا ھوقوقلۇق ئىكەنلىكىنى ئۇقتۇرۇپ  جىنايىتىنى تۇنۇپ جازانى قۇبۇل قىلىپ كەڭچىلىك بىلەن بىر تەرەپ قىلىش بەلگىىلمىسىنى قوللانسا كىلىپ چىقىدىغان قانۇنىي ئاقىۋەتلەرنى ئۇقتۇرۇپ ۋە ئۇنى قانۇن بويىچە سوراق قىلىپ، جاۋاپكار ئەلxxتەكشۈرۈپ، دېلونى تەكشۈرۈشنى ئاخىرلاشتۇردۇق، جاۋاپكار ئادەتتىكى تەرتىپنى قوللىنىپ دىلونى سوت قىلىشقا قوشۇلدى.

مەھكىممىز قانۇن بۇيىچە تەكشۈرۈش ئارقىلىق بىكىتكەن جىنايى پاكىتلار تۈۋەندىكىچە:

جاۋاپكار ئەلxx 2019-يىلى10-ئاينىڭ 06-كۇنى كەچ سائەت شىنجاڭ ۋاختى 12:00لەر بىلەن ئاغىنىلىرى نىجات رۇسول( ** يېزا ****- گۇرۇپپىدا ئولتۇرۇشلۇق)، رۇختەم ئەخمەت ( **** يېزا ****- گۇرۇپپىدا ئولتۇرۇشلۇق )،ۋە گۈلنۇر(داۋانچىڭلىق)، ئابىدە بەكرى(***مەڭگۇ بۇلاقلىق)، ئالىيە( *** تۇيۇقلۇق) قاتارلىقلار ياتاق ئىزدەپ ئىدىقۇت رايونى چوڭ تۆت كۇچىنىڭ شىمالىدىكى كونا ھاراق- تاماكا شىركىتىنىڭ ئالدىغا كەلگەندە گۈلنۇرنىڭ تۇنۇشى ئىxx(مۇشۇ دىلودىكى زىيانلانغۇچى ،ئىدىقۇت رايون **** يېزا**** كەنىت **-گۇرۇپپىدا ئولتۇرۇشلۇق) بىلەن ئۇچرۇشۇپ قېلىپ زىيانلانغۇچى ئىxx ئۇلارغا ياتاق تېپىپ بەرمەكچى بۇلۇپ ئۇلارغا قۇشۇلۇپ ئىدىقۇت رايون كونا شەھەر يولى تىيەنخى مېھمانخانىسىغا كىرىپ 2 ياتاقنى ئاچقان ھەمدە يۇقارقى 4 ئوغۇل 3 قىز جەمى 7 ئادەم ***- نۇمۇرلۇق ياتاقتا ئولتۇرۇپ ھاراق ئىچكەن ،بۇ جەرياندا زىيانلانغۇچى ئىxx «مەن بازاردا تاكسى ھەيدەيمەن،بۇندىن كېيىن بازارغا كەلسەڭلار مەن بار »،دەپ كۆپرەك گەپ قىلغاندا  جاۋاپكار ئەلxx ۋە ئۇنىڭ ئاغىلىرىنىغا ئۇنىڭ گېپى خۇشياقماي ياتاقتىن چىقىپ كېتىشنى دىگەن ھەمدە  زىيانلانغۇچى ئىxxنىڭ  ياتاق ئاچقاندا قۇشقان 100 يۈەن پۇلىنى قايتۇرۇپ بېرىپ  ئىxxنى ياتاقتىن چىقىرۋەتكەن .بىر ئازدىن كېيىن زىيانلانغۇچى ئىxxيەنە يۇقارقى ياتاقنىڭ ئىشىگىنى چەككەندە جاۋاپكار ئەلxxچىققاندا زىيانلانغۇچى  ئىxxئۆزىنى ياتاقتىن چىقىرۋەتكىنىگە كۆڭلىگە كەلگەنلىگىنى ،ئۇلارنىڭ كىملىگى يوق تۇرۇپ ياتاق ئاچقانلىغىنى ياتاق باشقۇرغۇچىلارغا مەلۇم قىلىدىغانلىغىنى دىگەن جاۋاپكار ئەلxx ئۇنداق قىلما گىپىڭ بەك چىقلاپ كەتتى جىدەللىشىپ قالمايلى دەپ  ئىxxنىڭ تېلفۇن نۇمۇرىنى ئۆزىنىڭ تېلفۇنىغا كىرگۈزىۋېلىپ ئۆزىنىڭ ياتىقىغا كىرىپ كەتكەن ،ئەتىسى سەھەر سائەت 6 لەر بولغاندا جاۋاپكار  ئەلxxقاتارلىقلار ياتاقتىن چىقىپ پەسكە چۈشكەن ، بۇ ۋاقىتتا جاۋاپكار ئەلxx   زىيانلانغۇچى ئىxxغا تېلفۇن قىلىپ ياتاقتىن  پەسكە چاقىرىپ چۈشۈپ دوسلىرى  تۇرغان جاينىڭ 15 مېتىردەك نېرىسىدىكى كۇچا ئىچىگە  باشلاپ بېرىپ،زىيانلانغۇچى  ئىxxنى بىزنى ياتاقتا تېچ ياتقىلى قويمىدىڭ دەپ ، تۆت شاپلاق ئۇرۇپ يەرگە يىقىتىپ ،  ئىxxنىڭ باش، يۈز، بەدەن قىسىملىرىغا  كەينى- كەينىدىن 6 ،7قېتىم دەسسەپ ۋە  يەنە بىر نەچچىنى  تېپىپ   يارلاندۇرۇپ يەردە ياتقۇزىۋېتىپ يۇقارقى دوسلىرى بىلەن بىرگە  قايتىپ كەتكەن. 

      ئىدىقۇت رايونلۇق جامائەت خەۋىپسىزلىگى ئىدارىسى ماددىي ئىسپات باھالاش ئىشخانىسى2019-يىلى12-ئاينىڭ31-كۇنى (2019)110-نۇمۇرلۇق قانون دوختۇرىنىڭ ئادەم بەدىنىنىڭ زەخمە دەرىجىسىنى باھالاش يەكۇنىدە: زىيانلانغۇچى  ئىxxنىڭ باش سۇڭىكى زەخمىلىنىش دەرىجىسىنى ئىككىنچى دەرىجىلىك ئېغىر زەخمە دەپ باھالىغان .

يۇقارقى جىنايى پاكىتلارنى ئىسپاتلايدىغان دەلىل –ئىسپاتلاردىن:

     زىيانكەشلىككە ئوچرىغۇچىنىڭ دىلۇ مەلۇم قىلىش خاتىرىسى ۋە بايانى ،جاۋاپكارنىڭ ئىقرارى،گۇۋاھچىلارنىڭ گۇۋاھلىق سۆزى، قانون دوختۇرىنىڭ ئادەم بەدىنىنىڭ زەخمە دەرىجىسىنى باھالاش يەكۇنى  ،نەق مەيدان تۇنۇتۇش خاتىرىسى ،نەق مەيدان خاتىرە،خەرىتە، سۆرىتى، نەق مەيدان سىن كۆرۈنۈش خاتىرىسى قاتارلىقلار بار .يۇقارقى دەلىل-ئىسپاتلارنىڭ كىلىش مەنبەسى قانۇنلۇق، مەزمونى ئەمىلىيەتكە ئۇيغۇن، راس بۇلۇپ، ئەيىبلەنگەن قىلمىشنى ئىسپاتلاشقا يېتەرلىك، جاۋاپكار ئەل xxنىڭ ئەيىبلەنگەن پاكىت بىلەن دەلىل-ئىسپاتلارغا باشقىچە پىكرى يوق، ئۆز ئىختىيارلىقى بىلەن جىنايىتىنى تۇنۇيدۇ، جازانى قۇبۇل قىلىدۇ.

مەھكىمىمىزنىڭ قارىشىچە : جاۋاپكار ئەلxx دۆلىتىمىز قانۇنلىرىنى كۆزگە ئىلماي، باشقىلارنىڭ جىسمانى ساغلاملىق ھۇقوقىغا دەخلى تەرۈز قىلىپ بىر ئادەمنىڭ ئېغىر زەخمىلىنىشىنى كەلتۈرۈپ چىقارغان قىلمىشىدىن قەستەن زەخمىلەندۈرۈش جىنايىتى شەكىللىنىدۇ، دىلونىڭ پاكىتلىرى ئېنىق، دەلىل-ئىسپاتلىرى تولۇق ھەم راسىت. شۇڭا ‹‹جۇڭخۇا خەلق جۇمھۇرىيىتى جىنايى ئىشلار قانونى››نىڭ 234-ماددا 2- تارماقنىڭ بەلگىلىمىسى بۇيىچە جازالاش كېرەك ،دىلو پاش بولغاندىن كېيىن جاۋابكار ئۆز ئىختىيارلىقى بىلەن قىلمىشىنى ئەينەن ئىقرار قىلىپ، جىنايىتىنى تونىغان، زىيانلانغۇچىنىڭ ئىختىسادى چىقىمىنى قايتۇرۇش پۇزۇتسىيەسىنى بىلدۈرگەن، شۇڭا، جاۋاپكارغا مۇددەتلىك 3 يىلدىن يۇقۇرى 4 يىلدىن تۈۋەن قاماق جازاسى بېرىش تەكلىۋى بېرىمىز. جاۋابكارنى ‹‹جۇڭخۇا خەلق جۇمھۇرىيىتى جىنايى ئىشلار دەۋا قانۇنى›› نىڭ 176- ماددىسىغا ئاساسەن مەھكىمىڭىزلەرگە ئەيىبلىدۇق، قانۇن بويىچە جىنايى جازا ھۆكۈم قىلغايسىزلەر.

تەپتىش : مېھرىگۈل مۆمۈن

                 2020-يىلى4-ئاينىڭ  22-كۈنى

قۇشۇمچە:

1.​ بۇ دىلۇ 4 توپلام   بەت، 

2.​ دىلو بىلەن بىرگە 8 پارچە ئەيىپنامە ،جىنايىتىنى تۇنۇپ جازانى قۇبۇل قىلىش تۆۋىنامە بىر نۇسخا ،نەق مەيدان كۈزۈتۈش ئاپاراتىدىكى سىن كۆرۈنۈش دېسكىسى 1 دانە ،ماس قەدەملىك ئۇن-سىن دېسكىسى 1 دانە، بىرگە يوللاندى

3.​ زىيانلانغۇچى تەرەپ قۇشۇمچە ھەق- تەلەپ دەۋاسى قىلىدۇ .قۇشۇمچە ھەق- تەلەپ ئەرزى 3 نۇسخا دىلو بىلەن بىرگە يوللاندى .

4.جاۋاپكار  ئەلxxھازىر ئىدىقۇت رايونلۇق قاماقخانىدا سۇلاقتا .