起诉书（雪某某涉嫌故意伤害案）(公开版)_乌什县人民检察院

乌什县人民检察院　

起 诉 书

乌什检一部刑诉〔2020〕XX号　

　　  ئۇچتۇرپان ناھىيەلىك خەلق تەپتىش مەھكىمىسىنىڭ                                        ئەيىبنامىسى 

                                         ئۇ ن ت جىنايى ئىشلار 1-بۆلۈم ئەيىپلەش (2020)XX- نومۇرلۇق

ئۇچتۇرپان ناھىيەلىك خەلق سوت مەھكىمىسىگە:

جاۋابكار شXX، ئەر، ئۇيغۇر، XX-يىلى XX-ئاينىڭ XX-كۈنى تۇغۇلغان، كىملىك نومۇرى: XXXX، XX ناھىيە XX يېزا XX كەنىت XX-مەھەللە XX-نومۇرلۇق ئۆيدە ئولتۇرۇشلۇق، تولۇقسىز ئوتتۇرا مەكتەپ مەدەنىيەت سەۋىيسىگە ئىگە، دېھقان، ئىلگىرى جازالانمىغان. 2020-يىلى 7-ئاينىڭ 27-كۈنى ئۇچتۇرپان ناھىيەلىك جامائەت خەۋپسىزلىك ئىدارىسى تەرىپىدىن قەستەن زەخلىمەندۈرۈش (يېنىك) جىنايىتىگە چېتىشلىق دەپ قارىلىپ تەكشۈرۈپ بىر تەرەپ قىلىنغىچە كاپالەتچىگە بېرىلگەن.

ئۇچتۇرپان ناھىيەلىك جامائەت خەۋپسىزلىك ئىدارىسى جاۋابكار شXXنىڭ دېلوسىنى تەكشۈرۈپ تەھىققلەشنى ئاخىرلاشتۇرۇپ، 2020-يىلى 8-ئاينىڭ 26-كۈنى مەھكىمىمىزنىڭ تەكشۈرۈپ ئەيىپلىشىگە يوللىغان. مەھكىمىمىز دېلونى تاپشۇرۇپ ئېلىپ جاۋابكارغا ئاقلىنىشنى ئاقلىغۇچىغا ھاۋالە قىلىش ھوقوقى، زىيانكەشلىككە ئۇچرىغۇچىغا دەۋا ۋاكالەتىچىسىگە ھاۋالە قىلىش ھوقوقى قاتارلىق داۋا ھوقوقلىرىنى ۋە جاۋابكارغا جىنايىتىنى تۇنۇپ جازانى قۇبۇل قىلىشتىن كىيىنكى كەڭچىلىك قىلىش تۈزۈمىنى ئۇقتۇردۇق. جاۋابكار بىلەن نۆۋەتچى ئادۇۋكاتنىڭ پىكىرىنى ئاڭلىدۇق. 

مەھكىمىمىز تەكشۈرۈپ بېكىتكەن پاكىت

جاۋابكار شXX 2020-يىلى XX-ئاينىڭ XX-كۈنى سائەت 17:20 ئەتراپىدا زىيانلانغۇچى تXX ۋە ئاXX (تXXنىڭ بۇرۇنقى ئايالى) لەر بىلەن XX يېزا XX-كەنىت كومىتىتىغا ئاXXنىڭ نوپۇس يۆتكەش ئىشىنى بىجىرىش ئۈچۈن كېتىۋاتقاندا، زىيانلانغۇچى تXX ئاXX بىلەن ئۇرۇشۇپ بىر-بىرىنى تىللاشقان، بۇ جەرياندا زىيانلانغۇچى تXX شاپىلاق بىلەن ئاXXنىڭ ئوڭ يۈزىگە بىرنى، سول يۈزىگە ئىككىنى ئۇرغان ۋە قورساق قىسمىغا بىرنى تەپكەن. بۇ ئەھۋالنى كۆرگەن جاۋابكار شXX زىيانلانغۇچى تXXنىڭ ياقىسىغا ئېسىلىپ «سەن ئاXX بىلەن ئاجىرىشىپ كەتكەن تۇرساڭ، نىمىشقا ئۇرىسەن» دەپ، ئوڭ مۇشتى بىلەن زىيانلانغۇچى تXXنىڭ سول تەرەپ مەيدىسىگە ئىككىنى ئۇرغان، زىيانلانغۇچى تXXمۇ ئوڭ مۇشتى بىلەن جاۋابكار شXXنىڭ ئوڭ تەرەپ مەيدىسىگە ئىككىنى ئۇرغان، جاۋابكار شXX يەنە زىيانلانغۇچى تXXنىڭ بوينىدىن تۇتۇپ تۇرۇپ، ئوڭ مۇشتى بىلەن زىيانلانغۇچى تXXنىڭ سول بېقىنىغا ئۈچ مۇشت ئۇرغان. بۇ چاغدا ئاXX «مەن ئىككىڭنىڭ ئالدىدا ئۆلۈۋالىمەن» دېگەندە، زىيانلانغۇچى تXX ئاXXگە «مەن سېنى مۇرادىڭغا يەتكۈزۈپ قوياي» دەپ ئاXXنىڭ سول يۈزىگە شاپىلاق بىلەن ئىككىنى ئۇرغان، بۇ چاغدا جاۋابكار شXX « ئادەم دېگەننى مۇنداق ئۇرىمىز» دەپ زىيانلانغۇچى تXXنىڭ ياقىسىغا ئېسىلغان، تXXمۇ جاۋابكار شXXنىڭ ياقىسىغا ئېسىلغان، شۇنداق قىلىپ ئىككەيلەن ئۆز-ئارا ياقا سىقىشىپ ئىتتىرىش جەريانىدا، زىيانلانغۇچى تXX يەرگە يىقىلىپ كەتكەن، شۇنىڭ بىلەن جاۋابكار شXX  زىيانلانغۇچى تXXنىڭ بەل قىسمىغا بىرنى تېپىپ، ئوڭ بېقىنىغا ئۈچ مۇش ئورۇپ زىيانلانغۇچى تXXنىڭ يېنىك زەخمىلىنىشىنى كەلتۈرۈپ چىقارغان.

ئۇچتۇرپان ناھىيەلىك جامائەت خەۋپسىزلىك ئىدارىسى قانۇن دوختۇرنىڭ زەخمە دەرىجە باھالاشنامىسىدا «زىيانلانغۇچى تXXنىڭ زەخمىسىنى 2-دەرىجىلىك يېنىك زەخمە» دەپ يەكۈن چىقارغان.

يۇقارقى پاكىتلار يازما ئىسپات، گۇۋاھچىنىڭ گۇۋاھلىغى، زىيانلانغۇچىنىڭ بايانى، جاۋابكارنىڭ ئىقرارى، باھالاش يەكۈنى، ئېنىقلاش تەكشۈرۈش خاتىرسى قاتارلىق دەلىل-ئىسپاتلارغا ئاساسەن بېكىتىلدى.

يۇقارقى دەلىل-ئىسپاتلارنىڭ ئېلىنىش تەرتىپى قانۇنلۇق، مەزمۇنى ئۇبىكتىپ ۋە راسىت، شىكايەت قىلغان پاكىتىنى تولۇق ئىسپاتلايدۇ. جاۋابكار شXX يۇقارقى قىلمىشىنى ئۆز ئىختىيارلىق بىلەن ئەينەن تاپشۇرۇپ مەھكىمىمىز شىكايەت قىلغان پاكىت ۋە دەلىل-ئىسپاتلارغا قارىتا باشقىچە پىكىرى يوقلىغىنى ئوتتۇرغا قويدى ھەمدە ئۆزلۈگىدىن جىنايىتىنى تۇنۇپ جازانى قۇبۇل قىلىدىغانلىغىنى بىلدۈردى.

مەھكىمىمىز مۇنداق قارايدۇ، جاۋابكار شXXنىڭ باشقىلارنىڭ تېنىنى زەخمىلەندۈرۈپ سالامەتلىكىگە قەستەن زىيان يەتكۈزگەن قىلمىشىدىن قەستەن زەخمىلەندۈرۈش (يېنىك) جىنايىتى شەكىللىندۇ، پۇقرالارنىڭ جىسمانى ساغلاملىق بىخەتەرلىكىنىڭ دەخلى-تەرۇزغا ئۇچرىماسلىقىنى قانۇن كاپالىتىگە ئىگە قىلىش ئۈچۈن جاۋابكارغا «جۇڭخوا خەلق جۇمھۇريىتى جىنايى ئىشلار قانۇنى» نىڭ 234-ماددىسىدىكى بەلگىلىمە بويىچە جىنايى جازا بىرىشكە تىگىشلىك. جاۋابكارغا جىنايى جازا ئۆلچىگەندە جىنايىتىنى تۇنۇپ قىلمىشنى ئەينەن ئىقرار قىلغانلىغى، جىنايىتىنىڭ جەمئىيەتكە كەلتۈرگەن ئىجتىمائى تەسىرى ۋە خەۋپى قاتارلىق تەرەپلەرنى نەزەرگە ئېلىپ جىنايى جازا ھۈكۈم قىلىش كېرەك. شۇڭا «جۇڭخوا خەلق جۇمھۇريىتى جىنايى ئىشلار دەۋا قانۇنى» نىڭ 176-مادىسىدىكى بەلگىلىمىسىگە ئاساسەن ئەيىپلەندى.

تەپتىش: ئايشەمگۈل ئابدۇسەمەت

پۈتۈكچى: ئامانگۈل تۇرسۇن

2020-يىلى 9-ئاينىڭ 8-كۈنى

ئىزاھات: (1) 10نۇسخا ئەيىپنامە، بىر توپلام تەھىققلەش دېلوسى سوتقا يوللاندى.

(2) جاۋابكار ھازىر ئائىلىسىدە كېپىلدە، ئالاقىلىشىش نومۇرى: XXXX

               (3) جىنايىتىنى تونۇش، جازانى قوبۇل قىلىش تىلخەتنامىسىدىن بىر نۇسخا يوللاندى.