起诉书（艾某某故意伤害案）（自然人犯罪案件）(公开版)_乌什县人民检察院

乌什县人民检察院　

起 诉 书

乌什检公诉刑诉〔2019〕3491号　

　　ئۇچتۇرپان ناھىيەلىك خەلق تەپتىش مەھكىمىسىنىڭ

ئەيىبنامىسى

ئۇ ن ت ئەيىبنامە چىقىش (2019) 3491-نومۇرلۇق

ئۇچتۇرپان ناھىيەلىك خەلق سوت مەھكىمسىگە:

جاۋابكار ئە xx، ئەر، ئۇيغۇر، x-يىلى x-ئاينىڭ x-كۈنى تۇغۇلغان، كىملىك نومۇرى x، ئۇچتۇرپان ناھىيە xيېزا x-كەنىت x-مەھەللىدە ئولتۇرۇشلۇق، ساۋادسىز، دىھقان، ئىلگىرى جازالانمىغان. 2019-يىلى 9-ئاينىڭ 28-كۈنى ئۇچتۇرپان ناھىيىلىك جامائەت خەۋپسىزلىك ئىدارىسى تەرىپىدىن قەستەن زەخمىلەندۈرۈش (ئېغىر) جىنايىتىگە چېتىشلىق دەپ قارىلىپ جىنايى ئىشلار بويىچە توختىتىپ قويۇلغان، 2019-يىلى 10-ئاينىڭ 29-كۈنى مەھكىمىمىزنىڭ تەستىقى ئارقىلىق قولغا ئېلىنغان.

 ئۇچتۇرپان ناھىيەلىك جامائەت خەۋىپسىزلىك ئىدارىسى جاۋابكار ئە xxنىڭ  جىنايەت دېلوسىنى تەكشۈرۈپ تەھىققلەشنى ئاخىرلاشتۇرۇپ، 2019-يىلى 11-ئاينىڭ  25-كۈنى مەھكىمىمىزنىڭ تەكشۈرۈپ ئەيىبلىشىگە يوللىغان. مەھكىمىمىز دېلونى تاپشۇرۇپ ئېلىپ جاۋابكارغا ئاقلىنىشنى ئاقلىغۇچىغا ھاۋالە قىلىش ھوقۇقى قاتارلىق دەۋا ھوقۇقلىرىنى، جىنايىتىنى تۇنۇپ جازانى قۇبۇل قىلىشتىن  كېيىنكى كەڭچىلىك تۈزۈمىنى ئۇقتۇردۇق. جاۋابكار ۋە نۆۋەتچى ئادۇۋكاتنىڭ پىكىرنى ئاڭلىدۇق. 

مەھكىمىمىز تەكشۈرۈپ بىكىتكەن پاكىت

جاۋابكار ئە xx 2019-يىلى 8-ئاينىڭ 11-كۈنى سائەت 21:00 لەر ئەتراپىدا xيېزا بازىرىدىكى ئۇxنىڭ داپەنجىخانىسىدا، ئاغىينىسى راx، قاx قاتارلىقلار بىلەن ھاراق ئىچىپ ئولتۇرغاندا، زىيانلانغۇچى ئىx بىلەن ئۇنىڭ ئاغىينىسى تۇx بۇ سورۇنغا كىرىپ دۇتار چالغان، جاۋابكار ئە xx زىيانلانغۇچى ئىxگە «سورۇننى قالايمىقان قىلماي چىقىپ كىتىڭلار» دىگەن، زىيانلانغۇچى ئىx «بۇرنۇڭغا ... ھېجىقىز، چىقە ماڭ» دەپ جاۋابكار ئە xxنى تىللىغان، ھەم ئورنىدىن تۇرۇپ ئە xxنىڭ ياقىسىغا ئېسىلىپ ئۇرۇشقان، بۇ چاغدا جاۋابكار ئە xx دۇكاننىڭ سىرتىغا قېچىپ چىققان ھەم دۇكاننىڭ ئالدىدا تاشلىنىپ تۇرغان بىر دانە مېۋە تەملىك پىۋىنىڭ ئەينەك بوتۇلكىسىنى ئېلىپ ئارقىسىدىن قوغلاپ چىققان ئىxنىڭ باش قىسىمىغا ئۇرۇپ زەخمىلەندۈرگەن.  

جاۋابكار ئە xxنىڭ ئائىلىسىدىكىلەر زىيانلانغۇچى ئىxنىڭ داۋالىنىش چىقىمى قاتارلىق چىقىملىرىنى تۆلەپ بەرگەن بولۇپ، ئىككى تەرەپ ئۆز ئىختىيارلىقى بىلەن كېلىشكەن ھەم ئىxنىڭ ئەپۇسىنى قولغا كەلتۈرگەن.  

زەخمە دەرىجىسىنى باھالاش پىكرىدە، «ئىxنىڭ زەخمىسى ئىككىنجى دەرىجىلىك ئېغىر زەخمە دائىرىسىگە كىرىدۇ» دەپ بىكىتكەن.  

جاۋابكار يۇقارقى قىلمىشىنى ئۆز ئىختىيارلىق بىلەن ئەينەن تاپشۇردى.  

يۇقارقى پاكىتلار يازما ئىسپات، گۇۋاھچىنىڭ گۇۋاھلىقى، زىيانلانغۇچىنىڭ بايانى،  جاۋابكارنىڭ ئىقرارى، باھالاش پىكرى، ئېنىقلاش تەكشۈرۈش خاتىرىسى قاتارلىق دەلىل-ئىسپاتلارغا ئاساسەن بېكىتىلدى.

يۇقارقى دەلىل-ئىسپاتلارنىڭ ئېلىنىش تەرتىپى قانۇنلۇق، مەزمۇنى ئۇبىكتىپ ۋە راسىت، شىكايەت قىلغان پاكىتىنى تولۇق ئىسپاتلايدۇ. جاۋابكار مەھكىمىمىز شىكايەت قىلغان پاكىت ۋە دەلىل-ئىسپاتلارغا قارىتا باشقىچە پىكىرى يوقلىغىنى ئوتتۇرغا قويدى ھەمدە ئۆزلۈگىدىن جىنايىتىنى تۇنۇپ جازانى قۇبۇل قىلىدىغانلىغىنى بىلدۈردى.

مەھكىمىمىز مۇنداق قارايدۇ، جاۋابكار ئە xxنىڭ باشقىلارنى ئۇرۇپ قەستەن زەخمىلەندۈرگەن قىلمىشىدىن «جۇڭخۇا خەلق جۇمھۇريىتى جىنايى ئىشلار قانۇنى» نىڭ 234-ماددىسىدا بەلگلەنگەن قەستەن زەخمىلەندۈرۈش (ئېغىر) جىنايىتى شەكىللىندۇ، دېلونىڭ يۈز بېرىشىدە زىيانلانغۇچىنىڭ سەۋەنلىكى بار، پۇقرالارنىڭ جىسمانى ھوقۇقىنىڭ دەخلى تەرۇزغا ئۇچرىماسلىقىنى قانۇن كاپالىتىگە ئىگە قىلىش ئۈچۈن قانۇ بويىچە جىنايى جازا بېرشكە تىگىشلىك، شۇڭا «جۇڭخوا خەلق جۇمھۇريىتى جىنايى ئىشلار دەۋا قانۇنى» نىڭ 176-ماددىسىدىكى بەلگىلىمىگە ئاساسەن ئەيىبلەندى.

تەپتىش: ئىبرايىم مۇتەللىپ

پۈتۈكچى: دىلمۇرات ئابدۇسالام

2019-يىلى 12-ئاينىڭ 21-كۈنى

ئىزاھات:

(1) 10 نۇسخا ئەيىپنامە، بىر توپلام تەھىققلەش دېلوسى سوتقا يوللاندى.

(2) جاۋابكار ھازىر ئۇچتۇرپان ناھىيەلىك قاماقخانىدا قاماقلىق.

(3) جىنايىتىنى تۇنۇش، جازانى قۇبۇل قىلىش تىلخەتنامىسىدىن بىر نۇسخا يوللاندى.