起诉书（艾某某盗窃案)

ئۈرۈمچى شەھىرى مىدوڭ رايونلۇق 

خەلق تەپتىش مەھكىمىسىنىڭ ئەيىبنامىسى

ئۈ ش م د ت بىرىنچى بۆلۈم  ئەيىبلەش(2020)360- نومۇر:

جاۋابكار ئەxxxx، ئەر، ئۇيغۇر،1977-ييىلى **-ئاينىڭ **-كۈنى تۇغۇلغان، باشلانغۇچ مەكتەپ مەدەنىيەت سەۋىيىسىگە ئىگە،كىملىك نومۇرى:6523221977********. نوپۇسى تۇرۇشلۇق ئورۇن:ئۈرۈمچى شەھىرى مىدۇڭ رايونى گۇمۇدى ئوتتۇرا يولى جەنۇبىي **-كوچا **-نومۇر **-گۇرۇپپا **-نومۇر.ھازىرقى تۇرۇشلۇق ئورنى:ئۈرۈمچى شەھىرى ئۈرۈمچى شەھىرى مىدۇڭ رايونى كاڭئەن ئولتۇراق رايونى **-بىنا**-ئىشىك **-نومۇر. جاۋابكار ئەxxxxنىڭ ئوغرىلىق   دىلوسىنى زىيانكەنكەشلىككە ئۇچرىغۇچى يۈ** 2015-يىلى 12-ئاينىڭ 17-كۈنى دېلو مەلۇم قىلغان،2015-يىلى 12-ئاينىڭ 22-كۈنى دېلو تۇرغۇزۇلۇپ تەھقىقلىنىپ،2015-يىلى 12-ئاينىڭ 31-كۈنى كېسەللىك سەۋەبىدىن داۋالىنىشقا كېپىلگە بېرىلگەن. 2020-يىلى 9-ئاينىڭ 27-كۈنى قايتا كېپىللىككە بېرىلگەن.

ئۈرۈمچى شەھەرلىك ج خ ئىدارىسى مىدوڭ شۆبىسى تەھقىقلەشنى ئاياقلاشتۇرۇپ، ئەيىبلەشكە يوللىغان جاۋابكار ئەxxxxنىڭ ئوغرىلىق دېلو ماتېرىيالىنى مەھكىمىمىز 2020-يىلى 11-ئاينىڭ 25-كۈنى قوبۇل قىلىپ، جاۋابكارنى سوراق قىلىدۇق قانۇن بويىچە يەتكۈزۈش مەجبۇرىيىتىمىزنى ئادا قىلدۇق ، دېلو ماتېرىياللىرىنى كۆرۈپ چىقىپ دېلودىكى پاكىت ۋە دەلىل – ئىسپاتلارنى ئۆز-ئارا ئەمەلىيلەشتۈردۇق. جاۋابكارنىڭ ئۆزىنى ئاقلاش پىكرىنى ئاڭلىدۇق، جاۋابكارغا قانۇن بويىچە ئاقلىغۇچى تەكلىپ قىلىش ھوقۇقى بارلىقىنى ، جىنايىتىنى تونۇپ جازانى قوبۇل قىلىش تەرتىپىدىن كېىلىپ چىقىدىغان قانۇنىي ئاقىۋەتنى ئۇقتۇردۇق. ھازىر دېلو تەكشۈرۈش ئاخىرلاشتۇرۇلۇپ، جىنايى پاكىتلارنى تۆۋەندىكىدەك مۇقىملاشتۇردۇق:

  2015-يىلى 12-ئاينىڭ 17-كۈنى سائەت15دىن36مىنۇت ئۆتكەندە جاۋابكار ئەxxxx مىدۇڭ رايونى گۇمۇدى ئوتتۇرا يولى كەيلوڭ مېھمانخانىسىنىڭ ئۇدۇلىدىكى پىيادىلەر كوچىسىدا زىيانكەشلىككە ئۇچرىغۇچى يۈ****نىڭ يانچۇقىدىن بىر دانە ئوپپو 53تىپلىق يانفوننى ئوغرىلاپ ،300يۈەنگە سېتىۋىتىپ زەھەر چېكىپ تۈگەتكەن.

يۇقىرىقى قىلمىشنى ئىسپاتلايدىغان دەلىل – ئىسپاتلار 

1.​ يازما ئىسپات، ماددىي ئىسپات 

ماددىي ئسىپات يوق

يازما ئىسپات

1)جاۋابكارنىڭ سالاھىيەت ئۇچۇرى

جاۋابكارنىڭ دائىملىق ئۇچۇر جەدىۋىلى،جاۋابكار 1977-يىلى 1-ئاينىڭ 24-كۈنى تۇغۇلغان

،جاۋابكارنىڭ سالاھىيەت ئۇچۇرىنى ، جاۋابكارنىڭ جىنايى جاۋابكارلىق يېشىغا توشقانلىقىنى ئىسپاتلايدۇ.

2)دېلو مەلۇم قىلىش ماتىريالى،دېلو قۇبۇل قىلىش تىزىملاش جەدىۋىلى،دېلو تۇرغۇزۇش قارارنامىسى،دېلونىڭ كېلىش مەنبەسى،كېپىللىككە بېرىشكە مۇناسىۋەتلىك ماتېرىياللار، دوختۇرخانىنىڭ داۋالىنىش ئىسپاتى

دېلونىڭ 2015يىلى 12-ئاينىڭ 22-كۈنى تەھقىقلىنىپ، جاۋابكارنىڭ ئېغىر كېسىلى بولغاچقا داۋالىنىشقا بۇيرۇلغانلىقىنى ئىسپاتلايدۇ.

3)تۇتۇش جەريانى

جاۋابكار ئەxxxxنىڭ 2015-يىلى12-ئاينىڭ30-كۈنى ج خ ئورگىنى چاقىرتقاندا ساقچىخانىغا ئۆزى بارغانلىقىنى ئىسپاتلايدۇ..

4) جىنايىتىنى تونۇپ جازانى قوبۇل قىلىش ئېتىراپنامىسى

جاۋابكار ئەxxxxنىڭ ئۆز ئىختىيارى بىلەن جىنايىتىنى تونۇيدىغانلىقىنى، بېرىلىدىغان جازاغا باشقىچە پىكرى يوقلىقىنى ئىسپاتلايدۇ.

2.​ گۇۋاھچىنىڭ گۇۋاھلىقى

يوق

3. زىيانكەشلىككە ئۇچرىغۇچىنىڭ بايانى

زىيانكەشلىككە ئۇچرىغۇچى يۈ ****نىڭ2015-يىلى 12-ئاينىڭ 17-كۈنىدىكى بايانى

زىيانكەشلىككە ئۇچرىغۇچىنىڭ 2015-يىلى 12-ئاينىڭ 17-كۈنى يانفونىنىڭ ئوغرىلانغانلىقىنى ئىسپاتلايدۇ.

4.جاۋابكارنىڭ ئىقرارى  ۋە ئۆزىنى ئاقلىشى

جاۋابكار ئەxxxxنىڭ 2020-يىلى 10-ئاينىڭ 11-كۈنىدىكى سوراق خاتىرىسى

جاۋابكارنىڭ  زىيانكەشلىككە ئۇچرىغۇچىنىڭ يانفونىنى يانچۇقىدىن ئوغرىلاپ كەتكەنلىكىگە ئىقرار ئىكەنلىكىنى ، جىنايىتىنى تونۇيدىغانلىقىنى ئىسپاتلايدۇ.

5.باھالاش يەكۈنى

 ئۈرۈمچى شەھەرلىك  مال باھا ئىدارىسىنىڭ باھالاش يەكۈنى 

ئۈرۈمچى شەھەرلىك مال-باھا ئىدارىسىنىڭ 2020-50688نومۇرلۇق ئەدلىيىلىك باھالاش يەكۈنىدە ئوغرىلانغان يانفوننىڭ باھاسى 1700يۈەن دەپ باھالانغان.

6.ئېنىقلاش،تەكشۈرۈش، پەرىق ئېتىش، تەھقىقلەش تەجرىبىسى قاتارلىق خاتىرە

نەق مەيداننى تونۇتۇش خاتىرىسى

جاۋابكارنىڭ سۈرەتتىكى ئورۇندا يانفون ئوغرىلىغانلىقىنى ئىسپاتلايدۇ

7.ئۈن-سىن ماتىرىيالى،ئېلىكتىرونلۇق سانلىق مەلۇمات

2دانە دېسكا

مەھكىمىمىزنىڭ قارىشىچە: جاۋابكار ئەxxxx دۈلەت قانۇنىنى كۆزگە ئىلماي قانۇنسىز ئىگىلىۋىلىش مەقسىتىدە يوشۇرۇن ئېلىۋىلىش ۋاسىتىسى ئارقىلىق باشقىلارنىڭ مۈلكىنى ئوغرىلاپ كەتكەن قىلمىشى «جۇڭخۇا خەلق جۇمھۇرىيىتى جىنايى ئىشلار قانۇنى»نىڭ 264-ماددىسدىكى بەلگىلىمىگە خىلاپ بۇلۇپ، ئوغرىلىق(يانچۇقچىلىق) جىنايىتىنى شەكىللەندۈرگەن،" جۇڭخۇا خەلق جۇمھۇرىيىتى جىنايى ئىشلار قانۇنى"نىڭ 264-ماددىسدا ئومۇم ۋە خۇسۇسنىڭ مال-مۈلكىنى ئوغرىلىغان، قىممىتى بىر قەدەر چوڭ ياكى كۆپ قېتىم ئوغرىلىق قىلغانلارغا ئۈچ يىلدىن تۆۋەن مۇددەتلىك قاماق جازاسى، تۇتۇپ تۇرۇپ ئەمگەككە سېلىش جازاسى ياكى رېجىم جازاسى، قوشۇپ ياكى ئايرىم جەرىمانە قويۇلىدۇ دەپ بەلگىلەنگەن.جاۋابكارنى ئوغرىلىق جىنايىتى بويىچە جىنايى جاۋابكارلىقىنى سۈرۈشتۈرۈش كېرەك. دېلونىڭ پاكىتى ئېنىق، دەلىل – ئىسپاتى تولۇق ۋە راست بولۇپ، خاراكتېرىنى بېكىتىشكە بولىدۇ. جاۋابكار جىنايىتىنى تونۇپ جازانى قوبۇل قىلغاچقا «جۇڭخۇا خەلق جۇمھۇرىيىتى جىنايى ئىشلار قانۇنى»نىڭ15-ماددىسى بويىچە كەڭچىكىك بىلەن بىر تەرەپ قىلىشقا بولىدۇ. شۇڭا مەھكىمىمىز«جۇڭخۇا خەلق جۇمھۇرىيىتى جىنايى ئىشلار دەۋا قانۇنى»نىڭ 176-ماددىسى 1-تارمىقىدىكى بەلگىلىمىگە ئاساسەن مەھكىمەڭلەرگە ئەيىبلىدۇق. جاۋابكارغا قانۇن بويىچە جىنايى جازا ھۆكۈم قىلىشىڭلارنى تەلەپ قىلىمىز.

تەپتىش:جاپپار قۇربان

ياردەمچى تەپتىش:ئەلى ۋېلى

                  2020-يىلى 12-ئاينىڭ 5-كۈنى

قوشۇمچە: 

1.جاۋابكار ئەxxxx ھازىر كېپىللىكتە.ئالاقىلىشىش نومۇرى: 13139677135

2.تەھقىقلەش دېلوسى 2توپلام بىلەن ئەيىبلەشنامىنىڭ كۆپەيتىلگەن نۇسخسى8پارچە، جازا ئۆلچەش تەكلىپى2پاچە، ئاددىي تەرتىپنى قوللىنىش تەكلىپنامىسى1پارچە، ئۈن – سىن دېسكىسى1دانە بىرگە يوللاندى.