起诉书（艾某某）(公开版)

شىنجاڭ ئۇيغۇر ئاپتونوم رايونى قاراماي شەھەر

قاراماي رايونلۇق خەلق تەپتىش مەھكىمىسىنىڭ

ئەيىبنامىسى

ق ر ت ج ئەيىبلەش [2020] 17 -نومۇرلۇق

جاۋابكار ******* ، ئەر ، ئۇيغۇر ، **19-يىلى 2-ئاينىڭ 8-كۈنى قاراماي شەھىرىدە تۇغۇلغان ، كىملىك نومۇرى*****65020319، ئالىي تېخنىكوم مەلۇماتلىق ، كەسىپسىز ، نوپۇسى قاراماي شەھىرى قاراماي رايونى *** مەھەللىسى 26-بىنا 32-ئۆي ، ھازىر قاراماي شەھىرى قاراماي رايونى *** مەھەللىسى 22-بىنا 28-ئۆيدە ئولتۇرۇشلۇق . 2019-يىلى 12-ئاينىڭ 17-كۈنى خەتەرلىك شوپۇرلۇق قىلىش جىنايىتىگە چېتىشلىق گۇمانى بىلەن قاراماي شەھەرلىك ج خ ئىدارىسى قاراماي رايونلۇق شۆبىسى تەرىپىدىن تەكشۈرۈپ بىر تەرەپ قىلىنغۇچە ئائىلىسىگە كېپىلگە بېرىلگەن .

مەزكۇر دېلونى قاراماي شەھەرلىك ج خ ئىدارىسى قاراماي رايونلۇق شۆبىسى تەھقىقلەشنى ئاخىرلاشتۇرۇپ ، پۈتۈن دېلو ماتىرىيالى بىلەن 2020-يىلى 1-ئاينىڭ 10-كۈنى جاۋابكار *******نى خەتەرلىك شوپۇرلۇق قىلىش جىنايىتىگە چېتىشلىق دەپ قاراپ مەھكىمىمىزنىڭ تەكشۈرۈپ ئەيىبلىشىگە سۇنغان، مەھكىمىمىز قوبۇل قىلغاندىن كېيىن ، شۇ كۈنى جاۋابكارنىڭ ئاقلىغۇچى ھاۋالە قىلىش ھوقوقىنى ئۇقتۇرۇش بىلەن بىللە جىنايىتىنى ئىتىراپ قىلىپ ، جازانى قوبۇل قىلىشنىڭ قانۇنى ئەھمىيىتىنى چۈشەندۈرۈپ ، جاۋابكاردىن قانۇن بويىچە سۇئال سوراپ ، جاۋابكارنىڭ نۆۋەتچى ئادۋۇكاتىنىڭ پىكىرىنى ئاڭلاپ ، بارلىق دېلو ماتىرىيالىنى تەكشۈرۈپ چىقتۇق . جاۋابكارمۇ مەزكۇر دىلونى تىز ھۆكۈم چىقىرىش تەرتىپىنى قوللۇنۇپ بىجىرىشكە قوشۇلدى .

قانۇن بويىچە تەكشۈرۈپ ئېنىقلىشىمىزچە: جاۋابكار ******* 2019-يىلى 12-ئاينىڭ 7-كۈنى سائەت 2:46 ئۆتكەندە، ھاراق ئىچىپ مەست ھالەتتە، ئۆزىنىڭ 新A**** نومۇرلۇق ۋاقىتلىق نومۇر تاختىسى بىجىرگەن كىچىك تىپتىكى ئاپتۇموبىلنى ، قاراماي شەھىرى قاراماي رايونى ئالغا يولىنى بويلاپ ، جەنۇپتىن شىمال يۆلىنىشكە قاراپ ھەيدەپ ، شەرقى پارلاق يولى كېسىشمە ئېغىزىغا كىلەي دىگەن ۋاقىتتا ،ئالغا يولىنىڭ شەرىق تەرەپ يول بويىغا توختۇتۇپ قويۇلغان 新J**** نومۇرلۇق كىچىك تىپتىكى ئاپتۇموبىلنىڭ كەينى قىسمىغا سوقۇپ، سوقۇلۇش كۈچىدىن بۇ ئاپتۇموبىلنىڭ ئالدىغا مېڭىپ كىتىپ ، ئاپتۇموبىل ئالدىدا تۇرغان زىيانلانغۇچى ***** سوقۇلۇپ زەخمىلىنىشىنى ھەم ئۆزىنىڭ ئاپتۇموبىلىنىڭ كونتىروللۇقىنى يوقۇتۇپ ، يول ئوتتۇرىسىدىكى يول ئايرىش رىشاتكىسىغا سوقۇلۇپ ، يول ئايرىش رىشاتكىسىنىڭ بۇزغۇنچىلىققا ئۇچرىشىنى ۋە يول ئايرىش رىشاتكىسى پارچىلىرىنىڭ چاچراپ بېرىپ ، ئالغا يولىنىڭ غەرىپ تەرىپىدە توختۇتۇپ قويۇلغان 新J****، 新J**** نومۇرلۇق ئىككى ئاپتۇموبىلنىڭ قىسمەن بۇزغۇنچىلىققا ئۇچرىشىدەك قاتناش ھادىسىسى سادىر قىلغان. جاۋابكار *******نىڭ قان تەركىبىنى تەكشۈرگەندە ھەر 100 مىللىمېتىردا 169.65 مېللىگرام ئىسپىرىت بارلىقى ئېنىقلىنىپ مەسىتلىك ئۆلچىمىگە توشقان .

قاتناش ھادىسىسىدىن كىيىن جاۋابكار ******* ئۆزىنىڭ جىنايى قىلمىشىنى ئىتىراپ قىلىپ ، ئاكتىپلىق بىلەن زىيانلانغۇچىلار ۋە زىيانلانغۇچى ئورۇننىڭ ئىقتىسادىي زىيىنىنى تۆلەپ ، زىيانلانغۇچىلارنىڭ ئەپۇ قىلىشىغا ئېرىشكەن .

يۇقارقى جىنايى پاكىتلارنى ماددىي ئىسپات ، يازما ئىسپات ، گۇۋاھچىلارنىڭ گۇۋاھلىقى ، جاۋابكارنىڭ ئىقرارى ۋە ئۆزىنى ئاقلىشى ، نەق مەيدان تىلكامىرا كۆرىنىشى ، تونۇتۇش خاتىرىسى ۋە سۈرەتلىرى ، قان تەركىبىدىكى ئىسپىرىت مىقتارىنى باھالاش پىكرى، ماتۇرلۇق قاتناش ۋاستىسى ئۇچۇرىنى ۋە شوپۇرلار ئۇچۇرىنى تەكشۈرۈش نەتىجە جەدۋىلى ، زىيانلانغۇچىلار يېزىپ بەرگەن ئەپۇ قىلىش خېتى ، زىيانلانغۇچى ئورۇن چىقىرىپ بەرگەن زىياننى تۆلىگەنلىك ئىسپاتى ، جاۋابكار ئىمزا قويغان جىنايىتىنى ئىتىراپ قىلىپ، جازانى قوبۇل قىلىش كىپىللىك خېتى قاتارلىق دەلىل-ئىسپاتلار ئىسپاتلايدۇ . يۇقىرىقى دەلىل-ئىسپاتلارنىڭ توپلىنىشى قانۇنى تەرتىپكە ، مەزمۇنى ئەمەلىيەتكە ئۇيغۇن ، بىكىتىلگەن جىنايى پاكىتنى ئىسپاتلاشقا يىتەرلىك . جاۋابكار *******مۇ بىكىتىلگەن جىنايى پاكىتقا ۋە دەلىل-ئىسپاتلارغا قارىتا پىكىرسىز بولۇش بىلەن بىللە ، ئۆز ئىختىيارلىقى بىلەن جىنايىتىنى ئىتىراپ قىلىپ ، جازانى قوبۇل قىلىدۇ .

مەھكىمىمىز مۇنداق قارىدى: جاۋابكار ******* ھاراق ئىچىپ ، مەست ھالەتتە ماتورلۇق قاتناش ۋاستىسىنى ھەيدەپ قاتناش ھادىسىسى سادىر قىلغان، قىلمىشىدىن «جۇڭخۇا خەلق جۇمھۇرىيىتى جىنايى ئىشلار قانۇنى» نىڭ 133-ماددىسىنىڭ بىر مەزمۇنىدا بەلگىلەنگەن خەتەرلىك شوپۇرلۇق قىلىش جىنايىتى شەكىللىنىدۇ ، جىنايەت پاكىتى ئېنىق ، دەلىل-ئىسپاتى تولۇق . قانۇن بويىچە تۇتۇپ تۇرۇپ ئەمگەككە سېلىش جازاسى بېرىپ قوشۇمچە جەرىمانە قويۇشقا تىگىشلىك . جاۋابكار *******نىڭ ھەر 100 مىللىمېتىر قېنىدا 169.65 مېللىگرام ئىسپىرىت بارلىقى ، جىنايىتىنى تونۇش پوزىتسىيىسىنىڭ ياخشىلىقى ، جىنايىتىنى ئەينەن ئىقرار قىلغانلىقى ۋە ئاكتىپلىق بىلەن زىيانلانغۇچىلارنىڭ ، زىيانلانغۇچى ئورۇننىڭ ئىقتىسادى زىيىنىنى تۆلىگەنلىكى ، تۇنجى قېتىم جىنايەت سادىر قىلغانلىقى قاتارلىقلارنى ئويلۇشۇپ، جاۋابكار *******گە ئۈچ ئايلىق تۇتۇپ تۇرۇپ ئەمگەككە سېلىش ، قوشۇمچە 6000 يۈەن جەرىمانە قويۇش جازاسى بېرىش مۇۋاپىق دەپ قارايمىز . شۇڭا جاۋابكار *******نىڭ جىنايى جاۋابكارلىقىنى سۈرۈشتۈرۈشكە تېگىشلىك دەپ قاراپ «جۇڭخۇا خەلق جۇمھۇرىيىتى جىنايى ئىشلار دەۋا قانۇنى» نىڭ 176-ماددىسىنىڭ بەلگىلىمىسىگە ئاساسەن مەھكىمەڭلارغا ئەيىبلىدۇق. قانۇن بويىچە جىنايى جازا ھۆكۈم قىلىشىڭلارنى سورايمىز.

ھۆرمەت بىلەن:

قاراماي شەھىرى قاراماي رايونلۇق خەلق سوت مەھكىمىسىگە

تەپتىش: پەرمانجان ئەمەت

2020-يىلى 1-ئاينىڭ 18-كۈنى

قوشۇمچە :

1.جاۋابكار ******* ھازىر ئائىلىسىدە كېپىلدە . ئالاقىلىشىش تېلفۇن نومۇرى : ****150228 .

2. بىر پارچە جىنايىتىنى ئىتىراپ قىلىپ ، جازانى قوبۇل قىلىش كىپىللىك خېتى ، ج خ ئىككى توپلام 71 بەت ، ئايرىم بىر بەت دىلو ماتىرىيالى ، ئىككى دانە نۇر دېسكىسى بىرگە ئەۋەتىلدى.