起诉书（艾某某滥伐林木案）(公开版)

شىنجاڭ ئۇيغۇر ئاپتۇنۇم رايۇنى

شايار ناھىيەلىك خەلق تەپتىش مەھكىمىسىنىڭ

ئەيىبنامىسى

شايار ت ج ئە (2020) -نومۇرلۇق

جاۋابكار ئەXX، ئەر، ئۇيغۇر، XX19–يىلى XX-ئاينىڭ XX-كۈنى تۇغۇلغان، كىملىك نومۇرى: 2618XXXXXX65292419، باشلانغۇچ مەكتەپ مەدەنىيەت سەۋىيىسىگە ئېگە، دېھقان، شايار ناھىيە XX يېزا XX كەنت X-گوروپتا ئولتۇرۇشلۇق، ئىلگىرى جازالانمىغان. دەل-دەرەخنى قالايمىقان كېسىش جىنايىتىگە چېتىشلىق بولغانلىقتىن 2019-يىلى 1-ئاينىڭ 29-كۈنى ئاقسۇ ۋىلايەتلىك ئورمانچىلىق ج خ ئىدارىسى تەرىپىدىن بىر تەرەپ قىلىنغىچە كاپالەتچىگە بېرىلگەن.

ئاقسۇ ۋىلايەتلىك ئورمانچىلىق جامائەت خەۋىپسىزلىكى ئىدارىسى جاۋابكار ئەXXنىڭ دەل-دەرەخنى قالايمىقان كىسىش جىنايىتى دېلوسىنى تەھقىقلەشىنى ئاخىرلاشتۇرۇپ، ئا ۋ ئو ج خ ئەيىبلەش چىقىش (2019) 3-نومۇرلۇق ئەيىبلەش پىكىرنامىسى ئارقىلىق شىنجاڭ ئۇيغۇر ئاپتۇنۇم رايۇنلۇق خەلق تەپتىش مەھكىمىسى ئاقسۇ شۆبىسىنىڭ تەكشۈرۈپ ئەيىبلىشى ئۈچۈن يوللىغان، شىنجاڭ ئۇيغۇر ئاپتۇنۇم رايۇنلۇق خەلق تەپتىش مەھكىمىسى ئاقسۇ شۆبىسى دېلونى تاپشۇرۇپ ئېلىپ، مەھكىمىمىزنىڭ تەكشۈرۈپ ئەيىبلىشىگە تاپشۇرغان. مەھكىمىمىز جاۋابكار ئەXXنىڭ دەل-دەرەخنى قالايمىقان كېسىش جىنايەت دېلوسىنى 2019-يىلى 7-ئاينىڭ 16-كۈنى 2 توپلام دېلو ماتىريالى، دەلىل-ئىسپاتلار بىلەن بىرگە تاپشۇرۇپ ئالغاندىن كېيىن، «جىنايى ئىشلار قانۇنى» نىڭ مۇناسىۋەتلىك بەلگىلىمىلىرى بۇيىچە، قانۇندا بەلگىلەنگەن سۈرۈك ۋاقتى ئىچىدە جاۋابكارغا ئاقلىغۇچىغا ھاۋالە قىلىش ھوقۇقى قاتارلىق دەۋا ھوقۇقلىرىنى يەتكۈزدى. جاۋابكار سوراق قىلىندى ۋە پىكىرى ئاڭلاپ ئۈتۈلدى، بارلىق دېلو ماتىرياللىرى تەكشۈرۈپ كۈرۈلدى.

قانۇن بۇيىچە تەكشۈرۈپ ئېنىقلىشىمىزچە: جاۋابكار ئەXX 2019-يىلى 1-ئاينىڭ 19-كۈنى، قانۇندا بەلگىلەنگەن تەستىقلىتىش تەرتىپىدىن ئۆتكۈزۈپ دەرەخ كىسىش ئىجازەتنامىسى بېجىرمەي تۇرۇپ، شىنجاڭ شىنكېن زامانىۋى يېزا ئېگىلىك تەرەققىيات چەكلىك مەسئۇلىيەت شىركىتى (ئىلگىركى جاي نامى : شايار ناھىيە يېڭى بوز يەر ئۆزلەشتۈرۈش مەيدانى) تەۋەسىدىن 74 تۈپ، 32.733 كۇب مېتىر كۆلەمدىكى ئۆسۈۋاتقان تېرەكنى قالايمىقان كەسكەن. شىنجاڭ ئۇيغۇر ئاپتۇنۇم رايۇنى ئورمانچىلىق جامائەت خەۋىپسىزلىك ئىدارىسى ئەدىلىيىلىك باھالاش مەركىزىنىڭ (2019) 7-نومۇرلۇق ئەدىليىلىك باھالاش پىكىرنامىسىدە، دېلوغا چېتىشلىق دەل-دەرەخنىڭ سانى 74 تۈپ، ھەجىمى 32.733 كۇب مېتىر دەپ بېكىتكەن.

يۇقارقى پاكىتنى يازما ئىسپات، گۇۋاھچىلارنىڭ گۇۋاھلىقى، جاۋابكارنىڭ ئىقرارى، باھالاش يەكۈنى ۋە ئېنىقلاش تەكشۈرۈش خاتىرىسى قاتارلىق دەلىل-ئىسپاتلار ئىسپاتلايدۇ .

مەھكىمىمىز مۇنداق قارايدۇ : جاۋابكار ئەXXنىڭ « ئورمان قانۇنى» غا خىلاپلىق قىلىپ، دەرەخ كىسىش ئىجازەتنامىسى بېجىرمەي تۇرۇپ، تېرەك ئورمانلىرىنى خالىغانچە كەسكەن قىلمىشىدىن دەل-دەرەخنى قالايمىقان كېسىش جىنايىتى شەكىللىنىدۇ. جاۋابكار تۇتۇلغاندىن كىيىن جىنايىتىنى ئەينەن ئىقرار قىلىپ تاپشۇرغان. دۆلەتنىڭ ئورمان بايلىقىنى باشقۇرۇش ۋە قوغداش تۈزۈمىنى قانۇن ئارقىلىق كاپالەتكە ئىگە قىلىش ئۈچۈن، «جۇڭخۇا خەلق جۇمھۇرىيىتى جىنايى ئىشلار قانۇنى» نىڭ 345-ماددىسىنىڭ 2-تارماق، 67-ماددا 3-تارمىقدىكى بەلگىلىمە بۇيىچە جاۋابكار ئەXXنىڭ جىنايى جاۋابكارلىقىنى سۈرۈشتۈرۈشكە تىگىشلىك. شۇڭا «جۇڭخۇا خەلق جۇمھۇرىيىتى جىنايى ئىشلار دەۋا قانۇنى» نىڭ 176-ماددىسىغا ئاساسەن ئەيىپلىدۇق، قانۇن بۇيىچە جىنايى جازا ھۆكۈم قىلىشىڭلارنى سورايمىز.

ھۆرمەت بىلەن :

شايار ناھىيەلىك خەلق سوت مەھكىمىسىگە

تەپتىش : مXX

2020-يىلى 2-ئاينىڭ 6-كۈنى

قۇشۇمچە: 1) 8 نۇسخا ئەيىبنامە، دەلىل-ئىسپاتلار مۇندەرىجىسى، جازا ئۆلچەش تەكلىپنامىسى، تەھقىقلەش دېلو ئارخىپى (ئىككى توپلام، جەمئىى 190بەت) بىرگە يوللاندى.

2) جاۋابكار ئائىلىسىدە كېپىلدە.