起诉书（麦某某交通肇事案）

　　شىنجاڭ ئۇيغۇر ئاپتۇنۇم رايۇنى

ئاقسۇ شەھەرلىك خەلق تەپتىش مەھكىمىسىنىڭ

ئەيىبنامىسى

                                        ئا ش ت ئەيىبلەش (2019) 35-نۇمۇرلۇق

ئاقسۇ شەھەرلىك خەلق سوت مەھكىمىسىگە:

    جاۋابكار مXX، ئەر، ئۇيغۇر، 37ياش، كىملىك نومۇرى: 6529011978XXXXXXXX، دېھقان،تۇلۇقسىز مەدەنىيەت سەۋىيسىگە ئىگە، كىپىلگە بېرىلىشتىن ئىلگىرى : ئاقسۇ شەھەر XX مەيدان XX كەنت XX-گۇرۇپ XX-نومۇردا ئولتۇرۇشلۇق، ئىلگىرى جازالانمىغان. 2019-يىلى 1-ئاينىڭ 16-كۈنى ئاقسۇ شەھەرلىك ج خ ئىدارىسى تەرىپىدىن تەكشۈرۈپ بىرتەرەپ قىلىنغىچە كىپىلگە بېرىلگەن، ھازىر ئائىلىسىدە.

ئاقسۇ شەھەرلىك ج خ ئىدارىسى مەزكۇر دىلونى تەھققىلەشنى ئاخىرلاشتۇرۇپ 2019-يىلى 7-ئاينىڭ 25-كۈنى (2019) XX-نۇمۇرلۇق ئەيىبلەش پىكىرنامىسى ئارقىلىق مەھكىمىمىزنىڭ تەكشۈرۈپ ئەيىبلىشىگە يوللىدى، مەھكىمىمىز دىلونى تاپشۇرۇپ ئېلىپ، جاۋابكارغا ھوقۇق-مەجبۇريەتلىرى ئۇقتۇرۇپ قۇيۇلدى، ۋە قانۇن بويىچە سۇئال سوراپ، بارلىق دىلونى تەكشۈرۈشنى ئاخىرلاشتۇردى. 

قانۇن بويىچە تەكشۈرۈپ ئېنىقلىشىمىزچە:

      2018-يىلى 12-ئاينىڭ 10-كۈنى سائەت 9:15 لەردە ئالاقىدار مXX ئۆزىنىڭ نامىدىكى 新电NXXXX نومۇرلۇق ئۈچ چاقلىق توكسىكىلىتىنى پىراۋىسىز ھەيدەپ ، ئاقسۇ شەھىرى XX-لىنىيىسىدە جەنۇپتىن شىمالغا قاراپ مېڭىپ 8 كىلومىتىرلىق جايغا كەلگەندە ئۆزى بىلەن ئوخشاش يۆلىنىشتە يولنىڭ ئوڭ تەرىپىدە پىيادە مېڭىۋاتقان ئالاقىدار سXXنى سوقىۋەتكەن ، سXX يارلىنىپ ، ئاقسۇ XX دوختۇرخانىدا قۇتقۇزۇش ئۈنۈم بەرمەي شۇ كۈنى قازا قىلغان ، ھادىسىدىن كېيىن مXX نەق مەيداندىن قېچىپ كىتىپ ، شۇ يىلى 12-ئاينىڭ 11-كۈنى تۇتۇلغان ، ئاقسۇ شەھەرلىك ج خ ئىدارىسى قXX چوڭ ئەتىرتىنىڭ ھادىسە ئېتىراپ نامىسىدە جىنايەت گۇماندارى مXX ھادىسىنىڭ پۈتۈن مەسئۇلىيتىنى ئۈستىگە ئالىدۇ ، زىيانلانغۇچى سXX ھادىسىنىڭ مەسئۇلىيتىنى ئۈستىگە ئالمايدۇ دەپ بېكىتىلگەن. ھادىسىدىن كېيىن جاۋاپكار مXX ھادىسىدە قازا قىلغۇچى سXXنىڭ ئائىلە تاۋاباتىنىڭ ئەپۇسىغا ئېرىشمىگەن .

يۇقارقى پاكىتنى يازما ئىسپات، گۇۋاھچىلارنىڭ گۇۋاھلىقى، جاۋابكارنىڭ ئىقرارى، ئېنىقلاش تەكشۈرۈش خاتىرىسى قاتارلىق دەلىل-ئىسپاتلار ئىسپاتلايدۇ.

مەھكىمىمىز جاۋابكار مXXنىڭ يۇقارقى قىلىمىشى «جۇڭخۇا خەلق جۇمھۇرىيتى جىنايى ئىشلار قانۇنى» نىڭ 133-ماددا 2-تارماق بەلگىلمىسىگە خىلاپ، جىنايەت پاكىتى ئېنىق، دەلىل-ئىسپات تۇلۇق، قاتناش ھادىسىسى سادىر قىلىش جىنايىتى بىلەن جىنايى جاۋابكارلىقىنى سۈرۈشتۈرۈشكە تىگىشلىك، جاۋابكار XXنىڭ قىلىمىشى «جوڭخۇا خەلق جۇمھۇريىتى جىنايى ئىشلار دەۋا قانۇنى» نىڭ 15-ماددا بەلگىلىمىسىگە ئۇيغۇن، شۇڭا جاۋابكار مXXنىڭ جىنايىتىگە مۇددەتلىك 5 يىللىق قاماق جازاسى بېرىش مۇۋاپىق دەپ قاراپ «جوڭخۇا خەلق جۈمھۇريىتى جىنايى ئىشلار دەۋا قانۇنى» نىڭ 176-ماددا بەلگلىمىسگە ئاساسەن قانۇن بويىچە ھۆكۈم قىلىشىڭىزلار ئۈچۈن ئەيىبلىدۇق، جاۋابكار مXXقا «جوڭخۇا خەلق جۇمھۇريىتى جىنايى ئىشلار دەۋا قانۇنى» نىڭ 172-ماددا بەلگىلىمىسى بويىچە تىز كىسىم تەرتىپىنى قوللۇنۇپ ھۆكۈم قىلىشىڭىزلار ئۈچۈن تەكلىپ بېرىمىز. 

تەپتىش: پەرھات چاۋار

مۇۋاققەت تەپتىش: ئابدۇسالام تۇرسۇن

2019-يىلى 9-ئاينىڭ 8-كۈنى

ئىزاھات:

1. جاۋابكار ھازىر ئائىلىسدە . ئالاقىلىشىش نومۇرى : XXXX1377947

 2 . 8 نۇسخا ئەيىبنامە، جازاغا قايىل بولۇش تىل خېتى ، بىر بۇسخا جىنايى ئىشلار قوشۇمچە ھەق-تەلەپ ئەرزى ۋە بىر  توپلام تەھقىقلەش دىلو ماتىريالى بىرگە يوللاندى.