起诉书（被告人艾某某涉嫌危险驾驶案）(公开版)

شيىنجياڭ موري قازاق اۆتونوميالى اۋداندىق حالىق پىروكۋراتۋراسىنىڭ ايىپتاماسى

                              م پ ب ب ق ا〔〔2020〕〕96-ٴنومىرلى 

 

ايىپكەر اXX، ەر، **-جىلى **-ايدىڭ **-كۇنى تۋىلعان، ازاماتتىق كۋالىك ٴنومىرى: 1790 ********652328، ۇيعۇر، تولىقسىز ورتا مەكتەپ ماعلۇماتتى، ديقان، شينجياڭ موري اۋدانى ** اۋىلىنىڭ تۇرعىنى، قازىر ** اۋىلى ** قىستاعى **-ٴنومىرلى ۇيدە وتىرادى. اۆتوكولىكتى حاۋىپتى جۇرگىزۋ قىلمىس كۇمانىمەن 2020-جىلى 9-ايدىڭ 18-كۇنى موري اۋداندىق قوعام حاۋىپسزدىگى مەكەمەسىنىڭ بەكىتۋىمەن كەپىلگە بەرىلگەن، وسى جىلى 11-ايدىڭ 12-كۇنى مەكەمەمىزدىڭ بەكىتۋىمەن قايتالاي كەپىلگە بەرىلگەن.                         .  
       بۇل دەلونى موري اۋداندىق قوعام حاۋىپسىزدىگى مەكەمەسى بارلاۋىن اياقتاتىپ، ايىپكەر اXXدى اۆتوكولىكتى حاۋىپتى جۇرگىزۋ قىلمىسىنىڭ كۇماندىسى دەپ قاراپ، 2020-جىلى 11-ايدىڭ 10-كۇنى مەكەمەمىزدىڭ تەكسەرىپ ايىپتاۋىنا جولداعان، مەكەمەمىز دەلونى تاپسىرىپ العاننان كەيىن وسى ايدىڭ 11- كۇنى ايىپكەرگە اقتاۋشى ۇسىنىس ەتۋگە ۇقىقتى ەكەندىگىن ۇقتىرىپ، قىلمىسىن مويىنداۋ جازاسىن تانۋ حاتىنا قول قويدىردىقء، ايىپكەردى سۇراق قىلىپ بارلىق دەلو ماتەريالىن تەكسەرىپ شىقتىق. 

   زاڭ بويىنشا تەكسەرىپ انىقتاۋىمىزشا: 

     2020-جىلى 6-ايدىڭ 20-كۇنى  ساعات 3 تەن وتكەن مولشەردە، ايىپكەر اXX ماس بولىپ 新B***** ٴنومىرلى ماشينانى موري قالاشىعى لانتيان تۇرعىندار رايونىنىڭ ىشىندەگى جولدا باتىستان شىعىسقا قاراي جۇرگىزىپ 12-ٴبينانىڭ الدىنا كەلگەندە، جXXايداعان 新A***** ٴنومىرلى ماشيناعا سوعىلىپ قاتىناس شىرعالاڭىن تۋدىرعان. شينجياڭ قاتىناس عىلىم تەحنيكا زەرتتەۋ ٴادىليالىق ساراپتاۋ ورتالىعىنىڭ〔〔2020〕〕** -ٴنومىرلى ساراپتاماسىندا ايىپكەردىڭ قانىنداعى ىسپەرتتىڭ مولشەرى 154mg/100ml دەپ تۇراقتاندىرىلعان . 

    جوعارداعى پاكىتتى تۇراقتاندىرۋداعى دالەل-ىسپاتتار:

      زاتتىق ىسپات: ايىپكەر دەلو تۋدىرعاندا جۇرگىزگەن جەڭىل ٴتيىپتى اۆتوكولىك؛ جازبا ىسپات: ايىپكەردىڭ نوپوس انىقتاماسى، ازاماتتىق كۋالىگىنىڭ، اۆتوكولىك جۇرگىزۋ كىناشقاسىنىڭ كوبەيتىلگەن نۇسقاسى، موتورلى كولىكتىڭ، موتورلى كولىك جۇرگىزۋشىنىڭ ينفورماتسياسىن انىقتاۋ كەستەسى، ايىپكەردى دەلوعا الۋ بارىسى، قىلمىسىن مويىنداۋ جازاسىن تانۋ حاتى؛ زياندالۋشى جXXدىڭ بايانى؛ ايعاق ۋXX، نXX، اXX قاتارلىلاردىڭ كۋالىگى؛ ايىپكەر اXXدىڭ مويىنداۋى مەن ٴوزىن اقتاۋى؛ ساراپتاۋ پىكىرى: ايىپكەردىڭ قانىنداعى ىسپەرت قۇرامىن ساراپتاۋى؛ كورۋ ماتەريالدارى: ايىپكەر ۇستالعانداعى، قانىن العانداعى، پەشەتتەگەندەگى   كەسكىنى.

مەكەمەمىز بىلاي دەپ قارايدى: ايىپكەر اXXدىڭ جول-قاتىناس زاڭ -ەرەجەلەرىنە قايشىلىق جاساپ، ماس بولىپ موتورلى كولىك جۇرگىزىپ شىرعالاڭ تۋدىرعان ارەكەتى«جۇڭحۋا حالىق رەسپۋبليكاسى قىلمىستى ىستەر زاڭى»نىڭ 133 -تارماق 1 -تارماقشاسىنا قايشى، قىلمىسىن ٴوز قالپىندا تاپسىرعان ارەكەتى«جۇڭحۋا حالىق رەسپوبليكاسى قىلمىسىتى ىستەر زاڭىنىڭ» 67 -تارماعىنىڭ 3 -تارماقشاسىنا ۇيلەسەدى، زاڭ بويىنشا جەڭىلدەتىپ جازالاۋعا بولادى. قىلمىسىن مويىنداپ جازاسىن تانىعان ارەكەتى«جۇڭحۋا حالىق رەسپوبليكاسى قىلمىستى ىستەر ارىز -شاعىم زاڭى » نىڭ 15- تارماعىنا ۇيلەسەدى، زاڭ بويىنشا كەڭشىلىكپەن جازالاۋعا بولادى. قىلمىس فاكىتى انىق، دالەل -ىسپاتى تولىق، ايىپكەردىڭ اۆتوكولىكتى حاۋىپتى جۇرگىزۋ قىلمىسى بويىنشا قىلمىستى ىستەر جاۋاپكەرلىگىن قۋزاۋ كەرەك. ايىپكەرگە 2 ايلىق قولدا ىستەتۋ جازاسىن بەرىپ، قوسىمشا 4000 يۋان ايىپ تارتتىرسا بولادى دەپ قاراپ «جۇڭحۋا حالىق رەسپۋبليكاسى قىلمىستى ىستەر ارىز -شاعىم زاڭى»نىڭ 176 -تارماعىنىڭ بەلگىلەمەسىنە ساي زاڭ بويىنشا جازا بەرۋلەرىڭىزگە ايىپتادىق.

قۇرمەتپەن:

   موري قازاق اۆتونوميالى اۋداندىق حالىق سوت مەكەمەسىنە

                                         
                          پروكۋرور :ٴساليما  

                                     2020-جىلى 11-ايدىڭ 13-كۇنى

  

قوسىمشا:

1.ايىپكەر اXX بەرىلگەن، قازىر ** اۋىلى ** قىستاعى **-ٴنومىرلى ۇيدە وتىرادى. بايلانىس تەلەفون نومىرى: ***********.

2.بارلاۋ دەلو ماتەريالى ٴبىر تۇپتەم(80 بەت)، سۇراق 1 نۇسقا، قىلمىسىن مويىنداپ جازاسىن تانۋ حاتى 1 نۇسقا.