起诉书（马某某交通肇事案)

شىنجاڭ ئۇيغۇر ئاپتونوم رايونى 

كۇچا ناھىيىلىك خەلق تەپتىش مەھكىمىسىنىڭ

ئەيىبنامىسى 

                               ك ت جىنايى ئىشلار 1-بۈلۈم ئەيىبلەش چىقىش (2020)169-نومۇرلۇق

كۇچا ناھىيلىك خەلق سوت مەھكىمىسىگە : 

جاۋابكار مX، ئەر ، ئۇيغۇر ، 1991-يىلى 07–ئاينڭ 07-كۈنى تۇغۇلغان ، كىملىك نومۇرى : ********6529231991 ، تۇلۇقسىز ئوتتۇرا مەدەنىيەت سەۋىيىسىگە ئىگە  ، كەسپى : دېھقان ، شىنجاڭ كۇچا ناھىيسىدىن ، نوپۇسى تۇرۇشلۇق ئورۇن ۋە ھازىرقى ئولتۇرۇشلۇق ئادرىسى :  كۇچا ناھىيە * بازىرى *-كەنىت *-گۇرۇپپا ***-نۇمۇر ، ئىلگىرى جازالانمىغان .

قاتناش ھادىسىسى سادىر قىلىش جىنايىتى گۇمانى بىلەن ، 2019-يىلى 07-ئاينىڭ 06-كۈنى كۇچا ناھىيلىك ج خ ئىدارىسى تەرىپىدىن تەكشۈرۈپ بىر تەرەپ قىلىنغىچە ئائىلىسىگە كاپالەتچىگە بېرىلگەن ، 2020-يىلى 04-ئاينىڭ 03-كۈنى مەھكىمىمىز تەرپىدىن كېپىلگە بىرىلگەن ، ھازىر ئائىلىسىدە .

مەھكىمىمىز كۇچا ناھىيىلىك ج خ ئىدارىسى (2020) 62-نۇمۇرلۇق ئەيىپلەش پىكىرنامىسى بىلەن يوللىغان جاۋابكار مXنىڭ قاتناش ھادىسىسى سادىر قىلىش جىنايىتى دىلوسىنى 2020-يىلى 04-ئاينىڭ 01-كۈنى تاپشۇرۇپ ئېلىپ « جىنايى ئىشلار دەۋا قانۇنى » نىڭ مۇناسىۋەتلىك بەلگىلىمىسىگە ئاساسەن شۇ كۇنى جاۋابكارغا ئاقىلىنشىنى ئادۋۇكاتقا ھاۋالە قىلىشقا ھۇقۇقلۇق ئىكەنلىگىنى ۋە جىنايىتىنى تۇنۇپ جازانى قۇبۇل قىلىشنىڭ كېلىپ چىقىدىغان قانۇنى ئاقىۋىتىنى ئۇقتۇردۇق ، دەۋاگەرلەرگە دەۋا ۋاكالەتچىسىگە ھاۋالە قىلىشقا ھوقۇقلۇق ئىكەنلىكىنى ئۇقتۇردۇق ، جاۋابكارنى قانۇن بويىچە سوراق قىلدۇق ، جاۋابكار ۋە دىجورنى ئادۇۋكاتلارنىڭ پىكرىنى ئالدۇق ، جاۋابكار مەزكۇر دىلونى ئاددى تەرتىپ بىلەن سوت قىلىشقا  قۇشۇلدى ، يۇقارقى تەكشۈرۈشلەردىن كېيىن دىلودىكى دەلىل-ئىسپاتلارنى تەكشۈرۈش ئارقىلىق جىنايى پاكىتىنى تۆۋەندىكىچە ئېنىقلاپ چىقتۇق :

2019-يىلى 06-ئاينىڭ 03-كۈنى سائەت 02:57 مىنۇتلار ئۆتكەندە ، جاۋابكار مX ھاراق ئىچىپ 新N**** نۇمۇرلۇق ماشىنىغا بXنى چىقىرىپ ، كۇچا ناھىيە * شەرقىي يۇلىدا غەرپتىن-شەرققە قاراپ ھەيدەپ مىڭىپ * ماي قاچىلاش پونكىتىنىڭ ئالدىغا كىلىپ سولغا ئايلىنۋاتقاندا ، شۇ يولدا شەرقتىن-غەرپكە قاراپ ماڭغان چX ھەيدىگەن 新N****  نۇمۇرلۇق ئېغىر تىپتىكى يۈك ماشىنىسى بىلەن سۇقۇشۇپ كەتكەن ، نەتىجىدە بXنەق مەيداندا ئۈلۈش ، ئىككى قاتناش ۋاستىسىسى بۇزۇلۇشتەك يول قاتناش ھادىسىسى كىلىپ چىققان . 

كۇچا ناھىيىلىك جامائەت خەۋپىسىزلىك ئىدارىسى قانۇن دوختۇرلۇق ئىلمى جەسەت تەكشۈرۈش باھالاش پىكرىدە : ئۆلگۈچى بXنىڭ ئۈلۈش سەۋەبى قاتناش ھادىسىسىدىن باش قىسمى ، كۆكرەك قىسمى يېپىق خارەكتىرلىك زەخمىلىنىپ ئۆلگەن دەپ بېكىتىلگەن .

كۇچا ناھيىلىك جامائەت خەۋپىسىزلىك ئىدارىسى قاتناش باشقۇرۇش چوڭ ئەترىتىنىڭ قاتناش ھادىسىسى ئېتراپنامىسىدا : مX يۇقارقى ھادىسىدىكى ئاساسلىق مەسئۇليەتنى ئۈستىگە ئالىدۇ ، چX قۇشۇمچە مەسئۇلىيەتنى ئۈستىگە ئالىدۇ ، بX يۇقارقى ھادىسىدىكى مەسئۇليەتنى ئۈستىگە ئالمايدۇ دەپ بېكىتكەن .

دىمەك ، جاۋابكار مXنىڭ يۇقارقى قىلمىشىدىن قاتناش ھادىسىسى جىنايىتى شەكىللىنىدۇ .

يۇقارقى پاكىتنى يازما ئىسپات ، گۇۋاھچىلارنىڭ گۇۋاھلىقى ، جاۋابكارنىڭ ئىقرارى ۋە ئۆزىنى ئاقلىشى ، باھالاش پىكرى ، تەكشۈرۈش ئېنىقلاش خاتىرسى ، ئۈن سىن ماتىرياللىرى قاتارلىق دەلىل-ئىسپاتلار ئىسپاتلايدۇ .

دىلونىڭ پاكىتى ئېنىق ، دەلىل-ئىسپاتى راست ۋە تۇلۇق بېكىتىشكە بولىدۇ . جاۋابكارنىڭ بېكىتىلگەن جىنايەت پاكىتى ۋە دەلىل-ئىسپاتلارغا قارتا پىكرى يوق ، ئۆزلىكىدىن جىنايتىنى تۇنۇپ جازانى قۇبۇل قىلىدۇ .

مەھكىمىمىز يول–قاتناش تىرانسىپورت ئىشلىرىنىڭ راۋانلىقىغا ۋە جامائەت بېخەتەرلىكىگە كاپالەتلىك قىلىش ئۈچۈن ، جاۋابكار مXنى «جۇڭخۇا خەلق جۇمھۇريىتى جىنايى ئىشلار قانۇنى» نىڭ 133-ماددا 1-تارماقدىكى ، 67-ماددا 3-تارماق بەلگىلمىسى بويىچە جىنايەت بېكىتىپ جازا ئۆلچەپ «جۇڭخۇا خەلق جۇمھۇريىتى جىنايى ئىشلار دەۋا قانۇنى» نىڭ 176-ماددىسىدىكى بەلگىلىمە بويىچە مەھكىمىڭىزلەرگە ئەيىبلىدۇق.  

ھۆرمەت بىلەن: 

                             تەپتىش: گۈزەلنۇر ئەخمەت 

                           2020-يىلى 04-ئاينىڭ 27-كۈنى

ئەسكەرتىش:

1 .جاۋابكار مX ھازىر ئائىلىسىدە . 

2. بىر توپلام تەھقىقلەش دىلو ئارخىپى ، 9 نۇسخا ئەيىبنامە ، 2 نۇسخا جازا ئۆلچەش تەكلىپنامىسى ، ئاددى تەرتىپنى قوللىنىش تەكلىپنامىسى ، جىنايىتىنى تۇنۇپ جازانى قۇبۇل قىلىش ئىتىراپنامىسى ، جىنايى ئىشلار قۇشۇمچە ھەق-تەلەپ ئەرزى بىرگە يوللاندى .