阿某某盗窃案起诉书（自然人犯罪认罪认罚）(公开版)

شىنجاڭ ئۇيغۇر ئاپتۇنۇم رايۇنى 

شايار ناھىيەلىك خەلق تەپتىش مەھكىمىسىنىڭ

ئەيىبنامىسى 

 

                                     شايار تەپتىش ج ئە چىقىش (2020)927-نومۇرلۇق

جاۋابكار ئاXX،ئەر، ئۇيغۇر، **19-يىلى **-ئاينىڭ **-كۈنى تۇغۇلغان، كىملىك نومۇرى: 0013********652924، باشلانغۇچ مەكتەپ مەدەنىيەت سەۋىيىسىگە ئېگە، دېھقان،قامىلىشتىن ئىلگىرى توقسۇ ناھىيە ** بازىرى ** يۇلى **-نومۇر **- كورپۇس **-ئىشىك **-نومۇرلۇق ئۆيدە ئولتۇرۇشلۇق. ئوغرىلىق جىنايىتى بۇيىچە 2016-يىلى 6-ئاينىڭ**-كۈنى ** ناھىيىلىك خەلق سوت مەھكىمىسى تەرىپىدىن بىر يىل ئىككى ئايلىق قاماق جازاسىغا ھۆكۈم قىلىنىپ، 2017-يىلى 5-ئاينىڭ **-كۈنى جازا مۇددىتى تۇشۇپ قۇيۇپ بىرىلگەن. ئوغرىلىق جىنايىتى ئۈچۈن 2018-يىلى 2- ئاينىڭ **-كۈنى ** ناھىيىلىك خەلق سوت مەھكىمىسى تەرىپىدىن مۇددەتلىك بىر يىللىق قاماق جازاسى بېرىلىپ، 2018-يىلى 10-ئاينىڭ **-كۈنى جازا مۇددىتى تۇشۇپ قۇيۇپ بىرىلگەن. ئوغرىلىق جىنايىتىگە چېتىشلىق بولغانلىقتىن 2020-يىلى 6-ئاينىڭ 28-كۈنى جىنايى ئىشلار بۇيىچە توختۇتۇپ قۇيۇلۇپ،2020-يىلى8-ئاينىڭ 4-كۈنى قولغا ئېلىنغان. 

شايار ناھىيەلىك جامائەت خەۋىپسىزلىكى ئىدارىسى جاۋابكار ئاXX نىڭ ئوغرىلىق جىنايەت دېلوسىنى تەھقىقلەشنى ئاخىرلاشتۇرۇپ، 2020-يىلى 11- ئاينىڭ 4- كۈنى ش ج خ چىقىش (2020)379- نومۇرلۇق ئەيىبلەش پىكىرنامىسى ئارقىلىق مەھكىمىمىزنىڭ تەكشۈرۈپ ئەيىبلىشىگە يوللىغان. مەھكىمىمىز دېلونى تاپشۇرۇپ ئېلىپ، جاۋابكارغا ئاقلىغۇچىغا ھاۋالە قىلىش ھوقۇقىنىڭ بارلىقىنى ۋە جىنايىتىنى تونۇپ، جازاغا قائىل بولۇشتىن كېلىپ چىقىش ئېھتىمالى بار بولغان قانۇني ئاقىۋەتنى ئوقتۇرۇپ، جاۋابكارنى قانۇن بويىچە سوراق قىلدۇق، جاۋابكار ۋە دىجورنى ئادۋۇكاتنىڭ پىكىرىنى ئاڭلىدۇق. 

قانۇن بويىچە تەكشۈرۈپ ئېنىقلىشىمىزچە: 

جاۋابكار ئاXX 2020-يىلى - 6ئاي مەزگىلدە، توقسۇ ناھىيە ** بازىرى ** مەھەللىسىدىكى ئۆيىنىڭ ئالدىغا توختۇتۇپ قويغان ئاكىسى ئاXX نىڭ ئېگىدارلىقىدىكى ئىككى چاقلىق موتوسىكلىتىنى مىنىپ، شايار ناھىيە بازىرىغا كەلگەندىن كىيىن ئوغرىلىق قىلىىش نىيىتىگە كىلىپ، موتوسىكلىتنى مىنىپ قىزىلبايراق بازىرىغا بېرىپ،نىشان ئىزدەپ يۈرۈپ،قىزىلبايراق بازىرى ** كەنىت3-گوروپتىكى خا XX نىڭ ھويلىسىغا كىرىپ، خا XX نىڭ ئۇخلاپ قالغانلىقىنى كۆرگەندىن كېيىن، تۇيدۇرماي ياتاق ئۆيىگە كىرىپ ئىشكاپنىڭ ئىچىنى ئاقتۇرۇپ، سومكىنىڭ ئىچىدىن500 يۈەن نەق پۇلنى ئېلىپ ئۆيدىن چىقىپ موتسىكىلىتىنى مىنىپ توقسۇ ناھىيىسىگە قايتىپ كەتكەن. دىلو پاش بولغاندىن كىيىن زىيان ئەسلىگە كەلمىگەن .

    جاۋابكار ئاXX -2020 يىلى -6 ئاينىڭ 15-كۈنى كۈندىزى، توقسۇ ناھىيە ** بازىرى ** مەھەللىسىدىكى ئۆيىنىڭ ئالدىغا توختۇتۇپ قويغان ئاكىسى ئاXX نىڭ ئېگىدارلىقىدىكى ئىككى چاقلىق موتوسىكلىتىنى مىنىپ، ئوغرىلىق قىلىش مەقسىتىدە، تويبولدى بازىرىغا بېرىپ، تويبولدى بازىرى ** كەنت **-گۇرۇپ تەۋەسىدىكى ئە XX نىڭ ئۆيىگە كىرىپ، ھويلىدىكى كارۋاتنىڭ ئۈستىگە قويۇپ قويغان بىر دانە  (VIVO) ماركىلىق 360يۈەن قىممىتىدىكى يانفۇننى ئوغرىلاپ چىقىپ، توقسۇ ناھىيەسىگە ئاپىرىپ، تۇنىشى ر XX غا قەرىزگە ھىسابلاپ بېرىۋەتكەن. دىلو پاش بولغاندىن كىيىن زىيان ئەسلىگە كەلگەن .

   جاۋابكار ئاXX 2020-يىلى -6 ئاي مەزگىلدە، شايار ناھىيە ** بازىرى ** ئاھاللار كومېتېتى تەۋەسىدە ئوغرىلىق قىلىش مەقسىتىدە، شايار ** بازىرى ** يولى -10كوچا   -50نومۇرلۇق قورودىكى م XX نىڭ ئۆيىگە كىرىپ، م XX نىڭ ئۇخلاپ قالغان پۇرسىتىدىن پايدىلىنىپ، كارۋاتنىڭ ئۈستىدە توكقا چېتىپ قويغان قىزىل رەڭلىك 550يۈەن قىممىتىدىكى (OPPO A1) ماركىلىق تېلفۇننى ئوغرىلاپ ئېلىپ چىقىپ،توقسۇ ناھىيەسىگە ئاپىرىپ تۇنىشى ئېXX قا بېرىۋەتكەن، دىلو پاش بولغاندىن كىيىن زىيان ئەسلىگە كەلگەن .

 جاۋابكار ئاXX  -2020يىلى 6-ئاينىڭ 18-كۈنى كۈندىزىدە ئوغرىلىق قىلىش مەقسىتىدە، ئاكىسى ئاXX نىڭ ئىككى چاقلىق موتوسىكلىتىنى مىنىپ، قايلور بازىرىغا كىلىپ، قايلور بازىرى** كەنت -2گوروپ-** نومۇرلۇق ئۆيگە كىرىپ، ئاXX نىڭ ھويلىدىكى كارۋات ئۈستىدە ئۇخلاپ قالغانلىقىنى كۆرۈپ، ئوڭ تەرەپتىكى ياتاق ئۆيگە كىرىپ، م *XX ئېگىدارلىقىدىكى بىر دانە ئالتۇن بىلەيزۈك، ئىككى دانە ئالتۇن ئۈزۈك، بىر جۈپ ئالتۇن ھالقا، زەنجىرگە ئاسىدىغان ئىككى دانە يۈرەك، بىر دانە ئالتۇن زەنجىر بۇلۇپ، جەمئى 22.89گىرام 8675 يۈەن قىممىتىدىكى ئالتۇن زىننەت بۇيۇملىرىنى ئوغرىلاپ ئۆيدىن چىقىپ توقسۇ ناھىيسىگە بېرىپ،يۇقارقى ئالتۇن زىننەت بۇيۇملىرىنى تۇنىشى ئا *XX نىڭ ساقلىشىغا بەرگەن.  دىلو پاش بولغاندىن كىيىن زىيان ئەينەن ئەسلىگە كەلگەن. 

جاۋابكار ئاXX 2020-يىلى 6-ئاينىڭ 21-كۈنى كەچتە، توقسۇ ناھىيە ** بازىرى ** ئولتۇراق رايۇنى **-بېنا **-كورپۇس **-نومۇرلۇق ئاXX نىڭ ئۆيىگە بېرىپ، ئاXX نىڭ ئۆيىدە قۇنۇپ قېلىپ، ئاXX نىڭ دىققەت قىلمىغان پۇرسىتىدىن پايدىلىنىپ، ئوغرىلىق قىلىش نىيتىگە كىلىپ، ئاXX نىڭ ياتاق ئۆيىدىكى كىيىم ئىشكابىنىڭ ئىچىدىكى چاپاننىڭ يانچۇقىنى ئاختۇرۇپ، چاپاننىڭ ئىچ يانچۇقىغا سېلىپ قويغان 2000يۈەن نەق پۇلنى ئوغرىلاپ، ئاXX نىڭ ئۆيىدىن چىقىپ كەتكەن. دېلو پاش بولغاندىن كىيىن زىيان ئەسلىگە كەلمىگەن.

ئۇمۇمەن، جاۋابكار ئاXX توقسۇ، شايار ناھىيسىدە، كۆپ قېتىم دېلو سادىر قىلىپ، بەش زىيانلانغۇچىنىڭ جەمئى 12085.00يۈەن قىممىتىدىكى مال- مۈلكىنى ئوغرىلىغان، دېلو پاش بولغاندىن كىيىن 9585.00 يۈەن زىيان ئەسلىگە كەلگەن، قالدى 2500يۈەن زىيان ئەسلىگە كەلمىگەن.

يۇقارقى پاكىت يازما ئىسپات، زىيانلانغۇچىنىڭ بايانى، گۇۋاھچىلارنىڭ گۇۋاھلىغى، جاۋابكارنىڭ ئىقرارى، ئېنىقلاش-تەكشۈرۈش خاتىرسى، باھالاش يەكۈنى قاتارلىق دەلىل-ئىسپاتلارغا ئاساسەن بېكىتىلدى.

يۇقارقى دەلىل-ئىسپاتلارنىڭ ئېلىنىش تەرتىپى قانۇنلۇق، مەزمۇنى ئوبىكتىپ ۋە راسىت، شىكايەت قىلىنغان پاكىتنى تۇلۇق بىكىتىشكە بولىدۇ. جاۋابكارنىڭ شىكايەت قىلىنغان جىنايەت پاكىتى ۋە دەلىل-ئىسپاتلارغا قارتا باشقىچە پىكىرى يوق ھەمدە ئۆز ئىختىيارلىقى بىلەن جىنايىتىنى تونۇپ، جازاغا قائىل بولغان.

مەھكىمىمىز مۇنداق قارايدۇ: جاۋابكار ئاXX نىڭ قانۇنسىز ئېگەللىۋېلىش مەقستىدە، باشقىلارنىڭ كۆپرەك مىقداردىكى مال-مۈلكىنى يۇشۇرۇن ئېلىۋالغان  قىلمىشىدىن ئوغرىلىق جىنايىتى شەكىلىنىدۇ. دېلونىڭ پاكىتى ئېنىق، دەلىل-ئىسپاتى راسىت ۋە تۇلۇق، جاۋابكار تەھقىقلەش باسقۇچىدا جىنايىتىنى ئەينەن ئىقرار قىلىپ تاپشۇرغان، تەكشۈرۈپ ئەيىبلەش باسقۇچىدا جىنايىتىنى تۇنۇپ، جازاغا قائىل بولغان، جاۋابكار ئاXX كە «جۇڭخۇا خەلق جۇمھۇرىيىتى جىنايى ئىشلار قانۇنى» نىڭ 264-، 65-ماددىسىدىكى، 67-ماددا 3-تارمىقىدىكى بەلگىلىمە بۇيىچە جازا بىرىشكە تىگىشلىك. پۇخرالارنىڭ قانۇنلۇق مال-مۈلكىنىڭ دەخلىسىزلىگىنى قانۇنى كاپالەتكە ئېگە قىلىش ئۈچۈن، « جۇڭخۇا خەلق جۇمھۇرىيىتى جىنايى ئىشلار دەۋا قانۇنى » نىڭ15-، 176-ماددىسىغا ئاساسەن مەھكىمىڭىزلارغا ئەيىبلىدۇق، قانۇن بۇيىچە ھۆكۈم قىلىشىڭلارنى سورايمىز. 

 

       ھۆرمەت بىلەن:

                     شايار ناھىيىلىك خەلق سوت مەھكىمىسىگە

    

2020يىلى  11-ئاينىڭ 4-كۈنى 

 

جاۋابكارنىڭ «جىنايىتىنى تۇنۇپ، جازاغا قائىل بۇلۇش خېتى» دېلو بىلەن بىرگە يوللاندى.