起诉书（莫某某危险驾驶案）(公开版)

شىنجاڭ ئۇيغۇر ئاپتونۇم رايونى

ئاقسۇ شەھەرلىك خەلق تەپتىش مەھكىمىسىنىڭ

ئەيىبنامىسى

ئا ش ت ئەيىبلەش چىقىش (2020)702-نومۇرلۇق 

ئاقسۇ شەھەرلىك خەلق سوت مەھكىمىسىگە: 

  جاۋابكار مۇXX، ئەر، ئۇيغۇر، XX19-يىلى-XXئاينىڭ XX- كۈنى تۇغۇلغان . كىملىك نومۇرى: 6529011985XXXXXXXX،ئاقسۇ شەھەر XX بازار-XXكەنىت-XXگۇرۇپ-XXنۇمۇردا ئولتۇرۇشلۇق، باشلانغۇچ مەكتەپ مەدىنىيەت سەۋىيىسىگە ئىگە، دېھقان، ئىلگىرى جازالانمىغان. 2020-يىلى9–ئاينىڭ 8–كۈنى ئاقسۇ شەھەرلىك ج خ ئىدارىسى تەرىپىدىن خەتەرلىك شوپۇرلۇق قىلىش جىنايىتى گۇمانى بىلەن تەكشۈرۈپ بىرتەرەپ قىلىنغىچە كىپىللىككە بىرىلگەن.  ھازىر ئائىلىسىدە.

ئـاقسـۇ شـەھـەرلىك ج خ ئىدارىسى مەزكـۇر دېلـونى تەھـقىقلەشنى ئاخىرلاشتۇرۇپ،  (2020) 1247- نۇمۇرلۇق ئەيىبلەش پىكىرنامىسى ئارقىلىق  مەھكىمىمىزنىڭ تەكشۈرۈپ ئەيىپلىشىگە يوللىدى. مەھكىمىمىز دېلونى تەكشۈرۈپ جاۋابكاردىن قانۇن بويىچە سۇئال سورىدى ھەم ئاقلىنىش ھوقۇقى بارلىقى ئۇقتۇرۇپ قويۇلدى. 

قانۇن بويىچە تەكشۈرۈپ ئېنىقلىشىمىزچە: 

  جاۋاپكار مۇXX2020-يىلى 7-ئاينىڭ 16-كۈنى سائەت 1:00 دىن 6:00لەرگىچە XX بازار -XXكەنىت يېنىدىكى دۇكاندا ھاراق ئىچىپ، سائەت 8:55 لەر ئۆتكەندە ماشىنىغا ئولتۇرۇپ ئاقسۇ XX كۆۋرۈك ئەتراپىغا كېلىپ، شۇ يەرگە توختىتۇپ قويغان نۇمۇر تاختىسى  يوق ئىككى چاقلىق موتسىكىلتنى ھەيدەپ، ئاقسۇ شەھەر XX يولوچىلار تۇشۇش بىكىتىگە كەلگەندە شۇ ئەتراپتا چارلاش ئېلىپ بېرىۋاتقان ساقچىلار تەرىپىدىن بايقالغان.

  شىنجاڭ XX قاتناش ھادىسسى ماددى ئىسپات باھالاش ئەدىليىلىك باھالاش مەركىزىنىڭ (2020) 3899-نۇمۇرلۇق باھالاش پىكىرنامىسىدە، جاۋاپكار مۇXXنىڭ  ھەر 100 مىللىلىتىر قان تەركىبىدىكى ئىسپىرت مىقدارى 124.66مىللىگىرام (mg/100ml124.66)  دەپ بىكىتىلگەن.

 يۇقارقى پاكىتىنى يازما ئىسپات، جاۋاپكارنىڭ ئىقرارى، باھالاش يەكۈنى، ئېنىقلاش–تەكشۈرۈش خاتىرىسى قاتارلىق دەلىل-ئىسپاتلار ئىسپاتلايدۇ.

مەھكىمىمىزنىڭ قارىشىچە: جاۋابكار مۇXXنىڭ يۇقارقى قىلمىشى «جۇڭخۇا خەلق جۇمھۇرىيىتى جىنايى ئىشلار قانۇنى» نىڭ 133-ماددا 1-مەزمۇن  بەلگىلىمىسىگە خىلاپ، جىنايەت پاكىتى ئېنىق، دەلىل- ئىسپاتى تۇلۇق. خەتەرلىك شوپۇرلۇق قىلىش جىنايىتى بىلەن جاۋابكارلىقىنى سۈرۈشتۈرۈشكە تىگىشلىك، جاۋابكار مۇXX قىلمىشىنى ئەينەن ئىقرار قىلىپ، بىكىتىلگەن جىنايەت پاكىتلىرىنى ئېتراپ قىلدى ھەم جازاغا قايىل بولدى، بۇ «جۇڭخۇا خەلق جۇمھۇرىيىتى جىنايى ئىشلار دەۋا قانۇنى» نىڭ 15-ماددا بەلگىلىمىسىگە ئۇيغۇن. شۇڭا خەتەرلىك شوپۇرلۇق قىلىش جىنايىتى بىلەن جىنايى جازا بىرىشكە تىگىشلىك دەپ قاراپ «جۇڭخۇا خەلق جۇمھۇرىيىتى جىنايى ئىشلار دەۋا قانۇنى» نىڭ 176-ماددا بەلگىلىمىسىگە ئاساسەن قانۇن بويىچە ھۆكۈم قىلىشىڭىزلار ئۈچۈن ئەيىپلىدۇق.

ئاددى تەرتىپنى قوللىنىپ سوت قىلىشىڭىزلارغا تەكلىپ بېرىمىز.

                      تەپتىش :  تاشنىياز ئوسمان  

              2020-يىلى 11-ئاينىڭ 11-كۈنى

ئىزاھات : 

1.​ جاۋابكار ئائىلىسىدە كىپىللىكتە، تىلفۇن نۇمۇرى: XXXX1819946.

2.​ 8 نۇسخا  ئەيىبنامە، بىر نۇسخا جىنايىتىنى تۇنۇپ جازاغا قايىل بۇلۇش تىلخېتى، جازا ئۆلچەش تەكلىپنامىسى ۋە بىر توپلام ج خ دېلو ماتىرىيالى بىرگە ئەۋەتىلدى.