起诉书（阿某谋诈骗案）(公开版)

شينجياڭ ۇيعۇر اۆتونوميالى رايونى ساۋان اۋداندىق حالىق پروكۋراتۋراسىنىڭ

ايىپتاۋناماسى

                   ساۋان اۋداندىق پروكۋراتۋرا ق س ا〔2020〕29-ءنومىر

جاۋاپكەر **، ەر، قازاق، ****-جىلى **-ايدىڭ **-كۇنى شينجياڭ ساۋان اۋدانىندا تۋىلعان، ازاماتتىق كۋالىك ءنومىرى: 2918********654223، باستاۋىش مەكتەپ ماعۇلماتىنا يە، نوپوس قاراستى ورنى: شينجياڭ ساۋان اۋدانى ** قالاشىعى ** قىستاعى **-كوشە **-ءنومىر، قازىرگى وتىراقتى ورنى: نوپوس تۇرعان ورنىمەن ۇقساس، مالشى. 2017-جىلى 12-ايدىڭ 9-كۇنى ۇرلىق قىلمسىمەن شينجياڭ ساۋان اۋداندىق حالىق سوت مەكەمەسى جاعىنان 10 ايلىق مەرزىمدى قاماق جازاسىنا ۇكىم ەتىلىپ، قوسىمشا 5000 يۋان ايىپ سوما سالىنعان، 2018-جىلى 4-ايدىڭ 23-كۇنى جازا مەرزىمى تولىپ بوساپ شىققان. 2020-جىلى 6-ايدىڭ 2-كۇنى الدامشىلىق قىلمىس كۇمانىمەن ساۋان اۋداندىق قوعام حاۋىپسىزدىك مەكەمەسى جاعىنان قىلمىستىق ىستەر بويىنشا توقتاتىلعان، ساۋان اۋداندىق حالىق پروكۋراتۋراسىنىڭ بەكىتۋىمەن 2020-جىلى 6-ايدىڭ 13-كۇنى ساۋان اۋداندىق قوعام حاۋىپسىزدىك مەكەمەسى جاعىنان قولعا الىنعان. قازىر ساۋان اۋداندىق قاماقحانادا قاماۋلى.

ساۋان اۋداندىق قوعام حاۋىپسىزدىك مەكەمەسى جاۋاپكەر **نىڭ الدامشىلىق قىلمىس دەلوسىن بارلاۋىن اقىرلاستىرىپ، 2020-جىلى 8-ايدىڭ 11-كۇنى مەكەمەمىزدىڭ تەكسەرىپ ايىپتاۋىنا جولداعان. مەكەمەمىز دەلونى قابىلداعاننان كەيىن، 2020-جىلى 8-ايدىڭ 12-كۇنى جاۋاپكەر **نا زاڭ بويىنشا يگىلىكتەنەتىن ارىز-شاعىم ۇقىعىن، ءارى قىلمىسىن تانىپ جازاعا مويىنسال بولۋ جٶنىندەگى كەلتىرەتىن مۇمكىنشىلىگى بولعان زاڭدىق زاردابىن ۇقتىردىق، زاڭ بويىنشا جاۋاپكەردى سۇراق قىلىپ، جاۋاپكەرمەن كەزەكشى ادۋۆاكاتتىڭ پىكىرىن تىڭداپ، دەلو ماتەريالىن جالپى بەتتىك كورىپ شىعىپ، دەلونىڭ فاكىتىمەن دالەل-سپاتىن انىقتاپ شىقتىق. جاۋاپكەر ** دەلونى ادەتتەگى تارتىپپەن قاراۋعا قوسىلدى.

زاڭ بويىنشا تومەندەگىدەي قىلمىس فاكىتى انىقتالدى:

 1، 2020-جىلى 5-ايدىڭ 16-كۇنى، جاۋاپكەر ** زياندالۋشى **نا ساۋان اۋدانى دۇڭۋان قالاشىعى جياسياۋ قىستاعىنىڭ تۇرعىنى **نىڭ 1000 مۋ اينالاسىنداعى جايىلمىن ءوز جايلىمم دەپ وتىرىك ايتىپ، **ىن ەرتىپ بارىپ كورسەتىپ، جايلىمدى ءبىر جىلعا 5000 يۋانعا مايعا بەرىپ، جايلىمنىڭ ماي اقىسى ءۇشىن **نان 3500 يۋان اقشانى الداپ العان.

2، 2020-جىلى 5-ايدىڭ 20-كۇنى، جاۋاپكەر ** شىحىزى قالاسى 143-تۋان الاڭنىڭ تۇرعىنى **نىڭ 2000 مۋ اينالاسىنداعى جايلمىن زياندالۋشى **نا دوسىمنىڭ جايلمى دەپ وتىرىك ايتىپ، **ن ەرتىپ بارىپ كورسەتىپ، ەكەۋى ءبىر جىلعا 10000 يۋانعا مايلايتىن بولىپ اقىلداسىپ، ناق مايداندا **نان 500 يۋان كەپىل سوما العان. 5-ايدىڭ 23-كۇنى، جاۋاپكەر ** ناقتى جاعدايدى بىلمەيتىن دوسى **ن الداۋ ارقىلى، **مەن **نا جايلىم مايعا بەرۋ توقتامىن جازدىرعاننان كەيىن، زياندالۋشى ** 10000 يۋان جايلىمنىڭ ماي اقىسىن **نا بەرگەن. ** بۇل اقشانى قايتادان جاۋاپكەر **نا بەرگەن. ** ارتىنان  **نا 500 يۋان ”ەڭبەك اقى“ بەرگەن.

جٶعارداعى قىلمىس فاكتىن: جازباشا سپاتتار؛ ايعاق **، **، **، **نىڭ كۋالىگى؛ زياندالۋشى **، **نىڭ بايانى؛ جاۋاپكەر **نىڭ مويىنداۋى؛ ناق مايدان تەكسەرۋ قىزمەت ەستەلىگى، قاريتاسى جانە ناق مايدان راسىمدەرى، ناق مايدان انىقتاۋ ەستەلىگى جانە راسىمى، جيناپ الۋ، ۇستاپ قالۋ ەستەلىگى، تانىتۋ ەستەلىگى جانە راسىمدەرى؛ دىبىس-كەسكىن ماتەريالى قاتارلى دالەل-سپاتتارمەن تۇراقتاندىرۋعا بولادى. 

جوعارداعى دالەل-سپاتتار زاڭدى تۇردە الىنعان، مازمۇنى وبيەكتيۆ شىندىق، ايىپتاعان قىلمىس فاكىتىن ابدەن تۇراقتاندىرۋعا بولادى. جاۋاپكەر ** ايىپتاعان قىلمىس فاكىتىمەن دالەل-سپاتقا قاراتا پىكىرى جٶق، ءارى ەرىكتى تۇردە قىلمىسىن تانىپ جازاعا مويىنسال بولدى.

مەكەمەمىز مىناداي دەپ قارايدى: جاۋاپكەر ** زاڭسىز يەمدەنىپ الۋ ماقساتىندا، جاسىرۋ، الداۋ تاسىلىمەن باسقالاردىڭ مال-مۇلكىن الداپ العان، سوماسى 14000 يۋان، سوماسى ءبىرشاما جوعارى. جاۋاپكەر **نىڭ بۇل ارەكەتى «جۇڭحۋا حالىق رەسپۋبليكاسى قىلمىستىق ىستەر زاڭى» نىڭ 266-تارماعىنا قايشىلىق جاساعان. دەلونىڭ فاكىتى انىق، دالەل-سپاتى تولىق. الدامشىلىق قىلمىسىمەن جاۋاپكەر **نىڭ قىلمستىق ستەر جاۋاپكەرشىلىگىن قۋزاستىرۋ كەرەك. جاۋاپكەر ** قايتالاي قىلمىس وتكىزۋشى، «جۇڭحۋا حالىق رەسپۋبليكاسى قىلمىستىق ىستەر زاڭى» نىڭ 65-تارماعىنا نەگىزدەلىپ، اۋىر جازالاۋ كەرەك. جاۋاپكەر ** ەرىكتى تۇردە قىلمىس تانىپ جازاعا مويىنسال بولدى. سوندىقتان جاۋاپكەر **نا سەگىز ايدان ءبىر جىل التى اي ارالعىندا مەرزىمدى قاماق جازاسىن، جانە قوسىمشا  اقشالاي ايىپ سالۋدى ۇسىنىس ەتەمىز. <<جۇڭحۋا حالىق رەسپۋبليكاسى قىلمىستىق ىستەر ارىز-شاعىم زاڭى>> نىڭ 176-تارماق 1-تارماقشاسنىڭ بەلگىلەمەسىنە نەگىزدەلىپ، مەكەمەلەرىڭىزگە ايىپتاۋعا جولدادىق، زاڭ بويىنشا جازالاۋلارىڭىزدى سۇرايمىز.

قۇرمەتپەن :

شينجياڭ ساۋان اۋداندىق حالىق سوت مەكەمەسىنە

                      پروكۋرور: ساۋلەت شەريزات ۇلى  

            

2020-جىلى 9-ايدىڭ 3-كۇنى

قوسىمشا :

1) جاۋاپكەر ** قازىر ساۋان اۋداندىق قاماقحانادا قاماۋلى؛

2) ەكى توم دەلو ارحيۆى؛

3) ءبىر پارشا << قىلمىسىن تانىپ جازاعا مويىنسال بولعاندىعى جٶنىندەگى قولحات>>؛

4) ءتورت پارشا ايىپتاۋناما.