阿某某涉嫌危险驾驶案起诉书_阿瓦提县人民检察院

阿瓦提县人民检察院　

起 诉 书

阿瓦提县检一部刑诉〔2020〕167号　

　　ئاۋات ناھىيىلىك خەلق تەپتىش مەھكىمىسىنىڭ

ئەيىبنامىسى

ئا،ت، 1-بۆلۈم، ج، ئە (2020) 167-نۇمۇرلۇق

جاۋاپكار XX، ئەر، ئۇيغۇر، XXXX-يىلى XX-ئاينىڭ XX-كۈنى تۇغۇلغان، كىملىك نۇمۇرى: 652XXXXXXXXXXXXXXX، يۇرتى XX ناھىيە، ئولتۇرۇشلۇق ئورنى XX ناھىيە XX بازارى XX كەنىت XX-گۇرۇپ XX-نۇمۇر، توللۇقسىز ئوتتۇرا مەكتەپ مەدىنىيەت سەۋىيىسىگە ئىگە، ماسسا، دىھقان، ئىلگىرى جازالانمىغان، 2019-يىلى 04-ئاينىڭ 27-كۈنى خەتەرلىك ھەيدەش جىنايەت گۇمانى بىلەن ئاۋات ناھىيىلىك ج خ ئىدارىسى تەرىپىدىن تەكشۈرۈپ بىرتەرەپ قىلىنغىچە كېپىلگە بىرىلگەن، ھازىر ئائىلىسىدە.

ئاۋات ناھىيىلىك ج خ ئىدارىسى جاۋابكار XXنىڭ خەتەرلىك ھەيدەش جىنايىتىگە چېتىشلىق دىلوسىنى تەھقىقلەشنى ئاخىرلاشتۇرۇپ، 2020-يىلى 04-ئاينىڭ 8-كۈنى مەھكىمىمىزگە تەكشۈرۈپ ئەيىبلەشكە يوللىغان. مەھكىمىمىز دىلونى قۇبۇل قىلغاندىن كېيىن قانۇن بويىچە جاۋاپكارغا ئاقلىغۇچى ھاۋالە قىلىشقا ھوقۇقلۇق ئىكەنلىگىنى ئۇقتۇردى، 2020-يىلى 04-ئاينىڭ 17-كۈنى جاۋابكارغا جىنايىتىنى تۇنۇپ جازا بىرىلىش ئېھتىمالى بولغان قانۇنى ئاقىۋەت ئۇختۇرۇپ قويۇلدى، جاۋاپكاردىن سۇئال سورىدى ھەمدە بارلىق دېلو ماتىرياللىرىنى تەكشۈرۈپ، دېلونىڭ پاكىت ۋە دەلىل-ئىسپاتلىرىنى ئېنىقلاپ، بۇ دېلونى تەكشۈرۈشنى ئاخىرلاشتۇردى، جاۋابكار بۇ دىلونى تېز ھۆكۈم قىلىش تەرتىپىنى قوللىنىپ سوت قىلىشقا قوشۇلدى.

قانۇن بۇيىچە تەكشۈرۈپ ئېنىقلىشىمىزچە:

2019-يىلى 04-ئاينىڭ 24-كۇنى سائەت 00:10 ئەتراپىدا، جاۋاپكار XX ھاراق ئىچىپ نۇمۇر تاختىسى يوق ئىككى چاقلىق موتوسىكىلىتنى XX بازىرى XX بىكىتىنىڭ يان تەرىپىدىن غەرىپتىن-شەرق يۆلىنىشىدە ھەيدەپ XX بازىرى XX كەنت XX-گۇرۇپقا كەلگەندە، يولدا ۋەزىپە ئىجرا قىلىۋاتقان چارلاش ساقچىلىرى تەرىپىدىن تۇسۇپ تەكشۇرۇلۇپ ھاراق ئىچىپ ماتورلۇق قاتناش ۋاستىسى ھەيدىگەنلىكى ئېنىقلانغان.

شىنجاڭ خۇاتوڭ قاتناش ھادىسىسى ماددى ئىسپاتى ئەدىلىيىلىك باھالاش ئورنى (2019) XXXX-نۇمۇرلۇق ئەدىلىيىلىك باھالاشنامىسىدە: جاۋاپكار XXنىڭ ھەر 100 مىللىتىر قان تەركىبىدە 181.01 مىللىگىرام ئىسپىرىت مىقدارى بار دەپ يەكۈن چىقارغان.

يۇقارقى پاكىتنى بېكىتىشتىكى دەلىل ئىسپاتلار:

1› يازما ئىسپات 2› جاۋاپكارنىڭ ئىقرارى 3› باھالاشنامە 4› نەق مەيدان تەكشۈرۈش خاتىرىسى، خەرىتىسى، فوتو-سۈرەت قاتارلىقلار بار.
يۇقارقى دەلىل ئسىپاتلارنىڭ توپلىنىش تەرتىپى قانۇنلۇق، مەزمۇنى ئوبىكتىپ ھەقىقى بۇلۇپ، ئەيىبلىگەن جىنايەت پاكىتىنى بېكىتىشكە بۇلىدۇ. جاۋابكارنىڭ ئەيىبلىگەن جىنايەت پاكىتى ۋە دەلىل ئىسپاتقا قارىتا پىكىرى يوق بۇلۇپ، جىنايىتىنى تۇنۇپ، قىلمىشىنى ئېتىراپ قىلىدۇ.

مەھكىمىمىز، جاۋابكار XXنىڭ يۇقارقى قىلىمىشى «جۇڭخۇا خەلق جۇمھۇرىيتى جىنايى ئىشلار قانۇنى» نىڭ 133-ماددا 1-مەزمۇن بەلگىلمىسىگە خىلاپ، جىنايىتىنىڭ پاكىتى ئوچۇق، دەلىل-ئىسپاتى تۇللۇق، خەتەرلىك ھەيدەش جىنايىتى بىلەن جىنايى جاۋابكارلىقىنى سۈرۈشتۈرۈشكە تىگىشلىك، جاۋابكار XXنىڭ قىلىمىشى «جوڭخۇا خەلق جۇمھۇريىتى جىنايى ئىشلار دەۋا قانۇنى» نىڭ 15-ماددا بەلگىلىمىسىگە ئۇيغۇن، جاۋاپكار قىلمىشىنى ئەينەن ئىقرار قىلىدۇ، جاۋاپكارغا جازا ئۆلچىگەندە «جۇڭخۇا خەلق جۇمھۇرىيتى جىنايى ئىشلار قانۇنى» نىڭ 67-ماددا 3-تارماق بەلگىلىمىسىنى قۇشۇپ تەدبىقلاش كېرەك، شۇڭا جاۋابكار XXنىڭ خەتەرلىك ھەيدەش جىنايىتىگە 2 ئاي 15 كۈن تۇتۇپ تۇرۇپ ئەمگەككە سېلىش جازاسى بېرىپ، قۇشۇمچە جەرىمانە قۇيۇش مۇۋاپىق دەپ قاراپ «جوڭخۇا خەلق جۈمھۇريىتى جىنايى ئىشلار دەۋا قانۇنى» نىڭ 176-ماددا بەلگلىمىسگە ئاساسەن قانۇن بويىچە ھۆكۈم قىلىشىڭىزلار ئۈچۈن ئەيىبلىدۇق، جاۋابكار XXغا «جوڭخۇا خەلق جۇمھۇريىتى جىنايى ئىشلار دەۋا قانۇنى» نىڭ 172-ماددا بەلگىلىمىسى بويىچە تىز كىسىم تەرتىپىنى قوللۇنۇپ ھۆكۈم قىلىشىڭىزلار ئۈچۈن تەكلىپ بېرىمىز.

ھۆرمەت بىلەن:

ئاۋات ناھىيلىك خەلق سوت مەھكىمىسىگە

مۇئاۋىن باش تەپتىش: ماھىرە ئابلا

2020-يىل 4-ئاينىڭ 18-كۈنى

قۇشۇمچە: 1› جاۋاپكار XX ھازىر ئائىلىسىدە.

2› 8پارچە ئەيىبلەشنامە بىلەن ج خ ئىدارىسىنىڭ بىر توپلام رازۋېتكا دېلوسى (51 بەت)؛

3›بىر دانە ئوپتىك دېسكا (جاۋاپكارنىڭ ماس قەدەملىك سوراق خاتىرىسى)؛

4› جىنايىتىنى تۇنۇپ جازاغا قايىل بۇلۇش تىلخېتى قاتارلىق ماتىرياللار بىرگە يوللاندى.