起诉书（艾某某盗窃案）

شىنجاڭ ئۇيغۇر ئاپتونۇم رايونى

ئـاقسـۇ شەھەرلىك خەلق تەپتىش مەھكىمىسىنىڭ

ئـەيىبنـامىسـى

ئا ش ت ئەيىبلەش چىقىش (2020)300 -نۇمۇرلۇق

ئاقسۇ شەھەرلىك خەلق سوت مەھكىمىسىگە :

جاۋابكار ئە XX، ئەر، ئۇيغۇر، 21 ياش، كىملىك نۇمۇرى: 6529011998XXXXXXXX، تولۇقسىز ئوتتۇرا مەكتەپ مەدىنيەت سەۋىيسىگە ئىگە، دېھقان، ئولتۇرقى ئاقسۇ شەھەر XX تەۋەلىك باشقۇرۇش كومىتتى XXئابىدىسى XX كومىتتى XX-ئەتىرەت XX-رايۇن XX-كوچا XX-نۇمۇرلۇق ئۆي، مۇقىم كەسپى يوق، 2019-يىلى 8-ئاينىڭ 14-كۈنى XX شەھەرلىك ج خ ئىدارىسى تەرىپىدىن جىنايى ئىشلار بويىچە توختىتىپ قۇيۇلغان، 2019-يىل 9-ئاينىڭ 29-كۈنى مەھكىمىمىزنىڭ قولغا ئالماسلىق قارارىغان ئاساسەن قولغا ئېلىش تەستىقلانمىغان، 2019-يىلى 10-ئاينىڭ 1-كۈنى قولغا ئالماسلىق قارارى XX شەھەرلىك ج خ ئىدارىسى تەرىپدىن ئىجىرا قىلىنىپ كىپىلگە بېرىلىگەن.

ئاقسۇ شەھەرلىك ج خ ئىدارىسى مەزكۇر دىلونى تەھققىلەشنى ئاخىرلاشتۇرۇپ 2020-يىلى 3-ئاينىڭ 16-كۈنى (2019) 1625-نۇمۇرلۇق ئەيىبلەش پىكىرنامىسى ئارقىلىق مەھكىمىمىزنىڭ تەكشۈرۈپ ئەيىبلىشىگە يوللىدى، مەھكىمىمىز دىلونى تەكشۈرۈپ جاۋابكاردىن قانۇن بويچە سۇئال سورىدى ھەم ئاقلىنىش ھوقوقىنىڭ بارلىقى ئۇقتۇرۇپ قۇيۇلدى.

قانۇن بۇيىچە تەكشۈرۈپ ئېنىقلىشىمىزچە

جاۋابكار ئە XX 2019-يىلى 7-ئاينىڭ 29-كۈنى ئايرىم دىلودا بىر تەرەپ قىلىنغان مۇXX بىلەن ئوغرىلىق قىلىش ئۈچۈن ئاقسۇ شەھەر XX-ئەتىرەتكە جايلاشقان XX تاللا بازىرىغا بارغان، جاۋابكار ئە XX سىرىتتا كۆزەتتە تۇرغان، ئايرىم دىلودا بىر تەرەپ قىلىنغان مۇ XX تاللا بازىرىنىڭ ئىچىگە كىرىپ زىيانلانغۇچى ۋ XX جوزىنىڭ تارتىمىسىغا سېلىپ قويغان 3900 يۈەن نەق پۇل بىلەن 1730 يۈەن قىممىتىدىكى جوڭخۇا، يۈشى، خوڭخې ماركىلق تاماكنى ئوغرىلاپ، جاۋابكار ئە XXقا بەرگەن، جاۋابكار ئە XX تاماكنىڭ بىر قىسىمىنى ئۆزى چىكىپ بىر قىسىمىنى تاشلىۋەتكەن، پۇلنى جەجلەپ تۈگەتكەن، دىلو پاش بولغاندا زىيان ئەسلىگە كەلگەن.

ئاقسۇ شەھەرلىك مال باھا بىكىتىش ئىدارىسى ئوغىرلانغان تاماكنىڭ قىممىتىنى 1730 يۈەن دەپ بىكىتكەن.

يۇقارقى پاكىتنى يازما ئىسپات، زىيانلانغۇچىنىڭ بايانى، گۇۋاھچىنىڭ گۇۋاھلىقى جاۋاپكارنىڭ ئىقرارى، ئېنىقلاش-تەكشۈرۈش خاتىرىسى قاتارلىق دەلىل-ئىسپاتلار ئىسپاتلايدۇ.

مـەھكىمىمىز جاۋابكار ئە XXنىڭ يۇقارقى قىلمىشى «جۇڭخۇا خەلق جۇمھۇريىتى جىنايى ئىشلار قانۇنى» نىڭ 264-ماددابەلگىلىمىسىگە خىلاپ، جىنايەت پاكىتى ئېنىق، دەلىل-ئىسپاتى تۇلۇق، جاۋابكار ئە XX مەھكىمىمىز شىكايەت قىلىغان جىنايەت پاكىتىنى ۋە جىنايەت نامىنى ئىتىراپ قىلىپ، ئۆز ئىختىيارلىقى بىلەن جىنايىتىنى تۇنۇپ جازاغا قايىل بولدى. بۇ «جوڭخۇا خەلق جۇمھۇريىتى جىنايى ئىشلار دەۋا قانۇنى» نىڭ 15-ماددا بەلگىلىمىسىگە ئۇيغۇن، شۇڭا جاۋابكار ئە XXنى ئوغرىلىق جىنايىتى بىلەن «جوڭخۇا خەلق جۇمھۇريىتى جىنايى ئىشلار قانۇنى» نىڭ 264-ماددا، 67-ماددا 3-تارماق بەلگىلىمىسى بويىچە جىنايى جاۋابكارلىقىنى سۈرۈشتۈرۈشكە تىگىشلىك دەپ قاراپ «جوڭخۇا خەلق جۇمھۇريىتى جىنايى ئىشلار دەۋا قانۇنى» نىڭ 176-ماددا بەلگىلىمىسگە ئاساسەن قانۇن بويىچە ھۆكۈم قىلىشىڭىزلار ئۈچۈن ئەيىبلىدۇق.

تەپتىش : ئايچولپان ئېزىز

2020-يىلى 4-ئاينىڭ 6-كۈنى

ئەسكەرتىش:

1.​ جاۋابكار ھازىر ئائىلىسىدە

2. 8 نۇسخا ئەيىبنامە، بىر نۇسخا جىنايىتىنى تۇنۇپ، جازاغا قايىل بولغانلىق توغرىسىدىكى تىلخەت، بىر نۇسخا جازا ئۆلچەش تەكلىپنامىسى، بىر نۇسخا ئاددى تەرتىپ قوللىنىش تەكلىپنامىسى، بىر توپلام رازۋىتكا دىلو ماتىرىيالى بىرگە يوللاندى.