起诉书（霍某某危险驾驶案）

شىنجاڭ ئۇيغۇر ئاپتونوم رايونى

ئۈرۈمچى شەھىرى سايباغ رايونلۇق خەلق تەپتىش مەھكىمىسىنىڭ

ئەيىبنامىسى

                                  ئۈ ش س ت 2-باشقارما [2020] يىللىق: 139- نومۇرلۇق

ئۈرۈمچى شەھىرى سايباغ رايونلۇق خەلق سوت مەھكىمىسىگە:

جاۋابكار ش**، ئەر، 1986-يىلى **-ئاينىڭ**-كۈنى تۇغۇلغان، ئۇيغۇر، كىملىك نومۇرى: ********6523251986، ئالى تېخنىكوم مەدەنىيەت سەۋىيىسىگە ئىگە، نوپۇسى تۇرۇشلۇق جايدىكى ئادرىسى: شىنجاڭ ئۇيغۇر ئاپتونوم رايونى گۇچۇڭ ناھىيىسى**بازىرى ** كەنتى **-گۇرۇپ**-نومۇر، تۇتۇلۇشتىن بۇرۇن شەھىرىمىزنىڭ تىيانشان رايونى ** -قارار **-بىنا **-ئىشىك **-ئۆيدە ئولتۇرۇشلۇق. 2020-يىلى 4-ئاينىڭ 13-كۈنى ماتورلۇق قاتناش ۋاستىلىرىنى خەتەرلىك ئۇسۇلدا ھەيدەش جىنايى قىلمىشىغا چېتىشلىق بولغانلىقى ئۈچۈن ئۈرۈمچى شەھەرلىك ج خ ئىدارىسى قاتناش باشقۇرۇش ئىدارىسى تەرىپىدىن تەكشۈرۈپ بىرتەرەپ قىلىنغىچە ئائىلىسىگە كېپىلگە بېرىلگەن.

ئۈرۈمچى شەھەرلىك ج خ ئىدارىسى قاتناش باشقۇرۇش ئىدارىسى تىيانشان رايونلۇق شۆبىسى تەھقىقلەشنى ئاياقلاشتۇرۇپ مەھكىمىمىزنىڭ تەكشۈرۈپ ئەيىبلىشىگە يوللىغان، جاۋابكار ش**نىڭ ماتورلۇق قاتناش ۋاستىلىرىنى خەتەرلىك ئۇسۇلدا ھەيدەش جىنايى دېلوسىنى 2020-يىلى 5-ئاينىڭ 7–كۈنى تاپشۇرۇپ ئالغاندىن كېيىن، شۇ كۈنى جاۋابكارغا بارلىق دەۋا ھوقوقىنى، ھەمدە جىنايىتىنى تونۇپ جازانى قوبۇل قىلغاندىن كېيىنكى كېلىپ چىقىدىغان قانۇنىي ئاقىۋەتنى ئۇقتۇردۇق، جاۋابكاردىن قانۇن بويىچە سۇئال سوراپ، بارلىق دېلو ماتېرىياللىرىنى تەكشۈردۇق.

قانۇن بويىچە تەكشۈرۈپ ئېنىقلىشىمىزچە:

2020-يىلى 4-ئاينىڭ 9-كۈنى سائەت 22:48 لەردە، جاۋابكار ش**ھاراق ئىچىپ، مەسىت ھالەتتە 新***** نومۇرلۇق كىچىك تىپتىكى ئاپتوموبىلىنى شەھىرىمىزنىڭ تىيانشان رايونى يۆجىن كوچىسى خېيجياسەن ساقچىخانىسى قارشى تەرەپ يول بۆلىكىدە ھەيدەپ قوزغۇشىغا، ئوخشاش يۆلىنىشتە كېتىۋاتقان ئې** ھەيدىگەن *****新نومۇرلۇق ماشىننى سوقۇپ، قاتناش ھادىسىسى تۇغدۇرغاندىن كېيىن، خەلققە قولايلىق ساقچى پونكىتى ساقچىلىرى تەرىپىدىن تۇتۇلۇپ، قاتناش ساقچىلىرى تەكشۈرۈش ئارقىلىق جاۋابكارنىڭ ھەر 100 مىللىلىتىر قان تەركىبىدە 126 مىللىگرام ئىسپىرت ماددىسىنىڭ بارلىقى ئېنىقلانغان.

يۇقارقى پاكىت تۆۋەندىكى دەلىل-ئىسپاتلارغا ئاساسەن بېكىتىلدى:

1)​ يازما ئىسپات: جاۋابكارنىڭ سالاھىيەت ئىسپاتى، تۇتۇلۇش جەريانى، جاۋابكارنىڭ ئاپتوموبىل ۋە شوپۇرلۇق ئۇچۇرى، جاۋابكارنىڭ قېنىنى ئېلىپ تىزىملاش جەدىۋىلى ۋە ئەدلىيەلىك باھالاش ھاۋالەنامىسى، باھالاش پىكىرنامىسىنى ئۇقتۇرۇش قەغىزى، كېلىشىمنامە؛

2)​ گۇۋاھچىلارنىڭ گۇۋاھلىقى؛

3)​ جاۋابكارنىڭ ئىقرارى؛

4)​ باھالاشنامە: شىنجاڭ قاتناش پەن-تەتقىقات ئاكادىمىيىسى ئەدلىيىلىك تەكشۈرۈپ باھالاش مەركىزىنىڭ [2020] *****-نومۇرلۇق ئەدلىيىلىك باھالاشنامىسى؛

5)​ نەق مەيدان تەكشۈرۈش خاتىرىسى ۋە كۆرۈنۈشى، ماشىنا زەخمە خاتىرىسى، قاتناش ھادىسىسى تەكشۈرۈش دوكلاتى، يول قاتناش ھادىسىسى ئېتراپنامىسى؛

6)​ نەق مەيداندىن تارتىلغان سۈرەتلەر ۋە سىن ماتېرىيالى؛

مەھكىمىمىزنىڭ قارىشىچە: جاۋابكار ش**نىڭ دۆلەت قانۇنىنى كۆزگە ئىلماي، ھاراق ئىچىپ، مەست ھالەتتە ماشىنا ھەيدىگەن قانۇنسىز قىلمىشىدىن ماتورلۇق قاتناش ۋاستىلىرىنى خەتەرلىك ئۇسۇلدا ھەيدەش جىنايىتى شەكىللىنىدۇ. دېلونىڭ پاكىتى ئېنىق، دەلىل-ئىسپاتى تولۇق ۋە راست، جاۋابكارنىڭ جىنايى جاۋابكارلىقىنى «جۇڭخۇا خەلق جۇمھۇرىيىتى جىنايى ئىشلار قانۇنى» نىڭ 133-ماددىسى 1-مەزمۇنى 1-تارمىقىنىڭ بەلگىلىمىسىگە ئاساسەن سۈرۈشتۈرۈشكە تېگىشلىك. شۇڭا جاۋابكارنى «جۇڭخۇا خەلق جۇمھۇرىيىتى جىنايى ئىشلار دەۋا قانۇنى» نىڭ 176-ماددىسىنىڭ بەلگىلىمىسىگە ئاساسەن مەھكىمەڭلارغا ئەيىبلىدۇق. سىلەرنىڭ جاۋابكارنىڭ جىنايىتىگە قانۇن بويىچە جازا ھۆكۈم قىلىشىڭلارنى سورايمىز.

 ھۆرمەت بىلەن:

                         تەپتىش: گۈلباھار ئابدۇرېشىت

                     تەپتىش ياردەمچىسى: ئەزھەر ئەخمەت*

                      2020-يىلى 5-ئاينىڭ 22-كۈنى

ئەسكەرتىش: 

1)​  جاۋابكار ھازىر ئائىلىسىدە كېپىلدە (***********). 

2)​  دېلو ماتېرىيالى 2 توپلام، تىز كېسىم چىقىرىش تەرتىپنى قوللىنىش تەكلىپى، ئەيىبنامە، جازا ئۆلچەش تەكلىپى قاتارلىقلار بىرگە يوللاندى.

3)​ جىنايىتىنى تونۇپ، جازانى قوبۇل قىلىشنامە بىر نۇسخا يوللاندى.