起诉书（认罪认罚案件适用）（迪某某盗窃案件）(公开版)

ئۈرۈمچى شەھىرى تىيانشان رايونلۇق خەلق تەپتىش مەھكىمىسىنىڭ ئەيىبنامىسى

ئۈ ت ت 1-ب ج ئە﹝2020﹞39–نومۇرلۇق

ئۈرۈمچى شەھىرى تىيانشان رايونلۇق خەلق سوت مەھكىمىسىگە:

جاۋابكار دى**، ئەر، ئۇيغۇر، 1993-يىلى **-ئاينىڭ **-كۈنى ** شەھىرىدە تۇغۇلغان، كىملىك نۇمۇرى: ********6501021993، تۇلۇق ئوتتۇرا مەكتەپ مەلۇماتلىق، مۇقىم خىزمەت ئورنى يوق، نوپۇسى تۇرۇشلۇق ئورۇن ۋە دائىم ئولتۇرۇشلۇق ئادرىسى: **شەھىرى **رايۇنى **يولى **-نۇمۇر **-ئىشىك **-نۇمۇرلۇق ئۆي. 2018-يىلى 2-ئاينىڭ 5-كۈنى ئۈرۈمچى شەھىرى تىيانشان رايۇنلۇق خەلق سوت مەھكىمىسى تەرىپىدىن زەھەر ئېلىپ-سېتىش جىنايتى بىلەن 5 ئايلىق تۇتۇپ تۇرۇپ ئەمگەككە سېلىش جازاسىغا ھۆكۈم قىلىنغان. بۇ قېتىم ئوغۇرلۇق جىنايىتىگە چېتىشلىق دەپ قارىلىپ، 2019-يىلى 11-ئاينىڭ 5-كۈنى ئۈرۈمچى شەھەرلىك ج خ ئىدارىسى تىيانشان رايونلۇق شۆبىسى تەرىپىدىن جىنايى ئىشلار بۇيىچە توختىتىپ قويۇلغان. شۇ يىلى 11-ئاينىڭ 19-كۈنى مەھكىمىمىز ئوغۇرلۇق جىنايىتى بىلەن جاۋابكارنى قولغا ئېلىشنى تەستىقلىغان، شۇ ئاينىڭ 20-كۈنى ئۈرۈمچى شەھەرلىك ج خ ئىدارىسى تىيانشان رايونلۇق رايونلۇق شۆبىسى قولغا ئېلىشنى ئىجرا قىلغان.

ئۈرۈمچى شەھەرلىك ج خ ئىدارىسى تىيانشان رايونلۇق رايونلۇق شۆبىسى تەھقىقلەشنى ئاخىرلاشتۇرۇپ، مەھكىمىزنىڭ تەكشۈرۈپ ئەيىبلىشىگە يوللىغان جاۋابكار دى**نىڭ ئوغۇرلۇق جىنايىتىگە چېتىشلىق دېلوسىنى، مەھكىمىمىز 2020-يىلى 1–ئاينىڭ 14-كۈنى قوبۇل قىلىپ، قانۇندا بەلگىلەنگەن سۈرۈك ئىچىدە جاۋابكارغا ئاقلىغۇچىغا ھاۋالە قىلىشقا ھوقۇقلۇق ئىكەنلىگىنى ۋە جىنايىتىنى تونۇپ جازانى قوبۇل قىلىشنىڭ قانۇنى ئاقىۋىتىنى ئۇقتۇردۇق. جاۋابكارنى قانۇن بويىچە سوراق قىلىش بىلەن بىرگە، بارلىق دېلو ماتېرىياللىرىنى تەكشۈرۈپ چىقتۇق.

قانۇن بويىچە تەكشۈرۈپ ئېنىقلىشىمىزچە:

جاۋابكار دى** 2019-يىلى 11-ئاينىڭ 2-كۈنى سائەت 21:30 ئەتراپىدا **شەھىرى**رايۇنى **يولى **داشۆ چوڭ ئىشىكى ئالدىدا زىيانلانغۇچى خۇ**نىڭ دىققەتسىزلىكىدىن پايدىلىنىپ ئۇنىڭ سول تەرەپ چاپان يانچۇقىدىن 2940 يۈەن قىممىتىدىكى بىر دانە x27 pro vivo ماركىلىق يانفۇننى ئوغۇرلىۋالغان، دىلو پاش بولغاندىن كېيىن زاڭ مال قايتۇرۇپ كېلىنگەن.

يۇقارقى پاكىتنى بېكىتىشتىكى دەلىل–ئىسپاتلار تۆۋەندىكىچە:

1. يازما ئىسپات: جاۋابكار دى**نىڭ سالاھىيەت ئۇچۇر ئىسپاتى؛

2. زىيانكەشلىككە ئۇچرىغۇچى خۇ**نىڭ دىلو مەلۇم قىلىش ماتىريالى؛

3. جاۋابكار دى**نىڭ تەھقىقلەش سوراقلىرىدىكى ئىقرارى ۋە ئۆزىنى ئاقلىشى؛

4. گۇۋاھچى ئا**نىڭ گۇۋاھلىقى؛

5. باھالاش پىكرى: مال باھا بېكىتىش مەركىزىنىڭ باھالاشنامىسى؛

6. ئاڭلاش كۆرۈش ماتىريالى: نەق مەيدان تېلكامىرا كۆرنۈشى؛

7. باشقا ئىسپات ماتىرىياللار: جاۋابكارنىڭ تۇتۇلۇش (دېلوغا كىلىش) جەريانى ئىسپاتى، دىلوغا چېتىشلىق بۇيۇملارنى تۇتۇپ قېلىش ۋە قايتۇرۇش تىزىملىكى قاتارلىقلار.

يۇقارقى دەلىل ئىسپاتلار قانۇنلۇق توپلانغان، مەزمۇنى ئوبىكتىپ ۋە ھەقىقى بولۇپ، شىكايەت قىلىنغان پاكىتنى تولۇق ئىسپاتلاپ بىرەلەيدۇ. جاۋابكار دى**نىڭ شىكايەت قىلىنغان جىنايەت پاكىتى ۋە دەلىل-ئىسپاتلارغا نىسپەتەن باشقىچە پىكرى يوق، شۇنداقلا ئۆز ئىختىيارلىقى بىلەن جىنايىتىنى تونۇپ، جازانى قوبۇل قىلىدۇ.

مەھكىمىمىزنىڭ قارىشىچە، جاۋابكار دى**نىڭ يانچۇقچىلىق قىلىپ باشقىلارنىڭ كۆپرەك سوممىدىكى مال-مۈلىكىنى ئوغۇرلىغان قانۇنسىز قىلمىشى «جۇڭخۇا خەلق جۇمھۇرىيىتى جىنايى ئىشلار قانۇنى»نىڭ 264-ماددىسىدىكى بەلگىلىمىسىگە خىلاپ. دېلونىڭ پاكىتى ئېنىق، دەلىل-ئىسپاتى تولۇق ۋە راست بولۇپ، ئوغۇرلۇق جىنايىتى بويىچە جاۋابكارنىڭ جىنايى جاۋابكارلىقىنى سۈرۈشتۈرۈش كېرەك. شۇڭا «جۇڭخۇا خەلق جۇمھۇرىيىتى جىنايى ئىشلار دەۋا قانۇنى»نىڭ 176–ماددىسىدىكى بەلگىلىمىسىگە ئاساسەن مەھكىمىڭىزلارغا ئەيىبلىدۇق، قانۇنى جازا بېرىشىڭىزلارنى سورايمىز.

تەپتىش: ئايگۈل ئىمىن

تەپتىش ياردەمچىسى: سەمىجان سەمەت

2020–يىلى 2–ئاينىڭ 2–كۈنى

ئەسكەرتىش:

1. جاۋابكار دى** ھازىر ئۈرۈمچى شەھەرلىك 1-قاماقخانىدا قاماقتا.

2. مەھكىمىمىزنىڭ 8 نۇسخا ئەيىبنامىسى ۋە تەھقىقلەش دېلو ماتىرىيالى 2 توپلام بىرگە يوللاندى.

3. جازا ئۆلچەش تەكلىپى، ئاددى تەرتىپنى قوللىنىش تەكلىپى قاتارلىقلارنىڭ ھەر بىرىدىن بىر نۇسخا يوللاندى.

4. جىنايىتىنى تونۇپ جازانى قوبۇل قىلىش كىپىللىك خېتىدىن بىر نۇسخا(ئەسلى نۇسخىسى) بىرگە يوللاندى.